|
عندما يتطاول القصار .. يكون الرد هكذا
|
كتب بالامس المدعو صلاح غريبة بوست ######## تطاول فيه على الرمز الوطنى ياسر عرمان مستنداً فى كلامه الهايف على منشور نشر فى الانتباهة .. فكان ردنا كما يلى: عندما يتطاول قصيرى القامة والقدر ويطلقون عبارات وكلمات تشابه قصرهم وقلة قيمتهم على شخصيات لها قيمتها الوطنية وإسمها النضالى وتاريخها الذى لا يستطيع أى حاقد طي صفحاته مهما حاول أن يتطاول .. عندما يتطاول هؤلاء على أولئك يكون الغ رض شئ واحد .. محاولة يائسة للصق إسمهم باسماء المشاهير ورموز الوطن ليقال (كتب النكرة فلان عن زيد أو عبيد) .. فتنشرح أساريره فرحاً بذلك أما الانتباهة التى يستشهد بها النكرة قصير القامة .. فهى معزورة فى كل الخزعبلات التى تنشرها هذه الايام وهى فى حالة جديدة من حالات الهستريا المزمنة التى تعانى منها بعد أن أجبرها المؤتمر الوطنى على إعادة تجرع غيها التى ظلت تخرجه من جوفها النتن طوال الفترة التى سبقت الاتفاق والذى من أبرز مهندسيه وصناعه باقان الذى جفت أقلام الانتباهة فى سبيل سبه والكيل له ولقادة الحركة الشعبية جنوب.. لن يجدي الانتباهة محاولاتها اليائسة لحفظ ماء وجهها المشوه بالاستدارة نحو قادة الحركة الشعبية شمال .. ننصح الانتباهة بان تأكل (سد حنك) فى هذه المرحلة حتى لا يفاجؤها المؤتمر الوطنى بمفاجئة أخرى لا يجدى معها التلفت جنوباً وشمالاً .. وكلمة أخيرة لصاحب البوست .. يستحيل أن تتحقق مقولة (القصار طالوا) .. فان حدث ذلك يكون من الممكن طلوع الفجر من الجهة الغربية.
|
|
|
|
|
|
|
|
Re: عندما يتطاول القصار .. يكون الرد هكذا (Re: د.نجاة محمود)
|
Quote: ياسر عرمان رجل خائن وعميل لدولة اجنبية ما اكثر ولا اقل.وما تشكري لينا الراكوبة في المطرة لما تكتبي الانشاء السمح دا عن ياسر عرمان حتكتبي شنو عن المحجوب والازهري |
ياسر عرمان مناضل وطني غيور قدم جل عمره من اجل قضايا الوطن والكيزان يعرفونه جيدا من ايام الجامعه اما مسالة عميل فهذا راي الكيزان وانا لا اعتقد انك علي علاقة بالكيزان واذا كنت كوزه فهذا موضوع اخر
| |
|
|
|
|
|
|
Re: عندما يتطاول القصار .. يكون الرد هكذا (Re: د.نجاة محمود)
|
مبالغة لاكين ياسر عرمان رجل خائن وعميل لدولة اجنبية ما اكثر ولا اقل.وما تشكري لينا الراكوبة في المطرة لما تكتبي الانشاء السمح دا عن ياسر عرمان حتكتبي شنو عن المحجوب والازهري
ماذا فعل المحجوب والأزهري حيال العنصرية التي عصفت بثلثي البلد؟؟؟ بينما ياسر عرمان يحمد له أنه انتمى -أقله- زواجاً لأرومته الأصلية!
من اختبر منكم/ن أيها الجلابة اللاتي تتندرون بأن الهامش يهرع للتزاوج من سلالتكم النبوية حتى ينال الشفاعة؟
بدأت أشك في مبحثك باسم الغابة والصحراء بكل تأكيد
| |
|
|
|
|
|
|
Re: عندما يتطاول القصار .. يكون الرد هكذا (Re: آدم صيام)
|
Quote: لما تكتبي الانشاء السمح دا عن ياسر عرمان حتكتبي شنو عن المحجوب والازهري |
هكذا تصير الأمور عندما يكون للجهل لسان طويل.
ماذا فعل الأزهري سوى محاولات ضم السودان لمصر قبل الثورة الناصرية، ثم تكريس عنصرية السلطة في السودان بعدها؟
أما المحجوب فهو لم يفعل شيئا في حياته. عاش أفنديا مأمورا ومات أفنديا مامورا. وكان شاهدا (ما شافش حاجة).
ياسر عرمان يناضل بالبندقية من أجل بناء السودان الجديد ومعه كل قوى المهمشين أحفاد المهمشين الذين زحفوا مع المهدي من ماسة وقدير بجبال النوبة ومن دارفور ومن كردفان والنيل الأبيض، فأسقطوا الطغاة في الخرطوم.
| |
|
|
|
|
|
|
Re: عندما يتطاول القصار .. يكون الرد هكذا (Re: حامد بدوي بشير)
|
كمرد إحسان...سلامات.. عندما تم تحليل الصراع فى رواندا بعد المذابح..ووضع اطراف الصراع الرئيسية والثانوية..كانت هناك اذاعة تسمى اذاعة التلال الالف..تبث العنصرية وتنشر العنف والكراهية..وتحث التوتسى على قتل الهوتو..بل وحتى تثير المتعصبين على المعتدلين من التوتساويين ..فصنفت كطرف رئيسي فى الصراع...هى الانتباهة فى السودان...واذا لم تقم بشتم ياسر فعليه أن يراجع مواقفه...اذا شتمتك الانتباهة فانت صاح..امضى للامام..
| |
|
|
|
|
|
|
Re: عندما يتطاول القصار .. يكون الرد هكذا (Re: حامد بدوي بشير)
|
سلامات أختنا إحسان,,Quote: وكلمة أخيرة لصاحب البوست .. يستحيل أن تتحقق مقولة (القصار طالوا) .. فان حدث ذلك يكون من الممكن طلوع الفجر من الجهة الغربية |
فى رأيى البسيط أنه من الخطأ أن ندافع عن ياسر عرمان وأباطيل إتهاماته بالخيانة والعمالة وكل أضغاث أحلام أمثال والطيب مصطفى وتابعه فضل الله وأذنابهم..
