|
|
 المعا دولارات
|
زمان في زمن يسمي جميلا يمر بالشوارع المنادون من شاكلة المعاه قزاز .. المعاه شوالات .. المعاه صفايح ويشترون ما تيسر وماتسهل
الأن الحكومة تحاول لملمة الدولارات الفي السوق وبواقي دولارات المغتربين ونسير حمير الحكومة تملآ شذاذ "الآفاق" بحثاً عن الدولارات وتصيح بأعلي حلقومها المعاه دولارات والبشير يتفاهم مع سلفا بلغة يا سلفا اخوي الحالة صعيبة بالحال بالنسبة ليك وليا بس انت لا عندك شذاذ آفاق ولا لحاسين أكواع ولا بتاجر بشريعة .. دحين يا سلفا اخوي انت ذاتك تعبان وشعبك جيعان ما تجي نتفاهم طلع بترولك ونحن ما حنختلف وبناخذ دولاراتك الف الف ما بنختلف وادفع البتدفعه نظير الترحيل خلينا نخلص من مظاهرات الشذاذ ديل المارقين لينا كل جمعة باسم ومتورين علينا الدنيا والعالمين ده حالتوا لسة باقي الشارع ما مرق يعني يا سلفا اخوي لو ما اتفاهمنا زي ما مرقن العوين وشوية الطلبة ديل بكرة يمرقوا يتلموا ليهم في ساحة خضراء ولا ميدان كبير والحكاية تكبر ويشبكونا ارحل ارحل وبعدين انا ارحل وين يعني مع الجنائية الدولية دي الله يكفينا شرها علي كل حال انا بوصي عبدالرحيم انه يتساهل معاكم في المفاوضات الجاية بس انت كلم بافان ما يعاند وما بنختلف .. تستمر الحكاية والحيكومة توعدنا بالدهب وبالمزيد من
الاكتشافات الجديدة وشيخ علي عثمان ما بقصر يوصينا كل يوم بتقوي الله وانه الارزاق بيد الله والغريبة لغوة اليومين ديل بقت لغوة شيوخ ومصلحين يرموا كل اخفاقاتهم بانناضد الشريعة وعلينا الاستغفار كسدت تجارتهم التجارة باسم الدين والزج بالدين في امور الحياة ورسولنا الكريم صلي الله عليه وسلم يقول: أنتم أدري بشئون حياتكم .. ما معناه نظموا حياتكم بالتخطيط والتنمية بنظرية الناس شركاء في ثلاث الكلأ والماء والنار ولكنهم أستأثروا بكل شي وتركوا لناالنصيحة بان نستغفر وانه الارزاق بيد الله سبحان الله.
وبعض الناس يقول ما البديل عن نظام الانقاذ؟ وكأنه نظام الإنقاذ ده لا يأتيه الباطل من خلفه أو أمامه وبأنه البلد حتصير لفوضي ودمار خلونا نصرف فهامة لكل مواطن سوداني بجانب حزام التقشف ليفهم بأنه حواء السودان لن تلد بديلا لرجال ونساء الانقاذ وبأنها عقمت عن ولادة من يصلحون شأن البلاد والعباد رغم ما فعلوه بالسودان من هوان وما خلفوه من دمار وخراب البديل يا هؤلاء وقد بح صوتنا زي صوت البشير المشروخ هذه الأيام بكترة النبيح والصياح ضد شوية شذاذ الأفاق مرة بالكوي ومرة بالشوي نقول بان البديل موجود في شباب اليوم وحكمة شيوخ الوطن بعيدا عن ديناصورات السياسة التي لن نترك لها مجالاً للعودة مرة اخري للحكم بل نحترمهم ونوقرهم ككبار لهم دور في الشوري والنصيحة.
يقولون بان الانقاذ هي أحسن السيئين لذا اتركوهم يحسنوا سيئاتهم ويصلحوا ما افسده الدهر انقاذا تعرفه خير من انقاذ لا تعرفه نقولها لهم أذهبوا عنا وانتم غير طلقاء بل ستحاسبون علي كل مليم اخدتوه من جيب الشعب السوداني وكل ظلم سببتوه للمواطن السوداني بدعاوي الصالح العام وانتزاع الاراضي لاقامة السدود بدون تعويضات مجزية وعلي كل زمن اهدر بلا عمل للخريجين وكل اذي سببتوه لمهيرة السودان سنحاسبكم حتي علي ما سببتموه لبعض الناس من ذهول وزهايمر.
