|
..البشيرسنورثكم سوداناً موحداً متطوراً ومتقدم وسنعده لتقودوه الى لأمام
|
سوداني نت - وكالات: أكد المشير عمر حسن البشير رئيس الجمهورية اهتمام الدولة بشريحة الطلاب ورعايتها حتى يحافظوا على مزيد من التفوق في كافة المجالات. وقال سيادته لدى مخاطبته لقاء مع الطلاب المتفوقين بمجلس الوزراء الخميس (19 يوليو ) بحضور الأستاذة سعاد عبد الرازق وزيرة التربية والتعليم والأستاذ احمد سعد عمر وزير مجلس الوزراء، " ان عهدنا معكم توفير البيئة الصالحة التي تمكنكم من المحافظة على التفوق " مضيفا " أننا سنورثكم سودانا موحدا متطورا ومتقدم وسنعد هذا البلد ونسلمه لكم لتقودوه الى لأمام حتى يكون رائدا إقليميا ودوليا ". وأشار الى ان السودان مستهدف لإمكانياته المادية وقدراته البشرية التي لا توجد في أي بلد آخر مثمنا جهود الأساتذة ووزارة التعليم وفي مقدمتهم الأستاذة سعاد عبد الرازق وزيرة التربية و التعليم . وناشد الطلاب بالمحافظة علي التفوق ومكانة الشهادة السودانية. ومن جانبه قال المهندس محمد صلاح رئيس الاتحاد العام للطلاب السودانيين قصدنا بهذا اللقاء بان يكون فاتحة لحياة مستقبلية لهؤلاء الطلاب المتفوقين وهم مقبلون على التعليم العالي مشيرا بأنهم قطعوا معنا عهدا وميثاق ليحافظوا على التفوق وعلى هذا البلد.
|
|
|
|
|
|
|
|
Re: ..البشيرسنورثكم سوداناً موحداً متطوراً ومتقدم وسنعده لتقودوه الى ل (Re: saif massad ali)
|
ود الباوقة وضيوفك كل عام وانتم بخير، تقبل الله صيامكم وقيامكم..
عارف يا ود الباوقة، كلام الريس ده يخوف شديد، من ما سمعتو جاب طاري (مو حد) دي، قلبي قال ليك وح، تأأأأني جاب سيرة موحد.. قلت خلاس يبقي في حتة ح تنفصل ، وبقيت افرك ، لقيت الحتات المرشحة للأنفصال كتيرة، والاحتمالات كبيرة، اقلاها انو (بشيرنا) بي يبشرنا بي نياشا جديدة، واقليم جديد، في طريقه الي خارج السودان ، وانو لازما وحتما في حتة من السودان ح تنفصل.. تقول لي يا زوول الكلام ده بتجيبوا من وين؟ اقول ليك : من كلام الريس زاتو.. مش قبل كده قال لينا وعلي الهواء مباشرة، (نحن السودان ده ح نسلموا زي ما سلمونا ليهو اهلنا، موحد) أو كما قال...ادناشي ومو بالحيل، يقوم يا سيد عمك الجنوب ينفصل وبرعاية كاملة من المشير.. كان ما ابقي كضاب داير اقول ليك كلمة ختها في قعر اضانك :(ما اشار المشير الي وحدة السودان يوما الا وانفصل عنه جزء عزيز) يا خي كلامو ده بقي زي برنامج اسماء في حياتنا..
تحياتي
| |
|
|
|
|
|
|
Re: ..البشيرسنورثكم سوداناً موحداً متطوراً ومتقدم وسنعده لتقودوه الى ل (Re: haroon diyab)
|
Quote: أننا سنورثكم سودانا موحدا متطورا ومتقدم
|
نعم،
دا الكلام ولا بلاش.
سودان موحد بعد التقسيم (يعني البفضل منو سيكون موحد لأنه سيمتد من سنار إلى عطبرة وبالعكس).
سودان متطور بعد إعلان إفلاس الدولة (يعني متطور بالنسبة لآخر دولة إسلامية، دولة الخليفة عبد الله التعايشي التي نستفيد الآن من تجربتها التعليمية الرائدة المتمثلة في نظام الخلاوي بالكمبيوتر).
سودان متقدم؟؟
دي الوحيدة التي لا يمكن تخريجها باي حال من الاحوال، إلا إذا قلنا (متقدم في السن).
يا ناس كفاية كذب على انفسكم.
أنتم تكذبون على أنفسكم لأنه لم يعد هناك من يصدقكم، حتى هؤلاء الاطفال الذين خاطبتهم يا سيدي الرئيس.
| |
|
|
|
|
|
|
Re: ..البشيرسنورثكم سوداناً موحداً متطوراً ومتقدم وسنعده لتقودوه الى ل (Re: عبدالكريم الامين احمد)
|
Quote: ( ما اشار المشير الي وحدة السودان يوما الا وانفصل عنه جزء عزيز) |
يا جمال السودان الموحد دا ياهو حوش بانقا نواحي كافوري .. الباقي دا تاني ما بقدر يلموا .. رمضان كريم ..