فالرجل تاريخه الذى يعلمه أعدائه قبل أصدقائه يكفيه ولو كره هؤلاء..
دعيهم يتنفسون فهاهم يتآكلون بعدائهم التاريخى الذى لن يتوقف يوما وما فعلوه بهذا البلد الطيب وإنسانه يستطيع أى صاحب عقل ومنطق أن يراه بائنا أمامنا الآن!!!
سيموتوا وهم يحاولون إلصاق تهم العمالة والإرتزاق ولن يقدروا.. لا حياء ولا خجل لديهم وليس أمامهم غير إتهام الجميع بأطنان الإتهامات التى حفظناها عن ظهر قلب ,,
وبكرة بنبقى فى الإنبطاحات الشهيرة.. ياسر عرمان رجل محصن ضد أمراض هؤلاء ولا توقفه ولن,,
صلاح غريبة !!!!! معقولة بس!!!
تحياتى.. لك ولقلمك المسنون..
| |
|
|
|
|
|
|
Re: عندما يتطاول القصار .. يكون الرد هكذا (Re: آدم صيام)
|
Quote: يستحيل أن تتحقق مقولة (القصار طالوا) .. فان حدث ذلك يكون من الممكن طلوع الفجر من الجهة الغربية. |
الاخت العزيزة/ احسان
سلام
في هذا الزمان الردئ تفرخت الاقزام لتشوه وجه هذا الشعب.. أقزام لا تعرف غير التسلق والتملق.. ساقطون وساقطات لا يعرفون غير التسكع والالتصاق.. فلا يحلمون بطلوع شمس
لك التحية..
| |
|
|
|
|
|
|
Re: عندما يتطاول القصار .. يكون الرد هكذا (Re: شرف الزاكي)
|
Quote: ماذا فعل المحجوب والأزهري حيال العنصرية التي عصفت بثلثي البلد؟؟؟ بينما ياسر عرمان يحمد له أنه انتمى -أقله- زواجاً لأرومته الأصلية!
من اختبر منكم/ن أيها الجلابة اللاتي تتندرون بأن الهامش يهرع للتزاوج من سلالتكم النبوية حتى ينال الشفاعة؟ |
إنت عقدك دي لازم ترميها في أي مكان....؟؟؟؟
المحجوب قامة لا إنت و لا أي واحد غيرك سواء كان هامش أو مركز يقدر أن ينال منه و بعدين لو عندك مشكلة مع التزاوج من سلالة النبي صلى الله عليه و سلم حلها بعيد و تعال بالله .....
| |
|
|
|
|
|
|
Re: عندما يتطاول القصار .. يكون الرد هكذا (Re: ABUHUSSEIN)
|
العزيزة إحسان.
هاك دي هدية مني.
المناضل دينق.
تحية مسكونة بدعاش المشك ومسنودة بتبريكات الكجور ونيران مباخر المكوك.
أستوقفني حديثك الشيق على المدعو غريبة. وبالمناسبة ولفائدة قراء البورد، لقد أفادني المناضل يوسف كجو وهو خريج طقت وقد زامل المدعوا غريبة في أحدا المراحل الدراسية، وكان معروف بصلاح غريبة (بضم الغين) ويتسأل بأنه بقدرة قادر أصبح أسمه صلاح غريبة. وقد زكر المناضل كجو أن غريبة كانت له عادة سيئة جدا وهو أنه دائمايكون عين الاساتذة ضد الطلاب وهو عضو بارز في شعب الطلاب التابعة للاتحاد الاشتراكي المنحل. ويضيف بأن كل أبناء كردفان الشرفاء يدركون ما حل بمناضلي حي القبة بالابيض وحملة الاعتقالات التي طالتهم والكل يعلم من هو الذي كان من وراء تلك الوشاية وهجمة كلاب أمن النميري على المناضلين. على كل حال نحن نتابع ملاحقتكم للسدنة ونستغرب كيف أن لسان المدعوا غريبة قد تطاول على أولياء نعمته في الاحاديث التي يعجز اللسان عن زكرها وفي الختام نثمن صمودكم وملاحقتكم لقوى الظلام وأتباعها أمثال غريبة وتقبل تحيات مناضلي الجبال وعنهم كربوس تية والاحيمر وعثمان قوعنج.
أخوكم دوما/ صلاح كجور سلارا الجبال السودان الجديد
| |
|
|
|
|
|
|
Re: عندما يتطاول القصار .. يكون الرد هكذا (Re: Deng)
|
تحياتى اخت احسان
Quote: ماذا فعل المحجوب والأزهري حيال العنصرية التي عصفت بثلثي البلد؟؟؟ بينما ياسر عرمان يحمد له أنه انتمى -أقله- زواجاً لأرومته الأصلية!
