|
زراعة الأبقار..!!
|
المسطول سأل صحبو إنت البقر ده بيزرعوهو كيف؟؟ صاحبو قال ليهو تشتت سكر في الأرض وبعد داك ترش فوقو موية.. صاحبنا المسطول شتت السكر وكب الموية بكرة جا لقا الحتة مليااانة نمل .. عاين ليهم كده واداها إبتسامة وهو بطبط على نملة منهم وقال : حلاااتم شفع البقر ..
|
|
|
|
|
|
|
|
Re: زراعة الأبقار..!! (Re: ود الخليفه)
|
خليك حريف يا عمر وحول البوست لاسم " ابيخ النكات وابيضها "
الموضوع دا ماشي علي اتجاه مافي صالحك
اديتني احساس بانك اغتربت اخيرا , وبقيت زي اخوانك المغتربين, يحكي نفس النكتة البايخة في كل محفل وما ان واتته الفرصة ويضحك عليها قبل الاخرين , ويضحك كثيرا بنفس دهشة سماعها الاولي وكأنه ليس راويها في كل مرة
| |
|
|
|
|
|
|
Re: زراعة الأبقار..!! (Re: عمر الفاروق)
|
أساسي يا معلم.. البوست في صالحي جدا والله..انا حاليا في طور الشرنقة..وفعلا محتاج أتحور لي طور البيضة عشان تاني أقدر أتعايش مع وضعي الجديد والحقيقي ده في آن واحد.. كل الكائنات الهنا في سودانيز هي في اﻷصل بيضة إستطاعت بفعل عوامل التعرية والبيات الشتوي أن تتحول لإنسان كامل النمو.. حان الوقت للعودة إلى الجذور..ومرحبا بك كتكوتا صغيرا قبل أن تصل لي مرحلتي بتاعت البيضة الفاقع صفارها بي جوة..
تخريمة الشرنقة بي طبيعة الحال ليست الشرقرق ﻷنو داك بيعضي..
| |
|
|
|
|
|
|
Re: زراعة الأبقار..!! (Re: عمر الفاروق)
|
يا محمد..مسقط راسك شنو!!إنت تلقاك النوع اللحدي أسة لمن يرجع اﻹجازة بيشتري تلاجة لونا زيتي ويكلم واحد يجيهو المطار بي بوكسي ومن المطار للبلد عدددل..وبعدين ما عارف إنتو ناس الحللال ديل لييي دايما بتحجزو وصول السودان الساعة أربعة عصر؟؟
تخريمة.. صلاح ده الصغيروني بالمناسبة..الكبير محمد..ورغما عن كده انا مانع الناس ينادوني بي أسامي أولادي عشان إسمي ما يضيع..:-):-)
| |
|
|
|
|
|
|
Re: زراعة الأبقار..!! (Re: Rawia)
|
يا رايوة ياخ إنتي من قال فيه الشاعر الجاهلي تعال بي العندك تعال..أبوي بسندك تعال.. عليه ما بتحتاجي نكتة زاتو عشان تجي..تعالي بي العندك..حبااابك..:-)
خوشي بي النكتة..
| |
|
|
|
|
|
|
Re: زراعة الأبقار..!! (Re: محمد عبدالرحمن)
|
يامحمد عبدالرحمن خلينا نضيف شوية بهجة بصورة الشباب دي عسى ولعل النكتة ..صباحات الله بي خيرين بجيبها وبجي ولو لغاية بكرة زول عمل فيني معروف ونزلها يكون فكاني من شوية كسوف وخجلة النكتة بتاعة المرا الراكبة التاكسي ولاقتهم غنماية مداخلات ناس في البورد الايام دي بتذكرني النكتة دي
| |
|
|
|
|
|
|
Re: زراعة الأبقار..!! (Re: Rawia)
|
يا أبو عمير يا حبيب لو قاصد من كلامك بتاع زراعة البقر دا نكتة فتعال براحة كدا أشرحا لي ووريني أنها نكتة لكذا وكذا وكذا .. لأنو بعيد عنك بحب النكت شديد البايخ منها والبايخ شديد وبشعر بإشمئناط في العصب الإستفزازي لما يستعصي علي أفهم لي نكتة إتقالت مع العلم أنو أنا أية نكتة أفهما ليك قبل ما سيدا يقولا . وإتا عامل أيه يا عمر ياخ ؟
| |
|
|
|
|
|
|
Re: زراعة الأبقار..!! (Re: طلحة عبدالله)
|
تعرف يا طلحة انا نكتة بيفهموها دي زاااتو ما بتعجبني.. ياخ ما سمعت بي الزول الحكا نكتة لي صاحبو قام ص صاحبو ما ضحك..أها بكرة لاقاهو قال ليهو أها عملت لي شنو في نكتة أمبارح؟ أها يا طلحة ده انا والنكت حقتي.. ثم وإنو أمبارح إتذكرتك وبدل بوست النكتة العجيبة دي كان موضوعي عن المنتخب اﻹنجليزي وجاني إحساس إنك كنت ح توافقني.. ياخ منو القال اﻹنجليز ديل من كبار كرة القدم؟؟؟ الناس ديل بيطلشو في بلدهم عادي وبيطلعوا من اﻷدوار اﻷولى وما عندهم لاعب رقم. .
