|
ليه ناس المريخ تغني ليهم أفراح عصام والهلال ياسر تمتام
|
في سهرات في التلفزيون مع الهلال والمريخ
سهرة الهلال بغني فيها ياسر تمتام وسهرة المريخ أفراح عصام
ما مفروض توافق يا ياسر ياخ نحن ناقصين رجالة - في الأول كان تسألهم تقول ليهم فنان المريخ منو ؟ عشان بعد تعرف تقول ليهم ودوا للهلال ريماز ميرغني
لأنو الروح المعنوية في الكورة بتشكل دافع أساسي للفوز وإنت عارف اللعيبة ديل مرضانين جكس
هسة كدا ناس المريخ حيعملوا لينا فلقة مخ واحتمال المباراة الجاية يغلبونا معنويات ساي كدا
مع تأكيدي على أدائك الرائع للأغاني
كل عام وانت والجميع بخير
|
|
|
|
|
|
|
|
Re: ليه ناس المريخ تغني ليهم أفراح عصام والهلال ياسر تمتام (Re: حمد عبد الغفار عمر)
|
حافظ أنقابو
شكيت محنك على الله
Quote: لسنة الجاية كدا معانا في الهلال يا حمد ..................... اصلو الموسم دا .. موسم الهجرة الى الهلال |
ياخ أن هلالابي من بداية السبعينيات
زمان كان في لاعب أسمو عز الدين الدحيش وفي كاس اسمو كاس الدهب بين الهلال والمريخ فقط
الدحيش دا كان شعرو سبيبي وبجيب أهداف بالرأس في آخر كاس دهب الدحيش دا جاب قونين بالرأس وانتهت المباراة 2/0 للهلال وفي الوقت داك كانت أغنية سال من شعرها الدهب طالعة جديد
واحد من رسامين الكاركتير تاني يوم للمبارة عمل كاركتير وكتب فيهو
عزو سال من شعره الذهب
تعرف أنا من الوقت داك لما الهلال يكون مغلوب ما بتعشى إلى عهد قريب
قال فك تسجيلات قال
| |
|
|
|
|
|
|
Re: ليه ناس المريخ تغني ليهم أفراح عصام والهلال ياسر تمتام (Re: حمد عبد الغفار عمر)
|
مرحب أحمد محمد بشير
Quote: و الله انتو يا ناس البورد عجيبيين خلاآآص
اسع يا سر تمام ده عضوا معاكم في البورد ده
عيبوا شنو ياسر تمام ... |
حاشاهو العيب ياسر تمتام
أنا طبعا عارفو عضو معانا وأبدا ما هدفي النيل منو بأي شكل من الأشكال
انما مجرد مناقرة للمريخاب بس
إضافة إلى أنو ياس تمتام زول دائم الإبتسامة واعتقد إنو لو قرأ البوست دا حيضحك فقط وحيدرك إنو الهدف ما هو
تعرف أنا أول زول سمعني ياسر تمتام دا جكسوية شغلت لي الشريط وقالت لي اسمع الزول الغناي دا في الأول حبيتو عشانا هي (كسلا بس ) بعد مع تكرار استماعي ليهو لقيتو مؤدٍ جيد خصوصا لأغاني الحقيبة
التحية ليك وليهو
| |
|
|
|
|
|
|
|