|
حليل المريخ الأمبريالي
|
أو كان أمبريالي وهسع بقي زي الهلال واحد ذات الضعف وذات الهرجلة الإدارية وذات المشجعين المتعصبين الهتافيين الكل واحد فيهم عامل ولا أعتي خبير كروي في العالم وذات صحافة المدرجات والمشجعين .. يا حليلك يا مريخ يا أمبريالي .. كنت مهيمن على الساحة ومسيطر ع الألقاب و متوسع في البطولات .. بقيت محلي وزايد في المحلية أو بالأحري إنتقلت ليك كل أمراض الهلال وبقيت عليل زيو بل وأوهن شانا. يتبع ......
|
|
|
|
|
|
|
|
Re: حليل المريخ الأمبريالي (Re: طلحة عبدالله)
|
طبعا دا سر تسمية المريخاب بالصهاينة ذم بما يشبه المدح من واحد هلالابي بتاع سياسة مفتكر أن الهيمنة والسيطرة والتوسعية دي مرتبطة بس باليهود والصهاينة وكلها حركات ما كويسة ونحن كمريخاب كاتلين الجدادة وخامين بيضا كنا وراء قناع زعل نضحك على الرشاشات ونموت يا عيني من الضحك عليهم . يا حليلك يا مريخ يا أمبريالي يا توسعي يا اللي كنت مشبع جمهورك بالضحك على الهلالاب المساكين . آه يا زمن .. آه . يتبع ......
| |
|
|
|
|
|
|
Re: حليل المريخ الأمبريالي (Re: طلحة عبدالله)
|
المريخ مكجوج من أنصارو وبعض المدعين أنهم مريخاب من ناحية ومن ناحية تانية معمول ليهو عمل من بعض الرشاشات العارفم أنا عشان كدا ربما إستمر في ضعفو الهلالي دا لفترة من الزمن مالم يلحق به أهل الوجعة والفزعة المريخاب . آه يا زمن .. آه . يتبع ...
| |
|
|
|
|
|
|
Re: حليل المريخ الأمبريالي (Re: طلحة عبدالله)
|
الاخ طلحة،
أنا بفتكر في المرحلة دي انو المريخ مستقر تماماً إداريا كان او فنيا ، بس شايفك بتغرد حبه خارج السرب، وتاني حاجة شايف فكة الوالي مساعد قوي في الاستقرار،
المصيبة حاليا في الهلال يعاني من كل جهة، مفلسين، مشاكل إدارية ، مشاكل فنية وربك يستر.
| |
|
|
|
|
|
|
Re: حليل المريخ الأمبريالي (Re: Abdulrahman Gorashi)
|
الاخ قرشي السلام عليك Quote: أنا بفتكر في المرحلة دي انو المريخ مستقر تماماً إداريا كان او فنيا
|
غايتو لو بتقصد بالمرحلة دي اليومين الفاتو وربما الجايات فمعاك حق لكن يا حبيب أنا لا تكلم عن مرحلة اليومين الفاتو أنما عن عهد كامل يبدأ من قبل أكثر من عشر سنوات ولا أعرف متي ينتهى . أؤكد ليك أنو الإستقرار البتتكلم عنو حاليا دا ما هو إلا مجرد حالة إستثنائية عابرة ستمر وسيعود الإضطراب والفوضي وكل ما لا تحبه في المريخ .. أسألني أنا وبعدين قول طلحة قال.
| |
|
|
|
|
|
|
Re: حليل المريخ الأمبريالي (Re: Abdulrahman Gorashi)
|
يا قرشي يا هلالابي كيمياء مين وجردقة شنو مع الكورة السودانية ؟؟ كلامك دا تقولو لما تكون الكورة السودانية محترفة في إدارتها وأنديتها ولاعبيها واعلامها لكن بالطبع ما عندو علاقة ( أي كلامك ) بواقع علوق الشدة ورزق اليوم باليوم القاعدين يمارسوا فيهو إداريو الريموت كنترول الشايفنهم وعارفنهم ديل .. من متين يا قرشي أخوي أخطاء الأندية السودانية بتقود للصواب وتصحيح المسار ؟؟ إذا كان كلامك دا صاح فلشنو دائما طالعين ملوص من البطولات الخارجية ؟؟؟ كلما سقطوا في إمتحان بطولة خارجية كلما سقطوا تاني والساقية دي مدورة من عشرات السنين.. وبعدين أهو إتا قلتها بعضمة كيبوردك ... الحضري بقي بطل .. ههههه.. في ذمتك دي براها بس ما بتؤكد ليك أنو الكورة السودانية المنكوبة دي عبارة عن زريبة بقر طويلة عريضة ؟؟ الحضري الكهل الكذاب الذي تطاول بلسانه الزفر على المريخ وأساء للاعبيه أصبح بطل. ومال الحضري دا لو جاب ليهو بطولة مع المريخ زي ناس حامد بريمة كدا يبقي أسطورة وتتعمل ليهو تماثيل في الشوارع وإهرامات تزار واللا كيف ؟؟ دا ما تشاؤم يا حبيب بل إستنتاج مبني على قرائن ووقائع وتجارب ومعطيات لواقع بطال شديد ربما أنت غير ملم بأسراره كاملة .
| |
|
|
|
|
|
|
Re: حليل المريخ الأمبريالي (Re: طلحة عبدالله)
|
Quote: طبعا دا سر تسمية المريخاب بالصهاينة |
يا أخطبوط ما تاكل الناس حنك ياخ!! التسمية جات من اتخاذ المريخ النجمة شعار وديلاك برضو شعارهم نجمة داؤود بس بتاعة ديك سداسية
وبتاعتكم خماسية
| |
|
|
|
|
|
|
|