|
بس خلني في عز الجمر الي الرقيقه سوسو؟!#
|
بصراحة كدا بالله أبعدي ما هي القصة ما ناقصك ما عايز مأسي جديدة ودموع وسهر ليالي ومراجعة مواقف عاطفية وغيرة وحركات مراهقين وجن جندريات الفيس بوك داك البعرفو أنا وصدمة أحاسيس جديدة بالجد أنا بحبك لكين تجاربي الفاتت هي اللي عامله العوايق دي تعرفي دايما الفشل بيسكون كل شيء فينا صح أمكن نكون الاتنين مبهورين بعض أنت والله تسببي الدهشة لمدنية كاملة خليك من العبد الجربان لربه أبو الزهراء قد أكون في العالم الافتراضي حنك يضيعك لمدة مية سنة ضوئية كدا بس تعالي شوفي الحالة والله ما بتسر صديق ولا عدو منتهي الجرب والجربانه تعرفي الصحفي في بلدنا في مسطح السودان الحار لو كان بعيد من جماعة المؤتمر الوطني أخير منو مهاجر عاطل في القارة العجوز بالجد لا عندو هدوم ولا مأوي وحتي بكرة القريبه شكلها ح يكون كيف ما بيكون عارف أنت يا أرق الناس ما عايز عرس زيك زي كل بنات البلد من وين يا أنتي أقوالك حقيقة أنا عارض نفسي كعريس أفتراضي في موقعنا لي زي ثلاته سنين ولا جبت مريسة ( تام ذينو) زي ما قلت أنو الفشل العاطفي دا حاجة عجيبه ما عندو علاج و داء ويبل ومرض عضال عديل مشيت زرت القبب وكمان شديت الرحال لمجموعة مقدرة من الشيوخ الصالحين في السودان ولبنان وتشاد الحال في حالو قلت يا ود كدي شوف حظك أمكن أنت منحوس ونحسك ضكر بقيت بتاع ودع وأبراج بالعربي والانجليزي غيتو انا محظوظ في حاجة واحدة مقنع جدا في مسألة تأسيس العلاقة وكمان الحنك العاطفي حقي بس روميو ذاتو لكين بتموت العلاقة ليه ما بعرف من تصرفاتي يالله ولا من شنو ما عارف لكين في علاقات بتستمر معي زي سبع سنين كدا والزوله تقوم تخرخر أقصر علاقة كانت سنه وشهروبعدين لو عرضت عليكم ااوصاف ومستوي الجمال والخيارات ما بتقتلوني عديل كدا صورايخ عابرة قارات تلفزيونات ملونه راقصات باليه أعلاميات من (.........)ار فريد (كدا أخد لي جعره وأرجع ليكم ) تعرفي يا سوسو مسالتنا ما محتاجة غير قرار أن ح أجدع الموبيل حقي في البحر لانو رخيص وأنت أساسا ماشه عشان أختك ح تولد قريب علي ضفاف الخليج قالوا الناس في البلدان ديك عطشانين علاقات عاطفية وكمان ممكن تلقي عريس معقول من ناحية المواصفات الاجتماعية السايدة حسي بس أبقي فنانه وتفتحيه بس أحسمي بسرعة قصة المحبة ما عملية في عصر العولمة ليست القضيه متى سيأتى الحب أو الحب الحلم القضيه هل يبقى حين يأتى ؟ التقتت كثيرت في وقت ظنت اني قادر على الحب والحلم والامل , واشياء اخرى يحتاج اليها الانسان خلال مشوار العمر ,وبعد أن شربت كل مرارت العلاقات العاطفية اوأقسها وامرها هي أن تمشي الزوله بدون كلام منطقي وهي زي اللي بتحاول تثبت قدرتها علي خلق علاقة جديدة , وبعد ان مريت بظروف أتحملت من الالم فوق طاقتي , وبعد ان اتسعت الفجوه بيني وبين الفرح , واصبحت السعاده من مستحيلات عندي جاتي أنت بقلبك الكبير , وبكل رقة نسوان الدنيا وحنان الباحثه عن قلب عاشق يكون نصف قلبهو ليك , يقرب منك زي الاحلام الهادئه , والله بالجد عشتقتك بصدق زي فرسان الحكايات القديمه , ووقفت قدام بابك في اشد مراحل عمري المضلمه عشان تمنحيني من نورك