|
زواج السودانيات أحلى زواج (لا مغرب لا موريتان .بناتنا أحلى يا سودان)
|
مقدمة: موقفي الخاص أن الزواج علاقة تبنى بين اثنين هما أحرار في مساراتهما. وعليهما فقط أن يراعيا أيضاً وجود طرفين مرتبطين بالعلاقة (أسرته وأسرتها) ويتأكدا بأنهما لن يضرا أحداً ضرراً أكيداً لا فكاك منه بقرارهما. وبعد ذلك فليفعلا ما يشاءآن. ربما تجد توأم روحك من غير قومك. فحينها لا بأس عليك يا فتى اذهب إلى حيث يسر لك الله .
ساس: زواج المورتانيات ... أحلى زواج ... (لدكتور صلاح البندر)
يقرأ في ضوء: زواج المغربيات وعنوسة السودانيات العلة والسبب (للأخ صابر فضل المولى)
بداية: ثم إذا اصبحنا غداً وتزوج كل شبابنا المغتربون بالخارج من مغربيات واثيوبيبات وصينيات وفلبينيات وأوربيات وآسيويات وأفريقيات وموريتانيات.
بناتنا حيمشو وين ؟
عتبة: تجربة الجالية الهندية في بداية تواجدها بأمريكا. كان كل شاب او شابة يريد الزواج يستقدم شابة أو شاباً من الهند. وحقق هذا الأمر عدة فوائد عادت بالفائدة على الجالية.
- لي عودة لمزيد من النقاش -
|
|
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: Hani Arabi Mohamed)
|
هناك عديد من الأخطاء ظلت وما زالت تلازم السودانيين في طريقة حياتهم عموماً.
أشياء كثيرة جميلة ومحترمة
تقابلها
أشياء لا منطقية وأفكار وعادات وتقاليد تنتمي لقرون خلت.
بوبار وعدم واقعية.
وإن رحلنا يمينا أو يساراً عبر العالم. تظل عاداتنا وتقاليدنا معنا وننقلها إلى كل مكان
وحين هاجر السودانيين شرقاً وغرباً التقوا لأول مرة بأفكار جديدة وثقافات معيشية وحياتية لم تخطر على بالهم من قبل.
تأثر بعضهم بها وانجذب أو انغلق.
وتعامل البعض بتوازن مع الثقافات الجديدة. استفادوا منها وأفادوها.
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: وضاحة)
|
Quote: بناتكم عايزات الكليك والشقه الملك وحده صاحبتى مخطوبه لدكتور فسخت الخطوبه قالت لابوها انا عايزه عماد الميكانيكى قال بجيب لي عربيه وبيت تانى وحده صاحبتى وهى حسى حتقرأ كلامى ده قالت لابوها انا حلفت يا ابوى لحدى السنه الجايه مايعرسونى الا اتحنن وادخن ابوها قاليها اصبرى يابتى بجى ,, لووووووووووووووووووووووول |
الأخ هاني تحياتي.. إلى أن تكمل الفكرة.. الأخت منال سلام من حقك تختاري صديقاتك كما تحبي ... لكن عليك الله دي صحبة ليك... ! طبعا مع اللووووول دي احتمال يكون الكلام غير جادي أو اعدتيه بطريقة غير جادة لكن يا بنت الناس ده كلام تقولوا واحدة لابوها وكمان يرد عليها ويصبرها..؟ والله لو ما قلت انها صاحبتك كنت حأكتب شعر في الأب والابنة...! سبحان الله في سذاجة وسطحية تفكير أكتر من انه واحدة تختصر الزواج في حنة ودخان..؟ ياخ الزواج ده ما لعب عيال...ما عارفة كيف الناس بتتعامل معاه بالسخف ده...
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: وضاحة)
|
Quote:
Re: زواج السودانيات أحلى زواج (لا مغرب لا موريتان .بناتنا أحلى يا سود Author: وضاحة مافى احلى من بت بلدى
حشمة وتوبك وتملي العين يا بت النيل أصلك سوداني يا بت بلدي أصلك سوداني طبعك هادي أصيل ورزين
ما يميز المراة السودانية حشمتها واخلاصها لى زوجها تحفظوا فى وجودوا وفى غيابة وهمها الاخير والاول زوجها واسرتها تقيلة ورزينة وخجولة و ما لفحة توبة وحايمة وسط الرجال عفيفة السان واليد
ويا بت بلدى يا اصلك سودانى
|
شكراً جزيلاً لواء طبيب أركان ترحيل وضاحة على تواجدك هنا ومشاركتك.
