|
(6) إمتداد الدرجة الثالثة.. ذلك الحي المتفرد
|
وكتين بكري ابى يرجع لينا بوستينا نشيل حقنا بي يدينا اصلو البلد كلها بقت شغالة قلع
يلا يا شباب انداحوا هنا بكري حلف ما يرجع لينا البوست مع انه في بوست الارشفة اترجيناهو وكمان رسلنا ليه كمية رسائل في الموضوع نسوي شنو عاد الشكية لي اب ايد قوية وفوق دة ودة موقف لينا الآتية أسماءهم: عوض عثمان عبد الحليم حامد نعيم الفاتح فريجون
|
|
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: طارق جبريل)
|
مراسلنا الفاتح فريجون:
Quote: سلامات يادكتور....يوم الأمس كما هو متوقع تأهل فريقي النجوم والمعلمين للمباراه النهائيه بعد فوز النجوم علي سلام 11 ب 6/3 ... والمعلمين علي اللواء بضربات الترجيح بهد إنتهاء الذمن الرسمي بالتعادل هدفين لكل بعد ملحمه قويه...النهائي يادكتور غالبا يكون السبت القادم وعلي حسب كلام بابكر حيكون نهائي عالمي من حيث التحضير والإهتمام. سلامي للجميع
|
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: طارق جبريل)
|
دكتور طارق والله الواحد جد محتار ليه مايتواصل البوست حق حينا وغيره من الأحياء يصل لمئة وكثر صفحة مفروض يكون في عدالة علامة أستفهام نرسلها للباشمهندس بكري أبوبكر أبوبيان ليبين لنا الأمر حتي نعقل ما يدور في ديمقراطية الموقع تأكدنا أن لاديمقراطية بالوطن فمابال المنبر الحر هذا يحجر علينا اندياحنا مشكور ياطارق بس عدم وجودنا هنا معوض هناك في ملكنا. ،،،،أبوقصي،،،،
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: مجدي عبدالرحيم فضل)
|
Quote: دكتور طارق والله الواحد جد محتار ليه مايتواصل البوست حق حينا وغيره من الأحياء يصل لمئة وكثر صفحة مفروض يكون في عدالة علامة أستفهام نرسلها للباشمهندس بكري أبوبكر أبوبيان ليبين لنا الأمر حتي نعقل ما يدور في ديمقراطية الموقع تأكدنا أن لاديمقراطية بالوطن فمابال المنبر الحر هذا يحجر علينا اندياحنا مشكور ياطارق بس عدم وجودنا هنا معوض هناك في ملكنا. ،،،،أبوقصي،،،،
|
والله يا ابو قصي انا اتحيرت ذاتي مع انه في بوست الارشفة كلمته وكما في رسلت ليه في الايميل حكم القوي ياخي
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: طارق جبريل)
|
الدكتور طارق الامتدداب الحلوين
Quote: غالبا يكون السبت القادم وعلي حسب كلام بابكر حيكون نهائي عالمي من حيث التحضير والإهتمام. |
الصور يا فريجون ,,,,,,,,,,,,,,, الرد استار خبر شنو في هذه الدورة ,,,
ليتواصل البوست كيتا في المابين ,,,
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: عمار عبدالله عبدالرحمن)
|
تحياتي يا طارق ومبروك النسخة السادسة من السيرة العطرة بس يا ريت لو بكري أبو بكر نظم لينا الأجزاء كلها في بوست واحد يكون رد لينا مظالمنا وأعاد الحق لأصحابه.
أخبار دورة ربيع 3 شنو يا طارق - هي كمان إتأرشفت مع البوست وللا شنو !!!!
خضر (النقابي العجوز) وين الحي بيك يا صديقي ؟!!! وسعيدين بطلتك من جديد
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: مزمل خيرى)
|
Quote: طارق... انتو تااانى جيتوا .؟ ياخ نحن ما صدقنا انو ابوصلعة ماجاب بوستيكم المخستك دا للربع الجديد تانى جاى فاتح ليك واحد جديد !! ياخ كنا مرتاحيييين .! قال حى متفرد قال !! طيب اركويت تكون شنـو.؟ |
ود خيري اقول ليك شي ناس اركويت كان فُسحتم في الامتداد يعني الواحد عندهم لمن يجي الامتداد بمشي مبسوط كأنه دبي
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: صديق حمدتو)
|
Quote: تحياتي يا طارق ومبروك النسخة السادسة من السيرة العطرة بس يا ريت لو بكري أبو بكر نظم لينا الأجزاء كلها في بوست واحد يكون رد لينا مظالمنا وأعاد الحق لأصحابه.
