|
Re: يا وهبة (بلوغريثم المعاني) (Re: فيصل نوبي)
|
Quote: إشتري ليك آيفون عشان يترجم ليكـ |
علي الطلاق يا فيصل القصة دي معقداني عديل تصدق ؟ يومتها قاعد لي مع فرد مرطبين وكدا .. واحد منهم قابضنا ليك الواتس أب ومابعرف ليك شنو كدا وانا قاعد زي الضب ما قادر اشارك في الونسة شفت المغسة دي كيف ؟ المهم انا ما عندي طريقة امتلك الاي فون دا ... لكن شحدت هشام هباني واحد بعد ما اديتو نصائح يعمل بيها في ملتقى ايوا الجاي ويكون قريب من مصادر التمويل والمنح والهبات انا متعشم فيهو كتير ..لكن غير كدا ما عندي طريقة يلا نبذ ساي قشة ما تعتر ليك
| |
|
|
|
|
|
|
Re: يا وهبة (بلوغريثم المعاني) (Re: عبدالوهاب علي الحاج)
|
يا وهبة واتس اب شنو ياخ هسي في برامج جديدة ممكن تشوف ليك الرئيس وين في ياتو مستشفي و تجي و نشبكك يا طوربيد و جيم سري (تلاتة) ناهيكـ عن كاشف الطيارات
_ وهبة ياخ الزول يسمعكـ ابلآيفون و إنت لي هسي شايل ليكـ ربيكا ؟ ما شوشتا عليهو ياخ !
| |
|
|
|
|
|
|
Re: يا وهبة (بلوغريثم المعاني) (Re: Faisal Elrasheed)
|
علي الطلاق يا دوب فهمت الحاصل شنو .. انا مما لقيت الوغد ود الرشيد متداخل طوالي جريت على الكبانية ونقشت الفلم هههههههههههههههههههههههههههههههههههههههه شكيت محنكم علي الله .. بالله هو الموضوع كدا ؟ وانا من امس راسي يودي ويجيب يا ربي فيصل دا قاصد شنو ؟ ههههههههههههههههههههههههههه
هوي يا فيصل الراجل دا جارنا هنا وقرينا المراحل الـثلاثة سوا ما بقدر اطعمج فيهو .. رغم انو الموضوع دا يحز في نفسي كثيرا
| |
|
|
|
|
|
|
Re: يا وهبة (بلوغريثم المعاني) (Re: عبدالوهاب علي الحاج)
|
يا نوبي .. يعني مثلا .. وهبـة بي الكتاب الكبير الكان بدونا ليهو في المتوسط داك واللا الحنك شنـو ..؟ بعدين طالما انو في فيصل الرشيد .. معناتو الموضوع دا يحتاج مزيدا من البحث والتمحيص ..
Quote: رغم انو الموضوع دا يحز في نفسي كثيرا |
.. ماف مشكلة يا وهبــة .. ارسم لينا خارطة الطريق وامسح لي الباقي في وش فيصل الرشيد دا .. يعني الميزة شنو ..؟ الميزة انو اطلع منها
| |
|
|
|
|
|
|
Re: يا وهبة (بلوغريثم المعاني) (Re: طارق جبريل)
|
Quote: يعني مثلا .. وهبـة بي الكتاب الكبير الكان بدونا ليهو في المتوسط داك واللا الحنك شنـو ..؟ |
والله يا تمبس شرطته عيني وسط حشد الادباء القاعدين جنبي ديل
اقول ليك قوله ... حاول استعين بصديق ...
بشرط ...
عنده ايفون
| |
|
|
|
|
|
|
Re: يا وهبة (بلوغريثم المعاني) (Re: Faisal Elrasheed)
|
عليك الله فكنا بلا نضارات معاك .. داءما جايب البلاوي دي والكفاوي دي .. انا زول نوكيابي .. زي وهبـه دا واااحد .. الحركات بتاعت الايفون دي ,, ما عندي ليها طولة بااال .. ولا عندي ليها زمن ياخ اديك ميزة ..؟ حسع اللاب توب الشغال بيهو دا ما عندي ليهو اخلاق ولو كترته كلامك احتمال افنك بيهو حسسسع دي
| |
|
|
|
|
|
|
Re: يا وهبة (بلوغريثم المعاني) (Re: tmbis)
|
Quote: حسع اللاب توب الشغال بيهو دا ما عندي ليهو اخلاق ولو كترته كلامك احتمال افنك بيهو حسسسع دي |
يعني داير ( تحندكني) بي لابطوبك والا شنو ؟؟
ثم تانيا انا قلت ليك ياخ شوف واحد من اصحابك يكون شايل ليه ايفون معقول حلتكم هناك كولها مافيها الاستكس ده !!
