|
Re: التقينا وتناجينا ... ( إفطار بورداب الرياض ).. توجد صور (Re: ABUHUSSEIN)
|
Quote: .زيزي الصور مبالغه واليوم كان جميل والاحلي من الصور بنوتك العسوله الله يحفظه ليكم يارب
|
أختي عفاف ابو حريرة ... الوجوه النضرة هي التي أعطت تلك الصور لمعانها وبريقها وجمال تلك الليلة تجلى في حضوركم وتفاعلكم ... والعسولة (دانية) استمتعت كثيرا لدرجة انها تمتمت بكثير من العبارات لامها في محاولة لوصف جمال تلك الليلة خالص تحياتي
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: يازولyazoalيازول)
|
طارق يا فنان افتقدناك في تلك اللمة الجميلة وبنقول ليك (حدي يلقى الرياض ويمشى يختار القصيم ) لووووول
هذا ومن جهة اخرى يا صديق الموج يا خي بصراحة لياقتك الرقصية انتهت وركبك شكلها لحقت الغتس الرقيص داير لياقة وانت وشحرفان خلاص كملتو الكوتة بتاعتكم من زمن الكاشف وكرومة يا خي انا كلما امسك زمن الغنية كويس والركب تبدا الدوزنة تجيني لفتة ليك ولا لي مصطفى زمني يتخرب فدحين انا تاني ما برقص معاكم خوفا على سمعتي وتاريخي كمهججاتي محترف (ده قبل ما اجي بلد المطاوعة) انا اول حفلة حضرتها في البلد دي وفي عز الجبجبة يجو داخلين الما بغبوك ديلاك ومن تاريخ تلك المداهمة الواحد بقى يرقص وعين على الباب وعين على الفنان :)
ابو حسين انت انقابو ده صورو دي برفعا في المشلعيب ولا شنو لوووول
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: محمد إبراهيم علي)
|
يا أب صباع انا بستخدم الصور بنفس طريقتك الشرحتها .. بس المشكة انو نحنا بنخش سودانيز بالبروكسي عشان كدا الرابط بكون زايد .. ويبدو انه ألبروكسي محجوب عندكم شفت كيف؟؟
غايتو عمك الموج طلع ظلامي خالص لوووولز
الله يعوضك يا ود الصايم .. الجاتك في كانونك جلت منك ^__^
يا أب صباع داليا الكباشي دي بتعرف تطبخ ولا بتتفاصح ساي؟؟ جاوب بأمانة
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: حافظ انقابو)
|
Quote: شكراً لك يا دكتورة على رفع المعنويات |
دي الحئيئه والله :)
Quote: تمبس جلي الصورة الطالبه ابو حسين وشكله ح تدخل مزاد علني |
غايتو الصور أنتقلت كلها لي (حوزتي) أنا .. والمزاد شغال على ودنو .. وكما قلنا سابقا .. للجادين فقط المراسله على الخاص
Quote: و ابو حسين ود. محمد حسن و تمبس و طارق نقد اولاد العاصمة ديل مافى طريقة ..
|
أبو حسين دا غايتو بيعرف يصفق .. لكن الرقيص دا لسه ما أدونا ليهو وبالله ما تحمسوهو يا جماعه .. أبو حسين دا متهــور وعادي جدا ممكن يعملا
Quote: لانو رقيصك انت ( بالفطرة) وقع ليكم؟؟ |
أنا غايتو (غمتا) ليهو بسبوسـه
Quote: فدحين انا تاني ما برقص معاكم خوفا على سمعتي وتاريخي كمهججاتي محترف |
أنا من شفتا (الجيركي) بتاعك داك يا باشمهندس قلتا الزول دا ما هوين
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: داليا الكباشى)
|
Quote: يا خي انا كلما امسك زمن الغنية كويس والركب تبدا الدوزنة تجيني لفتة ليك ولا لي مصطفى زمني يتخرب |
يا باشمهندس تمسك زمن دى لفحتها من عمك السر قدور واللا شنو؟ شوف انت ومحمد الشيخ ومهدى الصادق و ود البوش و معتصم دفع الله اولاد وراء الكنارات تمسكوا موية ، تمسكو غنم تصرروهم ، تمسكو تور هائج ، تمسكو رسن ،ممكن لكن حكاية تمسكو زمن دى مرحلة بينكم وبينها سكنة فى الخرتوم زى خمستاشر سنه تساهمونا مالكم وطعامك وتحضروا معانا حفلاتنا وبارتياتنا يمكن يكون فى امل ,,,
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: مزمل خيرى)
|
السلام عليكم جميعا .... شنو ياجماعه الصور وين ؟؟؟
افتحي المزاد يادكتوره داليا نحن جاهزين ....
معتصم وعمران وابوحسين واسماعيل عباس وايمن ونقد ماقصرتو والله في الخدمات والترتيب والاخراج
خالدالارباب ازدادت سعادتي بحضورك
صديق الموج ابهجتنا بقفشاتك وتعاليقك واستمتعنا بابداعك في الرقيص بالنسبه للزمن فانه احساس داخلي بيولد مع الانسان
تحياتي للجميع بدون فرز مع خالص الود للاخ الباشمهندس طارق ميرغني متعك الله بالصحه والعافيه خالص امتناني للاخت فوزيه.. وتحيه خاصه للاخ خالدالمحرب وحسن الشايقي وكل عام والجميع بخير .....
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: هشام درماس)
|
Quote: صديق الموج ابهجتنا بقفشاتك وتعاليقك واستمتعنا بابداعك في الرقيص بالنسبه للزمن فانه احساس داخلي بيولد مع الانسان |
أخونا هشام لو إستمريت في كسير التلج لي العجوز دا حا أحرمك من الليمون الباااااااااااااااااااااااااااااااااااااارد و ما تلومني بعدين ..
و صدقني الإبداع بتاعك دا لو ما ليموني الباااااااااااااااارد دا الناس ديل كان رقدوا ليك هردبيس....
ياخ و الله إستمتعنا بي صورة ما عادية الله إديك العافية ...
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: حاتم تاج السر المبارك)
|
لمة بعد الفطور .. تمبس .. باشمهندس محمد ابراهيم .. مورتا .. محمد الشيخ .. شقدي .. ياسر العوض .. ايمن دياب .. ادريس محمد ابراهيم .. باشمهندس محمد ابراهيم .. ود الصايم .. تمبس .. ياسر العوض من كندا يمينا .. محمد خضر بشير يسارا .. ابو حسين ملاها لحدت ما الزرارة اتفتحت .. بجانبه يوسف السماني .. اسماعيل عباس بعد الفطور .. قال لي يوسف ( كان راجل .. اللوي اليد دي )
| |
|
|
|
|
|
|
Re: التقينا وتناجينا ... ( إفطار بورداب الرياض ).. توجد صور (Re: حافظ انقابو)
|
سلام للجميع... كانت لمة جميلة الواحد شاف فيها عدد من الناس الجميلين. الشكر الجزيل لجميع الإخوة بالرياض على اللحظات الحلوة القضيناها معاهم و شكر خاص لود الصايم على المتابعة طيلة فترة الإقامة بالرياض و على تكبده عناء التوصيل رغم المشاوير البعيدة. و كان مسك ختام الزيارة مقابلة مرتضى و التعرف عليه.
| |
|
|
|
|
|
|
|