أخبار دورة ربيع 3 شنو يا طارق - هي كمان إتأرشفت مع البوست وللا شنو !!!!
|
يا ريت يا ابو رهف
اخبار الدورة منتظرين الفاتح فريجون مراسلنا من هناك
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: طارق جبريل)
|
مراسلنا الجميل الفاتح فريجون:
Quote: دكتور طارق سلام كميات...اولا حمدالله علي سلامه البوست الراح وجمع...وبرضو شكرا علي تذكير اخونا بكري بالحسابات الموقفه..ربك يهون. بخصوص الدوره يادكتور النهائي لسه ما إتلعب لأنو في ترتيبات شغالين في ناس بابكر لإنجاح مهرجان الختام.. عندهم كم مرشح كده داعينهم للحضور وبجهذو برضو لي حشد راسو عدييل يوم الختام...شغل إنتخابات وكده ياعمك..لكن المؤكد إنو يكون الجمعه الجايه دي حسب آخر كلام للجنه المنظمه..واوعدك إنشاءالله ارسل ليك منو كميه من الصور. وقول لي أخونا عمار عبدالله بعد التحايا الطيبه الردستار للأسف ماعاد ردستار ذمان حالو حال معظم فرق الرابطه الآن .. ماعارف حواء الإمتداد عدمت المواهب ولا المشكله في الناس القايمين علي امر الكوره في الإمتداد.. اما بخصوص مشاركه لردستار في الدوره دي فهم ماشاركو رغم إنو اللجنه المنظمه حسب علمي رسلت ليهم خطاب دعوه... لكن مايفوتك ياعمار الأستاذ حافظ خليل ممثل الردستار خير تمثيل هو طبعا لاعب في تيم المعلمين..وحاتك مارضم مرض شديد.. رغم إنو بدخلوهو في المباراة دقيقتين ويطلعوهو إلا إنها كافيه جدا عشان يجوط فيها لعب التيم كلو يقوم المدرب يتطر يسحبو مصحوب بلعنات وتريقه الجمهور. يادكتور ناس الإمتداد هنا مبسوطين من فكره منبركم ده وبتمنو إنو الناس دوام تكون متواصله لأنو بالجد الإمتداد متفرد...رضو ناس اركويت ولا ابو. سلامي للجميع.
|
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: طارق جبريل)
|
مراسلنا الجميل الفاتح فريجون:
Quote: العذيذ دكتور طارق كيفك وكيف شبابنا المعاك ؟ عساكم كلكم طيبين ...بالامس ياطارق بحمدالله إنتهت دوره مراحيم مربع٣ وكما هو متوقع كان النهائي رائع كروعه اخوانا في اللجنه المنظمه الريس بابكر يوسف،كمال صالح،اسامه كوبلي،مجدي النعيم،احمد الرشيد وكل منىساهم في إنجاح هذا العمل منا لهم الف تحيه..التنظيم كان رهيب يادكتور شى صيوان وشى ساوند سيستم وحضور كبير جدا وتكريم لي أسر المراحيم وهدايا قيمه للفرق المتباريه...غايتو بس كان ناقصها حضوركم وشباب الامتداد في منبركم العامر..اما بخصوص المباراه النهائيه فذي ماانت عارف كان بين النجوم والمعلمين تستاهل بالجد تكون نهائي قوه ومهاره وحماس من الجانبين وكالعاده كانت الغلبه للمعلمين بهدف وحيد احرزه حافظ خليل-الزوول سكتني ياطارق-والله كاشح ليهو كوره من النص اظن القون ماشافها الا جوه الشبك،،في ناس حاقدين كده قالو صدفت معاهو ساي،،لكن والله قون سمح..الكوره في مجملها كان متكافئه رغم انو النجوم ضيعو قونين مضمونااات...اها بعد الكوره انتهت ناس النجوم قامو لي حركاتهم بتاعت الرابطه الذمااان ديك وقالو الا يدقو الحكم لكن العقلاء اتدخلو ومرت الليله بسلام..تم تسليم الكاس والميداليات في جو احتفالى بهيج كان نصيب الاسد في الاحتفال لي شباب مربع ٢ ساهرو للساعات الاولى من الصباح،،ناس النجوم مشو حردانين شويه قالو علي الاقل كان يدوهم كوره مع الميداليات الفضيه إلا انو بابكر قال الناس ديل كانو دايرين يدقو الحكم فكفاهم الفضه..هداف الدوره شال كاسو الفاضل من النجوم اما احسن لاعب فكانت من نصيب اشرف ابو صاحبو من سلام١١ ..فضل اقول ليك يادكتور شباب مربع ٢ والمعلمين اهدوا الكاس لارواح جميع مراحيم الدوره طمبل باي ،مدثر قطبي، صديق حمد ،هاشم الجص،عمر محمد نور،فتح الرحمن وشمس الدين عثمان،سامي العبيد،اسامه مبارك،متوكل جبريل والكوتش عبد الستار وكل من فاتني ذكر اسمه نسأل الله ان يتغمدهم جميعا بواسع رحمته. طبعا ذي ماوعدتك يادكتور مرسل ليك كميه صور اكيد فيها البتعرفهم والمابتعرفهم،،،طبعا بعتذر منكم لانو الكوالتي ما قاطعه بسبب الاضاءه الا إنها كفايه عشان تميز بيها الوجوه الطيبه دي. ختاما سلامي لك ولكل حبايبنا بالمنبر فردا فردا وإن كان لابد من تخصيص فسلامي ودعواتي للحبيب عماد محمود اقال الله عثرته..والله فاقدنك يا عماد شد حيلك تعال عشان تحصل دوره السنه الجايه وحاتك ربيع٣ بي وراكم رقد واطه ناس كوبلي غطسو حجرو تعالو الحقوهو يا عمده..شكرا دكتور طارق علي فتح باب التواصل ده ولنا عوده إنشاءالله لو فضل في العمر بقيه...سلام.