من اختبر منكم/ن أيها الجلابة اللاتي تتندرون بأن الهامش يهرع للتزاوج من سلالتكم النبوية حتى ينال الشفاعة؟
بدأت أشك في مبحثك باسم الغابة والصحراء بكل تأكيد |
Quote: فقد تعودنا ان نسمع ونري كلاما دائما ما يكون غير منطقي وغير واقعي ودائما ما يكون ايضا خارج حلقة النقاش فما يسمون انفسهم بالمهمشين هم في الحقيقة لا يعرفون كيف يديرون معركتهم منطقيا وحواريا .. فما علاقة الجلابة فيما ذهب اليه كل من اساء الي عرمان ورفاقة ؟ هل كل الجلابه يتفقون علي ذلك الفهم ؟ ثم ماذا نفهم منك وان تسأل ذلك السؤال عن المحجوب والازهري ان ماذا فعلوا بالعنصرية التي عصفت بثلثي البلد؟ سؤال يدل علي انك تجهل تاريخ الرجلين الناصع سياسيا واخلاقيا ويدل علي انك لا تعرف في الاساس من هو الازهري ومن هو المحجوب والا فكيف يفهم مثل ذلك التساؤل وهم ومنذ عقود تحت الثري فقل لنا بالله عليك يا ادم صيام ماذا ننتظر منهم وهم في الرفيق الاعلي ان يفعلوا حيال العنصرية التي عصفت بثلثي البلاد .. عنصرية عبرت عنها انت باختيارك لكلمة جلابه لفئه معينة متهما او مشككا برغم ركاكة اسلوبك فمن الملاحظ ان كل من ركب مركب الهامش صار يصرح بكل ما هو قبيح بحق الشماليين والعرب المعروفين اصطلاحا بالجلابه وهذا دليل علي مرض نفوسكم وحقدكم وضيق للافق وما يؤسف له انه خطاب مثقفيكم ونهج الجاهلين منكم وما اكثرهم فيكفي الازهري فخرا انه من رفع راية استقلال السودان ويكفي المحجوب فخرا انه ناضل سياسيا في وقت كانت فيه السياسة في السودان خالية من عيوب الحرامية والكذب والنفاق والعنصرية والحقد الاعمي والتي انت مبتلي بها والعياذ بالله |
كفيت ووفيت اخى شرف ...الناس ديل غرقانيين فى العنصريه ... الا من رحم ربى منهم... ومابتورعو ابدا انهم يرمو بيها الاخريين ...
| |
|
|
|
|
|
|
Re: عندما يتطاول القصار .. يكون الرد هكذا (Re: ماجدة عوض خوجلى)
|
الرهط الكريم
يا جماعة هوي قصة دا عميل ودا خائن ودا وطني، القصة دي شعر ما عندكم ليهو رقبة.
بكرة دي الاتفاقات بتجي والعميل ببقى وطني والوطني ببقى عميل وهلمجراز
امثلة للسودانيين لعلهم يتذكرون:
سلفا وباقان ايام هجليج وهسه
نائب الرئيس الحالي لمن كان مطلوب عليه القبض وكان عميل هارب
الصادق المهدي ايام تهتدون وايام ترجعون
منى اركو مناوي قبل ابوجا واثنائها وبعدها والان
الفريق قاي الذي يُطار الان وقبلها.
المحجوب ايام حكومته وبعد الانقلاب
الازهري وما قالته مايو
نميري ايام مايو والانتفاضة والانقاذ
السوداني عميل ووطني حسب الظروف السياسية
فلا تبتئسوا
قوموا إلى شمشرتكم وشماركم رحمكم الله
| |
|
|
|
|
|
|
Re: عندما يتطاول القصار .. يكون الرد هكذا (Re: Deng)
|
لك الشكر دينق يا إبن الوطن الواحد .. والتحية عبرك لصلاح كجور .. فى يوم من هذا العام نزل بوست عن صلاح غريبة فى الفيس بوك لكشف ألاعيبه ومحاولاته الفاشلة باللعب على عقول الشباب عبر أربعة حسابات باسمه فى ذلك البوست علق الكثيرون بما يشبه ما ذهب اليه صلاح كجور .. بعضهم كتب عن تجربتهم معه فى السعودية وبعضهم كتب فى نفس المعنى والاتجاه عن تجربتهم معه فى القاهرة .. فمن يهب نفسه للتلصص على الاخرين والانتفاع بذلك .. يجب رفع القناع عنه
| |
|
|
|
|
|
|
Re: عندما يتطاول القصار .. يكون الرد هكذا (Re: د.نجاة محمود)
|
شكراً لكل المداخلات .. من أتفق معنا ومن اختلف .. فقط المدعوة نجاة محمود.. وأشك فى ال( د. ) لذا لم أستخدمها .. فان كانت الدكتوراة أو الدكترة أياً كانت لا تهذب المنطق وترقى بأسلوب الفرد يبقى لا معنى لها .. وحقاً عندما يتطاول القصار يجب الا يكون هناك رد كما قال كمرد هجو مختار ..