ربنا يستر أبناءنا وبناتنا بالحلال الطيب.
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: منال)
|
Quote: اجى يا البرقش ,,,,, اجى يا البرقش دى سمعتها عن واحد شماسى وعجبتنى شديد لووووووووووووووول |
ههههههههههههههه دي غايتو يا منال تشــــبه القول المأثور دا أجي أججججججي يا الما عرفوا ليهو جروهو من تحت والله صحي () .. ..
___ هاني ازيك أنا غايتو مع السودانية بالكامل وبعدين الشناقيط ديل العايزهم في مكه والمدينة راقدات بالهبل ورخيصاااااااااااااااات جنس رخص بس ما تنســـى تجيب معاك شوال شوالين ضريسه يعني تجي تعمل ليك عُــمرة وتقابل ليك سمسار عشان تتم الشغل وبعدها تعزل عزل وتختار اختيار لكنهن خايبات وما نسوان بيوت لي زول سوداني أخو أخوان وبيتو ملان ضيوف ولو زغته كدا ولا كدا احتمال الكفيل يقفل عليها الحاجة التانية ماديات جدا جدا ودا هدفهم الاساسي من الزواج الكلام دا ما معمم ولكن الغالبية منهن كذلك المهم يا زول (كنفوتنا) ولا (دامرقي) الناس
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: محمد مختار جعفر)
|
Quote: في زيارة سرية لنواكشوط رجع صديقي بزوجة موريتانية ... آية في الجمال والثقافة والانسانية ... وبتعزف عود أحسن من بشير عباس ... وحافظة 5 دواوين شعر ... وفقيهة في تفاصيل المذهب المالكي .... وناشطة في المجتمع المدني .... وتعمل دبلوماسية في الخارجية الموريتانية ... وتتحدث الفرنسية والانجليزية وقليل من الالمانية مع لغة عربية رصينة تتجاوز بها حواجز اللهجة الحسانية .... ....... |
مواصفات اقل من عادية ...ومتواضعة توجد في اكثر من بنات الربع (الخالي )
محبتي
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: احمد محمد احمد عتيق)
|
[B] Quote: اتخيلو في الحج ...واحد لقى موريتانية ..حاجة رهيبة ..المهم اتقدمت معاهو عشان يوصلها لي خيمتها ..صاحبنا في الطريق غايتو طلب منها الزواج ..عدييل كدة ...
فردت عليهو قالت ليهو .. نحن بني بكر ..المريتانيين زاتهم عندنا فيهم راي ..خليك انت سوداني كمان ...
للبعرف يدلنا على ناس بني بكر ديل ... |
---------------------------------------------------- والله عشته في جو بني قينقاع وامية بن كلاب....وسراقة الأوسي ...قال وموصلها خيمتها (هو في بيت الله فكر فيها هههههههههه ده حاج في مونتكارلو ؟) هو : اتتزوجيني يا امة الله؟ هي : لا اتزوج العبد يا هذا انت عبد حبشي من بلاد السودان ونحن من بني بكر ......فنحن الشناقطة اهل الحسب والنسب.... هو : ورجعت حابس ادمعي في الليله ديك....بقيت جدادة الله يدي صاحبك العافية طول ما الجدادة حافية............
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: عمر خليل علي)
|
Quote: زواج السودانيات أحلى زواج (لا مغرب لا موريتان .بناتنا أحلى يا سود Author: عمر خليل علي [ B] Quote: اتخيلو في الحج ...واحد لقى موريتانية ..حاجة رهيبة ..المهم اتقدمت معاهو عشان يوصلها لي خيمتها ..صاحبنا في الطريق غايتو طلب منها الزواج ..عدييل كدة ...
فردت عليهو قالت ليهو .. نحن بني بكر ..المريتانيين زاتهم عندنا فيهم راي ..خليك انت سوداني كمان ...