|
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: طارق جبريل)
|
طارق جبريل مبروك الاصدارالسادس عقبال مائة شمعة اسمح لي اوجه نداء عبر بوستكم العامر الى المتواقين في هذا البوست من اهلنا في الصحافة جيران الامتداد المتفرد كدي واحد يفكر فيكم في اصدار الطبعة الثانية من بوست الصحافة يمكن الزعيم : حيدر قاسم ، مشغول وضاربو البرد في كندا كدي واحد دفيان من ناس الصحافة يفتح لينا بوست مش عيب الموصلي يرجع للصحافة ومايلقى ليهو بوست صحافي يستقبلو ويرحب بيهو
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: طارق جبريل)
|
Quote: اها بعد الكوره انتهت ناس النجوم قامو لي حركاتهم بتاعت الرابطه الذمااان ديك وقالو الا يدقو الحكم لكن العقلاء اتدخلو ومرت الليله بسلام. |
ده كلام يدعو للسخرية والعحب - فريق طول عمره في الرابطة هو الفائز والحاصل على الكئوس - يدقوا الحكام عشان شنو؟؟؟؟؟؟
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: طارق جبريل)
|
يافريجون حرام عليكم بطل الرابطة وبطل اندية الروابط وممثل رابطةالامتداد فى المحافل الاقليمية ماتقدمو ليه الدعوة للعجايز للمشاركة فى دورتكم الحلوة دى عشان كده المشاركين كلهم حمام عرفت الفريق فريق الصحراء والله زعلانيييييييييييييييين زعل شديد............... ديل نجوم الامتداد نمرة واحد كان على الاقل جينا اتفرجنا............
يادكتور طارق دايرين حقنا من بكرى رجعوا لينا بوستاتنا افتح ليكم بوست مطالبه منفصل.. ماقلنا ليكم ده عيب الايجار لكن مابنطلع لاننا سكان قدام يعنى بكرى لو داير يطلعنا مابقدر بالقانون
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: طارق جبريل)
|
Quote: ناس النجوم قامو لي حركاتهم بتاعت الرابطه الذمااان ديك وقالو الا يدقو الحكم |
يا د. طارق تحياتي يااااخ ونحن أبو الروح الرياضية ذاتها - ههههها
بس زولك ده قال ناس النجوم قاموا لحركاتهم الزمان ديك !!!!! أهنا نحن دايرين نعرف زمان متين؟؟؟؟
أها يا دكتور النحكي ليك زمان دي حصل فيها شنو!!! حصلت حكايةعجيبة يمكن فريجون ده زاتو يمكن يكون مشارك فيها ما متذكر غايتو!!! مرة ناس ربيع 3 ديل دقوا الحكم قبل المباراة ما تبدأ "ما في داعي لذكر أسمه لأنه الآن بين يدي رب رحيم" - شفت ليك ناس بدقوا الحكم قبل بداية المباراة - وميدان الرابطة طبعا في مواجهة قسم الشرطة وتمت معاقبة الفريق كلو بالجلد بواسطة القاضي.
سبحان الله وبعد ده كلو كمان بتتكلموا عن دق الحكام والله عينكم قوية خلاص (لووووووووووول)
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: صديق حمدتو)
|
لا حولة بوستينا القديم راح شمارة في مرقه .. شكيتك علي الله يا بكري ..
: :
ما في مشكله .. يا لمشاطات الفوق .. امتدانا عاجبنا .. بالله شوف - واحد من الحاج مشتت والتاني - شمباااااات والتالت .. اركويت وعمر عثمان وحاة النبي ما بطلع من التالته الفوق ديل ... ولو طلع بكون من الجريف ،،،،،،،،،، معقولة يا فريجون ناس النجوم بتاعين مشاكل !!