| |
|
|
|
|
|
|
Re: عندما يتطاول القصار .. يكون الرد هكذا (Re: ود الباوقة)
|
ما شاء الله مناضلة جديدة خمسة بستم انا الزول البتعجبو مداخلتو لدرجة يشيلها يفتح بيها بوست جديد ويسوق ليها بعرفوا فرحان ببدلة العيد الجديدة وفي الحالة دي بيكون فرحان بي بي فستان العيد والشرايط الملونة
عرمان من شدة ما عميل هو الوحيد الخزل الراهنوا عليهو في الانتخابات الاخيرة لما انسحب وباصاها للبشير بكل تجرد واتساق مع النفس لم اشهد شعبا محبط من شخص مثلما شهدت احباط من راهن علي عرمان يومها
| |
|
|
|
|
|
|
Re: عندما يتطاول القصار .. يكون الرد هكذا (Re: اساسي)
|
يا فرعى إنت.. أنا ما جديدة لكن الما عارف يقول عدس.. ما علينا مش مهم جديدة ولاً قديمة المهم إنه كلامك صح مداخلتنى عا########ى .. لكن ما فتحت بيها بوست للسبب ده .. فتحت البوست عشان أطلع بيها من بوست غريبة وما أروج بيها لي كلامه الهايف ده وعشان إنت تجى تكتب هنا بدل ما تكتب هناك .. وعشان ترجعنى عشرات السنين للفستان الجديد والشرايط الملنة وفرحة العيد السعيد .. فهمت ؟؟؟؟ ولاً أجيب ليك فهامة؟
| |
|
|
|
|
|
|
Re: عندما يتطاول القصار .. يكون الرد هكذا (Re: ود الباوقة)
|
بوست جميل وكتابة اجمل استاذة احسان
يحفز للمشاركة لولا احتمال مزيدا من تعليقات د. نجاة وابو حسين وود الباوقة (بقينا ما نستحمل) __________ حسي اخوي آدم صيام دا مالكم قبلتو عليهو كده؟؟
قال شنو ود عمي دا
حقو الزول يعمل ليهو اغنية "الجلابة سبب الخرابة" ويشغلها ليكم يوماتي لوووووول
اقوم عندي بلحا من شدرا الليلنا في كريمي اقوم اقزقز بيهو يروح لينا مساخة الكيزان ديل
| |
|
|
|
|
|
|
Re: عندما يتطاول القصار .. يكون الرد هكذا (Re: أحمد ابن عوف)
|
Quote: ما شاء الله مناضلة جديدة خمسة بستم انا الزول البتعجبو مداخلتو لدرجة يشيلها يفتح بيها بوست جديد ويسوق ليها بعرفوا فرحان ببدلة العيد الجديدة وفي الحالة دي بيكون فرحان بي بي فستان العيد والشرايط الملونة |
محاولات كبح جماح المراة السودانية لن تجدى فتيلاً مع كمرد احسان ... خمسة بستم دا السرعة الحجم كم شنكل ؟
| |
|
|
|
|
|
|
Re: عندما يتطاول القصار .. يكون الرد هكذا (Re: ABUHUSSEIN)
|
سوف تصفو الليالى بعد كدرتها .... وكل دور إذا ماتم ينقلب
إنتو عارفين السياسة فى السودان زى ورق الوست مره يجييك ورق تدى الناس إسنافيك (يعنى ورق مكرّب ) ومره فرمالة (بلى دينارى ) فى أربعة لو لعب بيهو ولمو فيك (حرفاء ) يسنفكوك فى قبولك وفى لعبك !! وأنا (حالف لو حصل لى زى ده أعتزل الوست !!) . كدى أصبروا بعد قرارات مجلس الامن وشكة أمريكا ربما ظهر عملاء جدد !!!(لكن المحيرنى هناك قضايا هامة جداً جداً وهى الصالح العام للقوات النظامية الشرطة والجيش ) حتى الان ما شفت لى (حركة من حركات دارفور أم الشرق أم الوسط ولا ناس كجبار تبنوا هذه القضية !!!) يا ربى يكونو ضباط الجيش والشرطة الأحالوهم الصالح العام (كلهم جلابة!!!)؟؟!!
| |
|
|
|
|
|
|
Re: عندما يتطاول القصار .. يكون الرد هكذا (Re: بشرى مبارك ود السقاى)
|
القصة ما كدة ، الموضوع ما فيه جلابة ولاّ ماندكورو .. ولكن سنين الانقاذ رسخت فى الناس فجوة واسعة بينهم وبين القوات النظامية خاصة الجيش .. الجيش الذى لم يطلق طلقةّ واحدة على غير أبناء هذا الوطن ، بل وظلّ يحصد أرواح الاف المدنيين فى الجنوب ودارفور ، جبال النوبة والنيل الازرق والشرق .. فكيف ننتظر من الحركالت المسلحة اأن تتبنى قضية الجيش الذى ظلت تحاربه لسنوات عديدة !!!
| |
|
|
|
|
|
|
Re: عندما يتطاول القصار .. يكون الرد هكذا (Re: ABDELMAGID ABDELMAGID)
|
بالجد بطلو دا واسمعو دا الكمرادة الحكامة بقت مجلس اكاديمي وتشكر الما بشكر يا زولة خليك في الموضوع الاساسي حق كمراد العميل عرمان مهما قلت ما بنخاف من قول وجهة نظرنا فيه التي تمثل وجهة نظر الغالبية العظمى من الغبش خليه ينزل انتخابات حلال بلال ونخلي الشعب يقول كلمته الشعب ما بنسى كذبه وتضليله الذي ادى لموت العشرات في الاثنين الاسود لما قال قرنق بخير وكذب وخلى الغبش يطلعو عادي ويدفعو الثمن بحياتهم بعدين موش دا ياسر الانضم للتمرد في فترة الديمقراطية ؟!!!!! حارب حكومة منتخبة حلالا بلالا
| |
|
|
|
|
|
|
Re: عندما يتطاول القصار .. يكون الرد هكذا (Re: ود الباوقة)
|
Quote: عرمان من شدة ما عميل هو الوحيد الخزل الراهنوا عليهو في الانتخابات الاخيرة لما انسحب وباصاها للبشير بكل تجرد واتساق مع النفس |
يا فرعي شكلك مسطح الكمرد هناي دا رشحوه دون أن يدري الجنوبيين......... و سحبوه دون أن يدري الجنوبيين....... حكمة الله الجنوبيين بحاربو أكثر من 50 سنة بطالبو بي حقهم في السلطة لم قالو ليهم OK هاتو مرشحكم لي إنتخابات الرئاسة جابو مرشح شمالي...
