|
Re: وما أدراك ما وثيقة البديل الديمقراطى ! (Re: طه جعفر)
|
سلام ياود الخليفة و كيف الحال يا طه يا اخوي ليه نفسك حار و بتتكلم كانك وصي نكتب كيف او ما نكتب كيف ؟ وليه انت فارض انك بتشوف احسن مننا ذاتو !!؟
طيب شوف كلامك دا :-
Quote: هل تم اغلاق باب النقاش حول وثيقة البديل الديمقراطي؟ هل اغلاق باب التوقيع عليها؟ الاجابة علي السؤالين اعلاه هي لا |
اهو انت سالته و جاوبته براك صح ؟
طيب أنا رآي انهم و قعوا وعملوا احتفال توقيع مش يعني خلاص !!؟ هو لو اصلاً يا طه و ثيقة جادة و فاعلة و حاوية صدقني كانت ما بتدع إي نقطة مالم تذكرها و تكتبها ياخ دي وثيقة لحل ازمة بلد كاااملة كيف يعني يوقعوها و بعد داك يجوا يعملو ليها ملحق بالحاجات النسوها!!!؟ الكلفتة فوق ام كم و العجلة لي شنو !!؟ هم بتكلموا عن حظيرة و لا حواشه!؟
Quote: كل من له فكرة و يعتقد انه سيكون له دور فيما سيعقب اسقاط النظام الحالي يتوجب عليه ايصال رأيه بالصورة المعروفة لقوي الاجماع الوطني بدلا من اثارة البلبلة و التشويش في منابر النقاش الالكتروني |
و ليه تعتبره بلبله ! مش هو نقاش و كتابة و قوى الاجماع الوطني برضو مفروض تكون متابعة البحصل في منابر الحوار دي و تستفيد منو ؟ بعدين يا طه ليه بتفترض انو كل زول عندو رآي او فكرة لازم يكون عندو طريقة اتصال بقوى الاجماع الوطني؟ ليه ياخ أنت فاكر كل الرافضين للأنقاذ ديل منظمين في القوى دي ولا شنو؟ ولا فاكر انو الزول لو ما منظم مفروض يموت بكلاموا في قلبو!؟
Quote: لان هذا النوع من المناقشات غير المنتجة ( علي طريقة فتح البوستات هنا في سودانيزاونلاين) سيعطي القراء و المتابعون احساسا بأن قوي الجماع الوطني و هو اسم للقوي ذات المصلحة في اسقاط النظام" ليس في حالة اتفاق وان ملامح البديل غير واضحة و هذا سيصب في مصلحة النظام القائم و سينشر احساسا بالاحباط بين الشباب و الطلاب القائمين الان علي امر الثورة و الانتفاض. فهل لي ان اطلب من كل مناضلي سودانيزاونلاين ممن لا يعجبهم العجب و لا الصيام في رجب ان يتحلوا بروح المسئولية الوطنية و أن يقوموا بانجاز واجبهم في الاتصال بقوي الاجماع الوطني و ايصال آرائهم بالصورة المعروفة و المهنية بدلا عن الصياح هنا في منبر سودانيزاونلاين فمها علت الاصوات فهي ليست اكثر من جعجعة فارغة فأساليب الاتصال بقوي الاجماع الوطني معروفة و متيسرة.
|
اهو انت يا طه ب(تفلق) و ما (بتداوي) كمان و بكلامك دا منصب نفسك الفه عديل كدا و بتعرف البنتج من الما بنتج !!! ياخ اعتبرها شفافية او اقلاها اعتبر انو في ناس دي وسيلتهم في التوصيل ليه طوالي ماشي للكعب !!؟ و ثم تانياً انت قائل القراء و المتابعين ديل ما عارفين لحدي ما نج نحنا نوريهم و لا شنو !؟ و الاهم من دا كلو يا طه أنت بالجد فاكر انو قوى الاجماع الوطني دي متفقه و خلاص سمنه على عسل !!!؟ اي انا معاك مصلحته في اسقاط النظام لكن يا طه جعفر القوى دي ذات نفسها لو ما كانت استراتيجيه في تحالفاتها حتجي و تفقد و ضعيته تمام بعد أن تسقط النظام ، شفته الفرق دا يا طه هو المخلينا نتكلم و نواجهم و ننتقدهم . يا طه ديل بتكلموا عن بديل و كلامهم دا غلط كبير بديل ايه !!! ياخ ديل مفترض يتكلموا عن تغيير جذري وليس بديل !!! شفته كيف يا طه!!! لو سكتنا علي و ثيقة (بديلهم) دي بنجي باكر تاااني نقع في المطبه.
Quote: من المؤسف ان يضطر الواحد للقول أن كل الاصوات التي تتعالي الآن لنقد الوثيقة ( وثيقة البديل الديمقراطي) هم في الحقيقة ليسو متعرضين علي محتوي الوثيقة لكنهم قلقون علي ادوارهم في الفترة التي ستعقب اسقاط النظام.لأنهم أحسوا بأن البديل قد تشكلت ملامحه و اوضحت لهم الايام حقيقة حجمهم. |
و ليه موسف يا طه!!! ما موسف ولا حاجة عارف ليه !!! لانو الموسف جد هو أنو كل الذين سارعوا بالتوقيع على هذه الوثيقة هم الذين يسارعون لضمان مقاعدهم في الفترة القادمة عارف ليه ؟ لانو ببساطة القادم هو التغيير و ليس البديل و هم عرفوا كدا تمام . المصيبة الكبرى ان بعض القوي الموقعة علي الوثيقة ذهبت للانتحار بمحض ارادتها و سط قوى في الاصل متؤاطئة وكل اختلافها من الواقع الحالي هو أن ليس لها مناصب حكومية .
و تحياتي لك .
|
|
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
وما أدراك ما وثيقة البديل الديمقراطى ! | طلعت الطيب | 07-05-12, 02:25 PM |
Re: وما أدراك ما وثيقة البديل الديمقراطى ! | طلعت الطيب | 07-05-12, 02:31 PM |
Re: وما أدراك ما وثيقة البديل الديمقراطى ! | سلمى الشيخ سلامة | 07-05-12, 02:44 PM |
Re: وما أدراك ما وثيقة البديل الديمقراطى ! | سفيان بشير نابرى | 07-05-12, 04:42 PM |
Re: وما أدراك ما وثيقة البديل الديمقراطى ! | طه جعفر | 07-05-12, 04:12 PM |
Re: وما أدراك ما وثيقة البديل الديمقراطى ! | طلعت الطيب | 07-05-12, 05:24 PM |
Re: وما أدراك ما وثيقة البديل الديمقراطى ! | سفيان بشير نابرى | 07-05-12, 06:03 PM |
Re: وما أدراك ما وثيقة البديل الديمقراطى ! | احمد الامين احمد | 07-05-12, 06:22 PM |
Re: وما أدراك ما وثيقة البديل الديمقراطى ! | عوض محمد احمد | 07-05-12, 07:13 PM |
Re: وما أدراك ما وثيقة البديل الديمقراطى ! | د. عمرو محمد عباس | 07-05-12, 07:37 PM |
Re: وما أدراك ما وثيقة البديل الديمقراطى ! | AMNA MUKHTAR | 07-05-12, 08:11 PM |
Re: وما أدراك ما وثيقة البديل الديمقراطى ! | عوض محمد احمد | 07-05-12, 08:27 PM |
Re: وما أدراك ما وثيقة البديل الديمقراطى ! | محمود الدقم | 07-05-12, 08:34 PM |
Re: وما أدراك ما وثيقة البديل الديمقراطى ! | طلعت الطيب | 07-05-12, 10:33 PM |
|
|
|