|
Re: بعد دا لو عايزين تزيدوها .. زيدوها! (Re: Hussein Mallasi)
|
سلامات يا حسين علي الفيس بوك أحد أصدقائي نصح الآخر بشراء كمية من الكهرباء لتخزينها فأجابه الآخر : و كان إشتريت و قامت الحكومة عملت ليها مدة صلاحية أمشي وين انا ! فتدخل ثالث ناصحاً ( الآخر) بعدم نشر هكذا أفكار لأن عيون الحكومة تقراء الفيس بوك
| |
|
|
|
|
|
|
Re: بعد دا لو عايزين تزيدوها .. زيدوها! (Re: عاطف عمر)
|
بصراحة يا حسين.. ده إعلان فعلاً مرعب!
________
ويا نوبي ناسك ناس الـ FB ديل إلا يكونوا بفطروا بسجارة خدرا!
________
زمان قيل أن أبوقبورة شاف التجار بيخزنوا في السكر والذرة والزيت والصلصة والجاز عشان رمضان أها صاحبنا هذا هداه تفكيرو وقام خزن "تلج" - ورمضان كان بيجي في عز الصيف والحر الشديد - تفتكر حصل ليهو ولتلجو شنو؟
ونترك الإجابة لخيال القارئ...
| |
|
|
|
|
|
|
Re: بعد دا لو عايزين تزيدوها .. زيدوها! (Re: Mohamed Yassin Khalifa)
|
يا عاطف تقديرك متحفظ النديك ليها بالعربي عشان ناس الشفيع ما يجو يخموك لوووول 18000 وحدة حرارية بريطانية تعادل 5.2 كيلووات ساعة (او متر بالدارجي) يعني التلاتة ديل لو اشتغلو ساعة كاملة بيستهلكو 15.6 كيلوات ساعة التاني الكبير 24000 وحدة بيستهلك 7 كليووات ساعة الباقي ضربو براك يعني لو اشتغلن في اليوم مثلا 6 ساعات مضروبة في 30 يوم عيييييييييك يا قول بشاشا باسعار اسامة الاربعة مكيفات دي لو اشتغلت بالمعدل اعلاه وهو معدل متحفظ برضو بيستهلكو تقريبا 4000 كيلووات ساعة (او متر بالدارجي) فزولك ده بيكون مشى بالمكيفات بس في الشريحة بتاعة المصانع لووووول
ملاحظة يا عاطف استهلاك الطاقة الوحدة بتاعتو كيلووات ساعة وليس كيلووات ساي :)
| |
|
|
|
|
|
|
Re: بعد دا لو عايزين تزيدوها .. زيدوها! (Re: محمد إبراهيم علي)
|
Quote: يا عاطف تقديرك متحفظ النديك ليها بالعربي عشان ناس الشفيع ما يجو يخموك لوووول 18000 وحدة حرارية بريطانية تعادل 5.2 كيلووات ساعة (او متر بالدارجي) يعني التلاتة ديل لو اشتغلو ساعة كاملة بيستهلكو 15.6 كيلوات ساعة التاني الكبير 24000 وحدة بيستهلك 7 كليووات ساعة الباقي ضربو براك يعني لو اشتغلن في اليوم مثلا 6 ساعات مضروبة في 30 يوم عيييييييييك يا قول بشاشا باسعار اسامة الاربعة مكيفات دي لو اشتغلت بالمعدل اعلاه وهو معدل متحفظ برضو بيستهلكو تقريبا 4000 كيلووات ساعة (او متر بالدارجي) فزولك ده بيكون مشى بالمكيفات بس في الشريحة بتاعة المصانع لووووول
ملاحظة يا عاطف استهلاك الطاقة الوحدة بتاعتو كيلووات ساعة وليس كيلووات ساي :) |
جزيل الشكر يا هندسة على المعلومات القيمة التقدير المذكور قد بنيته بالمقارنة مع الشقة التي ذكرتها في بوست الأخ الشفيع لعلها مناسبة طيبة والأخ ملاسي قد أهدانا تعضيداً لما ظللنا نكرره للأخ الشفيع وظل الأخ الشفيع يتجاهله في كل مداخلاته التعضيد الذي أعنيه هو أن تسعيرة الكهرباء بشكلها الذي أعلنت به قد أعلنت حرباً ( مقصودة أو غير مقصودة ) على الطبقة المتوسطة التي إختارت أن تسكن في الشقق ونتصاعد بالحرب لتشمل القائمين على النهضة العمرانية من مستثمرين و مطورين و مهندسين و عمالة سوف أحصر حديثي هنا في المثل ( التعضيد ) الذي أورده لنا ملاسي هذا أحد أفراد ( الطبقة المتوسطة ) قد باع مكيفاته وقد يلجأ لمكيفات الماء آخر/ ون قد يبيعون مكيفاتهم ويلجأون للمساكن الشعبية بالحيشان حيث التكييف الطبيعي وقد يساعدونها بـ ( جكة ) المراوح النتيجة أن يقل أو ربما يتوقف الطلب على الشقق ويصبح المعروض خرابات ينعق فيها البوم وتتوقف المشاريع الجديدة