شوية , عارف أني كا خر طوق نجاة لكين المشوار للز...... عايز مجهود كيف نصبر علي بعضنا و أتمنى ان لا يعيش لفتره اللي بيننا دا عشان أنتي ماعارفه الذكريات بتعمل في الواحد شنو بجنبها وألم الفراق وفجيعة الرحيل ما موت عديل من ما عرفتك وأنت متعلقه بي بالاميسات اللي بتجمعنا , ففي المساء بجيني صوتك حاملا لي فرح العالم كله ويعيد صوت جرس التلفون لى الحياه التى أفارقها لما تمشي بيتكم , ولما أرفع السماعه وأسالك : "منو بتحبي وبتريدي أكتر ؟ أنا ؟ و لا أنا ؟ " تجيبي بطفولة زوله عاشقه : " في زول في الدينا يتحبا غيرك " سرقتي عمري في عالم من الاحلام الجميله بالله أبعدي أنا ما عندي قدرة علي التفاعلي العاطفي القوي دا يشتعل بحرق مدن وبفجر فتن , شئ ما قادر أتتجاهل صوتك كأنو يلح علي , حاجة فينا بتقول لن نعود , ولكن لن نسى ؟ ولن نخون تظل كل الحاجات كما هي ؟ بس لكين لازم أمشي أمكن المستقبل بعيد عني دنيا فيها كل الخير " سامحيني ............ أكيد انو رحيلك سرق مني كل شي وأعرفي الرعب ح يكون جواي طول العمر ومافي شي ح يملأ الفراغ بعدك عارف شكل الحياة بعدك ح يكون منتهي الكأبة حياة تحت مقاصلة العذاب يكون الموت ذاتو والله فعلا خذلتك وح تغفري لي برضو مش كدا "
|
|
|
|
|
|
|
العنوان |
الكاتب |
Date |
بس خلني في عز الجمر الي الرقيقه سوسو؟!# | زهير عثمان حمد | 09-10-12, 00:42 AM |
Re: بس خلني في عز الجمر الي الرقيقه سوسو؟!# | منال | 09-10-12, 05:19 AM |
Re: بس خلني في عز الجمر الي الرقيقه سوسو؟!# | ود الباوقة | 09-10-12, 05:27 AM |
Re: بس خلني في عز الجمر الي الرقيقه سوسو؟!# | صديق الموج | 09-10-12, 05:55 AM |
Re: بس خلني في عز الجمر الي الرقيقه سوسو؟!# | Moawia Mohammed | 09-10-12, 06:24 AM |
Re: بس خلني في عز الجمر الي الرقيقه سوسو؟!# | بخاري عثمان الامين | 09-10-12, 06:45 AM |
Re: بس خلني في عز الجمر الي الرقيقه سوسو؟!# | تبارك شيخ الدين جبريل | 09-10-12, 08:44 AM |
Re: بس خلني في عز الجمر الي الرقيقه سوسو؟!# | Fathi Ali Mohammed | 09-10-12, 09:50 AM |
Re: بس خلني في عز الجمر الي الرقيقه سوسو؟!# | تبارك شيخ الدين جبريل | 09-10-12, 09:55 AM |
Re: بس خلني في عز الجمر الي الرقيقه سوسو؟!# | Fathi Ali Mohammed | 09-10-12, 10:02 AM |
Re: بس خلني في عز الجمر الي الرقيقه سوسو؟!# | تبارك شيخ الدين جبريل | 09-10-12, 10:50 AM |
Re: بس خلني في عز الجمر الي الرقيقه سوسو؟!# | زهير عثمان حمد | 09-10-12, 03:37 PM |
Re: بس خلني في عز الجمر الي الرقيقه سوسو؟!# | زهير عثمان حمد | 09-10-12, 03:33 PM |
Re: بس خلني في عز الجمر الي الرقيقه سوسو؟!# | زهير عثمان حمد | 09-10-12, 03:30 PM |
Re: بس خلني في عز الجمر الي الرقيقه سوسو؟!# | زهير عثمان حمد | 09-10-12, 03:13 PM |
Re: بس خلني في عز الجمر الي الرقيقه سوسو؟!# | Elmoiz Abunura | 09-10-12, 04:15 PM |
Re: بس خلني في عز الجمر الي الرقيقه سوسو؟!# | Hani Arabi Mohamed | 09-10-12, 05:09 PM |
Re: بس خلني في عز الجمر الي الرقيقه سوسو؟!# | Hani Arabi Mohamed | 09-10-12, 05:09 PM |
|
|
|