الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: خبر مزعج ! أولياء الأمور يطالبون بمقاضاة ( مأمون حميدة) !!! (Re: تاج السر محمد حامد)
|
Quote: قمة السعادة إن طالب اولياءإمور الطلبة المظلومين، طالبوا بحقهم فورااا من مأمون حميدة خاصة على فعلته الشنيعة الأخيرة الما سبقوا عليها زول عندو ذرة إيمان !!!!
اهلنا زمان ما برضوا الحقارة نهائي , ودائما لسان حالهم يقول ما بنرضى بالحقارة وعينا حمراء وشرارة , ووصيتهم للأبناء الصغار ( يا واد هوي ما تخليهم يحقروا بيك ) لكن الزمن ده والله من شدة ما برضوا بالحقارة لامن أدمنوها . وعينهم الحمراء وشرارة ديك بقت طافية نور كلو كلو وكتيييير مغمضة ومطنشة العوج قريت اليوم خبر مفاده الآتي : (( أعلن عدد من أولياء أمور طلاب بجامعة العلوم الطبية والتكنولوجيا مقاضاة صاحب الجامعة الوزير بحكومة الخرطوم ( مامون حميدة) بعد أن تفاجأوا بضياع مستقبل ابنائهم الذين يدرسون بالجامعة بكلية الإدارة التى تدرس وفق برنامج عالمى معروف بـ ( إيدسكل) .. وذلك فى أعقاب عدم أعتراف وزارة التعليم العالى بالكلية رغم مضى عدة أعوام على إنشائها وكشفوا عن اتجاههم والسعي لرفع الحصانة عنه لجهة مقاضاته. . وهاجم عدد من اولياء الامور ( حميدة) وكشفوا عن تنصله عن منح ابنائهم شهادات تفاصيل تمكنهم من الانتقال لجامعات اخرى .. وإتهموا إدارة الجامعة بخداعهم والاحتيال عليهم واستدلوا بعدم قبولها طلابا جددا هذا العام مقابل مطالبتها للطلاب القدامى بدفع رسوم التسجيل .. وقال أولياء الأمور إن إدارة الجامعة أوصددت كل الابواب فى وجوههم بل رفضت تحويل أبنائهم الى كلية الادارة بالجامعة الشبيهة لكلية الادارة ( إيدسكل ) إنتهى الخبر !!!! يعني بالسوداني الدارجي الطلبة ديل أكلوا نيم بي مزااااج.... زي ده لو سكتوا عليه مش تبقى حقارة وبس!! تبقى حقارة بي حمرة عين, لأنه تمادي هذا اللآ مأمون على التعليم ولا على الطلبة ، ولا على المستشفيات ولا على المرضى. مص دم و قروش الغلابة وفي النهاية شوفوا درجة الإفتراء والبجاحة وصلت وين ؟؟!!!! مالي يدو تماما من المجرمين التابع ليهم، عارف نفسو حتى لو رفعوا عليه قضية حا يمرق منها زي الشعرة من العجين , ده لوما لصقوا فيها زول غلبان ودبسوه في جريمة ما ليه ذنب فيها !! ده حال البلد اصبح كل يوم ماشي نحو الهاوية بسرعة الصاروخ , ولا حياة لمن تنادي !!! الناس دي نعم ما بتخاف الله, والبيان بالعمل وسيماهم في وجوهم من بؤسهم وظلمهم للغلابة. لكن لماذا تغيرت كل مفاهيم وأخلاق الشعب السوداني ؟ لماذا الصمت على العوج الباين ؟؟ يعني بإختصار الراجل ده لهف القروش عينك عينك ، ######## مستقبل ميئات الطلبة ,والطلبة ديل يكألوا نارهم واهلهم يقعوا البحر, لا قانون ولا قضاء نحمد الله ونكون من عبيدو الشاكرين . إلي متي السكات على الفعل الشين ؟ لماذا لا يحارب هذا اللآمأمون ؟ لماذا ما زالت افواج الطلبة تتهافت على جامعته المادية ؟ لماذا يهرول اصحاب المال على مستشفياته ؟ لو الناس دي قالت بسم الله وفكرت كويس, لا مأمون حميدة ولا جامعته فيها فايدة ليهم غير خسارة في الأموال وعدم تربية ومعاها كشف حال !!! اي واحد مستطيع يدرس أولاده في أحسن الجامعات وبي شهادة محترمة وتعليم تعليم , مش تمامة سنين وفي النهاية حفلات فارغة وإدارة جامعات أكثر فراغا من الطلبة واهلهم وشهادات يسلموها للطالب أو الطالبة على انغام ندي القلعة أو هاجر كباشي ,كل واحد فيهم جاي طابي شريط الأغنية ، والمصيبة الأهالي طابين المسجلات وملمومين للهجيج والكشف أمام إدارة الجامعة !!، والأساتذة واقفين يتكشموا زي نار القصب, أين المعلم وهيبته ؟ أين الإحترام والحياء؟ ( نسوا وتناسوا كاد المعلم ان يكون رسولا) هؤلاء الأساتذة المفترض يكون ليهم إحترام وتقدير وللحرم الجامعي الأصبح زيو زي اي صبحية عروس في تخريج اي دفعة من الجامعة!!! لكن من يهن يسهل الهوان عليه |
أحرار السودان .. لهم التحية والتقدير والاحترام
الاستاذه اسماء الجنيد .. نرفع لك القبعات
التحية للكل دون فرز
تاج السر
|
|
|
|
|
|
|
العنوان |
الكاتب |
Date |
خبر مزعج ! أولياء الأمور يطالبون بمقاضاة ( مأمون حميدة) !!! | تاج السر محمد حامد | 09-26-12, 01:41 PM |
Re: خبر مزعج ! أولياء الأمور يطالبون بمقاضاة ( مأمون حميدة) !!! | تاج السر محمد حامد | 09-26-12, 03:56 PM |
Re: خبر مزعج ! أولياء الأمور يطالبون بمقاضاة ( مأمون حميدة) !!! | تاج السر محمد حامد | 09-26-12, 04:06 PM |
Re: خبر مزعج ! أولياء الأمور يطالبون بمقاضاة ( مأمون حميدة) !!! | البحيراوي | 09-26-12, 04:11 PM |
Re: خبر مزعج ! أولياء الأمور يطالبون بمقاضاة ( مأمون حميدة) !!! | Zomrawi Alweli | 09-26-12, 06:14 PM |
Re: خبر مزعج ! أولياء الأمور يطالبون بمقاضاة ( مأمون حميدة) !!! | Adil Ali | 09-26-12, 06:58 PM |
Re: خبر مزعج ! أولياء الأمور يطالبون بمقاضاة ( مأمون حميدة) !!! | اميرة السيد | 09-26-12, 08:06 PM |
Re: خبر مزعج ! أولياء الأمور يطالبون بمقاضاة ( مأمون حميدة) !!! | Siham Elmugammar | 09-26-12, 08:09 PM |
Re: خبر مزعج ! أولياء الأمور يطالبون بمقاضاة ( مأمون حميدة) !!! | اسماء الجنيد | 09-26-12, 08:15 PM |
Re: خبر مزعج ! أولياء الأمور يطالبون بمقاضاة ( مأمون حميدة) !!! | تاج السر محمد حامد | 09-27-12, 00:29 AM |
Re: خبر مزعج ! أولياء الأمور يطالبون بمقاضاة ( مأمون حميدة) !!! | تاج السر محمد حامد | 09-27-12, 09:11 AM |
|
|
|