| |
|
|
|
|
|
|
Re: عندما يتطاول القصار .. يكون الرد هكذا (Re: ABDELMAGID ABDELMAGID)
|
بالجد بطلو دا واسمعو دا الكمرادة الحكامة بقت مجلس اكاديمي وتشكر الما بشكر يا زولة خليك في الموضوع الاساسي حق كمراد العميل عرمان مهما قلت ما بنخاف من قول وجهة نظرنا فيه التي تمثل وجهة نظر الغالبية العظمى من الغبش خليه ينزل انتخابات حلال بلال ونخلي الشعب يقول كلمته الشعب ما بنسى كذبه وتضليله الذي ادى لموت العشرات في الاثنين الاسود لما قال قرنق بخير وكذب وخلى الغبش يطلعو عادي ويدفعو الثمن بحياتهم بعدين موش دا ياسر الانضم للتمرد في فترة الديمقراطية ؟!!!!! حارب حكومة منتخبة حلالا بلالا
| |
|
|
|
|
|
|
Re: عندما يتطاول القصار .. يكون الرد هكذا (Re: وليد محمد المبارك)
|
Quote: ماذا فعل الأزهري سوى محاولات ضم السودان لمصر قبل الثورة الناصرية، ثم تكريس عنصرية السلطة في السودان بعدها؟
أما المحجوب فهو لم يفعل شيئا في حياته. عاش أفنديا مأمورا ومات أفنديا مامورا. وكان شاهدا (ما شافش حاجة). |
.. عجباً .. ثم عجباً .. لايعرف الفضل وأهل الفضل إلا ذوي الفضل ، .. عندما تنزلق الأمور وتفقد بوصلتها ، يأتينا مثل هذا القول والإفتراء ، بل التطاول والإزدراء .. وعن من ..؟؟!! عن رموز بلادى وصولجان وطنيتها وبوارق هاماتها إن الأزهري ورفيقه المحجوب يظلان مثالاً للأمة في الشموخ والشرف والطهر والعفاف وصدق الأمانه ..
لقد ماتا كليهما فقراء إلا من من رحمة وثواب خالقهما أسألوا عنهما شرقاً وغرباً ، بل جنوباً وشمالاً .. أسألوا عنهما طوب الأرض ينبئكم عن حياتهما وحالتهما كيف كانوا وكيف عاشوا ... هل سرقوا ..؟؟!! هل خانوا ..؟؟!! هل إقتنوا ..؟؟!!
ألا رحمهما الله رحمة واسعة بقدر صفاء سيرتهما وبياض صحائفهما .... ويكفى مايحمله الناس ، كل الناس من أبناء الوطن الشرفاء الأوفياء فى حقهما وفى دواخلهم برغم طول السنين وشواهد الزمن والأيام .. التحية لكل الشرفاء الأوفياء ، وسنظل هكذا حتي يقضى الله أمراً كان مفعولا .. محمد مختار جعفر
| |
|
|
|
|
|
|
Re: عندما يتطاول القصار .. يكون الرد هكذا (Re: Deng)
|
____________________ انتو النضال دا غيروهو ولا شنو ؟ كدي يا دينق ورينا انت ناضلت وين ؟ وكيف ؟ هل كنت مع الرجال في الغابة ؟ هل حملت بندقية بيديك الناعمتين وقاتلت ؟ ولا ناضلت كيف ؟ وناضلت وين ؟ في السعودية ولا في متنزهات ميريلاند ؟ دا عشان (الكمردة) احسان دي تعرف ونحن ذاتنا نعرف !! قال المناضل قال هههههههههههههه
| |
|
|
|
|
|
|
Re: عندما يتطاول القصار .. يكون الرد هكذا (Re: عبدالوهاب علي الحاج)
|
Quote: ماذا فعل المحجوب والأزهري حيال العنصرية التي عصفت بثلثي البلد؟؟؟
|
هههههههه كالمعتاد ما أن يدخل آدم صيام بوستا إلا وفتح بقجته العنصرية البالية كفكره والتى يحملها على رويسو الخاوي كما يحمل الحمار زبالة معفنة تفوح نتانة وعفانة تغشي الجميع ... لماذا يترك آدم صيام وغيره من مروجي العنصرية والأفاكين ليمشوا بين الناس فتنة وإفتراءا وحقدا دون رقيب أو حسيب ؟ أستغرب والله إلى متي سيظل هذا العنصري البغيض يفرض إسقاطاته النفسية على الجميع وهو يتدشأ صديد قلبه ويستفرغ حقده في البورد دون أن يجد من يكبس ليهو شراب قديم في خشيمو كما يفعل الناس مع العبيط محمد سليمان وغيره من المواهيم . آدم صيام يا وهم من أين أتيت وإلى أين تقصد ؟
| |
|
|
|
|
|
|
Re: عندما يتطاول القصار .. يكون الرد هكذا (Re: وليد محمد المبارك)
|
Quote: وبرضو استمتعت بالحركة بتاعة تعديل مداخلتها السمت فيها بدر الدين كمرد لحدي ما نبهوها الاجاويد كالعادة قلتي لي قديمة شديد يعني ؟ |
يا فرعى إنت ..
