|
Re: ساااااااااااااااااارق ... (Re: محمد البشرى الخضر)
|
مبروك التعادل
ولدنا الشوية دي؟
بس القون بهجة عديل كدا
أولا: نزار كان عضم الهلال وأميز زول في المبارة
ثانيا : جمعة جينارو دا ما مطمئن كحارس مرمى للهلال
ثالاثا: غاظوني لعيبة الهلال لما رجعوا دفاع بعد الهدف
رابعا : الحمد لله طلعت تعادل أي نتيجة غير كدا كان حصلت مصيبة في الاستاد
خامسا: جماهير الكرة في السودان بقت ما عندها أخلاق بتعريفة
| |
|
|
|
|
|
|
Re: ساااااااااااااااااارق ... (Re: حمد عبد الغفار عمر)
|
يا حمد يا قريبك ياخي الحالة بقت صعبة و ما معقول تستمر كدا يوما ما ح تحصل كارثة بمعنى الكلمة السيطرة الهلاليلة في الشوط التاني كانت واضحة لكن فعالية الهجوم تعبانة بالإضافة لتألق ضفر و الحضري رغم السيطرة كانت في هجمات مرتدة على درجة من الخطورة تراجع لعيبة الهلال بعد الهدف و تراجع الوصيفاب بعد تقدمهم في الشوط الأول دا انديكيشن على عقلية اللاعب السوداني جاب قون خلاص عايز الكورة تنتهي على كدا
| |
|
|
|
|
|
|
Re: ساااااااااااااااااارق ... (Re: abas)
|
وين يا عبس والله قصة الكراسي دي بقت تحيّر بالطريقة دي تاني القمة تتلعب في استاد الخرطوم بس اسلم للاستادين
يا حلبينا فرصة نرش تنظير مكسب ما خسارة :)
| |
|
|
|
|
|
|
Re: ساااااااااااااااااارق ... (Re: Abd Alla Elhabib)
|
يا الحبيب ... صحي مبروك التعادل و الحفاظ على فارق النقاط و التفوق في دوري الفين واطناشر على الوصيفاب في مجموع المباراتين الكليبات اصبر ليها بتجيك اديك لمحة عن الآكشن الشوط التاني فيه عشرة ضربات ركنية للهلال وواحدة للمريخ بعد الهدف دا بديك فكرة عن العصر الكان حاصل في الشوط التاني الحضري تألق و أنقذ تلاتة اربعة كور شبه مضمونة وكذلك جمعة في الشوط الأول الهدفين كعادة دفاعاتنا نتيجة السرحان و غياب التغطية
تحية خاصة لضفر فعلا اللاعب كان يستاهل الصراع الجرى حوله بين الناديين
| |
|
|
|
|
|
|
Re: ساااااااااااااااااارق ... (Re: Ashraf el-Halabi)
|
وين يا ابو اللول مشتاقين والله عجبتني تبصيرة سانيه فك شفرة الحضري اخيرا لكن دحين الزول مو سارق :)
يا حلبينا اكتر شي عجبني بعد التعادل فليق الصفوة لجمعة بعد الدرون عشان بكرة ولدهم ما يملانا فقر بموضوع الفليق بتاع الهلالاب
| |
|
|
|
|
|
|
Re: ساااااااااااااااااارق ... (Re: Ashraf el-Halabi)
|
ود البشرى مساء الخير حضرت الشوط التانى انا واستمتعت بسانى والقون اللى فيهو لمحة من قون قديييم كدا لى زيكو (منتصر الزاكى) وقون محمد نور بتاع الاتحاد برضو
ضفر صحى كان ضفر اما الكهل الحضرى كأنى به بيمد فى لسانو لطلحة :) مبالغة ياخ المكركب دا (مابريدو اصلو والله ) لكن الشهادة لله كان نجم ومرن ومطاط ومهاب ماعدا لحظة القوون
