|
|
 Re: بوست برعاية سمارت، تعليم الاطفال العادات الغذائية السليمة (Re: Dania Elmaki)
|
دانية ازيك والله يخلي احمد... عارفه الامراض الوراثية وبالذات السكري ممكن الواحد يتفاداه بالعادات الصحيحة... وزي ما قلت، مافي داعي للحرمان... الاطفال في بيوتهم بكونوا اليوم كله بياكله شوكولاته وحلاوة وشبس... لما تجي الام تخت ليهم تفاح او موز ما حياكلوا منهم، اولاً لانه حيكونوا شبعانين في الحاجات التانية دي، وثانياً لانه الحاجات دي طعمها بالنسبة لطعم الحاجات التانية ما حلو .. بالنسبة ليهم لو الخيارين موجودين احسن يمشوا على الحاجات الحلوه...
احنا نحاول قدر الامكان في البيت ما تكون الحاجات دي موجوده، لانه وقت المدرسة بقية الناس ما بنقدر نتحكم في انهم مربين اولادهم كيف... المدارس برضها بتبيع ليهم الحاجات دي... انا بتكلم طبعا باعتبار اننا هنا في السعودية، غالبا ناس امريكا الوضع عندهم مختلف... هنا عادي المدرسة بتبيع الصودا والشبس والشوكولاته... يا حليل مديرة محمود الزمان، كان الكانتين بتاع المدرسة ما ممكن تدخله الحاجات دي... وقاموا غيروها وبقينا في المشكلة! الشي العملته مع ولدي انه بديه قروش يشتري زيه وزي الاطفال، لكن بحاول في البيت احافظ على نمط اكله ... بقى بطلب الحاجات دي، لكن في البيت بتتعمل بكنترول... شبس ما قاعدين نجيبه خالص، بنجيب شوكولاته، وعندها وقت محدد في اليوم، بكون بعد الغدا... ورغم انه عارف مكانهم، بجي يطلب مني وانا بديه... عندي صندوق شوكولاته في مكان الاستقبال، ممكن يقعد سنين محمود ما يهبشه (ما تخافوا ما قاعد سنين لوووول) ... رغم انه الغرفة دي بين غرفة محمود وغرفة التلفزيون واليوم كله هو بمر بيها.. اصحابه لما يجونا بستلموها كلها..
طيب، نركّز على نقطة معينة مهمة في موضوع الاكل، وهي انه الاطفال بستخدموه لجذب الانتباه ... الطفل مهما اهتموا بيه بكون عايز المزيد من الاهتمام... ده ما بعني تقصير بعني بس انه الطفل ده عايز اهتمام مستمر من اهله، خاصة في وجود اخوان ليه.. من طرق جذب الانتباه الممكن الطفل يعتمدها موضوع الاكل... الحاجه دي بتبدا بانه الاهل بتكلموا قدام الطفل عن اكله، فلان الليلة دي مااااا اكل كويس ما عارفاه ماله، الليلة فلانه دي اكلها ما عاجبني، وعادة التعليقات دي بتكون في حالة عدم الأكل... الطفل لانه ذكي بنتبه انه الشي ده بجذب انتباه الاهل بقوم بسيب الاكل عشان اهله يحنسوه او على الاقل يتكلموا عن الحاجه دي... الاطفال ديل من بدري بنتبهوا للحاجه دي، مرات عادي الطفل نفسه بتكون مقفوله بسبب المرض او التسنين او قلّة النوم... لما الاهل يقعدوا يتكلموا عن الموضوع قدامه ...
