|
صور افطار بورداب الدوحة ( نجوم المنبر )
|
وكالعادة وفي كل عام
كان اللقاء..... وكان الافطار رائعا
روعة بورداب الدوحة وضيوفهم
وازدانت المائدة هذا العام بالضيوف الكرام
الذين جملوا افطارنا بحضورهم الجميل
وكانت الجبنة حاضرة كالعادة
لتضفي جوا من الروقة والمزاج الرائق
والصور في الطريق مع الاحباب :
معتصم الطاهر / فيصل الزبير / احمد الزبير / عبد الجليل نادوس والاستاذة نجلاء قرافي
فتابعونا وفالكم طيب
وكل رمضان وبورداب الدوحة وضيوفهم بالف خير
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: nadus2000)
|
مبيييووووع يا حبوووب.. ياخ والله ليك وحشة ومن ديييك وعيييك؟؟؟ فتشت ليك تلفونات وما لميت فيك وسألت منك عثمان محي الدين قال لي كنت لافي.. ياخ رمضان القبل الفات زي الوقت ده كنا بننتج في باكورة شريطنا انا وإنت :):):) ياخ ورينا خبرك يا مان ...
سلامات هارون وباقي الناس..
| |
|
|
|
|
|
|
Re: صور افطار بورداب الدوحة ( نجوم المنبر ) (Re: سارة علي)
|
نهاركم سعيد ايها الاصدقاءالاحباب بورداب الدوحة الجميلين سعدنا كثيرا بلمتكم الحلوه وكان إفطارا جماعيا رائعا بمشاركة الاسر والاطفال والشباب وعطر الفنان الدكتور ياسر مبيوع فضاءات حفل الافطار بالطرب الجميل ونثر مساحات من الفرح بين الحضور وتفاعل معه الصغار والكبار وحقيقة وبدون مجاملة كان إفطار بورداب الدوحة مميزا في التحضير والتنظيم والطعام المتنوع والشهي هذا فضلا عن حفاوة الاستقبال والاريحية في التعامل الراقي والتواصل الاجتماعي المبهر الذي وجدناه من الأسر والأصدقاء وتم تكريمنا بمصاحبة الشهادات التقديرية والتي سعدنا بها كثيرا وكانت وساما علي صدورنا ... وتاجا علي رؤسنا. فلهم منا الشكر أجزله ... ونتمني أن يديم الله هذه اللمه الحميمية والتي تساهم دائما وأبدا .. في مدّ جسور التواصل والإلفة بين السودانين في الغربة والمنافي الطوعية والقسرية منها فيا لسعادتي بكم ومعكم ...أيها الأصدقاء الأعزاء والأوفياء المحترمين مودتي ومحبتي للجميع
| |
|
|
|
|
|
|
Re: صور افطار بورداب الدوحة ( نجوم المنبر ) (Re: هاشم الادريسى)
|
الادريسي ياريس
سلامات ورمضان كريم
Quote: ابودياب رمضان كريم وكل عام وانتم بخير وعافية
التحية لكل بورداب الدوحة --
ونحن فى انتظار افطار بورداب القاهرة - اجل فى انتظار موعد جديد للافطار
الادريسى القاهرة |
ولا يهمك ....
مهداوي وبهاء وحبيب نورا وكل الحلوين في انتظارك
شد الهمة ياريس وخلينا غالبين يوم السبت
تحاياي
| |
|
|
|
|
|
|
Re: صور افطار بورداب الدوحة ( نجوم المنبر ) (Re: فايزودالقاضي)
|
طوبي ! طوبي ! طوبي دا لونو كيف يا ود القاضي طوب احمر طوب اخضر!
تعرف أنا لازم اعرف ولد هارون دا مخصوص عشان اعرف اللون الطوبي
شكرا يا فايز ولك تحيات الجميع هنا
وصادق المواساة لأهلنا في كسلا
ما عارف إذا كان هناك بوست مفتوح للتبرعات، ولكن في كل الأحوال اتعهد بأن التزم بمساهمات بورداب الدوحة
| |
|
|
|
|
|
|
Re: صور افطار بورداب الدوحة ( نجوم المنبر ) (Re: فايزودالقاضي)
|
يا خال صراحة لما شفت البوست معلق فوق نضفت نضارتي عشان أكشف كويس غايتو يخيل لي والله أعلم الفطور كان ضارب فتشت لي لأعزاء هنا في الدوحة ما شايفهم ودرملية اسماعيل م الحسن بهاء بكري عوض حمزة صديق القاعد بعيد حسام محي الدين معتز القريش راعي الفوريل أبوساندرا دكين حسن البشاري عامر تيتاوي و كم زول كده نسيت حتي اساميهم بعدين قول لي معاوية الزبير اقتراحي بزرت بيهو الله يخلي ليكم الزقاق المعروش
| |
|
|
|
|
|
|
Re: صور افطار بورداب الدوحة ( نجوم المنبر ) (Re: امير طمبل)
|
سلام يا أمير
ياااخ بورداب الدوحة صفوة بمن حضر، افتقدنا عدد كبير من الاخوان والأخوات، واعتقد غيابهم لتوقفهم عن البورد منذ فترة طويلة، بس كمان معتز القريش كان حاضر، وبالمناسبة صفوة الدوحة دي أصيييلة ولا علاقة لها بصفة ناس هارون دياب وأميرة الشيخ
| |
|
|
|
|
|
|
Re: صور افطار بورداب الدوحة ( نجوم المنبر ) (Re: nadus2000)
|
سلامات يا طمبلاوي
Quote: يا خال صراحة لما شفت البوست معلق فوق نضفت نضارتي عشان أكشف كويس غايتو يخيل لي والله أعلم الفطور كان ضارب فتشت لي لأعزاء هنا في الدوحة ما شايفهم ودرملية اسماعيل م الحسن بهاء بكري عوض حمزة صديق القاعد بعيد حسام محي الدين معتز القريش راعي الفوريل أبوساندرا دكين حسن البشاري عامر تيتاوي و كم زول كده نسيت حتي اساميهم بعدين قول لي معاوية الزبير اقتراحي بزرت بيهو الله يخلي ليكم الزقاق المعروش |
عارف ياحبيب الفطور ماكان ضارب يعني امنياتك طلعت ( بيييييييييش )
نعم كان الحضور قليل وذلك نسبة لتغيير الموعد من الجمعة الي السبت
وذلك لظروف خارجة عن ايدي المنظمين ....... وكان هناك بعض الاخوة
والاسر التي رتبت مواعيدها فاعتذروا عن الحضور وعلي راسهم الاستاذ
الكبير القامة عبد الاله زمراوي ...... وحتي الاخ الفاضل معتز القريش الذي
ابي الا ان يحضر وفي بيته ضيوف واعتذر عن التاخير .