الهلال كان فى جماعية لا بأس بها المريخ اتراجع تراجع عجيب وغير مبرر اطلاقاً لكن زى ماقلت نظام جيب قون وانهى الكورة بس دى ما ثقافة اللاعب السودانى براها شكلو معاها كمان المدرب البرازيلى البعمل فى السودان لانو ناس المريخ ديل كلتشى كان لاعب ليهم باك عديل (صحى نسيت هو ما مجنس :)
المهم الله ستر ولطف ومازال الفارق كما هو
اها نقول مبروك ولا نعيش وهمة الاسياد ونقول التعادل غير مرضى والمريخ فلت من هزيمة نكراء
| |
|
|
|
|
|
|
Re: ساااااااااااااااااارق ... (Re: احمد الأمين على إدريس)
|
اشهدوا يا زملاء تنظير مارس علي عنصريته المشهور بيها وقال لي شن نفرك :) قوم لف يا عنصري
يا ابو حميد زي ما قلت الحضري و الحق يقال كان نجم مسالة ريدتنا ليه من عدنها لا تنفي الحتة دي بالنسبة لقون زيكو قون سانيه يشبهو في الوضع الطائر و القريب من الأرض لكن قون زيكو كان اشبه بالشوته من سرعة الكورة وكانت المسافة اقرب للمرمى و بشتركو الاتنين في خلعة الحارس , الحضري لسان حالو بقول "بسم الله " :) وبالمناسبة ما يبدو تألق للهلال و سيطرة لا يمكن الحكم بها نسبة لتراجع المريخ و اتاحته الفرصة كاملة للهلال رغم كدا كان يكثر من التحضير و المهاجمين ما متعاونين و عكسياتهم غير متقنة و دي ليست دلائل عافية ازكي النتيجة كويسة لكن ستيل الخلل موجود في الهلال و يكبر كل مرة واكيد ح نقول مبروك التعادل وتقريبا مبروك الدوري ان شاء الله و التعادل مرضي و برضو المريخ فلت .. اها :)
| |
|
|
|
|
|
|
Re: ساااااااااااااااااارق ... (Re: Ashraf el-Halabi)
|
Quote: اشهدوا يا زملاء تنظير مارس علي عنصريته المشهور بيها وقال لي شن نفرك :)
|
وانني لمن الشاهدين بس صرف ليك من الـ(حُلة الجديدة) ؤ كدا بختك
-----------
كما نؤكد انو سانييه كان سارق لحظة التحليق
Quote: "nós dobrado dobrador de liga
|
يا ابو الشوش لا يُفتى في الفرنسية وقيقامالك في المدينة .. بس عمك قوقل قال دي (برتغالية) .. لكن برضو نفتي .. المافي شنو ..هاك يا زميل:
نحنا دهب الدوري المجمّر
والله اعلم
| |
|
|
|
|
|
|
Re: ساااااااااااااااااارق ... (Re: قيقراوي)
|
Quote: سانيه يسجل هدف التعادل بعين واحدة |
ديل المحترفين الجد جد، تقول لي (وارقو) يا أبو اللول!
ــــــــــــــــــــــــــــــــــــــــــــــــــــــــــــــــــــــــــ
Quote: نحنا دهب الدوري المجمّر |
حد يصحي الأستاذة سهام باللاي يا قيقاترجمان ما أظنها كدا، لأنو تعبيرات وشو وهو بقول العبارة دي كانت زي الزول الأسكوره 30 وقافل ليو على كرت وحيد والكرت دا واحد من النازلين سماهو جوكر
| |
|
|
|
|
|
|
Re: ساااااااااااااااااارق ... (Re: Ashraf el-Halabi)
|
يا ابو الشوش جيب فيديو خلينا نشوف السياق كويس
صراحة عمك قوقل قال "مطوية ونحن سبائك مجلد“ ... برتغالي "نحن في منعطف. بندر الدوري“ ... بمبي ..ؤبببببس اقصد (الجاليكية)* والله صحي!
-------
اسباني وفرنسي .... قال لأ
* اوع واحد يسألني من الجاليكية دي ..انا ما طقشت اضاني قبل كدا ذاتو! اهو مغارز عمك قوقل
| |
|
|
|
|
|
|
|