للبعرف يدلنا على ناس بني بكر ديل ...
----------------------------------------------------
والله عشته في جو بني قينقاع وامية بن كلاب....وسراقة الأوسي ...قال وموصلها خيمتها (هو في بيت الله فكر فيها هههههههههه ده حاج في مونتكارلو ؟) هو : اتتزوجيني يا امة الله؟ هي : لا اتزوج العبد يا هذا انت عبد حبشي من بلاد السودان ونحن من بني بكر ......فنحن الشناقطة اهل الحسب والنسب.... هو : ورجعت حابس ادمعي في الليله ديك....بقيت جدادة الله يدي صاحبك العافية طول ما الجدادة حافية............
|
مرحباً بـ عمر خليل علي حللت أهلاً ونزلت سهلاً. وكما قلتَ أنتَ تماماً. وكأن ما نعانيه في السودان من رواسب عنصرية لا يكفي ... يسعى البعض لاستيراد رواسب جديدة :) :)
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: saif massad ali)
|
يا كلوش
الله ياخى عليك والله انا قبل كده عملت ليك برزنتيش للخواجات فى لندن وكندا عن الزواج السودانين والعادات والتقاليد كان حد الروعة لما اندهشوا
ووووووووووووووين زى بت بلدى الزوجة لزم تكون زوجة سودانية بيور خالية من الاضافات مافي زيها
بت بلدى سودانية أصيلة
نوارة الفريق اصيلة شان الكرم معنية لابسة العفة تـوب بالدين كـمان مهدية ما سابقة العوج وعروضه تـب مـحمية بت ناسـاً فوارس جـد بـقـلعـوك زندية
نوارة الفريق مستورة و بين المعاها قيافه الباراها حتماً لي رزانـته يحـترمه و يخافه فاهمة مؤدبة حايزة سبق الجمال واللطافه موزونة رأي عقل عـلم آداب فنون وثقافه
ان قلت الادب لابسة الخجل في توبا وان قلت الجـمــال الناس بـيـتحـدوبا في جيدا الدهب زي سـبـحة الـلالوبا دخـريـة عـشـا ومـحـرية عـنـد الحـوبا
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: وضاحة)
|
Quote: نوارة الفريق اصيلة شان الكرم معنية لابسة العفة تـوب بالدين كـمان مهدية ما سابقة العوج وعروضه تـب مـحمية بت ناسـاً فوارس جـد بـقـلعـوك زندية
نوارة الفريق مستورة و بين المعاها قيافه الباراها حتماً لي رزانـته يحـترمه و يخافه فاهمة مؤدبة حايزة سبق الجمال واللطافه موزونة رأي عقل عـلم آداب فنون وثقافه
ان قلت الادب لابسة الخجل في توبا وان قلت الجـمــال الناس بـيـتحـدوبا في جيدا الدهب زي سـبـحة الـلالوبا دخـريـة عـشـا ومـحـرية عـنـد الحـوبا |
هيييييييييييع عافي منك يلا كملي جميلك وكتري لينا في النم الحلو دا
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: نعمات حمود)
|
Quote: زواج السودانيات أحلى زواج (لا مغرب لا موريتان .بناتنا أحلى يا سود Author: نعمات حمود Quote: في زيارة سرية لنواكشوط رجع صديقي بزوجة موريتانية ... آية في الجمال والثقافة والانسانية ... وبتعزف عود أحسن من بشير عباس ... وحافظة 5 دواوين شعر ... وفقيهة في تفاصيل المذهب المالكي .... وناشطة في المجتمع المدني .... وتعمل دبلوماسية في الخارجية الموريتانية ... وتتحدث الفرنسية والانجليزية وقليل من الالمانية مع لغة عربية رصينة تتجاوز بها حواجز اللهجة الحسانية .... ....... مواصفات اقل من عادية ...ومتواضعة توجد في اكثر من بنات الربع (الخالي ) محبتي
|
مرحباً بنعمات حمود ، تحية طيبة مباركة.
الموضوع محتاج لخطوة من كل الأطراف.
