النظام وهو يلفظ انفاسه الاخيرة بدأ يستخدم اساليب قذرة لاجهاض الانتفاضة .. هذه الاساليب لن توقف المد الجماهيري ولن تقيه شر الهلاك .. ولكن لابد من الانتباه لها لنخرج باقل الخسائر .. تم اعتقال المئات من الناشطين الشرفاء، وتفتيش تلفوناتهم واجهزة الكمبيوتر الشخصية .. وعن طريق بعض المعلومات التي حصلوا عليها يستدرجون الناشطين .. يتم الاتصال علي بعض الناشطين من افراد ومن فتيات يدعون انهم علي علاقة بالمعتقل او من احد اقاربه، ويريدون مقابلة الناشط، فيتم اعتقاله .. ايضا وتحت التعذيب يجبرون بعض المعتقلين علي الاتصال الهاتفي او عبر الفيس بوك بالمطلوبين من الناشطين .. نتمني الحذر، ولكن الحذر وليس الخوف .. الافضل من الناحية التنظيمية للافراد ومجموعات الناشطين ان تعيد طريقة تنظيمها من جديد وتغير كل عناوينها والايميلات وطرق الاتصال وصفحاتها السرية علي النت والتلفونات .. حتي نربك حسابات النظام ولانتيح له الفرصة للاستفادة من المعلومات التي حصل عليها .. نبشركم بان النظام منهار وهناك حالة ارتباك واضحة واختلاف وصراعات بين اجهزته المختلفة، خصوصا الاجهزة الامنية .. حيث دخلت وزارة الداخلية علي الخط، والاستخبارات العسكرية وكل منها يحاول اثبات انه الاقوي والاكثر ولاءً للرئيس، وهو مااصبح يؤدي لمشاحنات ومنافسة ستودي بهذه الاجهزة جميعها للهلاك ..
الافادة اعلاه بناء علي مقابلات بعدد من الذين اطلق سراحهم .
07-19-2012, 10:14 AM
نجلاء سيد أحمد
نجلاء سيد أحمد
تاريخ التسجيل: 02-10-2009
مجموع المشاركات: 9869
يا نجلاء شكلو الناس ديل نجحوا يقنعوكم انكم بتعملوا فى حاجة بطالة وغلط و مجرممه ومخالفة للقانون ..... لا يا ستى الحاصل ما كدا وهم كل ما حسوا بيكم مهلوعين وخايفين وعندكم فوبيا اسمها امن بزيدوا من العصر ... وكل ما فهموا انوا مافى زول خايف من البسووا فيه كل ما انكسرت شوكتهم ... الفهم لى ناس الامن ديل واااااااااااااحد اصلوا ما يتبدل انو البنعمل فيه دا سلمى .. وقانونى .. وحق اصيل من حقوقى الكفلها القانون والدستور .. وانا بعمل فيه لانو قانونى ... مش لانو جريمة تستوجب الاخفاء ... الكلام دا يكون لسان حال الجميع .... انا ما بخرب انا ضد الفوضى وكلو بالقانون .... المصادمة الصادقة دى هى الحا تخليهم ما عارفين يمشوا وين ... خاصة وانو هسه العالم كلو مراقب فى البحصل ومافى رجوع لى عهد التسعينات تانى ....
الفوبيا والهواجس الامنية دى عقليات قديمة .. وهى ح تستنزف نص الجهود والطاقات ... مافى زول بعمل فى حاجة ضد القانون صاح؟؟ فليكن دا الخطاب لدى الجميع .... اى كلام انا بعمل فيه ما بدسوا من اى زول حتى فى التحقيقات ... اى زول يقول انو ضد النظام وبمارس فى حقه فى المعارضة وفقا لقوانين الدوله السايدة ذاتها ... هل نحن فى حسابات الفيس بووك بنخطط لى تخريب؟؟؟ هل نحن فى تلفوناتنا بنرتب لى ثورة مسلحة ؟؟؟؟ الخوف من شنو؟؟؟؟؟؟؟؟؟؟؟ اووووووووع ينجحوا انه يزرعوا فينا انو نحن غلط ... انو نحن ضد القانون ! لا نحن لاضد القانون لا بننتهج وسائل ممنوعة دا شغل واضح ويجب ان يستمر بنفس الوضوح ... بنفس تلفوناتنا بنفس حساباتنا وبى نفس الكلام الفيها ...
غايتو دى وجهة نظر ممكن تصيب وممكن تخيب فاقبليها منى ... كحقى فى التعبير
07-19-2012, 12:03 PM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 49060
Quote: كما ظل جهاز الأمن والاستخبارات الوطني يستدعي الناشطة في حركة قرفنا والمدونة (فيديو بلوجر) نجلاء سيد أحمد لمدة 12 ساعة على مدى ثلاثة أيام، وكانت تحرم خلال هذه الساعات من الطعام والماء. وفي اليوم الثالث عانت نجلاء من الجفاف ونقص في سكر الدم نقلت على إثره إلى المستشفى.
07-19-2012, 12:04 PM
ناصر المحسى
ناصر المحسى
تاريخ التسجيل: 12-30-2009
مجموع المشاركات: 7262
يجب مسح رسائل الفيس والبريد الا لكترونى حتى الخاصة منها او عمل حساب آخر تنقل له الرسائل المهمة
لاتكسل او تتعامل مع هذا التنبه بعدم جدية من اجل حمايتك تحت التعذيب وحماية اصدقاءك
الثورة مستمرة
Quote: سلامات يا نجلاء والقول قولك يا دينا
يا نجلاء تخيلى الزمن الممكن ينصرف فى تغيير الحسابات فى الفيس بوك وخلق اسماء جديدة ولغاية ما الناس تثق فيها وتبدأ تتعامل بيها ده تشتيت جهود وضياع زمن
فليكن الشعار الثورة انطلقت :)
___________________________ اخ يا زمن بقينا قاعدين للتنظير نقة وبس عمل ماااااااف
ياسهوم تسلمى انا قصدت عمل حساب جديد للاميل ونقل الرسائل المهمة من القديم ودى مابتكلف اكتر من ربع ساعة شوفى الفائدة لمن يتم اعتقال الناشط ويجبر على فتح الاميل مايلقوا اى حاجة او خيط لتتبعد ا
الافراد الناشطين الذين تتعامل معهم كدا بتكون جنبت افراد كتار اى معلومات مجان تتبرع بها لجهاز الامن
وشوفى لمن يتم شل حركة النشطاء بالاعتقال كدا الخسارة بتكون قدر شنو مقابل ربع ساعة من تنضيف رسائلكم
وانا لم اذكر خوف بل الحذر والتامين الذى يسمح لك بالتحرك دون ان تكون هدف يسهل اعتقاله.
07-19-2012, 12:36 PM
حسبو عكاشة
حسبو عكاشة
تاريخ التسجيل: 04-25-2010
مجموع المشاركات: 1305
يا نجلاء شكلو الناس ديل نجحوا يقنعوكم انكم بتعملوا فى حاجة بطالة وغلط و مجرممه ومخالفة للقانون ..... لا يا ستى الحاصل ما كدا وهم كل ما حسوا بيكم مهلوعين وخايفين وعندكم فوبيا اسمها امن بزيدوا من العصر ... وكل ما فهموا انوا مافى زول خايف من البسووا فيه كل ما انكسرت شوكتهم ... الفهم لى ناس الامن ديل واااااااااااااحد اصلوا ما يتبدل انو البنعمل فيه دا سلمى .. وقانونى .. وحق اصيل من حقوقى الكفلها القانون والدستور .. وانا بعمل فيه لانو قانونى ... مش لانو جريمة تستوجب الاخفاء ... الكلام دا يكون لسان حال الجميع .... انا ما بخرب انا ضد الفوضى وكلو بالقانون .... المصادمة الصادقة دى هى الحا تخليهم ما عارفين يمشوا وين ... خاصة وانو هسه العالم كلو مراقب فى البحصل ومافى رجوع لى عهد التسعينات تانى ....