| |
|
|
|
|
|
|
Re: زراعة الأبقار..!! (Re: عمر الفاروق)
|
Quote: ثم وإنو أمبارح إتذكرتك وبدل بوست النكتة العجيبة دي كان موضوعي عن المنتخب اﻹنجليزي وجاني إحساس إنك كنت ح توافقني.. ياخ منو القال اﻹنجليز ديل من كبار كرة القدم؟؟؟ الناس ديل بيطلشو في بلدهم عادي وبيطلعوا من اﻷدوار اﻷولى وما عندهم لاعب رقم. .
|
هههههههههههههههههه أيوة كدا .. دي النكت واللا بلاش ياخ . لقد صنعت يومي .
| |
|
|
|
|
|
|
Re: زراعة الأبقار..!! (Re: طلحة عبدالله)
|
وبمناسبة الإنجليز القاعدين يتلطشو عادي في بلدم ديل هاك النكتة دي : قال ليك واحد مشي لى بتاع البقالة قال ليهو أديني جبنة بتاع البقالة قال ليهو جبنة مافي وهي (أي الجبنة) قاعدة جوة تسمع في كلامو .
| |
|
|
|
|
|
|
Re: زراعة الأبقار..!! (Re: طلحة عبدالله)
|
والله يا رايــــوة ما تقولي حاجة ..ونكتتك محكية اعتبريها :)
الراجل سأل مرتو :أسة انا لو موت بتعرسي راجل غيري؟؟ قالت ليهو أيوة .. قال ليها وتسكنيهو في بيتي؟ قالت ليهو أيوة .. وتخليهو يخش أوضتي؟ قالت ليهو أيوة.. وينوم في سريري؟؟ قالت ليهو أيوة .. وتخليهو يلبس هدومي؟؟؟ قالت ليهو لالا..هو أطول منك..
| |
|
|
|
|
|
|
Re: زراعة الأبقار..!! (Re: عمر الفاروق)
|
Quote: غايتو يا ود البشرى إنت أظنك كنت شغال نقاااش.. ياخ زول بينقشني قدرك ماااف
|
ههههههههههههه يا أبو عمير الحنة بتاعتك دي تقليد استعمل حنة التاج لأنو بتشيل متين في المية
| |
|
|
|
|
|
|
Re: زراعة الأبقار..!! (Re: طلحة عبدالله)
|
يا طلحة ياخ ما قلت بتفهم النكت.. إيه رأيك ود البشرى بيفهما أحسن منك :) ... بالمناسبة الأيامات دي الناس بتستعمل زيت الطيب .. سيبك من حنة التاج ومحلبية ميسو ..
| |
|
|
|
|
|
|
Re: زراعة الأبقار..!! (Re: عمر الفاروق)
|
يا أبو عمير صدقني زقاق جرجير دا ضيق شديد ما بشيلك عشان كدا ما تخش بيهو الزول دا حاقد عايز يقطع زراير قميصك السمح دا وبالمرة كدا يعمل ليك فلايت ووجع رقبة . أسالني أنا من جرجير دا .
| |
|
|
|
|
|
|
Re: زراعة الأبقار..!! (Re: طلحة عبدالله)
|
يا راوية المرة الفاتت جبتي صورة الـ Men In Black وقفتي الأسافير على كراع واحدة و طلعنا عوام غايتو الله يستر من الصورة الجبتيها الدورة دي إن شا الله تقيف على العوام :)
تنظير اسي الحاقد منو؟ شبكت ود الفاروق حنة ومحلبية وتشيل وتخت وما فضّل ليك إلاّ تطالب بحذف البوست وايقاف سيدو قوم لف قال خضراء الدمن قال
| |
|
|
|
|
|
|
Re: زراعة الأبقار..!! (Re: عمر عبد الخالق سعيد)
|
والله يا عمر أنت طالبني
وبمناسبة طالبني دي
عندنا حاجة مشت الحج لما جات راجعة بعد أسبوع بس مات زول
مشت بيت البكاء وقعدت تردح ووب حي ووب حي
بنتها جات قالت ليها يا يمة أنت جيتي من الحج ليك أسبوع ما تردحي الردحي دا ببطل ليك الحج
عاينت ليها كدا وقالت ليها مطلوبة مطلوبة ووب حي .... ووب حي .... ووب حي
مطلوبة يعني طالبنها ردحي في بكاء قديم
| |
|
|
|
|
|
|
Re: زراعة الأبقار..!! (Re: عمر الفاروق)
|
بعد مانزلتها يامحمد قلبي أكلني قلت يا ربي دي ممكن يطلع منها كم تصويرة وكم بوست عابر بوردات يا عمر دونت بوش يور لك
_____ لكن بهجة مش طريقة التصوير غريبة زي الفي تركيب ولا حاجة
| |
|
|
|
|
|
|
Re: زراعة الأبقار..!! (Re: Rawia)
|
بمناسبة الحج دي يا عمكـ حبوبة لينا جات الحج و الجماعة عصروها ليكـ عصر شديد لمن عرفت حاجة الحاجة آخر ايام لمن قطعت نفس كلو كلو بعد رجعت السودان أولادها سألوها : أها الحج كيف يمة ؟ قالت ليهم : بري .. الحج الله لا قسمو لي حبيب !!
| |
|
|
|
|
|
|
|