بدلاً من وقوف كل طرف في مكانه وتمسكه بما لديه من أفكار أو هروبه إلى ملجأ آخر بعيد في شأن الزواج وغيره
تنازلات متبادلة وتحسين أفكار وفتح أفق واستفادة من تجارب الأخرين والبحث عن الجميل في موروثاتنا يمكنه أن يحل كل المشاكل
ربنا ييسر الأمر لك وللجميع.
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: Hani Arabi Mohamed)
|
Quote: في زيارة سرية لنواكشوط رجع صديقي بزوجة موريتانية ... آية في الجمال والثقافة والانسانية ... وبتعزف عود أحسن من بشير عباس ... وحافظة 5 دواوين شعر ... وفقيهة في تفاصيل المذهب المالكي .... وناشطة في المجتمع المدني .... وتعمل دبلوماسية في الخارجية الموريتانية ... وتتحدث الفرنسية والانجليزية وقليل من الالمانية مع لغة عربية رصينة تتجاوز بها حواجز اللهجة الحسانية .... |
هسه دي مواصفات زوجة ولا مواصفات رئيسة وزراء عجبي
هو الرجل بيختار الزوجه بأي مقياس
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: مناهل عبد الله مصطفي)
|
Quote: Re: زواج السودانيات أحلى زواج (لا مغرب لا موريتان .بناتنا أحلى يا سود Author: مناهل عبد الله مصطفي Quote: في زيارة سرية لنواكشوط رجع صديقي بزوجة موريتانية ... آية في الجمال والثقافة والانسانية ... وبتعزف عود أحسن من بشير عباس ... وحافظة 5 دواوين شعر ... وفقيهة في تفاصيل المذهب المالكي .... وناشطة في المجتمع المدني .... وتعمل دبلوماسية في الخارجية الموريتانية ... وتتحدث الفرنسية والانجليزية وقليل من الالمانية مع لغة عربية رصينة تتجاوز بها حواجز اللهجة الحسانية ....
هسه دي مواصفات زوجة ولا مواصفات رئيسة وزراء عجبي
هو الرجل بيختار الزوجه بأي مقياس
|
مرحباً مناهل عبد الله مصطفى.
حللتِ أهلاً ونزلت سهلاً.
نحول السؤال معك أيضاً لصاحب المداخلة .. ونرجو أن يتفضل مشكوراً بالإفادة :)
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: محمد مختار جعفر)
|
Quote:
سلام وتحية أخي / Hani Arabi Mohamed
فى حقيقة الأمر السودانيين حتى لوقت قريب ما كانوا يتطلعون حين زواجهم إلا لبنات جنسهم ، ثم جاءت متقلبات الحياة وظرفها المعيشي ، فهاجر شباب الأمة ، وضربوا بقاع الأرض وفجاجها بحثاً للرزق وطاب المقام لمن طاب له وتزوج فى من عاشرهم طويلاً واحتبس أبناءهم فى مكانهم وعاد الأب بعد طول سنين الى مسقط رأسه ، مكانه الطبيعي ..، فكما ذهب وحيداً رجع وحيداً ، حالات كثيرة فى ذلك ، ولكن الشيء الملاحظ الآن هروب الشباب الى الغريبة ، من غير السودانية ، وإن كان فى ذلك من إيجابيات ونوافع ، فبالمقابل هناك أيضا بعض السلبيات التي لا يعرفها إلا من كانت زوجته غير سودانية ، ولكنه ربما لايعيرهذه النواقص كثير إهتمام ، والكثير منهم باحث عن اللون الأبيض المميز ، الشيء الذى جعل الفتاة السودانية ( تهرول ) لتفتيح بشرتها ..!! ( مسكينة ..!! ) وتكبير مؤخرتها ، !! كل ذلك جاء تحولاً يلحظه الكل ، ... دوافع ومسببات يرونها أنها أصبحت من المتطلبات ، .. صحيح أن الجمال الأفريقي فى الأنثى يميزه القوام الممشوق وامتلاء الأرداف ، وليس هناك ضرورة فى تفتيح اللون للأبيض .. ، فالسحن غير متباينه ، الكل أسمر يعشق الأسمر ، ولكن إختل معيار اليوم عند شبابنا بعد أن هاجروا وعايشوا مزيج الألوان شرقاً وغرباً ، فما كان من بنت عمه إلا أن تسعى فى تفتيح لونها وإنقاص الوزن ، وإن كانت النحولة غير مطلوبة فى عروض اليوم كما فى السابق ، وإلا لما كان التوجه الى مروتانيا نحو العاصمة نواكشوط ، وبناتها الممتلئات جسماً ..
