|
Re: شاب يعتلي شجرة بسوق كسلا ويهدد بالانتحار ما لم تحقق مطالبه! (Re: الامين موسى البشاري)
|
Quote: دفعت الظروف الاقتصادية البائسة شاب في الثلاثين من عمره الي تسلق شجرة مرتفعة تقع بالقرب من قهوة ام الحفر الشهيرة بداخل سوق مدينة كسلا الكبير وهدد الشاب بالانتحار مالم تتحقق مطالبه المتمثلة في عربةجديدة ومبلغ 40 مليون جنيه وعروسة حسناء وتجمهرعلي اثر ذلك عدد كبير من المواطنين لإثنائه عن الانتحار وتمسك الشاب بتلبية طلباته التي ذكرها لهم واشفق البعض علي حالة الشاب ومطالبه التي وصفت بالمشروعة لتحقيق احلامه الوردية لجهة انه يريد اكمال نصف دينه وعربة جديدة ومبلغ مليون تيعنه علي تدبير حياته وعروسة حسناء تفتح له مساحات فرح في داوخله وعندما تمسك بكل جدية في الانتحار ابلغ المواطنين الشرطة التي هرعت الي الشباب وبعد برهة من الزمن هبط الشاب من علي الشجرة وسط صيحات المواطنين والبعض بين مصدق ومكذب والدار تناشد والي كسلاووزارة الشؤون الاجتماعية وكل اصحاب القلوب الرحيمة بمد يد العون لهذاالشاب ومساعدته في ايجاد حسناء في مدينة الحسن والجمال من اجل اتما نصف دينه |
| |
|
|
|
|
|
|
Re: شاب (Re: العوض المسلمي)
|
حسب مصادري المؤكده والموثوق منها الشاب ده هو اخونا تولوس ...
غايتو الوالي ووزير الشئون الاجتماعية لو لبوا ليهو مطلبه ياني مسافر بكره ...
ــــــــــــــــــــ نسال الله له الشفاء
| |
|
|
|
|
|
|
Re: شاب (Re: Muna Khugali)
|
Quote: والله انا لو منه انزل من سكات وأعمل نفسي كمان كنت بصور مشهد! |
لو كنا عارفين الطريقة دي فعّالة كنا اختصرنا غربتنا دي
| |
|
|
|
|
|
|
Re: شاب (Re: فايزودالقاضي)
|
غايتو انا بطلع ليكم في البورد دا فوووووووووووووووووووق
داير حسناء .. وفيزا وفيلا وعربية
ذي اخونا ود القاضي دا الله8 يزيدو
| |
|
|
|
|
|
|
Re: شاب (Re: حافظ انقابو)
|
Quote: غايتو انا بطلع ليكم في البورد دا فوووووووووووووووووووق
داير حسناء .. وفيزا وفيلا وعربية |
بورد شنو .. اركب ليك عمارة وناس الحبر ومعاوية واميرة ينتظروك تحت بالمراتب والمنقذات لكن لو جليت منها ماتقول الجماعة زحوها ..
كلمتك من هسه ...
| |
|
|
|
|
|
|
Re: شاب (Re: فايزودالقاضي)
|
Quote: غايتو كان حققوا ليهو مطالبو دي أنا بكرة دي بمشي أشوف لي شجرة اطلع فيها والله صحي () |
خليك مفتح ياخوي
في نوع كدا من الشجر ركب خازوق في الناس........