السلام عليكم جميعا في السادسه
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: عبدالله كع)
|
Quote: يادكتور طارق دايرين حقنا من بكرى رجعوا لينا بوستاتنا افتح ليكم بوست مطالبه منفصل.. ماقلنا ليكم ده عيب الايجار لكن مابنطلع لاننا سكان قدام يعنى بكرى لو داير يطلعنا مابقدر بالقانون |
لابد من حسم هذا الموضوع مع احترامي للبوستات الاخرى للاحياء من هو افضل من الامتداد على الاقل بوستات الاحياء تجمع الشباب لخدمة المنطقة صحة وتعليم وما شابه ذلك لماذا تحرم الامتداد منه
------------------------ سلام ليكم ومتابعين ياحلوين
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: طارق جبريل)
|
نيابة عن أسرة المرحوم إن شاء الله متوكل جبريل رحمه الله وتقبله الله قبولا حسنا ونيابة عن أرملته وابنتيه اشكر كل القائمين على الدورة واشكر لهم التفاتتهم في حق اشخاص وهبونا الكثير في الامتداد ثم رحلوا عن دنيانا.. لهم الرحمة واخص بالشكر الاخوان: بابكر يوسف جبر الله معتصم (زومو) احمد الرشيد الفاتح فريجون
حقيقة تعجز الكلمات عن التعبير عن ما بالخواطر
رحم الله الجميع
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: طارق جبريل)
|
ياطارق : يا قائدنا وحادى ركبنا : كيفك وكيف حالك؟ حقيقي انا اصاب بالاسي والحزن كل ما افتح هذا البوست واحس بالتفصير بالمشاركه ...زربنا يعلم لم ياتي هذا قصدا ...لكن شغلانية الدنيا ما تركت لينا فرقه ليكم يا عظيمين ويا كبار بكل ما تحمل هذه الكلمه من معاني. كلما ما افتح واقرا : اجدكم اماي شباب مهمومين بقضايا منطقتكم زمزاكبين في الحلو والمره : انشاء الله دائما ومرفوعين الهامه ورافعين بلدكم ... امين يارب. تملكتني الفرحه الشديده وانا ارى رفدكم لهذه النشاطات التي هي اكبر معين علي لمة ناس الامتداد وحميمتهم الشديده تجاه بعض. كما حدثتك سابقا نتمني ان نعمل علي تطوير هذه المنطقه الزاخره بكل معينات الحياه الثقافيه والرياضيه والاجتماعيه. انا اتابع واعرف جزء من تواريخ هذه الفرق الرياضيه من خلال سرد المرحوم الباقي فينا دائما( الفاتح ابراهيم).....ربنا يرحمه ويغفر له بواسه رحمته. لكل من رحل من الامتداد في الفتره السا بقه ..له الرحمه الواسعه. اسمح لي ان احي كوكبتك الراقيه وكل من سقط سهوا وليس عمدا ...ارجو ان يعذرني: اولا : سلام مربع بعودة النقابي. وسلام كبير : لمجدى فضل : النشيط الهميم والمتابع دائما. وتحيه وشوق : امير الجمرى ... انشاء الله يكون بعافيه. ووين ست البنات : ساره كرودى ....ليها شوق ووحشه. والتحيه ليك : ياعامر ولك بمثلها عبدالله كع ووين اخونا : عماد شمت؟ وبابكر التوم زعبدالحليم وكاني اتفقدكم بدياركم كل بمربعه. هل الفاتح فريجون هذا يسكن مربع (3) ؟؟ اعتقد ان لي معرفه باسرته ...احييهم جميعا. صديق حمدتو : لم اتركك للنهايه الا ان اقول ليك : اني افتقدكم بشده واتمني ان ا اتحدث معك لو الظروف سمحت .
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: Mahassin Ibrahim)
|
صباح زي الورد ..
تحيات اختنا محاسن .. فعلا الحياة - تابي ان تترك لنا ما تبقي من عمر - و نستريح من ضرباتها الموجعه فانها سحبت الذمن الجميل من بيننا اجمل ايام عمرنا - وتركتنا نلهث خلفها ......... وأوعدتنا بان تلازمنا همومنا ما زيلنا علي قيد احياء - لكن تحيه للاخ جبريلا .. الزي عمل علي تواصلنا عبر هذا المكان حتي ولو لحظات - ترحمنا من غربتنا الداخليه والخارجيه
- * شكرا طارق جبريل - وفريجون .. وكل من اعان في اقامة هذه الدورة * معليش الكاس حق النجوم - لو لا عفانات حافظ خليل وسيف قورتي !! * و يا حافظ خليل ليك يوم ؟؟ وسيف قورتي زاتوو خائن مندس !!
- سارة كرودي - وشبكوتا - ونسرين جمال ؟؟؟؟؟؟؟؟؟؟؟؟؟؟؟
-
سيد سيدنا ؟ البعيو ؟
ـــ
امبارح الجمعه 16 - 4 - 2010 م - كان يوم مفتوح لابناء الامتداد في الرياض .. تخيلو ما مشيت !! راميني وجع الحلق وشويه الكبر !! سنوافيكم باخبارهم انشالله -
وبالنسبه للصورة دي - حمدتو - ولؤي - والصبي .......... تحياتي الخالصه لهم الكبر دخل يا ابو اللول ! اميقو اشتغل ليك يا حبا !!
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: عبدالله كع)
|
بت اهلي محاسن كيفنك يا محاسن الامتداد حي جميل حي جميل بي ناسه واهله حي خلق مننا رجال الامتداد ربانا وطلعنا رجال البوست دة ابسط شي ممكن الزول يعمله لهذا الحي المتفرد فاتمنى ان يستمر والناس تتداخل فيهو بالاضافة لي منبرنا البهناك
يا كع يا عزيز كفارة لكن ما بنعفي ليك صور لمتكم في الرياض لازم تنزلها هنا
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: Mahassin Ibrahim)
|
التحية لك يا اخوتي العزيزة محاسن وربنا يرحم اخون الفاتح الصديق الغالي وكلما اشوف الفاتح دائما اشوف معه صديقه العزيز عمر حسين ( عمر الريس ) مدرب الاتحاد بالرغم من سكنه في مربع 4 وهذا يدل علي الترابط الاسري علي كافة الحي العظيم وليس عنصرية المربعات التحية لاخون نصرالدين ومحمد كما يحلو لقب عبقرينو واذا في رقم تلفون لعبقرينو تكوني ما قصرتي
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: خالد أميقو)
|
Quote: صديق حمدتو : لم اتركك للنهايه الا ان اقول ليك : اني افتقدكم بشده واتمني ان اتحدث معك لو الظروف سمحت |
الأخت العزيزة محاسن تحياتي وأشواقي وياريت لو ترسلي لي رقم تلفونك في الماسنجر حتى تتاح لي فرصة التواصل والحوار معك
مع خالص تحياتي للأهل الأعزاء
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: صديق حمدتو)
|
بس زولك ده قال ناس النجوم قاموا لحركاتهم الزمان ديك !!!!! أهنا نحن دايرين نعرف زمان متين؟؟؟؟
لا ياصديق الراجل قصدوا حراكاتهم بتاعة اللعب بالكورة والمحاورة والحرفنة بتاعة النجوم الكبار
ينصر دينك وليد عبداللطيف ..