الفوبيا والهواجس الامنية دى عقليات قديمة .. وهى ح تستنزف نص الجهود والطاقات ... مافى زول بعمل فى حاجة ضد القانون صاح؟؟ فليكن دا الخطاب لدى الجميع .... اى كلام انا بعمل فيه ما بدسوا من اى زول حتى فى التحقيقات ... اى زول يقول انو ضد النظام وبمارس فى حقه فى المعارضة وفقا لقوانين الدوله السايدة ذاتها ... هل نحن فى حسابات الفيس بووك بنخطط لى تخريب؟؟؟ هل نحن فى تلفوناتنا بنرتب لى ثورة مسلحة ؟؟؟؟ الخوف من شنو؟؟؟؟؟؟؟؟؟؟؟ اووووووووع ينجحوا انه يزرعوا فينا انو نحن غلط ... انو نحن ضد القانون ! لا نحن لاضد القانون لا بننتهج وسائل ممنوعة دا شغل واضح ويجب ان يستمر بنفس الوضوح ... بنفس تلفوناتنا بنفس حساباتنا وبى نفس الكلام الفيها ...
غايتو دى وجهة نظر ممكن تصيب وممكن تخيب فاقبليها منى ... كحقى فى التعبير
سلام دينا لك كل الحق فى ابداء وجهة نظرك بس انا كلامى ليس رأي بل واقع معاش يتم استدراج النشطاء المطلوبين بعد القبض على اصدقاءهم عبر الهاتف لذا وجب التنبيه لعدم الوقوع فى الفخ
وايضا يرغم المعتقل على فتح الفيس وتتبع الرسائل لاصدقائه واخبار النشطاء منهم ويصبحوا هدف للاعتقال .
ايضا يفتح الاميل لمعرفة اهداف وتحركات النشطاء لذا وجب التنبيه بازالة الرسائل اول باول
وهنالك افراد تم استدراجهم عبر فتيات ادعين انهن اخوات لبعض المعتقلين وحين حضور الشخص المستهدف يكون هنالك متفجرات اى ملتوف وبيانات لتوجه بها تهم لمن يقبض عليهم
07-19-2012, 01:19 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
ابدا .. وانا ما قلت انها كذلك وقد قلت سابقا اعتز بمعرفة بدينا خالد النيك نيم ايا كانت وهو ما يهمني
موضوعي ماعن كشف شخصيتك وهذا امر هين لو تعلمين الا تكوني ما سودانية خاصة مع الاسم النادر ده موضعي هو لا يحق لك ان تطالبي الناس بالمجاهرة في امر قد يصل للحياة والموت وانت في منبر سااااااااااااكت منسترة وضاربة حصار حول تفاصيلك
سلام يا دينا خالد نعم لا يكون هناك خوف ولكن الحذر واجب كما قالت نجلاء. واللي قاعد برة قد لا يفهم الحاجة دي زي القاعدين جوة. برغم أن النشاط قانوني من وجهة نظر القانون الدولي وحقوق الإنسان ولكن "من يقنع الديك".. فهؤلاء لديهم قانون يخولهم فرتقة المظاهرات والتجمعات بوصفها "إزعاج للسلام العام" و "شغب" وهذه معاقب عليها في القانون الموجود.
القانون يسمي التظاهر بالشغب. ويعرف الشغب في المادة 67.
Quote:
الشغب. 67ـ يعد مرتكباً جريمة الشغب من يشارك في أي تجمهر من خمسة أشخاص فأكثر متى استعرض التجمهر القوة أو استعمل القوة أو الإرهاب أو العنف، ومتى كان القصد الغالب فيه تحقيق أي من الأغراض الآتية:
(أ ) مقاومة تنفيذ أحكام أي قانون أو إجراء قانوني،
(ب) ارتكاب جريمة الإتلاف الجنائي أو التعدي الجنائي أو أي جريمة أخرى،
(ج) مباشرة أي حق قائم أو مدعى به بطريق يحتمل أن يؤدى إلي الإخلال بالسلام العام
(د ) إرغام أي شخص ليفعل ما لا يلزمه به القانون أو لئلا يفعل ما يخوله إياه القانون.
عقوبة الشغب.
68ـ من يرتكب جريمة الشغب يعاقب بالسجن مدة لا تجاوز ستة أشهر أو بالغرامة أو بالجلد بما لا يجاوز عشرين جلدة فإذا كان يحمل سلاحاً أو أي أداة مما يحتمل أن يسبب استخدامه الموت أو الأذى الجسيم، يعاقب بالسجن مدة لا تجاوز سنة أو بالغرامة أو بالعقوبتين معاً. الإخلال بالسلام العام.
