|
ياربي دي حيكومة والا العثيم
|
كل يوم تفتح في نقاط بيع لتوفير السلع للمستهلك هل ده هو دور الدولة ؟ والا مهمة الدولة تسهيل العمل للتجار والموردين عشان يوصلوا السلعة للمستهلك بسعر مجزي ؟ يعني تاني نتوقع انو يكون النقاش داخل البرلمان علي الطلاق بي راس مالها وحرم ما بتخارج
|
|
|
|
|
|
|
|
Re: ياربي دي حيكومة والا العثيم (Re: د.محمد حسن)
|
Quote: كل يوم تفتح في نقاط بيع لتوفير السلع للمستهلك هل ده هو دور الدولة ؟
|
إنت صدقت الكلام دا يا دكترة ...
ياخي الموضوع دا كلام (إعلامي) عشان المواطن يحس بأن الضائقة في طريقها للحل وإنه الدولة (طبعاً لأول مرة في تاريخ الـ 23 سنة المشئومة, أصبحت تهتم بمعاش المواطن
باختصار كدا يعني .. يا شعبنا .. مافي داعي للمظاهرات أصبروا شويتين وكل شئ حيكون تمام ..
| |
|
|
|
|
|
|
Re: ياربي دي حيكومة والا العثيم (Re: أحمد الشايقي)
|
العثيم ياتو يا منقة ..
العثيم ما فيهو صفوف .. وحاجاته متوفرة
واسعاره ثابتة.. بل توجد تخفيضات كل يوم اثنين
عمرك دا كلو يا دكترة في الرياض
شفت ليك ..صف للطماطم وصف للبيض ..
دي حكومة بيض ساكت
تحياتي..
يا شاب
| |
|
|
|
|
|
|
Re: ياربي دي حيكومة والا العثيم (Re: د.محمد حسن)
|
حكومة الولاية كان الإتحادية ....
كان بتجتمع كل شهر في أبوجنزير والا ميدان الأسكله ولا ميدان عقرب ما كان وصلنا للهرج والمرج الإقتصادي النحنا فيهو دا .....
على الأقل كانوا عرفوا الناس دي بتعيش كيف ،، وبتعاني كيف ....
لعنة الله عليهم ،، بس ينزلوا من أبراجهم دي للإنتخابات ويرجعوا تاني .... بعد ما يفوزوا نفسهم ....
الا لعنةُ الله على الظالمين ...
| |
|
|
|
|
|
|
Re: ياربي دي حيكومة والا العثيم (Re: د.محمد حسن)
|
سلامات يا دكتور وكل سنة وانت طيب والجميع بخير.
يعني تتوقع من ناس غرروا بمجموعة من الشباب السوداني الشجاع وودوهم إلى الموت بأرجلهم باسم الجنة والحور العين.
تتوقع إنهم ما يجرجرو باقي الشعب للموت البطئ باسم انتظار الفرج والسعة القادمة ؟
| |
|
|
|
|
|
|
|