|
الخطوط السودانية في نهائي بطولة الصالات لكرة القدم .. دعوة لبورداب الدوحة
|
بحمد الله تأهل فريق الخطوط السودانية للمباراة النهائية لبطولة خماسي الصالات والتي ينظمها الاتحاد القطري لكرة القدم وبمشاركة 16 فريق وذلك بعد فوزه امس علي فريق حملة الرحمن بضربات الجزاء 2/صفر , هذا وسيلعب الفريق غدا الاربعاء 15/8/2007م الساعة السادسة والنصف مساء المباراة النهائية امام فريق الجالية المصرية ( السد العالي) وذلك بصالة نادي السد الرياضي. الدعوة مقدمة لجميع بورداب الدوحة للحضور والتشجيع علما بان مدة المباراة نصف ساعة فقط . الدعوات مطلوبة . الموازرة مطلوبة. التشجيع مطلوب. الحضور اهم مطلب.
تحياتي هارون دياب
|
|
|
|
|
|
|
|
Re: الخطوط السودانية في نهائي بطولة الصالات لكرة القدم .. دعوة لبورداب الدوحة (Re: Rakoba)
|
العمدة ياراكوبة مساء الخير
Quote: العزيز هارون تمنياتنا للفريق بالنصر، وفي اشاعات انو الفريق تلقى تحذيرات بعدم (التأخير) أبداً على المباريات لأن هذا الشبل من ذاك الأسد |
شكرا علي التواصل والتحذير صحيح مائة بالمائة بس ماعاوزين تشجيع من خلال البوست حضورك مهم ومهم جدا ومعاك الكاميرا عشان توثق للنصر القادم باذن الله وباذن الله سيكون الشبل من ذاك الاسد في القتال وليس في التاخير . دم لاخيك هارون دياب
| |
|
|
|
|
|
|
Re: الخطوط السودانية في نهائي بطولة الصالات لكرة القدم .. دعوة لبورداب الدوحة (Re: haroon diyab)
|
Quote: الامنيات بالنصر المؤزر والفوز بكاس بطولة الصالات ومبرووك لفريقك مقدما لقد اجتهدت فى جمع الفريق و وتجهيزه والكل يتحدث بمستوى الفريق ومبارياته واقبال الجمهور على تشجيعه نتمنى لكم الفوز غدا وكلنا معكم قلبا وقالبا والدعوه لكل البورداب خاصة |
هارون الحريف ! ياسلام عليك ولد لعّاب ! وكبتن كبير ورائع , مش فى الكوره بس ... ده فى كلامك وإبتسامك وكل شىء !
ومدام ضحيه قام بالسلامه , يبقى الكرامه لازم الفوز بالكاس .
يازول نحن جايين بكره بالأعلام !
| |
|
|
|
|
|
|
Re: الخطوط السودانية في نهائي بطولة الصالات لكرة القدم .. دعوة لبورداب الدوحة (Re: keiga2000)
|
ابو مصطفي يارائع مساء الخير
Quote: كابتن هارون دياب
تحياتي
باذن الله النصر للخطوط الجوية السودانية وانشاء الله اللاعب الرهيف الحريف الذي استغرب في انه غير مسجل في احدى كشوفات الاندية الكبرى اللاعب الفلته صديق خلف الله الذي زاملته في دافوري مدرسة خليفة واعجبت بأدائه الرائع واراه غير مشارك اتمنى ان يكون من المشاركين والنصر للسودان
قلوبنا معكم
وفووووووووق من اجل السودان
ابومصطفى |
شكرا للمرور والمشاركة والتفاعل وباذن الله مانخيب ظنكم. الكابتن الحريف صديق خلف الله موجود معانا ولكن بكل اسف لم نستطيع تسجيله لانو شروط المسابقة انو لايحق لاي لاعب لعب في هذا الموسم لاي فريق انو يلعب مع فريق اخر وللاسف صديق خلف الله لعب مع فريق الشمال القطري هذا الموسم عشان كده ماحيقدر يلعب معانا . دعواتكم . هارون دياب
| |
|
|
|
|
|
|
Re: الخطوط السودانية في نهائي بطولة الصالات لكرة القدم .. دعوة لبورداب الدوحة (Re: haroon diyab)
|
هارون دياب الرجل الهمام( وطبعا همتك عرفتها عن تجربه) لك التحايا والتقدير وانت تشحذ الهمم وتستنفر فى الناس للوقوف خلف الفريق والذى اعتبره لايمثل الخطوط السودانيه فقط بل يمثل السودان كله,, ار جو من كل سودانى بالدوحه الحضور غدا لاستاد السد والوقوف خلف الفريق ,, ولنفعل كما فعلنا من قبل مع السودانى خالد حسن فى قناة mbc والشاعره روضه الحاج فى قناة ابوظبى الشئ الذى اذهل المسوولئن فى تلك القنوات وحتى فى شركات الاتصالات . وفى ظل الصحوه الرياضيه التى يشهدها السودان هذه الايام من خلال الهلال والمريخ والفريق القومى اسال الله الفوز لابنائنا غدا وانشاء الله سوف اكون فى مقدمة الصفوف ,, مع اكيد معزتى وتقديرى ,,
| |
|
|
|
|
|
|
Re: الخطوط السودانية في نهائي بطولة الصالات لكرة القدم .. دعوة لبورداب الدوحة (Re: haroon diyab)
|
بعد التحية و التقدير لكم ...
أينما كان إسم السودان : قلوبنا تخفق و ايادينا تصفق و مآقينا تدمع .... لأننا نعشق السودان حبا و نهواه شغفا و نفداه روحا ....
هكذا جئنا الى الدنيا و ترعرعنا تحت ألوان ( الأزرق - الأخضر - الأصفر ).... هكذا هدهدتنا الجدات بــ "نحن جند الله جند الوطن" .... هكذا قرن الخرتيت سند ظهورنا و عف براءتنا...
لله درك يــا وطن ...
فى غمرة فرحتكم بفوز فريق "الخطوط الجوية السودانية" : لا تنسوا أن تقفوا مع المعتقلين السياسيين الذين ما إغترفوا ذنبا غير حبهم للسودان و لعزة أبنائه ....
أطلقوا سراح كل المعتقلين السياسيين فى سجون الإنقاذ
سؤال: ليه شركة (الخطوط الجوية السودانية - نسخة ما بعد البيع) عندها شخصية رياضية معتبرة قوية منافسة الشىء الذى تفتقر إليه كيان الجالية؟؟؟؟؟ قوة من بقوة من ؟؟
ش
| |
|
|
|
|
|
|
|