69ـ من يخل بالسلام العام أو يقوم بفعل يقصد به أو يحتمل أن يؤدى إلي الإخلال بالسلام العام أو بالطمأنينة العامة وكان ذلك في مكان عام، يعاقب بالسجن مدة لا تجاوز شهراً أو بالغرامة أو بالجلد بما لا يجاوز عشرين جلدة.
هذه شريحة فيديو رفعت في يوتيوب يوم 26 يونيو 2012 26.06.2012 von UPsudanUP ويتواصل مسلسل اذلال واهانة الشعب السوداني من قبل نظام البشير
07-19-2012, 01:32 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
شكراً للماجدة نجلاء أنا أتفق مع الاخت دينا (اخوكم بتاع سوابق و شاذ أفقياً) .. من أيام الويل و الثبور في منتصف التسعينات ببساطة النظرية الأمنية تعتمد على الترهيب و التخويف أكثر من إعتمادها على القمع الفعلي .. بمعنى إذا كان لديهم 10 افراد أمن فقط يعملون على إشاعة أن لديهم 1000 فيتحرك الناشطون بكثير من الحذر و التقيد الذي بالتأكيد سيؤثر على أدائهم فقط لمجرد تصديق تلك الاشاعة.. فيصبح كل فرد بتبني او بتصديق تلك الاشاعة جزء من العملية الامنية نفسها.. فهذه النصيحة أخت نجلاء وقت العمل السري جيدة.. و لكن بعد انطلاق الثورة و خروج الجماهير للشوارع الافضل ان يؤمن كل شخص ان القانون معه و ان الحق حقه و هؤلاء الرباطة هم وحدهم الخارجون على القانون .. عندها سيشكل ذلك قوة دافعة لانتزاع الحقوق و قهر اللصوص المجرمين.. و في المقابل يمكن أن يستفيد الرباطة من المعلومات التي يتحصلون عليها من المعتقلين في تعطيل الثورة بالتأثير على قياداتها بعزلهم ولو نفسياً عن الاسهام فيها لذا يجب الحذر و الاحتياط بوضع سيناريوهات Plan B and C and D and etc. و الشباب قادر على خلق البدائل و تجاوز الصعاب بانتهاج اساليب متطورة.. انا على يقين أنّا سنكتشف انه ما كان إلا " كديسة" من ورق نحن خلناه و طوال 23 سنة أسد هصور بعد إنهيار شبكتهم الإجرامية.. التي لاحت في الأفق
سلامات نجلاء يا دينا رأي نجلاء سليم وكذلك كلامك, كيف في المرحلة دي التحركات تعتمد على الناشطين لسة الجماهير ما تفاعلت مع الثورة بالشكل المطلوب البرهب رجال الأمن بل و الجماهير نفسها بتشوف في التحركات دي عدم شرعية و مخالفة للقوانين اعتقال الناشطين وضح اثرو في انحسار التحركات و قصرها على الجامعات عشان كد\ا الحرص و السرية وتجنب المواجهة مطلوب حتى تخرج الجماهير بقناعة و دا ح يحصل قريبا لو لم تحل الضائقة الاقتصادية لذا من المهم ابقاء الجذوة متقدة حتى ذلك الحين و الجذوة دي ما بنوقدها احنا البرة ديل ولا الاحزاب و لا النت بيوقدوها الشباب التحت النار ديل لما تحصل الهبة الجماهيرية تجي العلنية و الحقوق القلتيها وائل غنيم زمنو كلو مافي زول عارفو آدمن صفحة خالد سعيد إلاّ بعد الناس ملت الميدان وقلعت شرعيتها بيدها و بنزولها الشارع احنا المرحلة دي بدري عليها فالحرص مطلوب
07-19-2012, 03:33 PM
Nasr
Nasr
تاريخ التسجيل: 08-18-2003
مجموع المشاركات: 10927
الحذر واجب والخوف يتم دحره وهزيمته كل يوم وفي ساعة