يامحاسن كيفنك انا موجود في حوش النبي علي اليمين ناس كتار ماعارفيني لكن بطلع بعد شوية
يانقابي ياعجوز وينك ياراجل انا لاقيت عبدالعظيم في لندن واحتمال الاقية يوم 30 ابريل ولو مالاقيتو
حاكون يوم واحد مايو في امستردام لساعات وحاواصل رحلتي ...ابقي اظهر
هوي ياناس كعو ومن جاوره كلامي ده ما وقع ليكم ؟؟؟؟؟؟؟؟؟؟؟؟
قلت ليكم انا في حوش النبي !!!!!!!!!!
ياخثاثات قلت ليك انا في بلد النبي ...!!!!
0566305125
ابريل ما انتهت !!!!
مجدي عبدالله حووووووووووووووووووووووووووووووووووووووته ....
بجيكم صادي
انت ياابو شنب قاصد صلاح عبدالله عامل نفسك سغييير يااخي انت درستنا في الجامعة لمن كنا في سنة اولي
انت كبرت وطششت ....وينك يازول انت ...رسل تلفونك ..
ياريس بطل حكاية الصور وجيب لينا حقنا من بكري نحن ابو صلعة ده عندنا معاه تار مابنخلي حقنا
انا وقرجاج مابنخلي حقنا داك منو...
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: صديق حمدتو)
|
التحايا العِظااام لكم أهل البيت
نؤمن بأن لنا حق السبق في بوستات الأحياء وهنا نشكو بكري أبوبكر بأن الكيل بمكياليين لا يناسب منبر زاع صيته ويفترض أن حر ومن حرياتنا أن نعامل كغيرنا من الأحياء بإرجاع البوست القديم والتواصل فيه!
الأخت محاسن سلام وتحايا لك والأسرة اليوم كان لي أتصال بعماد شمت وهو بيننا بالمملكة العربية السعودية الدمام وتشرفت بسماع صوته منذ سنيين وسوف نتواصل معه وهو أكيد يمر علينا بجده لزيارة بيت الله الحرم بمكة وسوف نسترجع زكريات جميلة . ناااس الشرقية أتوصو بعماد عويس خالص . ،،،،أبوقصي،،،،
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: مجدي عبدالرحيم فضل)
|
صلاح عبدالله ..
الديامى الامتدادى الجميل ...
بالفعل دا محمدوا (سلام 11 ) شقيق خالد عثمان ....
ياشباب ...
يلا نرجع البوست لمكانة الطبيعى دوما فى الصفحة الاولى ودا الشئ الوحيد لاسترداد الحقوق ...
شكرا لبكرى ابوبكر لانة قدر يحرك البوست بطريقتة وعادت كل الاقلام من جديد ..
نتمنى عدم الانقطاع يابدر الدين ابقاون أظهر وبان وجودك مهم بهذة الفترة ...
كع وبابان وابراهيم وكمبا وراشد ابنعوف وسارة كرودى والجميع همتكم ...
نورت يا أميقوا ...
المخضرمين أحمد خضر وبكرى الخليفة وعبدالحليم النعيم وباقى ناس الرياض اظهروا
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: عبدالله كع)
|
يا احباب : ناس الامتداد الجميل العريق : حياكم الله ومتعكم بالصحه والعافيه اينما كنتم. من دواعي سرورى ان اكون من ضمن هذه الكوكبه الفاضله والتي يزيدني شرفا وفرحا ان اكون وسطكم.
خالد اميقو: ليك العافيه وتغشاك الرحمه اينما كنت ....ربنا يرحم الفاتح ويغفر ليهو بواسع رحمته...امين يارب .....حقيقي انا احزن اشد حالات الحزن واسال الله الثبات عند رويتي لاحد من كان المرحوم صديقه او بقربه ....هذا الريس(ربنا يطول في عمره) واخرين اراهم في بعض الاحيان وزى ما قلت ترابطهم وتواددهم كان ولا زال مفخرة لنا وربنا يديم هذه الصلات والروابط الوشيجه. محمد ( عبقرينو) : مريض ولا زال في انتظار الفرج من رب العالمين يالشفاء التام .....ما تنسووه من دعاءكم يا اخوه يا كرام. سارسل لك بالماسنجر ارقام التلفونات. عماد شمت: عمره مبرووكه وانشاء الله عودا حميدا باذن الله ... شكرا ليكم يا : كع(( سلامتك والف سلامه))وانشاء الله بقيت تمام ..... , بابكر التوم, مجدى فضل, طارق جبريل, صديق حمدتو والذى اتصل بي. وله الاف التشكرات. طارق جبريل: صديق حمدتو رزق بمولود : اتمني ان نقدم له التهنئه. وللبقيه التحايا العظام..... وين بناتنا : نسرين وساره كرودى وشبكه.
