|
هيثم سيدا رجع .. اذن بى موية وكملت ..
|
وعلى صحافة المدرجات و المشجعين التحت شجرة النيمة والبقعدو عند هالة كوارع والراكبين المواصلات والمجكسين في شارع النيل وغيرم وغيرم أن يتعوضوا الله في الشغلانية الكانت مقضية ليهم وقت وبالمرة يشوفوا ليهم شغلة يقضوها أو يعملوا أية حركة كدا واللا كدا كمتنفس للكبت والحرمان من الشمارات والتنظير والقشرة بإدعاء معرفة أسباب المشكلة وإمكانية المساهمة في حلها . يتبع ....
|
|
![Edit](https://sudaneseonline.com/db/icon_edit.gif)
|
|
|
|
|
|
Re: هيثم سيدا رجع .. اذن بى موية وكملت .. (Re: طلحة عبدالله)
|
نعم أي زول أو زولة عندو حبة إعتقاد أنو الكورة السودانية زيها وزي الكورة في بلاد برة عليه أن يشتري ليهو سوط عنج من جلد جاموس جبلي ويغمسوا في الزيت ثم يمش ليهو لأي زول عضلاتو تبش ويديهو قروش عديل كدا مقابل أنو يجلدو عشرمية جلدة أو ما يزيد عقابا له على مجرد التفكير في الحكاية دي (حكاية أنو الكورة السودانية زيها وكورة القدم القاعدين نشوفا فى بلاد برة دي ).. ماهي الكورة السودانية ؟ الكورة السودانية هي الهلال غلب المريخ والمريخ هزم الهلال ومحض تنظيرات وغلاط وعوك عاك في سودانيز أون لاين وشتيمة وضرب تحت وفوق الحزام في صحافة المدرجات المسماة زورا وبهتانا بالصحافة الرياضية ، فضلا عن عنترية وبوبار وفشخرة فاضية للإداريين إلى جانب آكشنات متنوعة على شاكلة سيدا و البرير مخاصمين بعض وجمال الوالي دفع الشىء الفلاني في المأسورة الفلاني والإتحاد النام أقصد العام جاب للنادي العلاني دستة فنايل كية في النادي البرتكاني وهاك يا كواريك وزيطة وزمبريطة وملاوة وكبسيبة .. الخ الخ الخ . هذه هي إثارة الكورة السودانية ومتي ما إنتهت هذه الحركات إنتهت الكورة السودانية وأصبحت رتيبة ومملة ومافي داعي ليها ذاتو .. ومال إتوا قائلين شنو ؟ يتبع ....
| |
![Edit](https://sudaneseonline.com/db/icon_edit.gif)
|
|
|
|
|
|
Re: هيثم سيدا رجع .. اذن بى موية وكملت .. (Re: طلحة عبدالله)
|
يا جرجير إذا اتا قلبك ميت فأنا ما زيك ياخ كيف ح يجيك نوم بعد ما عرفت أنو مشكلة هيثم إتحلت وعادت المياه لمجاريها بينو والبرير ؟ كيف سيطاوعك قلبك على النوم وانت تعرف أن يوم بكرة سيكون يوما طويلا ومملا زي ليل الشتاء بعد أن عاد الهدوء للوسط الرياضي وأصبح بلا مشاكل أو موضوع ممكن أن يملأ فراغك ويشبع نهمك للتنظير والإدعاء والغلاط والعوك عاك ؟ أبدا يا جرجير أنا لن يغمض لي جفن وإن نمت فلن يكون نومي عميقا لدرجة الشخير بل سيكون متقطعا وملىء بالكوابيس فلست متبلد الإحساس لأنوم في ظل هذه الهاجس الكبير .. أبدا أبدا أنا ليس هذا الشخص يا شخص .
| |
![Edit](https://sudaneseonline.com/db/icon_edit.gif)
|
|
|
|
|
|
Re: هيثم سيدا رجع .. اذن بى موية وكملت .. (Re: طلحة عبدالله)
|
نعم ياطلحة المشاكل هي ملح الكرة السودانية وهي الأكسجين الذي تتنفسه الصحافة الرياضية
أعلم أنك مستاء من النهاية الغير مرضية لمعركة (هيثم.. البرير) والخروج دون خسائر ( لا إستقالات ولا شطب ) بعد تدخل أجاويد من طراز سوبرمان .. لكن ولايهمك الفي القلوب في القلوب .. والحصل ده لزوم التهدئة وشغل فلاشات لا أكثر ...
مبروك للزعيم
| |
![Edit](https://sudaneseonline.com/db/icon_edit.gif)
|
|
|
|
|
|
Re: هيثم سيدا رجع .. اذن بى موية وكملت .. (Re: منتصرمحمد زكى)
|
يا طلحة صدقني الإثارة لسة متوفرة والأكشنز زادت بل بالعكس الجرايد وجدت ضالتها في أخبار أكتر شمرنة ..وهاك نماذج ح تشوفها قريب: غارزيتو يواصل ترصد هيثم.. غارزيتو يقول لأحد المقربين زولكم ده لو جاب توصية من أوباما زاتو ما بيدقها معاي..(طبعاً قالها بي الفرنسي)..ودي الترجمة البرنس بشهية مفتوحة يقدم تابلوهات رائعة ويأكد جاهزيته .. مهند يفجرها داوية..يا انا يا هيثم في الهلال.. البرير فعلنا كل ذلك من أجل طاعة ولي الأمر وحب الوطن ويبدو أن هيثم لم يعي الدرس..(لاحظ ده كلام يقولوا ليك قالوا البرير الواااحد ده البنعرفو داك)..غايتو
ثم يا حبوب بعد أول تلالتة مباريات ما يشارك فيها هيثم يدوور الفيلم تاني بي أبطال جدد وسيناريو جديد زييو زي ليالي الحلمية.. الصحافة الرياضية مرزززقة زييها زي سودانيز أون لاين وجريدة الدار..ما أن تتحل مشكلة ربنا بيجيب ليهم خبر من السما يخلي جرايدهم تنتعش أكتر..
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: هيثم سيدا رجع .. اذن بى موية وكملت .. (Re: عمر الفاروق)
|
Quote: البرير فعلنا كل ذلك من أجل طاعة ولي الأمر وحب الوطن ويبدو أن هيثم لم يعي الدرس..(لاحظ ده كلام يقولوا ليك قالوا البرير الواااحد ده البنعرفو داك)..غايتو |
أوسكار من بلاتين يا عمر وخلفية ممثلة هوليودية وموسيقى هادئة كان ما بعرفكـ بقول عندكـ قعدات ليل ![](http://www.sudaneseonline.com/db/attention/010_Smile.gif)
_________________________ يا طلحة الشمارات ليها أيقونة في علم البلد
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
|