ثم أننا (قوي الثورة الأساسية في أرض الوطن ومناصريهم في بقاع العالم) لا نملك رفاهية ان تتوقف او حتي أن تبطئ الثورة خطواتها فهذا يعني أننا نعطي قوي الأمن ومناصري الدكتاتور السفاح الفرصة يأخدوا نفس ويراجعوا التكتيات والعودة لضرب الثورة في جذورها بعنف ال######## الخائف المخلوع (وهذا درس تعلمه الثوار في ليبيا وسوريا واليمن) الحماية الوحيدة للثورة وللثوار تكمن في إستمرارها (مع قدر متزايد من الحذر والحرص)
وشوية شوية يكمل البمبان والرصاص المطاطي وتنهار معنويات الجنود والضباط وتعجز الحكومة عن دفع مرتباتهم ويتزايد هروب الأسر والقيادات
لك التحية الكنداكة نجلاء ودائما منتبهة وبتشتغلى صاح
وياستاذة دينا حقو تنظرى لكلام نجلاء بعمق شوية وما قضية هلع او خوف نجلاء دايرة الثورة تنجح
عليك الله لو اصلو الموضوع بالبساطة دى اى واحد يقول رايه ويتظاهر ولمن يمسكوه
ووفق كلامك حقو ما يعذبوه عشان يديهم ايميلات اصحايو والقابهم فى الموبايل ماهو مابيعمل حاجة غلط انت اكيد بتتكلمى عن دولة اخرى ما السودان او الكيزان ديل ناس ديمقراطيين , يااستاذة لو فى اليد حيلة مايكون فى معتقلات من اصلو وعاوزين لا واحد يتقيض ولا يعذبوه ولكن لانو مافى الجد الادتى من الحريات ولا الجد الادنى من لقمة العيش وابسط حاجة الحكومة اصرت وركبت راسا وقالت تزيد الاسعار وفى دولتنا مافى حرية تعبير والصحافة تحت قبضة المؤتمر الوطنى وفى ظروف ذى دى مافى طريقة لتوصيل الراى الا المظاهرات والبيمسكوه عاوزين اى معلومة ولو وجدوها بيمسكوا الاخرين والمابيعذبوه بيشردوه من عمله او بيعملوا ليه وسائل اخرى وما بيعدموها ولذا اتفق مع نجلاء التاس تغير ايميلاتها وبقدر الامكان مافى معلومة ودا عشان اقل حاجة مايعرفوا الثوار كلهم , ومافى داعى لسين وجيم والتعطيل والمهم خالص الثورة تنجح لانو يا دينا لو اصلو الناس تقول رايها بحرية مافى داعى للثورة ولا المعتقل والعذاب ولا البمبان حتى
07-19-2012, 04:31 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
ودا سنة ولا فرض ؟؟؟ اى زولة او زول بكون عنده اجتماعياتو البعيشها راضيا لا بطل !
معذرة يا نجلاء عن الانحراف بهذا البوست المهم وحقيقى النقاش حوله مهم ... ولو حصل سوء فهم ... انا ما قلت الناشطين يسلموا انفسهم ولا قلت ما يتخفوا .. انا قلت انهم ما ينشغلوا زيادة عن اللازم بى اجراءات يسوقهم ليها ناس الامن وتدابير تصرفهم لانو بى بساطة البقع فى يدهم دفاعو يكون كدا واى كلام موجود فى ايميلو او حسابو يقدر يدافع عنه مهما كانت ردت فعلهم ... الاعتقالات والمعتقلين جزء لا يتجزء من ضريبة الثورة ودفع مستحقاتها ... ولا كيف ؟؟ برضو بتظل دى وجهة نظر شخصية ..... والحرص واجب بس ما لى درجة الهوس والتفرغ قصادو ....
07-19-2012, 04:46 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: الاعتقالات والمعتقلين جزء لا يتجزء من ضريبة الثورة ودفع مستحقاتها ... ولا كيف ؟؟ برضو بتظل دى وجهة نظر شخصية ..... والحرص واجب بس ما لى درجة الهوس والتفرغ قصادو ....
عارفة يا دينا انا مرة إنخرطت فى ورشة عمل عن ما يسمى ب(تأمين الناشطين ) ، فى واحدة من المنظمات التابعة للحزب الشيوعي .
فى الحقيقة الورشة دى تقنيا كانت مفيدة جدا ، ولكنى لم أطبق أى وسيلة من الوسائل التى تعلمتها فيها ..
عارفة ليه ؟ لأنو الحكاية كانت زايدة عن حدها خالص ... تهجيس شديد ... حسيت الناس ديل عندهم فوبيا إسمها الأمن .
