|
قبضة حرامى بعد مطاردات وسط ازقت السوق الشعبي امدرمان
|
قبضة حرامى بعد مطاردات وسط ازقت السوق الشعبي امدرمان اليوم ذكرى 21 اكتوبر المجيدة ، يعني لي هذا اليوم يوم عظيم في حياتي بهذا التاريخ نحتفل ونفرح ونغني ولكن في هذا اليوم وهو يوم الاحد 21 اكتوبر2012م وفي تمام الساعة الواحدة ظهرا كنت متواجد في السوق الشعبي امدرمان ومن مطعم عروس الرمال بعد الافطار توجهت الى موقف المواصلات لكي اركب مواصلات الفتيحاب متجهاً الى محطة الفردوس ، واثناء ركوبي في المقعد الرابع من خلف السائق وكنت انا وزوجة اخي عمر بشر ، واثناء الجلوس لاحظ الراكب الذي يجلس في الكرسي الثالث من السائق شخص كبير السن ويحمل في كتفه طفلة واثناء جلوس الشخص كبير السن راغب الراكب شاب يبلغ من العمر 24 سنة وهو ينشل موبايل الرجل المسن فقام الشاب بطرد الحرامي ومن بعد ذلك نزلت ايضاً للفزع فقمنا مع الشاب بمطاردة داخل زحمة السوق الشعبي امدرمان واثناء المطاردة فتر الشاب من مواصلة مطاردته للحرامي فانا لم استسلم فقمت بمواصلة المطاردة لاكثر من ربع ساعة امام الزحام بين زقاقات الدكاكين وفي احد الزقاقات اختفي مني الحرامي فغيرت طريقي الى اتجاه اخر فقمت بقبضه ثم عودة الى عمنا مع طفلته وقلت له دا الحرامي ومن بعده تم تسليمه للشرطة لاجراء اللازم. فقال المسروق مني 600 جنيه ودا مصارف ام الاولاد راقدة في المستشفى والباقي خروف العيد . فقلت يا عمي ابسط ما اقدمه لكم هو القبض على الحرامي وانا احد المواطنين وربنا يجمع مالك. 21 اكتوبر 2012م ذكرى لن تنتهي
|
|
|
|
|
|
|
|
Re: قبضة حرامى بعد مطاردات وسط ازقت السوق الشعبي امدرمان (Re: اسماء الجنيد)
|
الاخ ذو اليد سلامات
والله موقف جميل وشهم منك ربنا يديك العافية.
الحته دى ما فهمتهاQuote: فقال المسروق مني 600 جنيه ودا مصارف ام الاولاد راقدة في المستشفى والباقي خروف العيد |
طيب الراجل اتسرق منو موبايل حسب مراقبة الشاب الآخر. يعنى ال600 جنيه دى كانت مع الموبايل وانلا شنو طيب؟ الشغلانه ما حك بس داير افهم.
كا الود
..................................... سامحونا على المخ التخين!
| |
|
|
|
|
|
|
Re: قبضة حرامى بعد مطاردات وسط ازقت السوق الشعبي امدرمان (Re: aosman)
|
الأخ فوزي, على حسب علمنابأنه خروف العيد في السودان بالميت سبعمية ألف, ما عارف الستمية ألف دي تحصل كيف للمصاريف والخروف كيف؟ ــــــــــــــــــــــــــــــــــــــــــ
الاخ / عثمان كل عام وانت بخير يحتمل مسافر البلد لانو الاسعار رخيصة والبقية مصاريف لزوجته المريضة بالمستشفى
| |
|
|
|
|
|
|
Re: قبضة حرامى بعد مطاردات وسط ازقت السوق الشعبي امدرمان (Re: إسماعيل التاج)
|
بمناسبة 21 أكتوبر: عقبال القبض على كل حرامية ولصوص السياسة. عقبال القبض على كل اللصوص الذين سرقوا ونهبوا الوطن وشردوا الشرفاء وقتلوا المدنيين والأبرياء في كل أنحاء السودان. ـــــــــــــــــــــــــــــــــــــ الاخ/اسماعيل التاج
بالمناسبة سوالك دا في واحد من الاصدقاء في الفيس اجابة ونتمنى من الله التوفيق ان اقوم بالقبض على جميع اللصوص ـــــــــــــــــــــــــــــــــــــــ مداخلة صديق من الفيس بوك 1 Abdolhamaid Norain حياك الله وأبقاك في خدمة المجتمع بس في أكبر حرامي في الخرطوم لو قبضتو لينا أو ساعدتنا علي القبض عليه تكون عملت أكبر حسنة عرفتو منو ؟؟
| |
|
|
|
|
|
|
Re: قبضة حرامى بعد مطاردات وسط ازقت السوق الشعبي امدرمان (Re: Fawzi Babiker)
|
الاخ ذو اليد سلامات
والله موقف جميل وشهم منك ربنا يديك العافية.
الحته دى ما فهمتها
Quote: فقال المسروق مني 600 جنيه ودا مصارف ام الاولاد راقدة في المستشفى والباقي خروف العيد
طيب الراجل اتسرق منو موبايل حسب مراقبة الشاب الآخر. يعنى ال600 جنيه دى كانت مع الموبايل وانلا شنو طيب؟ الشغلانه ما حك بس داير افهم.
كا الود
..................................... سامحونا على المخ التخين! ــــــــــــــــــــــــــــــــــــــــــــــــــــــــــــــــــــــــــ
الاخ / فوزي بابكر
العفو والعافية ومن حقك تسأل وانا اجيب
اما سؤالك في هذه النقطة الشاب المراقب الموقف اتخيل شكل الجزلان شبيه بالموبايل وربنا يسلمك من طخانة المخ وانت عزيز في وطن حدادي مدادي
| |
|
|
|
|
|
|
Re: قبضة حرامى بعد مطاردات وسط ازقت السوق الشعبي امدرمان (Re: اسماء الجنيد)
|
يا سلام يا ذو اليد , والله إتكيفت منك كيف الليلة عفيييييت منك , رجعت الفرحة للراجل المسكين ده ,, ربنا يجازيك خير في عملك ومجهودك ده ,, وكل سنة وإنت طيب إن شاء الله
ـــــــــــــــــــــــــــــــــــــــــــــ
اختي العزيزة/ كل عام وانت بخير لك كل الشكر ومن واجبي اقدم ما استطع من قوة لمساعدة الفقراء والمساكين والمحتاجين من شعب بلادي واتمنى العدالة للجميع وان يكون الشعب عالم بحقوقه واجباته القانونية
| |
|
|
|
|
|
|
Re: قبضة حرامى بعد مطاردات وسط ازقت السوق الشعبي امدرمان (Re: احمد محمد بشير)
|
تمام يا حبيب , شغلك نضيف ان شاء الله صورتو بس بالفيديو عشان يكون عبرة لغيرو. ــــــــــــــــــــــــــــــــــــــــــ لك كل الشكر ود ابا هذا ابسط ما اقدمه للفقراء الذين ليس لهم ظهر وولا قوة
وكان معي الكاميرا ولكن حفاظ على شخصيته لا اريد تصويره وهو شاب في مقتبل العشرينات ما عائز اشهر بيه نسال الله له الهداية وان يكون من اهل الخير
| |
|
|
|
|
|
|
|