| |
|
|
|
|
|
|
Re: يا وهبة (بلوغريثم المعاني) (Re: Faisal Elrasheed)
|
Quote: معقول حلتكم هناك كولها مافيها الاستكس ده !! |
.. Quote: يعني داير ( تحندكني) بي لابطوبك والا شنو ؟؟ |
والله يا فيصل محندكه بس .. لكن زي ما قلت ليك اخوك ما بحب اللت والعجـن والمطاولات .. اديك ميزة ..؟ حسع انا زاتو التلفون دا احتمال كبير الاسبوع الجاي ارخي ليك حنانو .. والله جد .. اصبحت لا احتمل اي رنة جوال شايل لي جهازين بتاعات جوال .. قدامي في المكتب تلاتة اجهزة كمبيوتر .. من محمول لي عادي .. قدامي خمسة خطوط تلفونات بما فيها التحويلات .. في البيت طبعا زميلة البورد زمااان لما الدنيا كانت بي خيرة .. اول ما ايفونكم دا طلع اشتريت ليها النصيبة دي كهدية في احدى المناسبات الرسمية التي ستفرض عليك لما تدخل المعمعة دي .. وقبل فترة آيباد .. وحسع دي اول ما تجي داخل بتلقى على يمينك شاشــة ضخمة جدا ما عارفه كم (كيلو) كدا في الصالون دي ولما تدخل الصالة التانية لي جوه برضو في واحده تانية كم كيلو برضو ما عارف .. ولو اخدته شمالك شوية قبل اوضة النوم بتلقى البلي استيشن فايف .. لو ما خليت بالك من الرسيفرات والنضارات احتمال تكسر ليك تلاتة اربعة وتخسرنا اصلو نوعيتك دي غير خسارتنا ما بتجيب حاجة .. لو ما انتبهته وانت طالع من الحتة بتاعت المطبخ دي .. احتمال الـ (ويي) القاعد في السيب دا سلكو يشنكلك يرميك . لكن اديك ميزة تانية ..؟ حسع بمشي بسال ليك الزميلة .. الحنك العاضي بتاعكم دا معناتو شنو ..في عالم الايفونات ؟ ما يكون عاااجل ساكت حسع انت يا وهبــة فاهم الحاصل دا واللا عايز تطلع بي الجو ساااكت ..؟ يفكوها فيك عايز تفكها فيني انا الما ناقش حاجة دا ..
| |
|
|
|
|
|
|
Re: يا وهبة (بلوغريثم المعاني) (Re: Faisal Elrasheed)
|
Quote: ما يكون عمكـ بتاع العجلة الشيخ (أدينا دعواتكـ) برضو واعدو في الدكان ؟ |
هههههههههههههههههه يازول عمك بتاع العجلة مفتتتتتتتح انت قايلو بتاع قرقوش كمان ؟
______________
Quote: بعدين طالما انو في فيصل الرشيد .. معناتو الموضوع دا يحتاج مزيدا من البحث والتمحيص .. |
بالضبط كدا يا تمبس !! فيصل الرشيد لا يتواجد الا حول صيجان الطعمية فأنظر حولك
____________
Quote: من الصباح لميت لي في صورة مجيهة كدة لي انجلينا قلت ارشك بيها لكن اتقيت فيك الله يا حبيب |
ود جبرين يا حبيب يازول رش ساي الممطورة ما بتابى الرشة يمين كان عندي لي باقي شرارتن ميتي، يوم الخميس بمشي لي عوضية بضرب لي كورتين اللات شوربة قراقير بجي بقسـِّم وحاتك دخلة الشتا دا الشرارة محل طارت ما عرفتها .... مخير الله فا شنو .. رش ساي (المكتولة) ما بتسمع الصايحة
| |
|
|
|
|
|
|
|