|
|
 
|
|
|
|
|
|
|
|
Re: المعا دولارات (Re: عمر الفاروق عبد الله الشيخ)
|
| Quote: وبعض الناس يقول ما البديل عن نظام الانقاذ؟ وكأنه نظام الإنقاذ ده لا يأتيه الباطل من خلفه أو أمامه وبأنه البلد حتصير لفوضي ودمار خلونا نصرف فهامة لكل مواطن سوداني بجانب حزام التقشف ليفهم بأنه حواء السودان لن تلد بديلا لرجال ونساء الانقاذ |
سؤال البديل هذا يا عمر سؤال مدسوس من (مراكز بحث تشخيص مصلحة النظام), وذلك لإحداث الدوشة في رؤوس السودانيين ولإقعادهم وتثبيطهم عن الهمة في التغيير وتطلب الحقوق المشروعة ..
أنت دائماً تبحث عن البديل الجيد لحكومة هي جيدة .. لكن الحكومة التي تحكمنا هي من أسوأ الحكومات التي مرت على البلاد وارتكبت موبقات في حق البلاد ووحدتها ونسيجها الاجتماعي ومشاريعها عظام الظهر وأجيال شبابها ومعايير الجودة فيها ما الله وحده بها عليم .. ومع ذلك تجد البعض ينخدع بالسؤال عن البديل ؟؟
| |
|
|
|
|
|
|
|
|
Re: المعا دولارات (Re: أحمد الشايقي)
|
| Quote: نت دائماً تبحث عن البديل الجيد لحكومة هي جيدة .. لكن الحكومة التي تحكمنا هي من أسوأ الحكومات التي مرت على البلاد وارتكبت موبقات في حق البلاد ووحدتها ونسيجها الاجتماعي ومشاريعها عظام الظهر وأجيال شبابها ومعايير الجودة فيها ما الله وحده بها عليم .. ومع ذلك تجد البعض ينخدع بالسؤال عن البديل ؟؟ |
اخي احمد الشايقي لك التحايا
للأسف معظم الناس بتفكر بهكذا فهم وعشان كده التوعية مطلوبة بتوضيح البديل للشعب عن هؤلاء الذين لا ندري من أين أتوا
| |
|
|
|
|
|
|
|
|
|
Re: المعا دولارات (Re: عمر الفاروق عبد الله الشيخ)
|
من بوست اخونا جلال النعمان
بيع الدولار اليوم بثمانيه 8 جنيهات في الخرطوم
وتتواصل الندره مع وقف بنك السودان ضخ الدولار للصرافات
ومع ازدياد الطلب بالنظر لدنو موسم عمرة رمضان يتوقع اصحاب الصرافات
ان يرتفع السعر اكثر
ايضا يشير اصحاب الصرافات الي هروب رؤوس الاموال
الي كل من القاهره ودبي واديس ابابا... التسليم في هذه البلدان يتم بحساب
8 جنيه
| |
|
|
|
|
|
|
|
|
|
Re: المعا دولارات (Re: هيثم التوم)
|
Quote: هذا باختصار ...
والان ماذا يحدث لو تخليت عن دولارتك واستبدلتها بالجنيه السوداني في وقت تنخفض فيه قيمتها ؟
الاجابة ببساطة ستخسر لان القوة الشرائية والتضخم الحادث يوميا في الاقتصاد يخفض من قيمة العملة المحلية ( الجنيه ) ..
وبالتالي فانه مالم يتم تحويل هذه السيولة بسرعة الى سلعة اخرى امنة ( كالعقار ) او احد العملات
الممتازة الاخري كالريال او اي سلعة اخري ترتبط قيمتها مباشرة بسعر الدولار - مالم يحدث ذلك فان ستخسر بالتأكيد ...
لذلك المستثمرون يحتفظون النقود كسيولة في حالة ارتفاع قيمتها ويتخلصون منها عند انخفاض قيمتها وهذا يمثل في علم الاقتصاد بمنحنى السيولة ...
اتمنى ان اكون قد اوضحت ... |
التحيةلك اخي هيثم التوم وشكرا علي المعلومات القيمة
يعني ورقتنا دي ما بتنفع الا اذا ختيناها في واطة ولا شيتا يرفع قيمتها
| |
|
|
|
|
|
|
| |
عمر الفاروق عبد الله الشيخ
هيثم التوم
فيس بوك
تويتر
انستقرام
يوتيوب
بنتيريست