الطريقة في السودان صعب تتطبق في الغربة، الاطفال في السودان بياكلوا وبلعبوا معظم اليوم... الطفل لما يكون بياكل بدون حساب ببدا يسمن، المشكلة انه بعداك بصل مرحلة من الوزن، شكله الكان عاجب اهله ببقى ما عاجبهم، وفجأة تتحول شكوى الاهل من اكل الطفل القليل، لتعليقات لإنه بياكل كتير... الطفل بيضطرب وما يعرف الحصل شنو... الاهل كانوا عايزينه ياكل واي وقت يطلب اكل بدوه... وفجأة بقلبوا ويقولوا ليه ما تاكل كتير.... الشي الممكن يفهمه الطفل في الحالة دي انه الاهل اتغيروا من ناحيته او بقوا ما بحبوا... لكن هو بكون اتعود على الاكل، وببقى ليه الاكل ملاذ... شويه شويه ببقى الاكل الممنوع المرغوب... لدرجة انه الطفل ممكن ياكل على عينه ... ويتدسى وياكل... او يستغل فرصة طلوع الاهل عشان ياكل.... وكده بتبدا مشكلة الشره والاكل زيادة عن الحد... والاكل البسموه الemotional eating...
عندي صديقة، اولادها وهم صغار بتبذل مجهود انها تسمّنهم... لدرجة انها بتكون شغاله فيهم اكل اليوم ... ممكن تأكلهم سكر لو حست انهم ما اكلوا كويس... اهم شي انا بحاول اكّد عليه هنا انه الطفل مفروض يكون ادرى ببطنه اكتر من اي زول تاني... احنا بنحس بأولادنا بعاطفة الأمومة والشفقة عليهم، لكن نديهم هم حرية انهم يقرروا متين جعانين ومتين شبعانين... اطفال صديقتي دي لما يصلوا عمر 9-10 سنين بتكون بدت تحس انهم اوزانهم زايده وسريع بتقوم تقلب وتغير في طريقة اكلهم، تشجعهم على الرياضة تحولهم من full-fat ل low-fat... الصغار بتكون مستمرة معاهم بنفس الطريقة بتاعت التسمين... ورغم الاجراءات الجديدة الكبار بكونوا مستمرين يزيد وزنهم، لانهم اتعودوا على كميات ما محدودة... وعلى قول والدة سمارت، بطنهم بتكون وسعت...
كده غطينا موضوع الكمية وموضوع ربط الاكل بعلاقة الاهل بولدهم... برجع بعدين اتكلم عن الحاجات الممكن نعملها عشان نحسن نوعية اكل الاطفال.. برضه عايزه اتكلم عن موضوع الرياضة واهميتها للأطفال..
|
|
  
|
|
|
|
|
| العنوان |
الكاتب |
Date |
| بوست برعاية سمارت، تعليم الاطفال العادات الغذائية السليمة | مريم بنت الحسين | 08-03-12, 02:36 PM |
| Re: بوست برعاية سمارت، تعليم الاطفال العادات الغذائية السليمة | Dania Elmaki | 08-03-12, 03:07 PM |
| Re: بوست برعاية سمارت، تعليم الاطفال العادات الغذائية السليمة | سيف النصر محي الدين | 08-03-12, 03:19 PM |
| Re: بوست برعاية سمارت، تعليم الاطفال العادات الغذائية السليمة | Mohd Ibrahim | 08-03-12, 03:39 PM |
| Re: بوست برعاية سمارت، تعليم الاطفال العادات الغذائية السليمة | مريم بنت الحسين | 08-03-12, 04:04 PM |
| Re: بوست برعاية سمارت، تعليم الاطفال العادات الغذائية السليمة | حمد عبد الغفار عمر | 08-03-12, 04:10 PM |
| Re: بوست برعاية سمارت، تعليم الاطفال العادات الغذائية السليمة | smart_ana2001 | 08-03-12, 04:59 PM |
| Re: بوست برعاية سمارت، تعليم الاطفال العادات الغذائية السليمة | smart_ana2001 | 08-03-12, 05:21 PM |
| Re: بوست برعاية سمارت، تعليم الاطفال العادات الغذائية السليمة | Dania Elmaki | 08-03-12, 05:46 PM |
