|
آل حاكم لتصوير الأعراس..
|
ما عندي خبرة في الإخراج التلفزيوني وخصوصاً للحفلات العامة ..لكن ملاحظ لي حاجة غريبة جداً متعلقة بي تصوير الحفلات العامة المنقولة في التلفزيون ويا ريت لو في متخصصين يفتوني في هل القصة دي صاح ولا لأ.. آل حاكم ومن فترة ليست بالقصيرة إستنوا سنة بتاعت تسويق حفلات ليالي دبي عبر قناة النيل الأزرق..الفكرة حلوة ..البهجة والطرب ولملمة السودانيين و وزع الفرحة والإفادة والإستفادة سواء مادياً أو معنوياً أو من خلال التسويق والإعلان .. لكن الملاحظ إنو آل حاكم بيتعاملوا مع هكذا حفلات بي تصوير قريب لي تصوير الأعراس ..يعني ببساطة شديييدة وانت بتحضر في ليالي دبي بيجيك إحساس إنو في عريس وعروس قاعدين في الكوشة بي الجمبة كده وعااادي ممكن تقوم تبارك ليهم .. المصورين بيعتمدوا على تفتيش البنات في المقام الأول ..ومش أي بنات لالالا البنات البيفتكر المصور من وجهة نظرو إنها بت سمحة أو نضييفة أو إتكسسر فيها لمجرد جبجبة أو هزة كتف أو لبس عدسة لاصقة .. معدل إظهار البنات الموجودات في الحفلة بي صورة فردية مقابل الأولاد الموجودين في الحفلة بيكون بي نسبة 9 إلى واحد ..يعني يجيب ليك 9 بنات ثم فجأة كده يتذكر الأولاد يقوم يجيب واحد ..الإختيار نفسه للبنات بيتم بي معايير غريبة فيها نوع من الإبتزال انا بشوف ..يعني بيختارو بنات بي طريقة مخجلة وفيها نوع من التمييز وغالباً بيتعلق بي العرفة ..دايماً بيجيني إحساس إنو بيتم التركيز على بنات تربطهم معرفة بي المصور أو المخرج أو القائم على أمر الحفلة..أو بيتم إختيار بنات بيعتقد المصور إنهم ظاهرة شاذة سواء في اللبس أو التسريحة أو المكياج .. وده كلللو كوم وظاهرة الرسم والحنة في اليدين دي كوم تاني!!! زمان الحاجة دي كانت مؤشر لي إنو الزولة دي متزوجة ..أسة بقت علامة ومؤشر لي إنو ده بتفتش للعرس !! وكل المصورين تركيزهم على البنات الراسمات !! غايتو يا ناس دبي بالجد كده عايز أعرف المرا البتحنن هناك دي منو ؟ الزولة دي بتكون يوم حفلة ليالي دبي دي أقلللل شي طلعت ليها بي 300 الف درهم اللهم لا حسد!! بعدين يا آل حاكم تصويركم بي الطريقة دي بيجيب كفاوي ومشاكل مع أهل المغترب أو المغتربة ..يعني أسة زي أهل منتصر حبة صحبي ود الموردة ده لو طلع ما بيرسل لي أهلو مصاريف ولا كسوة العيد وشابكم انا مفلس وما ادونا رواتب أها بعد النقييز والهجييج والرقييص الشوفتو بيهو امبارح ده ممكن عااادي يرفعوا سماعة التلفون ويقولوا ليهو يا منتصر عاد ترسل لينا كييفن وانت قروشك كلها مكملا لينا في انصاف مدني وعقد الجلاد!!!! منتصر هييين كعب منتصرات البيكون عندها خطييبا ولا الجكس بتاعا اليوم داك ضرب ليها وقالت ليهو ماشين بكا ناس حبوبتي فمعليش ما بقدر الاقيك ويقووم يجي يلاقيها ليك حاتاااهو قرض ..!! أعتقد إنو قصة النقل التلفزيوني للحفلات العامة يحتاج لي شغل مؤسس ومهني أكتر من الشغل حق الاعراس ده وما ادراك ما الزووم إن و الزووم أووت والعدسات اللاصقة وكشكشة الدهب والرموش الصناعية والمييج الما خمج !!!
تخريمة : تاني يا موصلي قول لي حمزة سليمان من أعظم 20 مغني !!! إن شاء الله تكون سمعتو امبارح في دخلتو الصغمبروتيية في أغنية حاجة آمنة أتصبري!!
|
|
|
|
|
|
|
العنوان |
الكاتب |
Date |
آل حاكم لتصوير الأعراس.. | عمر الفاروق | 08-22-12, 05:11 PM |
Re: آل حاكم لتصوير الأعراس.. | ناذر محمد الخليفة | 08-22-12, 05:24 PM |
Re: آل حاكم لتصوير الأعراس.. | عمر الفاروق | 08-22-12, 05:37 PM |
Re: آل حاكم لتصوير الأعراس.. | محمد البشرى الخضر | 08-22-12, 05:31 PM |
Re: آل حاكم لتصوير الأعراس.. | خالد درق | 08-22-12, 05:50 PM |
Re: آل حاكم لتصوير الأعراس.. | عمر الفاروق | 08-22-12, 05:51 PM |
Re: آل حاكم لتصوير الأعراس.. | عمر الفاروق | 08-22-12, 06:07 PM |
Re: آل حاكم لتصوير الأعراس.. | عمر الفاروق | 08-23-12, 07:50 AM |
Re: آل حاكم لتصوير الأعراس.. | دينا خالد | 08-23-12, 08:07 AM |
Re: آل حاكم لتصوير الأعراس.. | عمر الفاروق | 08-23-12, 08:52 AM |
Re: آل حاكم لتصوير الأعراس.. | عمر الفاروق | 08-23-12, 09:06 AM |
Re: آل حاكم لتصوير الأعراس.. | دينا خالد | 08-23-12, 09:52 AM |
Re: آل حاكم لتصوير الأعراس.. | عمر الفاروق | 08-23-12, 10:03 AM |
Re: آل حاكم لتصوير الأعراس.. | عمر عبد الخالق سعيد | 08-23-12, 11:42 AM |
Re: آل حاكم لتصوير الأعراس.. | إدريس محمد إبراهيم | 08-23-12, 01:58 PM |
Re: آل حاكم لتصوير الأعراس.. | دينا خالد | 08-23-12, 03:43 PM |
Re: آل حاكم لتصوير الأعراس.. | محمد البشرى الخضر | 08-23-12, 03:52 PM |
Re: آل حاكم لتصوير الأعراس.. | عمر الفاروق | 08-23-12, 04:49 PM |
Re: آل حاكم لتصوير الأعراس.. | عمر الفاروق | 08-23-12, 04:55 PM |
Re: آل حاكم لتصوير الأعراس.. | عمر الفاروق | 08-23-12, 05:00 PM |
Re: آل حاكم لتصوير الأعراس.. | عمر الفاروق | 08-23-12, 05:04 PM |
Re: آل حاكم لتصوير الأعراس.. | معتصم ود الجمام | 08-23-12, 05:26 PM |
Re: آل حاكم لتصوير الأعراس.. | عمر الفاروق | 08-23-12, 06:30 PM |
Re: آل حاكم لتصوير الأعراس.. | نعمات حمود | 08-28-12, 06:37 AM |
|
|
|