|
Re: شنو يادناقلة ...الزول ده ماقال ترجعوا( غربة....!!!!) (Re: Al-Shaygi)
|
الحبيب الشايقي كل عام وانت وجميع اهلنا وحبايبنا بالف خير
Quote: علي بالطلاق يا هارون يا أخوي ما فهمت حاجة لكن طربت للحن والآداء حتى مشيت الموقع المسجل بالفديو (سلطاناب) زسجلت فيه عضوية. الناس ديل ما أهلنا عديل وجذورنا منهم لكن ناكرننا ما عارف ليه رغم حبنا ليهم وحنينا ليهم ،، بس كلامهم ما بنعفه....
كدي ما تعمل فيني معروف وتترجم لي على الشريط!!!! |
وعلي الطلاق فوق طلاقك انتوا اهلنا وعزوتنا ووحاتك بدون بعض مانسوي شئ....!!! الترجمة في الطريق ياجميل
| |
|
|
|
|
|
|
Re: شنو يادناقلة ...الزول ده ماقال ترجعوا( غربة....!!!!) (Re: haroon diyab)
|
هارون
كل سنة و إنت طيب
و الله العظيم تلاتة رسلت ليك رسالة معايدة على جوالك فلم يتم التسليم لا أدري لماذا
ثم :
بمناسبة الرجوع ... أهلنا الدناقلة لهم في الرجوع فلسفة لا تضاهيها أخرى : فهم القائلون : أول عشرة سنين من الغربة صعبة ...
و فيهم من قال هنا بالسعودية : و الله لو الملك طلع في التلفزيون و قال يا إخوانا دة آخر ريال .. ( نحن ما راجعين ) و الريال دة ذاتو عندنا فيهو راي يعني عندنا فيه حق
برجع ليك لو الأغنية إشتغلت معاي
كن بخير
| |
|
|
|
|
|
|
Re: شنو يادناقلة ...الزول ده ماقال ترجعوا( غربة....!!!!) (Re: haroon diyab)
|
كل عام وانت بخير ياهارون وحقق الله امانيك عجبتني فكرة البوست وحبيت برضو اشارك رغم انو الترجمة لا اسه ماظهرت
واحد بلدياتنا (بلدياتكم برضو بما انو طلعنا اهل) كان بياكل في فول في بوفيه في شارع غبيرا دخل واحد سعودي قال لصاحب المحل "عطنا فول بي ريالين" قريبي رفع راسو وبي صوت واطي رد علي الراجل وقال ليهو "والله معاكم لغاية موية فول"
رد الله غربتنا عزيزي ولك التحايا
| |
|
|
|
|
|
|
Re: شنو يادناقلة ...الزول ده ماقال ترجعوا( غربة....!!!!) (Re: جلال عثمان)
|
جلال ياقريبي وكل عام وانت والمعاك بالف خير
Quote: واحد بلدياتنا (بلدياتكم برضو بما انو طلعنا اهل) كان بياكل في فول في بوفيه في شارع غبيرا دخل واحد سعودي قال لصاحب المحل "عطنا فول بي ريالين" قريبي رفع راسو وبي صوت واطي رد علي الراجل وقال ليهو "والله معاكم لغاية موية فول |
اضحك الله سنك.... بس قريبنا ده طلع عثمان حميده قاعد ياذن في مالطا. رد الله غربة الجميع وجمعنا علي الافراح انشاء الله في مراغة او شبعانة
| |
|
|
|
|
|
|
Re: شنو يادناقلة ...الزول ده ماقال ترجعوا( غربة....!!!!) (Re: haroon diyab)
|
ـــــــ هارون دياب ,,,, سلامات وسلامات وكمان سلامات
كل عام وأنت بخير وسعيد وسعيدين من معك وتعرف ..
قلتها ليك بهناك,,,, ما عبرتني وجملتنا والأخوان الأعزاء
و جيت تبرر لينا أشياء أنا في نفسي ما كنت واضعها أبداً , وحتي لو قال الهكر بتفتكرك ح أصدقو؟!
لا يا عمك واثق إنو أخلاقك دهب وقبل كدا قلتها ليك هارون يا الوزن دهب لو بتذكر ...
علي العموم كل عام وأنت بكل خير ...
| |
|
|
|
|
|
|
Re: شنو يادناقلة ...الزول ده ماقال ترجعوا( غربة....!!!!) (Re: haroon diyab)
|
Quote: الناس ديل ما أهلنا عديل وجذورنا منهم لكن ناكرننا ما عارف ليه رغم حبنا ليهم وحنينا ليهم ،، بس كلامهم ما بنعفه.... |
هارون،
إن آدم قي ني قارا؟
قول لي صاحبك دا ، وأنا عاوز برضه أهاظر ، بس هظار بالجد، "نحن ما نكرنا زول، الناس هم النكرونا، أجدادنا إتزوجوا أمهاتهم العربيات ، وبقوا يتكلموا لغة أمهاتهم، لأن الإنسان بيتكلم لغة أمه؛ وعملوا نفسهم عرب وإنه آباءهم عرب . هؤلاء المستعربون! هل من العار أن يكون الأب نوبي؟ أم أنهم لايصدقون أن النوبي يمكن أن يتزوج من عربية جاءت نازجة، إلى بلاده ، بسبب الجوع والقحط في بلادها؟؟"
عزيزي الشايقي : كل سنة وإنت طيب ، معليش دا هظار ، بس دراش دراش شويتين!
عزيزي هارون، أوعك تجي بكرة تتبكى لينا، شدوا حيلكم قبالنا ، عشان نحن كمان نقدر نعمل حاجة برضه .
وشكراً على هذه الهدية الرائعة يا
مخرج الروائع.
تحياتي
| |
|
|
|
|
|
|
Re: شنو يادناقلة ...الزول ده ماقال ترجعوا( غربة....!!!!) (Re: dardiri satti)
|
اجمل درديري جمعة مباركة ونسبة لعطل الانترنيت وايضا الافراح المريخية المتواصلة اسف لتأخير الرد. بعدين ياعمكـ الشوايقة ديل عزوتنا وبدون بعض مابنسوئ حاجة بس مرات ...مرات كده عندهم حركات ( هظار ياسنجك ماتجيب لينا الهواء....!!!) المهم..... نيابة عن حبيبنا الشايقي وكل سناجك المنبر لك كل الود والتقدير وابقي واصل.
| |
|
|
|
|
|
|
|