|
البرونتاريا..يعنى شنو
|
ياجماعة من حق الزول يفرح ويكون مبسوط من رب عملو الأسفيرى, وربما تكون فيها حاجة من وصف الأخ العزيز قصى لشخصى حينما أستثنانى من قائمة الذين يدعوهم للثورة والتغيير باعتبارى صوفى ختمى تسليمى كما قال..وأصلو المسألة بتاعت التسليم دى فى الصوفية مافيها خيارات كيف فاتت عليهو ماعارف!!, لكن قصى فيهو حاجة من الثورية الجامحة حتى لكأنك تخال أن ثمة تيار (جيفارى) أو( بن لادنى ) يصعد دخانه من بين حلقات وأناشيد الأخوان الجمهوريين..ما علينا!!
البرونتاريا لو بحسب مجازفات ترجماتى تعنى (شغيلة الأسافير) فحسن موسى...قضى عليكم...أى والله
|
|
|
|
|
|
|
|
Re: البرونتاريا..يعنى شنو (Re: حاتم الياس)
|
الموضوع للنقاش...مع علم أطراف المنازعة بين ضفتى العالم الأفتراضى بانى زول شفيف ومابستحمل الكلام الجارح والقاسى (بسيب المنبر طوالى)..لكن برونت تاريا دى جد عجبتنى وهى موضوع شيق... ولو بقت هى المقصوده بمعناها ومبناها وأشتقاقها..تبقى ياها دى الحاره...
شفت الفرق بينا وبينكم..أنتو فى التصاوير..ونحن فى الأشتقاقات والأصطلاحات!! وتقول لى برضو ماف عالم تالت اسفيرى..
| |
|
|
|
|
|
|
Re: البرونتاريا..يعنى شنو (Re: حاتم الياس)
|
تصديم وتجضيم شديد...ماف أتنبن تلاته..وغمت كمان ياود الصايم...عشان كده أنا عايز أقترح ليكم موقع قاعد أزوروا طوالى أسمو (عصافير الخريف)...أدربوا هناك شوية وتعالوا راجعين..أقلها تكونو أكتسبتوا مهارات فى الطيران المنخفض خلى ...طموح التحليق
| |
|
|
|
|
|
|
Re: البرونتاريا..يعنى شنو (Re: حاتم الياس)
|
Quote: المهم (حقتى ماحقت زول)...القصة دى كلها دايره شوف مختلف
|
"البارنواياتاريا" غير " البر/ونيت/اريا الرثـّة" كما فككها الحداد الصكاها
-------
المهم لو اديتني الامان انك ما تطلب حذف البوست دا لأي سبب من الاسباب .. بنخش نوسوا
بالمرة نشوف مسألة الخلعة والارتياب من العوالم السايبر دي، هل هو جهل بها ول نزعات مادية اصيلة متجذرة!!
| |
|
|
|
|
|
|
Re: البرونتاريا..يعنى شنو (Re: قيقراوي)
|
Quote: مع علم أطراف المنازعة بين ضفتى العالم الأفتراضى بانى زول شفيف ومابستحمل الكلام الجارح والقاسى (بسيب المنبر طوالى).. |
إحنا مابنصدق تجينا بي جاي
البيدوس ليك على طرف أشر لي عليهو. بس إنت أشر
| |
|
|
|
|
|
|
Re: البرونتاريا..يعنى شنو (Re: Rawia)
|
تسلمى ياراوية ياخ...
زى ماعارفة ناسكم هنا عندهم (جلافة أسفيرية)...لكن أهو حال الضواحى... الواحد محتاج زمن كده (للأدبتيشن)...
لكن عموماً الوضع مابطال...
مره اخرى اشكرك من صميم قلبى
حاتم...
| |
|
|
|
|
|
|
Re: البرونتاريا..يعنى شنو (Re: حاتم الياس)
|
Quote: برانا وبنعرف مستوانا |
يا اللابس السكروتا يا السايق التايوتا
أو كما قالت المخضرمة حوا لستك
ــــ في زمتك يا سيدنا حاتم سواقة الحديد الألماني زي الياباني (والتاباني)؟
| |
|
|
|
|
|
|
Re: البرونتاريا..يعنى شنو (Re: حاتم الياس)
|
Quote: بعد شوية يجوك ناس ملاسى واساسى الزى.. طلبة الكلية الحربية الملو التعلمجية راسهم أنو المدنيين ديل كرور ومتفلهمين على الفاضى ساى... وهم مركز الحجة والفهم والضبط والربط ....والواحد منهم راسمالو ...رسمه |
لا بالعكس انا محترمك جدا علي البوست دا وشايفك فيهو متسق مع نفسك جدا ولو كان في المنبر خاصية لايك لكنت عبرت عن اعجابي بالضغط علي لايك .
وهذا الاعباب باتساقك ليس عن فراغ يا حاتم , وتذكرت القصة التي لا املها ابدأ ولا امل ترديدها في المواقف المشابهة التي يقوم اصحابها بالاتساق مع انفسهم وما يؤمنون به ويجودونه حتي ولو اختلفت معهم , القصة التي اعنيها وكتبتها مرارا تحكي عن شيخ صوفي وقور في احدى نواحي القري السودانية , مر ليلا ومعه حواريه في احدى القري وتصادف ان كان هناك زواجا وفرحا وكان وسط ذلك الفرح دائرة لمغنيات بالدلوكة ووسط الدارة كان هناك شابا فعل بنفسه مثلما تفعل النساء حينما ارتدي الرحط ويظهر عليه انه قد قام بطقس الطابق البوخة ويرقص في تلك الدارة مثلما ترقص النساء بل ويتفوق عليهن , وقف ذلك الشيخ الوقور علي تلك الدارة وهو يشاهد الود يتمايل ويرقص بل وقام الشيخ بالتبشير عليه , هنا تململ الحواريين وهمسوا للشيخ : يا شيخنا الود " باطل" اجابهم خاابروا.... لكن البيعجبني انه الواحد لمن يمسك الشغلة ينجضها . والود الباطل دا نجض شغلته . انتهت
لذا لا نري فلهمة ولا نراك كرور ساي بل زول عنده وجهة نظر وبنجض في شغلته
هذا مع الاختلاف في اننا لا نراك كما الود في القصة , ولكن نراك كقلم مدجن تكاكي بكل عزم ونحترم هذا فيك
| |
|
|
|
|
|
|
Re: البرونتاريا..يعنى شنو (Re: اساسي)
|
لابأس يا..أساسى حتى ولوقصدت حالة (الولد) لا(القلم) الطابق البوخه...والتى يبدو أنها حوجتك للذهاب لطبقات ألأولياء والصالحين سرداً طويلاً محكما ومهذبا...
لابأس...وسأعتبر (لايكك)..تبشيره تطرقع فوق رأسى...يامولانا اساسى
مع مودتى...وشبالي
---
| |
|
|
|
|
|
|
|