يا بشير عليك الله مره كده ساي أتجلى وتعال ليك لي لمة وما تتكلم فيها .. ياخي أعمل فيها أطرش عديل كده .. أعمل فيها رايح .. أخد ليك نقذة نقذتين بي عصايتك دي .. والباقي تموا ضحك .. الله يطولك يا روح ..
يا باوقة الكذب حرام والشبير لي قدام ..
| |
|
|
|
|
|
|
Re: ..البشيرسنورثكم سوداناً موحداً متطوراً ومتقدم وسنعده لتقودوه الى ل (Re: معتصم دفع الله)
|
باوقة ياخ انت لو قريب من الراجل دا خسمتك بالله ورسوله فى هذا الشهر الكريم تقولى لا .. لا عليك الله .. مادايرين اى حاجة مادايرين ياخى .. خلينا كدا .. اى محاولات .. مجابدات .. معافرات منو عشان متطور ومتقدم والكلامات دى ح تودينا التووج ... نحن ما ناقصين ... قولى وبركات رمضان اعتقنا ياخ فارقنا قلنا الروووووب ورثنا هسسسه دى مالو ؟ وخلى بلا اعداد ... وانا مااااا بجيب سيرة الجنوب انا مااااا بجيب سيرة الوحده قولى موت من هسه ونوعدك انو ناس الشرق يبكوكا وناس الغرب يبكوكا وناس الجنوب يبكوكا وحرررم ناس الشمال يبكوكا !
اتذكر بن على وقذافى وحسنى و الاسد وخليك عاقل ... ولا عذر لمن انذر
ــــــــــــــــــــــــــــ اتذكرت خطاب حسنى مبارك الجا اتلكلك فيه داك والحشود محتشده فى التحرير تنتظر التنحى .. وقعد يقول ليهم 7 شهور وكلها شهور والانتخابات ولولوة .. انبرت بت صغيرة من جووه الميدان فى مايكرفون الجزيرة قالت لى .. السبعة اشهر خد حقهم ياريس وروووح ! هسسه زولك دا حقو فى بطنو خليهو يروووح بس ...
| |
|
|
|
|
|
|
Re: ..البشيرسنورثكم سوداناً موحداً متطوراً ومتقدم وسنعده لتقودوه الى ل (Re: ihsan fagiri)
|
معتصم دفع الله
رمضان كريم و أن شاء الله من العائدين دائما...
غايتو يا معتصم.. حكاية حضاري .. ومتطور .. دي.. صاحبك ده نقشها من علي عثمان .. علي عثمان كل ما يلقي كوم ناس يشبكن ليك .. نحن ناس عمل ما ناس كلام.... والجماعة يرددو.الله اكبر.. وكل شيء راح يبقي تمام .. (الكورس يردد ماسبق ذكرو ).. ابتسامة ( مصفرة).. وح نحافظ علي وحدتو ونجيبو سلام ..(الكورس....) ارمو لي قدام(الكورس يردد)
اها المشير اخدها بي ضبانتها، وقعد يوزع فيها شمال يمين وفي رواية اخري زاد عليها، (ما بينقص شبر) .. غايتو بيني وبينك ما بينقص شبر دي انا شخصيا مصدقوا فيها.. شبر يعني ايه؟ يعني المسافة بين الابهام والصباع الصغير.. وده كلام صحيح 100% لأنو ما ابدا ما قال : ما حينقص الاف الكيلومترات.. يعني الراجي السودان ينقص شبر طال انتظارو..لآ نو حساب الشبر لسع بدري عليهو البيع دلوكت بالكيلومتر ، حلك لمن يبقي المقياس بالبوصة.. مودتي
| |
|
|
|
|
|
|
Re: ..البشيرسنورثكم سوداناً موحداً متطوراً ومتقدم وسنعده لتقودوه الى ل (Re: جمال المنصوري)
|
تحياتي يا جمال .. ربنا يجعلنا جميعاً من عتقاء هذا الشهر الكريم ..
ياخي الزول دا حقه بعد كل لقاء يعمله يجيبوا ليه الشريط تاني يوم يشوفه ويذاكر فيه .. هو أصلاً قاعد يلفح ساي أي كلمة تقع في أضانه يقوم يلصقا للمساكين ديل وهاك يا تهليل .. دا قبل كده قال لي أهلنا في الجزيرة ح نزرع ليكم بالليزر .. هسي كل ما يشلع برّق ساي أهلنا ديل يقولوا خلاص البشير زرع .. قبل إنفصال الجنوب قال السودان دا ح نسلمه موحد زي ما أهلنا سلمونا ليه موحد .. دحين نحن صدقناه في الـ23 سنة الفاتو عشان نصدقه هسي؟ قال ما ينقص شبر قال ..
تسلم يا حبيب .. ويديك العافية ..
| |
|
|
|
|
|
|
|