تحياتي
| |
|
|
|
|
|
|
Re: شاب (Re: Abdlaziz Eisa)
|
Quote: خليك مفتح ياخوي
في نوع كدا من الشجر ركب خازوق في الناس........
|
وأنا البطلعني في شجرة مسوسه شنو يا عبد العزيز
تحياتي
| |
|
|
|
|
|
|
Re: شاب (Re: فايزودالقاضي)
|
تحية للاخ البشاري والضيوف الكرام ...الزول ده في رايئ المتواضع كان ضارب شاشمندي (نوع من البنقو شديد الاسكار)... عشان كده كانت قوية
.... ود القاضي ام عمر قالت ليك كان راجل تعال كسلا تاني
| |
|
|
|
|
|
|
Re: شاب (Re: تولوس)
|
Quote: الزول ده في رايئ المتواضع كان ضارب شاشمندي (نوع من البنقو شديد الاسكار)... عشان كده كانت قوية |
تولوس
تحياتي... وطبعاً مع اجواء كسلا الوريفة الحكاية ربطت 1000 غايتو ود القاضي بهتك في الحكاية دي
كن بخير
| |
|
|
|
|
|
|
Re: شاب (Re: حافظ انقابو)
|
Quote: داير حسناء .. وفيزا وفيلا وعربية |
تحوفك وتجبد صوفك يا حافظ الحسناء والفيلا والفيزة والعربية للفقري ما بلقن ليا ...... والله صحي
| |
|
|
|
|
|
|
Re: شاب (Re: فايزودالقاضي)
|
Quote: غايتو الوالي ووزير الشئون الاجتماعية لو لبوا ليهو مطلبه ياني مسافر بكره ... |
عارف يا قريبي كسلا اليومين دي متألقة في الاخبار هاك الخبر دا هنا وبعد يومين من اختفاء العريس هاك دا برضو هنا اها اوع تمشي تختفي انت كمان هناك...... والله صحي
تحياتي
| |
|
|
|
|
|
|
Re: شاب (Re: العوض المسلمي)
|
Quote: يا امين مطالبه مشروعه بس منو البقول البغلة في الابريق :) |
شيخ العوض كيفك يا حبيب نعم مطالبه مشروعة لكن طريقتو ما دسيسه ياخ الكونت هو الشخص الوحيد الذي يقول البغلة في الابريق
| |
|
|
|
|
|
|
Re: شاب يعتلي شجرة بسوق كسلا ويهدد بالانتحار ما لم تحقق مطالبه! (Re: أيمن دياب)
|
Quote: يا بشاري قوووول لقى العربية.. الأربعين مليون دي بتكمل بنزين في شهرين.. |
لوووووووووووول يا ايمن ياخ ذكرتني الباكستاني الكهربائي وهاك الحكاية دي: مرة مشيت اصلح سيارتي عند واحد كهربائي باكستاني اها واثناء التصليح قعدنا نطق في الحنكـ قلت ليهو عندك كم سنة في السعودية؟ قال لي: 20 سنة؟ قلت ليه ما رجعته عشان تعيش مع اولادك شوية خصوصا وأن اولاده لم يكونوا معه قام لي: يا صديق كل دنيا يبغى فلوس سيارة يبغى فلوس وحرمه يبغى فلوس الباكستاني قال لي غير المره والاولاد عنده سيارة كبيرة شغالة هناك وديل ماكلين الوراهو والقدامو
اها الحكاية دي شكلها حتبقى على صاحبنا دا المره والسيارة بكملن القروش ... والله صحي
| |
|
|
|
|
|
|
Re: شاب يعتلي شجرة بسوق كسلا ويهدد بالانتحار ما لم تحقق مطالبه! (Re: الامين موسى البشاري)
|
يا اللمين يا اخوي والله انا لو ما عارف ود القاضي كويس وانو ما بتاع سجارات اكيد كنت قلت الزوول ده باري حبيب نورة وبقي ياخد ليه نفس نفسين من سجارة نورة ... زمان لما كنت بزوره في جدة كان بيعزمني في قهوة في عنيكش زي قهوة ام الحفر بتاعت زولنا بتاع الشاشمندي ... وناسها عيونهم حمر والله صحي...
علي اي حال جوونا اليومين ديل مغري شديد ويغريكم السلام ويحيكم الغمام ... كان جيتنا ومعاك ود القاضي نحن اكراما لك ما بنعمل ليه اي حاجة
| |
|
|
|
|
|
|
|