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: بابكر التوم)
|
العزيز فريجون
تسلم البطن الجابتك , صور قمة الروعه ,, يا ريت لو تديها لفه في الامتداد بالكميرا وترفع وتصور لينا حال المراكز الخدمية ,,, لننقل الصفحة السادسة لبرنامج عملي لتطوير الامتداد ,,,,
همتكم يا شباب ,,
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: عمار عبدالله عبدالرحمن)
|
عمار : حياك الله .....وكيف حاللك. لفت نظر الناس لحته انا منذ فتره طرحتها علي اخوانا الامتداداب.
يا ريت لو تديها لفه في الامتداد بالكميرا وترفع وتصور لينا حال المراكز الخدمية
وهذا ما كنت اقصده في مبادرتي السابقه يلا ايديكم معانا ونعمل جوله علي المرافق ونشوف:
المدارس, المراكز العلاجيه, النوادى الرياضيه ......الخ.....حالها يعلمه الذين شاهدوهاا. كمان نبقي متفائلين شديد وحاولنا نعمل حاجات مفيده للكبار والصغار من ابناء المنطق. ايه رايكم في اقتراح بعمل منتديات مصغره لكل مربع علي حده(داخل المربع) لسهولة التعامل والحركه. وهذه المنتديات اراها في شكل مباني تسمي ياسم المربع المعني ويكون داخلها النشاط الثقافي والاكاديمي بمعني وجود مكتبه وهذا شان نجني منه فائده فكريه وثقافيه وتألف اجتماعي لا حدود له ومل لفراغ هولاء الشباب بشكل مبدع للغايه. وايه رايكم ان بداخل هذه المنتديات نخلق فصول محو الاميه لكل من فقد نعمة الكتابه والقراءه من كبارنا الذين احق برد بعض الدين علينا بتنويرهم بهذه النعمه التي حرمو منها. ممكن نواصل في هذه الاطروحات ..فقط ننتظر اراءكم .
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: Mahassin Ibrahim)
|
نعم الرأي أختنا الحبيبة محاسن إبراهيم نصر
Quote: ايه رايكم في اقتراح بعمل منتديات مصغره لكل مربع علي حده(داخل المربع) لسهولة التعامل والحركه. وهذه المنتديات اراها في شكل مباني تسمي ياسم المربع المعني ويكون داخلها النشاط الثقافي والاكاديمي بمعني وجود مكتبه وهذا شان نجني منه فائده فكريه وثقافيه وتألف اجتماعي لا حدود له ومل لفراغ هولاء الشباب بشكل مبدع للغايه. وايه رايكم ان بداخل هذه المنتديات نخلق فصول محو الاميه لكل من فقد نعمة الكتابه والقراءه من كبارنا الذين احق برد بعض الدين علينا بتنويرهم بهذه النعمه التي حرمو منها. ممكن نواصل في هذه الاطروحات ..فقط ننتظر اراءكم . |
ومازال هناك بقية منتزهات وزواية لصلاة وعلمي أن بعض منها تحول لمساجد وماتبقي يجب أخذه وعمل دور إجتماعية وثقافية لتلكم الفكرة النيرة. شكرا أختنا محاسن وهنا نرفع أكف الدعاء للأخ الحبيب محمد إبراهيم نصر بأن يمن الله علية بالشفاء التام قادر ياكريم .
،،،،أبوقصي،،،،
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: طارق جبريل)
|
محاسن
Quote: يا ريت لو تديها لفه في الامتداد بالكميرا وترفع وتصور لينا حال المراكز الخدمية
وهذا ما كنت اقصده في مبادرتي السابقه يلا ايديكم معانا ونعمل جوله علي المرافق ونشوف:
المدارس, المراكز العلاجيه, النوادى الرياضيه ......الخ.....حالها يعلمه الذين شاهدوهاا. كمان نبقي متفائلين شديد وحاولنا نعمل حاجات مفيده للكبار والصغار من ابناء المنطق. ايه رايكم في اقتراح بعمل منتديات مصغره لكل مربع علي حده(داخل المربع) لسهولة التعامل والحركه. وهذه المنتديات اراها في شكل مباني تسمي ياسم المربع المعني ويكون داخلها النشاط الثقافي والاكاديمي بمعني وجود مكتبه وهذا شان نجني منه فائده فكريه وثقافيه وتألف اجتماعي لا حدود له ومل لفراغ هولاء الشباب بشكل مبدع للغايه. وايه رايكم ان بداخل هذه المنتديات نخلق فصول محو الاميه لكل من فقد نعمة الكتابه والقراءه من كبارنا الذين احق برد بعض الدين علينا بتنويرهم بهذه النعمه التي حرمو منها. ممكن نواصل في هذه الاطروحات ..فقط ننتظر اراءكم . |
عشان نكون عمليين انا جاى أجازة صغيرة الاسبوع الاول من الشهر الجاى (5) ...