هل يا ترى قد خطرت نتيجة مثل هذه في ذهن متخذ قرار زيادة تسعيرة الكهرباء ؟؟؟
| |
|
|
|
|
|
|
Re: بعد دا لو عايزين تزيدوها .. زيدوها! (Re: الزبير صالح الزبير)
|
يا هندسة حساب الـ BTU الجبتو اعلاه للكيلووات التبريدي مش الكيلو وات باور استهلاك الكيلووات / باور للطن التبريدي أو الـ BTU ما عندو فاكتور ثابت وبختلف حسب نوع الوحدة ونوع الكومبريسر و باقي الملحقات و الغاز و عمر الوحدة و درجة حرارة الجو الخارجي و الداخلي وعوامل اخرى لكن حساب عرب كدا وتقديرات سوق اتفق المصممين على انها 1.5 كيلوات للطن او للـ 12000 BTU فا الـ المكيف ابو 18000 بستهلك تقريبا 2.25 كيلو وات/ ساعة و ابو الـ 24000 تقريبا 3 كيلووات / ساعة ولو كانوا في حالة جيدة بقل عن كدا
| |
|
|
|
|
|
|
Re: بعد دا لو عايزين تزيدوها .. زيدوها! (Re: محمد البشرى الخضر)
|
Quote: يا هندسة حساب الـ BTU الجبتو اعلاه للكيلووات التبريدي مش الكيلو وات باور استهلاك الكيلووات / باور للطن التبريدي أو الـ BTU ما عندو فاكتور ثابت وبختلف حسب نوع الوحدة ونوع الكومبريسر و باقي الملحقات و الغاز و عمر الوحدة و درجة حرارة الجو الخارجي و الداخلي وعوامل اخرى لكن حساب عرب كدا وتقديرات سوق اتفق المصممين على انها 1.5 كيلوات للطن او للـ 12000 BTU فا الـ المكيف ابو 18000 بستهلك تقريبا 2.25 كيلو وات/ ساعة و ابو الـ 24000 تقريبا 3 كيلووات / ساعة ولو كانوا في حالة جيدة بقل عن كدا |
برضها كتيرة وتقصم الضهر يا عمك نحاول نقدر معدل إستهلاك الشقة الشهري بافتراض تشغيل المكيفات لمدة ( 8 ) ساعات فقط في اليوم 3 × 2.25 × 8 × 30 = 1620 كيلووات ساعة 1 × 3.00 × 8 × 30 = 720 كيلووات ساعة المجموع = 2340 كيلووات ساعة
سعر الـ 2340 كيلووات ساعة ( قبل الزيادة ) = 586.4 جنيه سعر الـ 2340 كيلووات ساعة ( بعد الزيادة ) = 1796 جنيه نسبة الزيادة = 206 %
خلي بالك دا بند وااااااحد بس في ميزانية البيت
| |
|
|
|
|
|
|
Re: بعد دا لو عايزين تزيدوها .. زيدوها! (Re: عاطف عمر)
|
تحياتى عزيزى عاطف,
Quote: أعلنت حرباً ( مقصودة أو غير مقصودة ) على الطبقة المتوسطة |
الطبقة المتوسطة التى تتحدث عنها تم اعدامها, شنفآ وموتآ فى منذ بدء هذا المشروع .. ولقد تم مسحها (حسبما يظنون), هذه الطبقة فى العالم الحديث هى نحن نحن الذين بيدنا تقدير كفة فداحة الفعل, ونحن الذين نستطيع مراوجة الظلم لنجعله مقبولآ وأكثر واقعية.. من غيرنا يمنح هذ الفضاء الرحب غذاء الكذب؟
نرتب على ظهرهم واحدآ تلو الآخر ونقول فى سرنا لا للظلم.. وفى جهرنا نعيش الظلم..
(قرفنا)
| |
|
|
|
|
|
|
Re: بعد دا لو عايزين تزيدوها .. زيدوها! (Re: عاطف عمر)
|
طبعا مافي مسعول بدفع كرهرباء وموية من جيبو كلو تبع البكج بتاعت المرتب
لو كانت الحكومة جادة في التقشف لتوقفت عن دفع فواتير كهرباء ومياه الدستورين ولكنها تخاف ان يخرجوا عليها في مظاهرات او يرفعوا السلاح ضدها
| |
|
|
|
|
|
|
|