أماتنا عقرن يا الخليل ... نشفت بلدنا من الرجال ,,,
قصيده وجدتها تايهه فى الفيس بوك ,, صاغها شاعرها بمنتهى اليأس مما آل إليه الحال حال الوطن الذى وصفه الشاعر بالموات .

07-25-2012, 00:16 AM

كمال سالم

كمال سالم
تاريخ التسجيل: 02-13-2008
مجموع المشاركات: 4786

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أماتنا عقرن يا الخليل ... نشفت بلدنا من الرجال ,,, (Re: كمال سالم)
http://soundcloud.com/jinno123/opyg7jct0cxn لكل أسياد اللبن .... تمنه وحمار للخدرجية ... الاشاوس للنقلتيه ... وحباب كمان صلح سرير لكل ستاتي ... النسا مارقات ينضفو في البيوت .. يوميه شن حق الفطور كفتيرة صاج ... راس مالا بس ... توبين زراقا وموحفضة ... للمزارعية الخدر ... وكل عمال السكك ... الشقو قلب النيل ... قطر للمغادرين المهاجرين ... المواني للبواخر وكل عتالة السفن للمواخيـــــر ... المغنية الشواذ يا الله جد فتر الصبر ضجينا من الوجعة هوول والقعده مابين الفصول نستنا ميعاد الربيع خلتنا تمبكنا الزهول ... أماتنا عقرن ... ياااااا الخليل يوم موتك آ القرشي النحيل نشفت بلدنا من الرجال ضل الظلم ... حار في المقيل عبد الفضيييل وينك أخوي ادينا شي من نطفتك رحم البلد ياااااابس عديل يمكنا نحمل بالحلال والحاله شبه مضاجعة الحاله دايره مراجعة يا الله ياواحد احد برضيك كدا ... تصبح بلدنا من الصباح تغسل وشيها العاهرات راجعين ... ومكدودين جبين من ليلة مالقن راجل شان ينستر هذا الوطن بأصيل جدع الوجعــــة ... طالت كل بيت حتي الشياطين ... هاجرت ونحن الرجال مااااااا من رجال يشهد سرير العازة جد مامن رجال والحفرة ديكــــ هـــا مولعه بتعالج أوجاع ألركب بس والسلام الدلكه حردانة الجسم الخمره فارقت الحواس محلبنا في النيل إندفق والضفره حزنااااانة البخور مامن رجال وحتي الحريم ماهن حريم ساعة الرجال .. نامت قفا خلت وطن ... ضاع وإنكفي ياااااا مصطفي هارد لهاتك بالغنا للطينه والوطن الحلال مامن زميل قد شهدك الزملا ربات البيوت ماسو شي عاااادا ... الســـكــــر والرفض بس ... للرفض بس وإتشتتو كيمان ###### فوق الطريق وإتناقشو ... وإتنابزو ... وإضاجعو .... واطارحو.... وإدارنو ... وفاتو البيوت .. والاحلي مع كل الندام باعو النضال .. بس بالكلام والمعتقل سوهو نادي وزوغة قدام المدام نايح عليك يامصطفي ونايح علي هل حاسي بي ؟ ومامن شفيع ليومنا دا أرقد كفي وعجبوني اولاد اليهود كيف قالعو العالم غصب حتت أرض دكوها دك ونحن الارض حقتنا شالوها الكلاب شرونا في خيط البلاد شرموط .. مساريقة ودك .. وماخافو حته من الكديس مامن كديس بقرب فطيس يااااااعورة الوطن الرخيس إتشتحتي مامن رجال شان يقربوك اتشتحي ...مااااتخافي شي ... وياااا فُضــــــا فوك يادا القلم عامل مبادئ ياوهم اهااا ضاجعوك لاطوكا .. تكتب ليك براك مدسي من خلف القزاز خوف الهوااا وسجم الرزاز ووينو الهنا وينو المنا وينو الوطن البيقول أنا ايوووووووووووووي ... بزغررررررت والما بيصفق إن شاء الله يجوعهو والجعان يعروه .. والعريان ... يــــ .... تمو الكلام ... وانا ايه أقول واجعني في الارض الجفاف ماكان كدا ... لاكان دا حالنا مع الزمان كان جدنا تهراقا كيف عاقل رصين واحفادو .. ال سبعة ال سمر اعدل ملوك لأحن شعب من بعدو جن حكمن حريم وقفن وعمرن البلد فاتوها كان من غير حدود واحد من اولاد الاسود حرق الملوك واحد وقفلو النيل أدب جنديها في المكسيك ثبت دهش الزمان والليلة بس مامن رجال النار بتولد في الرماد ورمادنا بيحمل بالوهم ووهمنا .. مات مامن وطن

07-25-2012, 00:31 AM

كمال سالم

كمال سالم
تاريخ التسجيل: 02-13-2008
مجموع المشاركات: 4786

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أماتنا عقرن يا الخليل ... نشفت بلدنا من الرجال ,,, (Re: كمال سالم)

07-25-2012, 06:52 AM

Mannan

Mannan
تاريخ التسجيل: 05-29-2002
مجموع المشاركات: 6701

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أماتنا عقرن يا الخليل ... نشفت بلدنا من الرجال ,,, (Re: كمال سالم)
قصيدة معبرة عن حال الوطن الذى انقسم ويتهاوى ما تبقى منه... شكراللشاعر... نحن نستحق أكثر من هذا ... ابصق فينا...فقد ضيعنا وطنا جميلا... بصمتنا على حكم لا يشبه الوطن... واكتفينا بالصمت او القول فى أفضل الحالات: من أين أتى هؤلاء؟؟؟؟؟؟؟؟؟؟؟؟؟

07-25-2012, 10:47 AM

فيصل المفتاح نور الهدي

تاريخ التسجيل: 02-03-2012
مجموع المشاركات: 96

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أماتنا عقرن يا الخليل ... نشفت بلدنا من الرجال ,,, (Re: كمال سالم)
أستاذ كمال سالم. سلام و تحية و رمضان كريم. قصيدة مؤلمة كمن يضغط بقوة بكوعه علي موطن القطيعة. شكرا.

07-25-2012, 08:11 PM

محمد الكامل عبد الحليم

محمد الكامل عبد الحليم
تاريخ التسجيل: 11-04-2009
مجموع المشاركات: 1968

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أماتنا عقرن يا الخليل ... نشفت بلدنا من الرجال ,,, (Re: فيصل المفتاح نور الهدي)
تحية .... دوام الحال من المحال يا كيمو...سينكسر سيف الجلاد ويذهب حامل السيف الي زوايا التاريخ بلا ذكري غير لعنات العالقين في استار الماساة التي ترتبت عن مشروعهم المتوهم الهزيل ...وستعاود سواقي الخصب استنبا ت شتول الغد المامول ...ويصحو محمد احمد من اتكاته حاملا المنجل صاعدا به الي الجروف حيث الكل يزحف نحو الحصاد الجديد .. ان الصبح ليس ببعيد... الرهان معقود علي ذلك ... لك الحب (عدل بواسطة محمد الكامل عبد الحليم on 07-25-2012, 08:11 PM)

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]