بنسق مع الفاتح فريجون ومعاى كاميرا ديجيتل حديثة حددوا العمل وسوف نقوم بانجازة ...
ألف سلامة للصديق العزيز عبقرينو ....
حتما سوف نقوم بزيارتة ولو فى احتياجات من الدوحة بخصوص العلاج يامحاسن جاهزين ...
دا ايميلى [email protected]
[email protected]
ودا التلفون 009743154123
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: عبدالله كع)
|
سلامات تاني ياناسنا. شكرا مجدى علي الرد علي المبادره وحقو نبقي عمليين ونفكر بصوره سريع وبصوت مسموع لكل الناس. شكرا عبدالله علي تحياتك ودعواتك لمحمد اثرت فينا للغايه.....انشاء الله دعواتك ما تنقطع. اسعدني اليوم زيارة اخونا وصديقنا العزيزي صديق حمدتو وانشاء الله نشوفكم كلكلم يا طيورنا المهاجره ونسد برويتكم. ...امين يارب
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: Mahassin Ibrahim)
|
لكم جميعا يا أروع حي وأصفي نفوس التحايا والأشواق بابكر التوم تحايا لك وأنت تسرج صهوة جوادك وتشد الرحال للديار موفق يا حبيب وياريت تكونوا أولا لجان الداخل في كل مربع وتكون نقطة الأنطلاق وأن تضعوا المشروع الكبير بدأ بالأولويات وحسب الإمكانات المتاحة وياريت فكرة أخونا سيد محمد سيدنا تُطبق علي إمتدادنا الحبيب وشركتهم بدأت بفكرة هنا ونراها الآن شامخة وما في شئ مستحيل بالتكاتف كل شئ ممكن تحقيقه ويا ريت تكون نقطة البداية الجادة من هنا لكم محبتي. وليد عبداللطيف نتواجد بكثرة ما تقوم تدينا طله ولنعد العُدة لأستقبال الضيف الإمتدادي المبدع عماد عويس والتحية لصديق حمدتو وهو يتكّرف أريج المحبة بأرض المحبة الحبيبة الدرجة . ولطارق جبريل جميل التحايا وهو ينعم بالقاء العزيز الرائع محمد محجوب كرودي له التحايا ولكع سلامات يا صاحب دي الأوزان بالله خف شويه عشان الجري الجاااي أكتر وأكبر تحايا للأسرة،ولأميقو والأسرة تحية وبدرالدين يعقوب مسجل غياب هنا ومتواجد بالملك تواجد كبار الشخصيات ،وعبدالغفار أيضا له وحشة في هذة الصفحة لكم مودتي . ،،،،أبوقصي،،،،
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: مجدي عبدالرحيم فضل)
|
الف مراحب بقدوم الواردين لديار المحبه. انشاء الله بالسلامه يا بابكر التوم ....الاف الترحيبات بمدكم يد العون في اكمال مبادرتنا وانشاء الله نكون عند عشم كل الناس. شكرا ليك يا بابكر في طرحك لمساعدة الهميم الرحيب (محمد) وما عدمناكم يارب. انشاء الله دعواتكم ليهو بالشفاء اهم ....وانشاء الله يوم نفتش لشي نلقاكم في ضرانا.
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: وليد عبد اللطيف)
|
Quote: انا وقرجاج مابنخلي حقنا داك منو... |
ياعمده (تانى راجعين للقديم المااتنسى) وحياتك لسه مانسينا ...(بوستينا الاتمسح) بس قولنا ننتهج طريق التفاوض ونشوف كلامو النهائى شنو عشان نعمل لينا معاهو اشتباك بره فى المنبر وشكلو التفاوض حاينهار.................. اها يا اخونا الراى شنو نخلى بوستاتنا تديك تضيع ساكت ولاشنو؟؟
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: مدثر قرجاج)
|
سلام أحبتي... حاولت اناقش مع صديق حمدتو بعض الافكار التي راودتنا بخصوص الامتداد ومحاولة تنفيذ ما نستطيعه...وكما قال مجدى نبدا خطوه خطوه والباقي بيجي. عرفت ان مدثر قرجاج في السودان ومن غيره؟؟؟؟ لكي نتلاقي ونشوف نبدا ونخطط. طارق جبريل: بالله مدرسة بشير معرضه لالانهيار ؟؟؟ تاسيت لابعد الحدود وهي معلم من معالم الامتداد ...كانت مناره وخرجت افذاذا كثر. فلنتكاتف ونبد ....وانا في انتظار طلة مدثر والاخرين حتي قدوم بابكر بالسلامه.
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: Mahassin Ibrahim)
|
محاسن ....
Quote: طارق جبريل: بالله مدرسة بشير معرضه لالانهيار ؟؟؟ تاسيت لابعد الحدود وهي معلم من معالم الامتداد ...كانت مناره وخرجت افذاذا كثر. فلنتكاتف ونبد ....وانا في انتظار طلة مدثر والاخرين حتي قدوم بابكر بالسلامه. |
بخصوص صيانة المدارس السنة الماضية عايشت مثابرة شباب مربع (2) عند محاولة وزارة التربية والتعليم تجفيف مدرسة الامتداد (3) ...