وهذه الفوبيا الواحد لو باراها ...ما حا يقدر ينشط كلو كلو .. لأنه حا يكون مكبل بالخوف والهواجس الأمنية .
...................
الأخت الفاضلة التى علمتنا هذه الوسائل ..وهى تعد من الخبراء المدربين في هذه الأمور .. لم تحميها هى شخصيا .. والدليل / هى معتقلة وتعذب الآن .
________
خارج موضوع البوست / يا وليد دينا خالد دى إسم حقيقي وليس إسفيري .. وشخصية لها إسهاماتها منذ سنوات رغم صغر سنها ، فكل له مجاله الذى يبرع فيه .
07-19-2012, 05:30 PM
abdelrahim abayazid
abdelrahim abayazid
تاريخ التسجيل: 06-19-2003
مجموع المشاركات: 4521
الاخت نجلاء مصداقا لما اثرتيه،، فنظام الامن و السلطه الحاكمه عموما يلفهم الخوف من كل جانب ويشعرون بدنو الاجل فلابد من تضافر الجهود .
اما الاساليب الرخيصه التى يمارسها الامنجيه تجاه الشرفاء ،، فمنها تفتيش الاجهزه النقاله و اجبارهم على اعطاءهم الحسابات الخاصه بالفيس بوك و الاميل ،، وهذا السؤال يعتبر السؤال الاهم والاساسى بالنسبه لهم ،، اذ هم يؤمنون بقوه السايبر. وهذه الحسابات يحاولون التحكم من لتوجهات الثوار ،، وبث رسائل التثبيط بين المناضلين
فقد تمت هذه العمليات تجاهى و تجاه الكثير من الرفاق منهم الطالب بوش الذى يدرس بجامعه الخرطوم ،، فقامو العبث بحسابه بالفيس بوك وارسال رسائل وهميه باسمه.
07-19-2012, 06:32 PM
نجلاء سيد أحمد
نجلاء سيد أحمد
تاريخ التسجيل: 02-10-2009
مجموع المشاركات: 9869
Quote: الحذر واجب والخوف يتم دحره وهزيمته كل يوم وفي ساعة
ثم أننا (قوي الثورة الأساسية في أرض الوطن ومناصريهم في بقاع العالم) لا نملك رفاهية ان تتوقف او حتي أن تبطئ الثورة خطواتها فهذا يعني أننا نعطي قوي الأمن ومناصري الدكتاتور السفاح الفرصة يأخدوا نفس ويراجعوا التكتيات والعودة لضرب الثورة في جذورها بعنف ال######## الخائف المخلوع (وهذا درس تعلمه الثوار في ليبيا وسوريا واليمن) الحماية الوحيدة للثورة وللثوار تكمن في إستمرارها (مع قدر متزايد من الحذر والحرص)
وشوية شوية يكمل البمبان والرصاص المطاطي وتنهار معنويات الجنود والضباط وتعجز الحكومة عن دفع مرتباتهم ويتزايد هروب الأسر والقيادات
الثورة مستمرة والنصر أقرب من حبل الوريد
كلام تمام ودا الهدف هو ان لا نعطي قوي الأمن ومناصري الدكتاتور السفاح الفرصة يأخدوا نفس ويراجعوا التكتيات والعودة لضرب الثورة في جذورها
07-19-2012, 06:27 PM
نجلاء سيد أحمد
نجلاء سيد أحمد
تاريخ التسجيل: 02-10-2009
مجموع المشاركات: 9869
Quote: سلامات نجلاء يا دينا رأي نجلاء سليم وكذلك كلامك, كيف في المرحلة دي التحركات تعتمد على الناشطين لسة الجماهير ما تفاعلت مع الثورة بالشكل المطلوب البرهب رجال الأمن بل و الجماهير نفسها بتشوف في التحركات دي عدم شرعية و مخالفة للقوانين اعتقال الناشطين وضح اثرو في انحسار التحركات و قصرها على الجامعات عشان كد\ا الحرص و السرية وتجنب المواجهة مطلوب حتى تخرج الجماهير بقناعة و دا ح يحصل قريبا لو لم تحل الضائقة الاقتصادية لذا من المهم ابقاء الجذوة متقدة حتى ذلك الحين و الجذوة دي ما بنوقدها احنا البرة ديل ولا الاحزاب و لا النت بيوقدوها الشباب التحت النار ديل لما تحصل الهبة الجماهيرية تجي العلنية و الحقوق القلتيها وائل غنيم زمنو كلو مافي زول عارفو آدمن صفحة خالد سعيد إلاّ بعد الناس ملت الميدان وقلعت شرعيتها بيدها و بنزولها الشارع احنا المرحلة دي بدري عليها فالحرص مطلوب