| Re: بوست برعاية سمارت، تعليم الاطفال العادات الغذائية السليمة | حمد عبد الغفار عمر | 08-03-12, 09:01 PM |
| Re: بوست برعاية سمارت، تعليم الاطفال العادات الغذائية السليمة | smart_ana2001 | 08-03-12, 09:26 PM |
| Re: بوست برعاية سمارت، تعليم الاطفال العادات الغذائية السليمة | مريم بنت الحسين | 08-03-12, 11:56 PM |
| Re: بوست برعاية سمارت، تعليم الاطفال العادات الغذائية السليمة | Dania Elmaki | 08-04-12, 05:54 AM |
| Re: بوست برعاية سمارت، تعليم الاطفال العادات الغذائية السليمة | Dania Elmaki | 08-04-12, 06:12 AM |
| Re: بوست برعاية سمارت، تعليم الاطفال العادات الغذائية السليمة | مريم بنت الحسين | 08-04-12, 11:48 AM |
 Re: بوست برعاية سمارت، تعليم الاطفال العادات الغذائية السليمة | حمد عبد الغفار عمر | 08-04-12, 09:04 PM |
| Re: بوست برعاية سمارت، تعليم الاطفال العادات الغذائية السليمة | مريم بنت الحسين | 08-05-12, 09:21 AM |
| Re: بوست برعاية سمارت، تعليم الاطفال العادات الغذائية السليمة | smart_ana2001 | 08-06-12, 07:25 PM |
| Re: بوست برعاية سمارت، تعليم الاطفال العادات الغذائية السليمة | حمد عبد الغفار عمر | 08-06-12, 10:13 PM |
| Re: بوست برعاية سمارت، تعليم الاطفال العادات الغذائية السليمة | smart_ana2001 | 08-09-12, 05:25 PM |
 Re: بوست برعاية سمارت، تعليم الاطفال العادات الغذائية السليمة | smart_ana2001 | 08-14-12, 05:10 PM |
| Re: بوست برعاية سمارت، تعليم الاطفال العادات الغذائية السليمة | سلمى الشيخ سلامة | 08-14-12, 06:30 PM |
| Re: بوست برعاية سمارت، تعليم الاطفال العادات الغذائية السليمة | smart_ana2001 | 08-14-12, 07:15 PM |
| Re: بوست برعاية سمارت، تعليم الاطفال العادات الغذائية السليمة | مريم بنت الحسين | 08-15-12, 08:56 AM |
| Re: بوست برعاية سمارت، تعليم الاطفال العادات الغذائية السليمة | مريم بنت الحسين | 08-16-12, 11:51 AM |
| Re: بوست برعاية سمارت، تعليم الاطفال العادات الغذائية السليمة | متوكل الحسين | 08-16-12, 02:58 PM |
| Re: بوست برعاية سمارت، تعليم الاطفال العادات الغذائية السليمة | Sabri Elshareef | 08-16-12, 03:10 PM |
| Re: بوست برعاية سمارت، تعليم الاطفال العادات الغذائية السليمة | smart_ana2001 | 08-16-12, 06:41 PM |
| Re: بوست برعاية سمارت، تعليم الاطفال العادات الغذائية السليمة | مريم بنت الحسين | 08-17-12, 11:12 AM |
| Re: بوست برعاية سمارت، تعليم الاطفال العادات الغذائية السليمة | مريم بنت الحسين | 08-18-12, 01:15 PM |
| Re: بوست برعاية سمارت، تعليم الاطفال العادات الغذائية السليمة | smart_ana2001 | 08-18-12, 04:58 PM |
| Re: بوست برعاية سمارت، تعليم الاطفال العادات الغذائية السليمة | smart_ana2001 | 08-18-12, 05:21 PM |
| Re: بوست برعاية سمارت، تعليم الاطفال العادات الغذائية السليمة | smart_ana2001 | 08-21-12, 11:38 PM |
|
| |
مريم بنت الحسين
فيس بوك
تويتر
انستقرام
يوتيوب
بنتيريست