وكيف قام شباب ورجال المربع فى اعادة تأهيل المدرسة ومقاومة القرار حيث كانت تعانى من الاهمال وعدم الصيانة وعدم وجود كادر مدرسين
جيدين ولمصلحة ابنائهم قام احد سكان المربع لا اذكر أسمة بتوفير منزل حتى قاموا بمجهود خارق وبعون ذاتى بصيانة المدرسة بصورة زاهية وتوفير
الكنب وحتى ملابس مدرسة للطلاب المحتاجين وقامت الوزارة بتوفير مدرسين فقط حسب الاتفاق معهم بعد قرارهم بالتجفيف وعينوا أستاذ الرفاعى صاحب
الخبرة الكبيرة فى التعليم الابتدائى بالامتداد مدير للمدرسة وانا شاهدتها بنفسى ووقفت لحجم العمل الذى نفذ ونشكر الاخوان عباس على &جمال حيدر & دقاش
وكثر من رجال الحى ودا مثال حى وقريب افتكر المنوط بمثل هذة الاعمال هم ابناء الامتداد المغتربين كما فى الاحياء الاخرى اتمنى التفاف الجميع فى هذا البوست
ومنتدى الامتداد ويامحاسن بالداخل يوجد ايضا الهميم أحمد جمعة (جومو) مربع (8) ارجو منك محاولة التواصل معة والاخ قرجاج وصديق حمدتو موجود معكم
ولدية خبرات فى العمل العام .
أرجو التداخل من عضوية المنبر باثراء النقاش والمقترحات وأكيد الناس بتصل لحلول ...
ولى عودة
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: مجدي عبدالرحيم فضل)
|
سلام لكل احبتي بالمتفرده داخل وخارج السودان
الشكر اولا لكل احبتي بالسعودية للاحبة بالدمام والرياض وجدة ..والذين تواصلوا معي عبرالتلفون من كل
انحاء المملكة العربية السعودية
وكما اشكر اخونا معاذ السر الذي تواصل معي عبر التلفون واقول له باءت كل محاولاتي بالفشل مع وكالة السفر
للوقوف في الدوحة
ساهم الجميع في استقبالي وفرشوا لي الارض بالاحمر وزينوا لي الدنيا بمصابيح الفرحة وسعادة اللقاء
حينها شعرت بالعزة والمعزة الحقيقية في عيونهم وفي عناقهم في حديثهم
لا استطيع في هذه العجالة ترجمت مشاعري في تلك اللحظات التاريخية الجميلة والكبيره في معناها ليتني
كنت شاعرا لكتبت وترجمت ما يجيش بخاطري من احاسيس ومشاعر..ولكن ارجع واقول انه الحي المتفرد باهله
والحمدلله قمت بزيارة الاخ عماد عيونو وهو بخير والحمدلله استجاب للعلاج وهو بخير.. واستعدنا احلي الذكريات
وانشاء الله يعود للميدان المتفرد ويلاقي احبته وربنا يشفي عماد ومحمد وكل مريض
وطبعا حبيبنا الرجل الهميم مجدي ابوقصي مندوب جده ماقصر تب ..حيث كان في انتظاري في مطار جده ومن ثم مباشرة
الي مكة المكرمة لاداء مناسك العمرة ومن بعدها حيث التقينا بالدرر النفيسه من احبتنا الكرام
ولا انسي عبدالغفار الرجل العظيم والحبيب الهميم بدرالدين من الرياض وكل الكوكبة الجميلة بقيادة الريس محمد
عبداللطيف وناس الكورنيش بالدمام امير فضل وعادل محمود
غايتو انا كنت في حلم وصحيت فجاء لقيت نفسي مرمي هنا في البلد البعيده دي ربنا يقدرنا علي جزاكم وربنا يجعل
بينا المودة والرحمة والمحبة امين يارب
لسع عندي ليكم اشياء كتيرة حنواصلها هنا او في منتدي الامتداد واعتقد افضل في منتدي الامتداد لكثرة العضوية وسهولة
التواصل فيه. علشان الناس كلها تشارك في الرأي ونضع شي موحد
وداركم والله عجبني جدا مكان محترم يجمع الناس بس لازم تكون هناك ضوابط وقوانيين تحكم وعلي الاقل يكون في دستور
ثابت نسير عليهو عشان نحقق كل ما نسعي اليه ..
لكم مني جميعا كثير المحبة والوداد
| |
|
|
|
|
|
|
Re: (6) إمتداد الدرجة الثالثة.. ذلك الحي المتفرد (Re: عماد شمت)
|
عماد شمت : الفنان الذى ابهرنا بهذه العبارات السلسه. عجبني كما انتم دائما في تواددكم وتمساكم الاسرى هذه وانشاء الله دائما يارب. مجدى ربنا يديهو العافيه دائما سباق لكل شي وفعل الخير أوله. يارب العين ما تصيبكم وانشاء الله نشوف يوم نعمل فيهو شي مميز لالامتداد منبرنا الجامع. قولو أمين.
| |
|
|
|
|
|
|
|