تسلم اخى محمد دا المطلوب تمام حتى لانتبرع بمعلومات مجانية تشل حركة النشطاء
07-19-2012, 06:16 PM
نجلاء سيد أحمد
نجلاء سيد أحمد
تاريخ التسجيل: 02-10-2009
مجموع المشاركات: 9869
Quote: شكراً للماجدة نجلاء أنا أتفق مع الاخت دينا (اخوكم بتاع سوابق و شاذ أفقياً) .. من أيام الويل و الثبور في منتصف التسعينات ببساطة النظرية الأمنية تعتمد على الترهيب و التخويف أكثر من إعتمادها على القمع الفعلي .. بمعنى إذا كان لديهم 10 افراد أمن فقط يعملون على إشاعة أن لديهم 1000 فيتحرك الناشطون بكثير من الحذر و التقيد الذي بالتأكيد سيؤثر على أدائهم فقط لمجرد تصديق تلك الاشاعة.. فيصبح كل فرد بتبني او بتصديق تلك الاشاعة جزء من العملية الامنية نفسها.. فهذه النصيحة أخت نجلاء وقت العمل السري جيدة.. و لكن بعد انطلاق الثورة و خروج الجماهير للشوارع الافضل ان يؤمن كل شخص ان القانون معه و ان الحق حقه و هؤلاء الرباطة هم وحدهم الخارجون على القانون .. عندها سيشكل ذلك قوة دافعة لانتزاع الحقوق و قهر اللصوص المجرمين.. و في المقابل يمكن أن يستفيد الرباطة من المعلومات التي يتحصلون عليها من المعتقلين في تعطيل الثورة بالتأثير على قياداتها بعزلهم ولو نفسياً عن الاسهام فيها لذا يجب الحذر و الاحتياط بوضع سيناريوهات Plan B and C and D and etc. و الشباب قادر على خلق البدائل و تجاوز الصعاب بانتهاج اساليب متطورة.. انا على يقين أنّا سنكتشف انه ما كان إلا " كديسة" من ورق نحن خلناه و طوال 23 سنة أسد هصور بعد إنهيار شبكتهم الإجرامية.. التي لاحت في الأفق
شكرا الماجد ابوعبيدة وكلامك لخص الفكرة تماما شكرا مرة اخرى
07-21-2012, 11:23 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: خارج موضوع البوست / يا وليد دينا خالد دى إسم حقيقي وليس إسفيري .. وشخصية لها إسهاماتها منذ سنوات رغم صغر سنها ، فكل له مجاله الذى يبرع فيه .
مرحب امنه مختار حقيقي انا غير مهم بتاتا ان كان دينا خالد اسم حقيقي اولا غير ذلك .. شخصيا معجب بهذه الشخصية الاسفرية جدا .. وغير مهتم بمعرفة من خلف هذا الاسم .. حكاية انو دينا خالد اسم حقيقي فالكلام ده اتناقش وقتل بحثا ونقاشا وحكاية الشخصية التي تستخدمه لها استخدامات فقد نوقش ايضا لكن هل الاسم الحقيقي ياهو نفس اسم الشخصية ذات الاسهامات .. ده برضو كتلو النقاش
المهم هذا امر غير مهم الان لانو النك نيم دينا خالد .. اسم اسفيري محترم جدا ومفيد جدا وموضوعي جدا يعني مافي زول محتاج يبحت وراه ويعرف تفاصيلة الفيزيائية
خلافي معاها هنا .. انو المبررات التي ادت الى ان دينا خالد الشخصية الاسفيرية تضرب حصار على تفاصيلها وفي اضيق حد هي نفسها المبررات التي تقول بضرورة حذر الناشطين خاصة الكلام ده في العالم الحقيقي وانت الادرى بما يحدث فيه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة