|
Re: عاجل/العميد/محمد كمال (حاكم عسكري لمحلية كتم)صورة (Re: haroon asram)
|
Quote: نادية طه
مقتل 5 اشخاص واصابة اكثر من 15 اخرين فى حادثين منفصلين من قبل مسلحين مجهولين فى كتم بشمال دارفور.
قال شهود عيان يوم الاربعاء من مدينة كتم بشمال دارفور انو مليشيات مسلحة مجهولة الهوية كتلت عدد تلاتة طلاب وجرحت 11 اخرين بالاضافة الى فقدان عدد كبير منهم اثناء قدومهم من قرية الى داخل المدينة.
واحد من شهود العيان شرح لسودان راديو سيرفس تفاصيل الحادث.
"صوت شاهد---- . الجنجويد امس كانو محاو لو يكتلو المعتمد. بعد ما عملو الحاجه دي الجيش منعهم ما يخشو المدينه, فبقوا مرتكزيين خارج المدينه . فا في طلاب جايين من منطقه ديسه زي تلاته عربيه من منطقه كتم عشان يمشو الفاشر في للعمليه بتاعت التقديم للجامعات وكده , لمن جو قربو من المدينه .؟ واجهوهم بي باطلاق النار وكتلو منهم تلاته.وفي حداشر جريح وفي تلاتيين منهم مفقودين للان اتجاهم ما معروف حتي الان."
ومن ناحية تانية تعرض يوم التلاتاء موكب معتمد محلية كتم بولاية شمال دارفور احمد ادم ابو, و معاه رئيس المجلس التشريعي للمحلية ابكر ادم محمد لهجوم من قبل مسلحين مجهولين مما ادي الي مقتل شرطين وجرح اكثر من 5 اشخاص.
وفى الشهر الفات برضو شهدت محلية كتم اعتدءات مسلحة واعمال عنف ادت الى مقتل وجرح عدد من الاشخاص على خلفية مقتل معتمد الواحة.
وقال شاهد عيان محمد حسين من كتم لسودان راديو سيرفيس يوم الاربعاء انو المعتمد ورئيس المجلس وعدد من مسؤولي المحلية تعرضوا لهجوم اثناء ما كانوا فى طريقهم الي حلة بشر للأداء واجب العزاء.
صوت محمد حسين " والله الحادث المعتمد طبعا معتمد بتاع كتم اسمو احمد ادم وكان في موكب ماشي تعزية بحلة اسمها حلة بشر وتعرض هو موكبه الي كمين من جماعة مجهولة يقال انهم من حرس الحدود, يقال انو قبض نفرين منهم ,وحصل ضرب واطلاق نار وجرح حولي زي 5 في اقاويل تقول انها 9 واثنين من الشرطة الكانوا من حرس يعني توفوا ,وجرحي في مستشفى كتم حسب علمي في طائرة عسكرية جات من الفاشر اخذتهم من المستشفى , رئيس المجلس كان من ضمن وفد بتاع المعتمد كان ماشي في مؤخرة معه مجموعة من المسؤولين الرسمين والشعبين وحصل اطلاق النار عليهم.
واكد معتمد محلية كتم احمد ابو في تصريح لسودان راديو سرفيس يوم الاربعاء سلامته بعد تعرضهم لكمين من قبل مسلحين مجهولين.
صوت المعتمد " ايوا ياخي تعرضنا لكمين والحمد الله انا نجيت والمعاي اصيبوا بجروح خفيفة "
وجاءت هذه الاحداث بعد ايام من اعلان والى شمال دارفور محمد كبر من انو الاوضاع الامنية فى انحاء الولاية بقت هادية وفى الوقت البزور فيه وفد كبير من الخرطوم لمدينة. |
|
|
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
عاجل/العميد/محمد كمال (حاكم عسكري لمحلية كتم)صورة | ذواليد سليمان مصطفى | 09-05-12, 03:52 PM |
Re: عاجل/العميد/محمد كمال (حاكم عسكري لمحلية كتم)صورة | الرفاعي عبدالعاطي حجر | 09-05-12, 04:26 PM |
Re: عاجل/العميد/محمد كمال (حاكم عسكري لمحلية كتم)صورة | البحيراوي | 09-05-12, 04:29 PM |
Re: عاجل/العميد/محمد كمال (حاكم عسكري لمحلية كتم)صورة | ذواليد سليمان مصطفى | 09-05-12, 09:07 PM |
Re: عاجل/العميد/محمد كمال (حاكم عسكري لمحلية كتم)صورة | ذواليد سليمان مصطفى | 09-05-12, 04:31 PM |
Re: عاجل/العميد/محمد كمال (حاكم عسكري لمحلية كتم)صورة | saif massad ali | 09-05-12, 04:35 PM |
Re: عاجل/العميد/محمد كمال (حاكم عسكري لمحلية كتم)صورة | ذواليد سليمان مصطفى | 09-06-12, 03:52 PM |
Re: عاجل/العميد/محمد كمال (حاكم عسكري لمحلية كتم)صورة | ذواليد سليمان مصطفى | 09-05-12, 05:50 PM |
Re: عاجل/العميد/محمد كمال (حاكم عسكري لمحلية كتم)صورة | haroon asram | 09-05-12, 06:55 PM |
Re: عاجل/العميد/محمد كمال (حاكم عسكري لمحلية كتم)صورة | ذواليد سليمان مصطفى | 09-05-12, 07:51 PM |
Re: عاجل/العميد/محمد كمال (حاكم عسكري لمحلية كتم)صورة | محمد الامين محمد | 09-05-12, 09:45 PM |
|
|
|