عموماً ، هناك تغير كامل فى مزاجيةالشاب السودانى فى كيفية ونوع العروس ، فقد دخلت حلبة المنافسة بنات الدول الأخرى ، بسبب الغربة والتطلع ( للشوفونيه..! ) والرزق كمان ، وكان الله فى عون بناتنا ياشباب .... واللا كيف ..!! لكم تحيتي .. محمد مختار جعفر
|
مرحباً محمد مختار جعفر، تحية طيبة محترمة.
الاغتراب والهجرة أديا إلى متغيرات كثيرة في المفاهيم والأفكار وأدى الانفتاح إلى استيراد مفاهيم كثيرة ناقصة ومغلوطة أو مفيدة كل على حدة.
كنتُ مرّة مستمعاً مشاركاً في نقاش شعبي في إحدى المطاعم الشعبية في العاصمة عن "غيرة الرجال على بنت الجيران" وتناقش الآكلون :) من مختلف الأجيال حول الظاهرة. فكان الجواب الأثير لأحدهم (وسمعته أكثر من مرة وفي مناسبات مختلفة ومن أشخاص متعددين) :
Quote: زمان بتغير على بنت جيرانكم بتخاف عليها بتحامي ليها لأنو ممكن تعرسها انت أو يجي يعرسها اخوك أو ود جيرانكم أو ود الحلة ما مشكلة
لكن حسع تتعب وتشاكل عشانها وفي النهاية بدوها لواحد مغترب. أخير نخلص حقنا بدري !!!!
|
اتخيل التفكير يا محمد وصل وين !!!!
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: Abdlaziz Eisa)
|
Quote: Re: زواج السودانيات أحلى زواج (لا مغرب لا موريتان .بناتنا أحلى يا سود Author: Abdlaziz Eisa Quote: ما يميز المراة السودانية حشمتها واخلاصها لى زوجها تحفظوا فى وجودوا وفى غيابة وهمها الاخير والاول زوجها واسرتها تقيلة ورزينة وخجولة و ما لفحة توبة وحايمة وسط الرجال عفيفة السان واليد
هادي بتتكلم عن حبوباتها...!!
الكلام من وين يا ضحى!!
|
مراحب بعبدالعزيز عيسى. حللت أهلاً ونزلت سهلاً.
الكلام دا موجود والحمد لله
وبانتظار البوست الموعود :)
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: Hani Arabi Mohamed)
|
Quote: مافى احلى من بت بلدى
حشمة وتوبك وتملي العين يا بت النيل أصلك سوداني يا بت بلدي أصلك سوداني طبعك هادي أصيل ورزين
ما يميز المراة السودانية حشمتها واخلاصها لى زوجها تحفظوا فى وجودوا وفى غيابة وهمها الاخير والاول زوجها واسرتها تقيلة ورزينة وخجولة و ما لفحة توبة وحايمة وسط الرجال عفيفة السان واليد
ويا بت بلدى يا اصلك سودانى
|
......................... هذا ما كتبته العزيزة وضاحة.... والله يديك العافية.. عبرتي تمام بالنيابة.. والله يديك الصحة والعافية
عزيزي هاني: اول مرة اشوف هذا البوست الهام والمهم جدا.. وسوف اساهم فيه برايي بموضوع طويل.. بس ان شاء الله ما اسبب ليك حساسية(وان شاء اله اكون فاهمة غلط).. وطبعا في مشاركتي حأجيب أمثلة من ناس متزوجين اجنبيات ومن اقوالهم بالحرف الواحد.. والله يديك العافية
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: اميرة السيد)
|
Quote:
Author: اميرة السيد Quote: مافى احلى من بت بلدى
حشمة وتوبك وتملي العين يا بت النيل أصلك سوداني يا بت بلدي أصلك سوداني طبعك هادي أصيل ورزين
ما يميز المراة السودانية حشمتها واخلاصها لى زوجها تحفظوا فى وجودوا وفى غيابة وهمها الاخير والاول زوجها واسرتها تقيلة ورزينة وخجولة و ما لفحة توبة وحايمة وسط الرجال عفيفة السان واليد
ويا بت بلدى يا اصلك سودانى
......................... هذا ما كتبته العزيزة وضاحة.... والله يديك العافية.. عبرتي تمام بالنيابة.. والله يديك الصحة والعافية
عزيزي هاني: اول مرة اشوف هذا البوست الهام والمهم جدا.. وسوف اساهم فيه برايي بموضوع طويل.. بس ان شاء الله ما اسبب ليك حساسية(وان شاء اله اكون فاهمة غلط).. وطبعا في مشاركتي حأجيب أمثلة من ناس متزوجين اجنبيات ومن اقوالهم بالحرف الواحد.. والله يديك العافية
|
شكرا جزيلا اميرة السيد
| |
|
|
|
|
|
|
Re: زواج السودانيات أحلى زواج (لا مغرب لا موريتان .بناتنا أحلى يا سود (Re: Hani Arabi Mohamed)
|
عالم اليوم ، لم يعد هو ذلك الذي كنا نعرفه.
