ما شاء الله وتبارك الله على حكومة الطهر والعفاف ! تمثيلية بايخة وملعوبة وضحك على الدقون !
بعد ثلاثة وعشرون عاما بالتمام والكمال من النهب المصلح والسرقة المقننة عايزين يغشوا الشعب بهذه التمثيلية ! واصلا فضل فيها حاجة تانى عشان ينهبوها او يسرقوها ؟
النهب والسرقة لدرجة ما بالغوا فيها دخل فى اللحم الحى وعضم الاقتصاد السودانى كالسوس لحد ما اعلنوا سياسة التقشف مجبرين ومكرهين لا ابطال !
هؤلاء نهبوا وسرقوا وباساليب مختلفة ابتداءا من البترول وانتهاءا بدمغة الجريح !
بالنسبة لدمغة للجريح دى فى واحد بلدياتنا ساخر ( سائق بص ) فى خط امدرمان دنقلا المحس , اكثر من 3 سنوات بيخلصوا منو ما يسمى دمغة الجريح فى احدى نقاط النهب المصلح ذهابا وايابا , مرة زهج من الحكاية دى وقام سالهم ( انتوا يا جماعة جريحكم ده اصلو عندو سكرى , جرهو ده ما بيبرا ؟ )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة