|
|
 يا معاوية وناذر ليس لبورداب الخرطوم كيان لدينا شيخ#
|
الاخوة الكرام البورداب في كافة أصقاع الارض
والعابرين
تحياتي
بخصوص البيان هو مجرد موقف أدبي وأخلاقي لكافة االبورداب بالداخل وليس هو باالعمل الكبير الذي يحتاج لجنة وشريعية ولكن تم تكليفي من قبل السادة الحضور في الافطار وليس هنالك من حرج أن كنت قد تجاوزات الحدود وعملت ما علمت من أمهات أفكاري لناذر الحق في التعديل بلغته الرفيعه ورصانة خطابه ونقول لكم أنت وناذر ليس لبورداب الخرطوم كيان ولكن لدينا شيخ يمكنكم االرجوع اليه هو كبيرنا الذي أتفاقنا عليه هو عوض المسلمي ولا داعي للتهريج والسخف ولو كان لكم أضافةأو مقترح أفعلوا كما يفعل العقلاء وأعظم الاعمال قامت بعفوية وألتف حولها الناس ولكن من أبغض الاشياء أن يقوم ثورجي بقامة معاوية بهذه الافعال أو فنان بروح ناذر ينزل لهذا الاسفاف
نظل أخوة وبيننا أحترام في العلاقات الانسانية والا سوف نقول الحقائق التي تكشف معادن الرجال في كثير من المواقف اتي كانوا أول المتشدقين بها ولا داعي لشف الصف خدمة لا خرين وأخريات نحن نعلمهم وعليه نرجوأن نكون أكثر عقلانية وأتزان حتي لا نرمي
أحدا بسوء يا معاوية وناذر .
وللكل صادق ودي
|
|
  
|
|
|
|
|
|
|
 Re: يا معاوية وناذر ليس لبورداب الخرطوم كيان لدينا شيخ# (Re: بكري الخير)
|
!!!!!!
| Quote: والا سوف نقول الحقائق التي تكشف معادن الرجال في كثير من المواقف اتي كانوا أول المتشدقين بها |
انا شخصيا يا زهير حا أبطل أي حاجة وامسك في دي ..
عشان كدة بطالبك من هسي تقول الحقائق الكنت متمشدق بيها ..!!
| Quote: يا معاوية وناذر ليس لبورداب الخرطوم كيان لدينا شيخ |
مع كامل إحترامي للعوص المسلمي .. إنت قايل روحك في معهد شروني ولا سايق ليك غنمايتين وطاقش الخلا ؟!
طيب وكت عندنا شيخ وهو البيعمل اي حاجة وهو على كل شي قدير . ما كان هو يصيغ البيان ؟!
انت الكلفك منو أساسا ..!!
يا تاج السر الملك تعال شوف السوداني دا بالله ..!!
| |
|
|
|
|
|
|
|
|
 Re: يا معاوية وناذر ليس لبورداب الخرطوم كيان لدينا شيخ# (Re: ناذر محمد الخليفة)
|
الأخوان الأعزاء
زهير ونازر
لكم العتبي حتي يرضي كلاكما..
دعونا ننتهز هذة الفرصة .. لنعيد ترتيب انفسنا ..
بطريقة افضل ...
وذلك بتكوين لجنة مصغرة .. عدة مكاتب ..
رئيس.. وامين عام .. واربعة او خمسة ..
لجنة تقوم بتنظيم كل فعاليتنا .. وتصدر بيانات باسمنا ويكون لها
التفويض الكامل ... ولمدة عام .. ويتم تغيرها او التجديد لها او الأضافة لها
..
رجاء دعونا نمشي لي قدام .. بكل الروح والثقة التي عهدناها فيكم جميعا...
| |
|
|
|
|
|
|
|
|
|
Re: يا معاوية وناذر ليس لبورداب الخرطوم كيان لدينا شيخ# (Re: ahmed haneen)
|
يا أحمد حنين سلام ..
كلامك دا قلناهو زمان وحاولنا نعمل لجنة زي معظم لجان البورداب حول العالم لكن فشلت والناس بقت ما متحمسة ليها .. فمن الطبيعي في جو زي دا يجي أي زول ويكتب كلام بإسم بورداب الخرطوم ..
يا حنين أنا امبارح لمن قاطعتك وشلت منك المايك وسألت محمد عادل قلت ليهو الكلام القلتو قلتو بي اسم منو ؟ ما كان ساي .. السؤال دا كان عشان تذكير الناس بالمؤسسية وما أي زول يتكلم بي إسم كيان ويهضم حق ناس تانين مختلفين معاو في الراي و ما في فرق بينو وبينم إلا بي إختلاف الباصويرد في المنبر دا ..!!
محمد عادل لمن قال لي الكلام البيعبر عنو بي إسمو أنا مشيت طوالي وحتى إنت لمن قلت كلامك سألتك : الكلام دا بيعبر عنك شخصيا وإنت قلت ايوة وأنا مشيت ...!!
كلامي ما معناهو إني ما متفق معاك أو مع محمد عادل لكن بيعني بي بساطة انو نحن كأعضاء سودانيز في الخرطوم ما في شي بيلمنا الا الموقع دا وما في جسم متفق عليه لحدي هسي قام في الخرطوم عشان كدة سؤالي ليكم كان من باب الناس تلتزم وما تتكلم بي اسم بورداب الخرطوم في ظل عدم وجود اجماع على شكل لجنة أو هيكل ..
عشان كدة بيان زهير دا أنا قلت محتاج اعادة صياغة وبي اجماع من البورداب .. لكن زهير اتشنج حبتين والليلة رمضان مسخن معاو شوية ..!!
| |
|
|
|
|
|
|
|
|
|
Re: يا معاوية وناذر ليس لبورداب الخرطوم كيان لدينا شيخ# (Re: زهير عثمان حمد)
|
!!!
| Quote: يا ناذر هذا الامر تمت مناقشته مع الاخ العوض مجموعة من الحضور وكان الطرح كالتالي أن يكتب البيان ويتم من خلال التداخل تعديله حتي يصل لصورته النهائية |
البيان لم يطرح للمناقشة والتعديل بل طرح للأمضاء وذلك يعني أن هذه صورته النهائية ..!!
| Quote: ولكن العيب كل العيب أن يسق المرء لاكاذيب وهو يعرف من مختلق هذه الاكاذيب |
يا زهير أين هي الاكاذيب فيما ذكر !!!
يا أخوي أنت الظاهر عليك ما متعود على العمل العام .. دا عمل عام وفيهو مجموعة من الناس أي زول عندو رايو وطريقتو .. اذا أنت بتتعامل مع العمل العام بي عقلية (دا شيخي) وقايل الناس عبارة عن حيران كل شغلتم يبصموا ويمضوا فأنت غلطان وراجع نفسك ..!
| |
|
|
|
|
|
|
|
|
|
Re: يا معاوية وناذر ليس لبورداب الخرطوم كيان لدينا شيخ# (Re: ناذر محمد الخليفة)
|
يا ناذر أفندي حسي المسالة بقت منو اللي قال أكتبو كلنا قلنا نكتب لو أنت عندك أي أعتراض ممكن بكل بساطة تقول يخي البيان دا ما بمثلني ولا دي وجهة نظري أو زي ما قلت الان ما فات شيء في أي عبارة خدشت مشاعر سعادتكم ممكن نحذفها ليك وبعدين أنت ما كنت معنا في قصة العمل المؤسس دا وعارف حجم الصراعات أنو ما يقوم كيان لبورداب الخرطوم لكين عندنا شيخ كرة وشيخ للمالية وشيخ للعلاج بعدين قصة *ما عندك معرفة بالعمل العام لن أغفرها لك وسوف يكون هنالك دم وصدام يا
..... رجعي وضد السامية كمان وخاصة محمد عادل
| |
|
|
|
|
|
|
|
|
|
Re: يا معاوية وناذر ليس لبورداب الخرطوم كيان لدينا شيخ# (Re: ahmed haneen)
|
أخي أحمد حنين
تحياتي
معليش والله ما في خلاف بيننا لكين منو الرجل الذي يستطيع كل بورداب الخرطوم أن يكونون معه كيدا واحدة دا الاختيار الصعب
لك كل الود
* لكين أنا لسه وزعلان من عبارة ما بتعرف عمل عام عرتفوا أنت يا بتاع الديكور و هندسة الغرف الداخلية لازم يعتذر لمحمد عادل دا بسببو ح يسيب كل شيء
| |
|
|
|
|
|
|
|
|
|
Re: يا معاوية وناذر ليس لبورداب الخرطوم كيان لدينا شيخ# (Re: زهير عثمان حمد)
|
الاخوان والأحباب ... ناذر وزهير
اختلاف الآراء ظاهرة (صحية) والموضوع (بسيط) يحتاج فقط لاريحية في الطرح والنقاش
بورداب الخرطوم او بورداب السنتر كما احب تسميتهم يجب ان يكونوا هم قدوة ومثال يحتذى به ،،،
ما مهم منو القائد او الرئيس ... والشغلانية ما محتاجة دستور ولوائح ونظم ... كل المطلوب أريحية ونفوس صافية ...
.
.
تقبلوا خالص تحياتي
| |
|
|
|
|
|
|
| |
زهير عثمان حمد
بكري الخير
معاوية عوض الكريم
ناذر محمد الخليفة
ahmed haneen
عمر الفاروق
معتز زيزي
محمد البشرى الخضر
محمد أبوالعزائم أبوالريش
الزبير صالح الزبير
فيس بوك
تويتر
انستقرام
يوتيوب
بنتيريست