رزق ساقـه لله الى بدر الدين ( كمــرد ) من زولة كمرده معقول عالم حاسدة بشكل غريب اها انا من الليلة الصرفة الصرفوها لي دا ما طالع منها البوست دا ناقصو بيت الشعر العجيب بتاع ملاسى داك ( الى الامام الى الامام )
توقيع .. كمرد بدر الدين اسحاق
| |
|
|
|
|
|
|
Re: عندما يتطاول القصار .. يكون الرد هكذا (Re: بدر الدين اسحاق احمد)
|
هههههههه كالمعتاد ما أن يدخل آدم صيام بوستا إلا وفتح بقجته العنصرية البالية كفكره والتى يحملها على رويسو الخاوي كما يحمل الحمار زبالة معفنة تفوح نتانة وعفانة تغشي الجميع ... لماذا يترك آدم صيام وغيره من مروجي العنصرية والأفاكين ليمشوا بين الناس فتنة وإفتراءا وحقدا دون رقيب أو حسيب ؟ أستغرب والله إلى متي سيظل هذا العنصري البغيض يفرض إسقاطاته النفسية على الجميع وهو يتدشأ صديد قلبه ويستفرغ حقده في البورد دون أن يجد من يكبس ليهو شراب قديم في خشيمو كما يفعل الناس مع العبيط محمد سليمان وغيره من المواهيم . آدم صيام يا وهم من أين أتيت وإلى أين تقصد ؟
نرد على طلحة الضعيف ده
إنت عارف! العنصرية أوردت أنا لها عدة نماذج في البوست المعني ولم تستطع أنت ولا غيرك من إنكار مثالا وحدا منها رغم الحشد العضوي الذي حاول تبرئتك ورغم استجلاب بوست آخر كان وبالاً عليك. فكان برهانا على أن العنصرية مسرحاً متكاملاً لدى جهوية معينة وأنت أحد بذورها وضعفها الماثل. لذا ستضطر تستغل أي سانحة صبيانية حتى ترميني بها، لماذا لم تتداخل معي منذ وجودك الفارغ هنا إلا بعد ذلك البوست؟ أفيدك علماً أن العنصرية لا تكتسب بل تورث!!! وتورث عبر قرون وليست أياماً ولياليا وأنت أحد وراثها الشرعيين فلا تحاول المتاجرة بها! الغريبة عجزت حتى عن تفسير مقولتك التحقيرية تلك، وعملت فيها غمران لا تدري شيئاً، لا سيما أنك تبجحت أيما بجاحة في بوست (إهانة السودانيين) لدرجة طلبك الغريب بإيقاف صاحب المنبر ربعاً وسحب البوست وتخبطك في سب كل من رفض الذل بل خرجت منك تلك العبارة العنصرية المبنى أحادية موجهة من عقلك اللاشعوري إلى الجهة أيضاً المستبطنة في عنصريتك الموروثة، مما يكشف ليس ضعف عقلك فحسب بل أنك (عبد مجاني) بلا ثمن ولا يهمك إن أهين السودانيون أو تم تقييدهم أو لكزهم بالعصا والهراوات بالرغم من نصاعة الأدلة والبراهين! ما دام عبوديتك لأسياد نعمتك كاملة غير منقوصة. هناك اكتشفت ضعف حجتك وأنك ضحية لتاريخ مرير لذا رحمتك
أما ملاحقتك في هذا البوست دليل واضح على أن فيك خور من مجاميعه ملازم.
| |
|
|
|
|
|
|
Re: عندما يتطاول القصار .. يكون الرد هكذا (Re: فايزودالقاضي)
|
Quote: التحية للمناضل ياسر وعرمان ولكل سياسي وعسكري الحركة الشعبية والحركات المسلحة المناضلين الشرفاء .. وياهلا بيك استاذ احسان ..
اساسي ودكتورة نجاة بالله اديهم بالحتة الفيها حديدة وسنينة .. |
تجنن و إنت راكب بص دنقلا و إنت ماشي كسلا....
| |
|
|
|
|
|
|
Re: عندما يتطاول القصار .. يكون الرد هكذا (Re: فايزودالقاضي)
|
Quote: وبرضو استمتعت بالحركة بتاعة تعديل مداخلتها السمت فيها بدر الدين كمرد لحدي ما نبهوها الاجاويد كالعادة قلتي لي قديمة شديد يعني ؟ |
كمرد فكي ود اسحاق قلت لي كمردوك في صمة خشمك هههههههههههههههههه
_________________ لعناية كيزان وامنجية هذا البوست الزولة دي قالت ليكم "زمن مايو كانت طالبة جامعية" شايفين ؟ لذا أرجو أن تخاطبوها بما يحفظ لها احترامها بـــ "الخالة كمرد احسان" أو الحجة كمرد احسان" أو نحو ذلك طبعاً الكوز ابو حسين مستثنى من التعليمات أعلاه نظراً الى انو ايام مايو خلص الجامعة وكان بفتش في شغل ... التوقيع : عمكم كمرد وهبة الامنجي بشارع المؤسسة
| |
|
|
|
|
|
|
Re: عندما يتطاول القصار .. يكون الرد هكذا (Re: عبدالوهاب علي الحاج)
|
اى نعم وبحمد الله أنا كمرد .. ومناضلة جديدة لنج .. وما حصل لى الشرف عشان أتعرف على أمنجية البورد ( النجوم ) أمثالك وأمثال بدر الدين وفرعى والحمد لله ألف مرة إنى فعلاً حجة وخاله .. وله ألف شكر وحمد إنى أولادى قدرك .. ماذا يعيب فى كل ذلك ؟؟؟؟؟؟؟ لكن إنت يا عبد الوهاب شفت ليك زول شكروه قالوا ليه ( قليل أدب ) !!!!!!!
