|
|
 راجل في المزاد:-"للجادات فقط"نوعية نادرة جدا#
|
طويل.... عضلات تبش
خالي سعوط وسجاير
فيه جينات غنماية من فصيلة السعانين ممكن ينجب بعد الفحص المعملي أكيد بشهادة كمان
يغسل العدة بسرعة تلاتين صحن في الدقيقة يغسل دستة الهدوم في نص ساعة.. ويمصرن بقوة تلاتين حصان...ويشرهن بسرعة عشرة مشابك في الثانية
يلولي الشافع البيبكي وينومو في زمن قياسي " من عشرة دقائق الي ربع ساعة"
الأضان اليمين فيها طينة.. والشمال فيها عجينة....
وممكن تبدلي الطينة والعجينة بين الاضانين...
يقعد في البيت طول اليوم الا تلزيهو وتقولي ليهو" يا راجل كدي امرق علي السهلة دي شوية"
طويل البال احيانا يزهج شوية وعندو نهرة واحدة بس" هوي ها"...
لو شاكلتيهو ردو ليكي بجملة واحدة مرة واحدة بس" لا باللهي".... مركب مكنة صراف آلي في اي وقت تسحبي منو قروش......وشيهو ساكت ما بصرو!!!!
الكمية محدودة جدا وفترة العرض الي يوم الواقفه قبل الضحية بيوم يعني
أسرعن هو واحد لاغير .......!#
تقدم العروض في ظرف بني ويكتب علي الظرف راجل في مزاد.
وسوف يتم الاتصال بصاحبة الحظ الميمون وسوف ترسل صورةالراجل بالايميل لداخل وخارج السودان وبعدها تبدأ أجراءات البيع وعقود الملكية المطلقة .
‘الوكيل الحصري والدلال الاخ أبوالزهراء أمد الله في عمره
|
|
  
|
|
|
|
|
|
|
 Re: راجل في المزاد:-"للجادات فقط"نوعية نادرة جدا# (Re: زهير عثمان حمد)
|
الفنان هاني
وينك وكل التحيا يا زول أنت في الخرطوم مطارك وين لانو والله تعبت من البحث عنك
* (الرجالة في لكين في الزمن الصعب دا بمفاهيم أنت عندك كم تسوي كم صعبه لكين نسوي شنو لابد من النضال عشان المناضلين ما يقولوا علينا عايشين علي أصلاب النساء (‘أوذ بالله )
لك كل الود أشوفك قريب والبطيخ كتير الايام دي بس
*في موقع أنضرب في الباقير لكين نحن في عصر السرعة كل يوم بتولد موقع وموقع
| |
|
|
|
|
|
|
| |
زهير عثمان حمد
نجلاء سيد أحمد
محمد البشرى الخضر
بكري عباس علي
Hani Arabi Mohamed
تبارك شيخ الدين جبريل
Ashraf el-Halabi
فيس بوك
تويتر
انستقرام
يوتيوب
بنتيريست