انفتح العالم على بعضه وأصبح قرية صغيرة يتنافس فيها الكلّ والبقاء للأصلح. وكما نرى اليوم اتفاقية التجارة الدولية واتفاقات الدفاع المشترك الدولية واتفاقات حماية المنتجات الوطنية وقوانين حماية حق المواطنين في العمل داخل أوطانهم؛ لن نستغرب غداً إذا رأينا قوانين تقنين الزواج. وهو ما تعمل به حالياً بعض الدول. إذ يلزم مواطني بعض الدول أن يحصلوا على تصاريح محددة قبل الزواج من أجانب حتى وإن كانوا يقيمون خارج بلادهم بسبب دراسة أو عمل. عودة إلى واقعنا السوداني ومع وصول هجرات السودانيين إلى القطبين الشمالي والجنوبي، كما وصلَ إلينا في نفس الوقتِ مواطنوا الأقطاب الأربعة لأغراض مختلفة وأصبح من العادي أن نرى كل الجنسيات في جنبات السوق العربي أو موقف جاكسون أو شارع 41 في العمارات. مع كل هذا التداخل المعرفي والثقافي تغيرت مفاهيم كثيرة وتعلم البعض من ثقافات الآخرين واستفادوا منها وحافظوا على موروثاتنا أو استلبوا أو تغربوا أو تشرقوا تبعاً لاستعداداتهم النفسية الخاصة. لا أعيب على أي شخص قراره الخاص باتباع خط ثقافي أو حضاري معين. والآن ، لا ينفع الحديث العاطفي عن اتخاذ "حلاوة وطنية" جداراً صاداً لحماية الأسرة السودانية. فالأمر تعدّى ذلك بمراحل.
أصبحنا (ذكوراً وإناثاً) لا نمتلك أي أفضليات في سوق العرض والطلب الخاص بالزواج والعلاقات الإنسانية سوى ما نمتلكه فعلاً من ميزات أو ما يتوهمه أحباؤنا عنّا بسبب سيطرة عواطفهم عليهم. وتراجعت تأثيرات العائلة شيئاً فشيئاً وإن كانت ما زالت تقاوم وتحاول فرض استمرار النمط القديم في بناء الأسر الجديدة في السودان.
سوداننا اليوم ليس سودان الأمس. فمن الطبيعي أن تكون زواجات اليوم بعيدة عن زواجات الأمس.
- في المداخلات القادمة سأتناول، واستأذنكم في أن تشاركوا أيضاً بأفكاركم القيمّة في المداخل الآتية:
- مميزات الفتاة السودانية. - عيوب الفتاة السودانية. - مميزات الرجل السوداني. - عيوب الرجل السوداني. - التنميط والتعميم. - المنافسة الأجنبية. - العادات المفيدة. - العادات الضارة. - الجوانب النفسية. - الجوانب الاقتصادية. - المخاطر الاجتماعية. - المستقبل. - الطلاق.
وأي نقطة أخرى تثيرونها هنا أيها الزملاء والقراء الكرام.
| |
|
|
|
|
|
|
|