| |
|
|
|
|
|
|
Re: عندما يتطاول القصار .. يكون الرد هكذا (Re: د.نجاة محمود)
|
وكدة نرجع للديك تورة .. هى الزوله دى مالها ومشكلتها شنو مع النسوان؟؟؟ ما دايرة مرأة غيرها تكتب فى البورد ؟؟؟ ولا مشكلتها بتكمن وين ؟ ما تشوف ليها مرأة كتبت على البورد وإلا نفشت ريشها وإتنفضت ونزلت إساءات لصاحبة البورد شمال ويمين ( حتى لو كانت ما بتعرفها ) ... متابعاها من زماااااااااااااااااااااان من زمن كلامها للصحفية الناجحة الراقية ( رجاء العباسى ) وكذلك قرييييييييييب وكلامها للقائدة السياسية ( أمنة مختار ).. على كل النوع ده من البشر عشان تحترم نفسك وتحترم البورد ورواد البورد تتجاهلة وتعمل بالمثل البقول ( ال###### ينبح والجمل ماشى ) مع خالص إحترامى للقراء وأعضاء البورد .. ولكم العتبى حتى ترضوا ... وحقاً ( عندما يتطاول القصار .. يكون الرد هكذا... )
| |
|
|
|
|
|
|
Re: عندما يتطاول القصار .. يكون الرد هكذا (Re: إحسان عبد العزيز)
|
Quote: لكن إنت يا عبد الوهاب شفت ليك زول شكروه قالوا ليه ( قليل أدب ) |
الخالة الحجة كمرد احسان ما عصرتي علي شوية ؟ لكن ما مشكلة بفوتها ليك ، جيل نميري بتاع الجامعات دا مرفوع عنو القلم ... تصدقي يا كمرد [ المرة دي حاف كدا !] الامنجية بتاعين البورد دمهم زي العسل .. في البداية بتكجنيهم لكن شوية شوية ح تكتشفي انهم ظراف شديد .. وشرباتات عديل هسي عندك أنا (القليل أدب) دا أول مرة اتداخل مع هشام هباني، وصفني بالجردل ومرة بالقلّوط ..الخ وعندك تاني مثلا في احد الكتاب الفاشلين هنا واسمو طه جعفر، برضو اتداخلت معاهو قال "إنكشح يا غبي" تصدقي ؟ هسي الاتنين ديل من شدة ما بريدوني كل واحد شايل لي صورة وخاتيها تحت مخدتو طبعاً دا بسموهو "الريد لمن يفوت حدو" زي ما قال المغنواتي خخخخخخخخ
______________ سؤال بالجنبة كدا في موضوع البوست : تفتكري يا كمرد الطول المناسب كم للعضو، عشان يفتح بوست ينتقد فيهو واحد زي عرمان دا ؟
| |
|
|
|
|
|
|
Re: عندما يتطاول القصار .. يكون الرد هكذا (Re: وليد محمد المبارك)
|
Quote: اسعد الله يومك يا عم وهبة |
ياشفت انت بقيت مذيع ولا شنو ؟
______________ تعرف يا وليد زمان في اول التمانينات كدا ظهرت عبارة "فرصة سعيدة" جديدة لنج ... واحكي ليك طرفة بخصوصها .. مرة مشينا حفلة مع اولاد الحلة ... عندنا واحد لايوق لياقة سلسيون بس .. قام اتلح ليك واحدة من البنات البت زهجانة منو زهج شديد ودايرة تتخارج من ثقالتو قامت قالت ليهو اها انحنا بعد دا ماشين .. وقالت ليهو : فرصة سعيدة ... صاحبنا ما عارف الرد بتاعها فكر مسافة كدا قام قال ليها "الله الاسعد "
| |
|
|
|
|
|
|
Re: عندما يتطاول القصار .. يكون الرد هكذا (Re: وليد محمد المبارك)
|
Quote: لا ده ولا ده يا شرف اختلف مع عرمان لكني اراه شخص يعمل لما هو مقتنع به باخلاص
مشكلتي الريسية هي حكاية تاليه الرموز دي عرمان ما فوق الانتقاد ولا فوق الاختلاف حوله عرمان عند ناس خط احمر والصادق عند تانين خط احمر والمرغني عند تالتين خط احمر والترابي عند رابعين خط احمر والبشير عند خامسين خط احمر
وهذا كلام لا يستقيم مافي خطوط حمر في السياسة والعمل العام
دي الفكرة يا حبه |
تعرف يا حبيب انا سألتك لاعرف مع العلم انا مع الانتقاد الهادف فيما يختص بالسياسة والسياسيين والا بيكون خربشات لا تثمن ولا تغني فان كنت تري في عرمان ما يستحق الانتقاد فلا اعتقد لا احسان ولا اي انسان يمنعك من ذلك وليست هناك اي خطوط حمراء فالكل سواسية ساسه ومواطنين فلا تتردد ولكني لا اريد لك الانجرار وراء اي مشاكسات قد تعكس للبعض عدم احترامك لهم او لمرؤسيهم ارجو ان تتقبل وجهة نظري مع مودتي
| |
|
|
|
|
|
|
Re: عندما يتطاول القصار .. يكون الرد هكذا (Re: شرف الزاكي)
|
تحياتي إحسان، تقولين: Quote: فكان ردنا كما يلى: عندما يتطاول قصيرى القامة والقدر ويطلقون عبارات وكلمات تشابه قصرهم وقلة قيمتهم |
من المؤسف جدا أن نجد عبارة كهذه تصدر عن مناضلة سودانية، وفيها إساءة لنسبة مئوية من البشر هم قصار القامة وربطهم بقلة القيمة، والمدهش أنها كتبت بتلقائية شديدة جدا تدق ناقوس الخطر من أن احتقار قصار القامة هو جزء لا يتجزأ من الثقافة السودانية وتذكرني بمنظر أطفال الحي وهم يطاردون مسكينا مصاب بمرض التقزم هاتفين :البعيو... البعيو" دون أن يردعهم أحد. إذا كان هناك من يدافع عن جميع أنواع المهمشين عرقيا ودينيا وسياسيا في السودان والحركة الشعبية أحدهم فمن العجب العجيب أن يسئ أحد منتسبيها لقصار القامة بهذا الشكل الذي أرجح أنه غير مقصود لكنه ينم عن قصور شديد في الوعي.
منذ عشرات السنين بدأت في الولايات المتحدة حركة التصحيح السياسي التي ناضلت ضد استعمال العبارات المسيئة للسود التي تربط السواد بالشر وتلك التي تسئ للأقليات الأخرى، حتى المتخلفين عقليا تم تغيير وصفهم بأصحاب التحدي العقلي، ولكن للأسف حتى مثقفينا ومناضلينا في السودان لا يعي بعضهم أشياء بسيطة كهذه.
