|
Re: سيرة مدينة : نادي الاهلي ..شندي (Re: SAIF MUstafa)
|
Quote: وكان أول مرورنا بعد المشرع هو أن نتوقف عند منزل أصحابه، على ما أذكر، أسرة أدوارد سمعان ميخائيل فى حلة البحر، وكانوا يبيعون لنا حلويات راقية وبعض ألعاب العيد ، من شباك فى منزلهم يفتح على الشارع. ثم بعد ذلك نتجه لحديقة البلدية والأندية المجاورة ، وعند منتصف النهار نتفرق لزيارة أقاربنا فكل أهل المدينة تقريبا لهم أقارب بالضفتين...
|
الاخ العزيز سيف مصطفى كل عام وانتم بخير احييك في بعدي والله شندي مدينة كانت مزدهرة جدا في كل النواحي ويا حليل المسيحيين ناس حزقيال وصبحي وميخائيل ومحطة القطر العبارة عن سوق كبير والفراد الجميلة ومصنع النوراب..ومدرسة عبدالله الحسن ومصانع عبدالكريم السيد والله بيني بين يا سيف كلنا رجعنا السودان في السنوات الاخيرة ولقينا عفت الديار محلها ومقامها كل شيء اتغير للاسوا فعلا وبتذكر كمان زمان مركز البوليس التمساح المدقوق في الحيطة داك خلف مكتب الضابط وكمان نحن كنا بنعدي الغرب جنينة كردمان واحمد محمود طبعا في السودان ومعييد الايام دي في رفاعة مع نسابتو وان شاء الله يبلغ وبنوصل سلامك وكلنا مع الاهلي لحدي الفاينال...
|
|
|
|
|
|