اذا من لم يحضر افتقدنا وجوده لكن كان لابد للقافلة ان تسير وقد كان .
المهم......
كان الافطار جميلا وكيف لا وفيه من بورداب الدوحة
كمال سالم
عمر بوب
معتصم الطاهر
كيكي
صلاح عبد الله
احمد الزبير
معاوية الزبير
نجلاء قرافي
عبد الجليل نادوس
ليلي صلاح الابنوسة
شريف نور الدين
عادل التجاني
ياسر مبيوع
عمر سعد
خليل
عزام حسن فرح
معتز القريش
استاذ مامون احمد ابراهيم
عادل ابو جقادو
فيصل الزبير
واطفالهم واسرهم
ويمكن اكون نسيت زول ( معذرة له )
وتخيل .....
الضيوف الذين حضروا وتم تكريمهم
اكثر من 8 بوردابي وبوردابية من خارج الدوحة
والبرنامج المصاحب ..... والاغاني ..... وبرنامج الاطفال رغم قصره
توزيع شهادات التقدير ... الالقاءات الشعرية
والجبنة.........
واذا كنت نسيت زول ماكتبت ارجوك ذكرني .....!!!!
وبعدين ياخي هارون دياب زااااااااااااااااااااتو كان موجود ( مكسب )
عشان كده نابك طلع علي شونة......!!!!!!
ونجح الافطار كما لم ينجح من قبل وكنا سعداء بما قمنا به
تجاه اخواننا واخواتنا ......
ونقول لكل من حضر ...... الف شكر واديك العافية
ولكل من لم يحضر...... ليتك كنت معنا فبوجودك تجمل الاماكن ونسعد بك دائما .
اخيرا......
اذا نجنا فلنا اجران
واذا اخفقنا فلنا اجر المحاولة .
والمرة الجاية تعال بدري .
الفطور بكرة عندكم ( كتروا الشوربة ....)
سلام
| |
|
|
|
|
|
|
Re: صور افطار بورداب الدوحة ( نجوم المنبر ) (Re: هاشم الادريسى)
|
اللون الانت قاصدو دا اسمو بصلي يا وهم..... ما خاتي عليك عليك عبد العزيز لما قال انت زول بدوي ساي تلقاك هسي من النوع البقول للازرق ظهري هههههههههه.... يا بورداب الدوحة والله عينا باردة وربنا يجمعكم دايما في ساعات خير وهنا وسعادة..... بس في ملاحظة بسيطة, في بعض الصور كبرتو منها اللفة وما قلتو الناس الفيها ديل منو.
صيام وقيام مقبولين لكل الاحباب بدوحة ( الخير ).
| |
|
|
|
|
|
|
Re: صور افطار بورداب الدوحة ( نجوم المنبر ) (Re: الخير محمد عوض)
|
رمضان كريم علي الجميع وتقبل الله صيامكم وقيامكم
لمتكم جميله وحلوه بس لوكان اخرتوها شويييييييه كان لحقناكم لكن للاسف انا مامحظوظ ... عموما خيرها في غيرها زي مابقولو
نسبة لسفري للعمره لم احظي ان اكون في هذه اللمه الجميله بي ناسا الحلوين
كماعودتونا دايما يابورداب الدوحه الانيقين ...
التحيه من الاعماق للجميع وكل سنه وانتو طيبين
وشكرا ياهارون وياشباب علي هذه الصور الرائعه
وتحيه خاصه للاستاذ عادل التجاني وللدكتورمبيوع ... مع خالص الود
| |
|
|
|
|
|
|
Re: صور افطار بورداب الدوحة ( نجوم المنبر ) (Re: haroon diyab)
|
كان يوما جميلا بحق ، كان مرتبا وكانت مشاركتي لاول مرة في فعاليات البورداب ولن تكون آخر مرة بالتأكيد ، عرفني الحبيب عبدالرحمن مأمون بالجميلين عن قرب نادوس والمخضرم كمال سالمشقيق صديقي عادل ومحمد سالم وودياب والرائع كيكي ومعتصم الطاهر وفيصل الزبير النشط ونجلاء قرافي ومبيوع الصوت الشذي ونفر كريم من هذه العائلة الرائعة بورداب الدوحة الكرم ، لهم مني كل الشكر على تلك اللحظات المشرقات ودمتم متجمعين في الخير والجمال الذي انتم اهله
| |
|
|
|
|
|
|
|