إن الاعتراف بالخطأ فضيلة وهو شيمة أصحاب النفوس الكبيرة وأصحاب المبادئ، لذلك أرجو منك مطالبة الأخ بكري يتغيير عنوان هذا البوست وحذف العبارات المسيئة لقصار القامة فيه أو حذفه بكامله ولك شكري، وأرجو أن تضيفي قصار القامة لقائمة المهمشين الذين تدافعين عنهم فهذا مجال نضال لم يطرقه حد في السودان بعد!
| |
|
|
|
|
|
|
Re: عندما يتطاول القصار .. يكون الرد هكذا (Re: اساسي)
|
Quote: من المؤسف جدا أن نجد عبارة كهذه تصدر عن مناضلة سودانية، وفيها إساءة لنسبة مئوية من البشر هم قصار القامة وربطهم بقلة القيمة، والمدهش أنها كتبت بتلقائية شديدة جدا تدق ناقوس الخطر من أن احتقار قصار القامة هو جزء لا يتجزأ من الثقافة السودانية وتذكرني بمنظر أطفال الحي وهم يطاردون مسكينا مصاب بمرض التقزم هاتفين :البعيو... البعيو" دون أن يردعهم أحد. إذا كان هناك من يدافع عن جميع أنواع المهمشين عرقيا ودينيا وسياسيا في السودان والحركة الشعبية أحدهم فمن العجب العجيب أن يسئ أحد منتسبيها لقصار القامة بهذا الشكل الذي أرجح أنه غير مقصود لكنه ينم عن قصور شديد في الوعي.
منذ عشرات السنين بدأت في الولايات المتحدة حركة التصحيح السياسي التي ناضلت ضد استعمال العبارات المسيئة للسود التي تربط السواد بالشر وتلك التي تسئ للأقليات الأخرى، حتى المتخلفين عقليا تم تغيير وصفهم بأصحاب التحدي العقلي، ولكن للأسف حتى مثقفينا ومناضلينا في السودان لا يعي بعضهم أشياء بسيطة كهذه.
إن الاعتراف بالخطأ فضيلة وهو شيمة أصحاب النفوس الكبيرة وأصحاب المبادئ، لذلك أرجو منك مطالبة الأخ بكري يتغيير عنوان هذا البوست وحذف العبارات المسيئة لقصار القامة فيه أو حذفه بكامله ولك شكري، وأرجو أن تضيفي قصار القامة لقائمة المهمشين الذين تدافعين عنهم فهذا مجال نضال لم يطرقه حد في السودان بعد! |
كده يامحمد عثمان ياخوي طلعّت المناضلة صفر اليدين!!!!
يديك العافية .
| |
|
|
|
|
|
|
Re: عندما يتطاول القصار .. يكون الرد هكذا (Re: وليد محمد المبارك)
|
Quote: ياجماعة فهمتو حاجة من كتابة محمد المشرف ده!!! |
Quote: انا من بعد السطر التالت قدر ما حكيت راسي ما قدرت افهم |
يعني هسي يا كيزان، سبتوا اي شي وقبلتوا على ود المشرف ؟ دي إنصرافية منكم يعلم الله !! كدي شوفوا لينا الكمردة دي عردت وين ؟ خليها تجي ترد على كلام الزميل محمد عثمان الحاج دا، الكلام دا متعوب فيهو .. عاينوا قال ليها شنو .. Quote: من المؤسف جدا أن نجد عبارة كهذه تصدر عن مناضلة سودانية |
هههههههههه والله انا لو زول قال لي عبارة "من المؤسف جداً دي"، تاني ما بدقها في حوش بكري دا عبارة حارة شديد والله ..
__________ يا وليد فرصة سعيدة والله !!
| |
|
|
|
|
|
|
Re: عندما يتطاول القصار .. يكون الرد هكذا (Re: haroon diyab)
|
Quote: ماذا فعل الأزهري سوى محاولات ضم السودان لمصر قبل الثورة الناصرية، ثم تكريس عنصرية السلطة في السودان بعدها؟
أما المحجوب فهو لم يفعل شيئا في حياته. عاش أفنديا مأمورا ومات أفنديا مامورا. وكان شاهدا (ما شافش حاجة). |
.. عجباً .. ثم عجباً .. لايعرف الفضل وأهل الفضل إلا ذوي الفضل ، .. عندما تنزلق الأمور وتفقد بوصلتها ، يأتينا مثل هذا القول والإفتراء ، بل التطاول والإزدراء .. وعن من ..؟؟!! عن رموز بلادى وصولجان وطنيتها وبوارق هاماتها إن الأزهري ورفيقه المحجوب يظلان مثالاً للأمة في الشموخ والشرف والطهر وصدق الأمانه .. لقد مات كليهما فقراء إلا من من رحمة وثواب خالقهما أسألوا عنهما شرقاً وغرباً بل جنوباً وشمالاً .. أسألوا عنهما طوب الأرض ينبئكم عن حياتهما وحالتهما كيف كانوا وكيف عاشوا ... هل سرقوا ..؟؟!! هل خانوا ..؟؟!! هل إقتنوا ..؟؟!!
ألا رحمهما الله رحمة واسعة بقدر صفاء سيرتهما وبياض صحائفهما .... ويكفى مايحمله الناس ، كل الناس من أبناء الوطن الشرفاء الأوفياء فى حقهما وفى دواخلهم برغم طول السنين وشواهد الزمن والأيام .. التحية لكل الشرفاء الأوفياء ، وسنظل هكذا حتي يقضى الله أمراً كان مفعولا .. محمد مختار جعفر
| |
|
|
|
|
|
|
|