|
الملوحه الما خمج هارون دياب شكرا (توجد صور)
|
فى منزل الرائع هارون دياب كان القاء ملوحه من النوع ابو كديس وبالغتو بى كبده الابل حاجه كده بس ذكرتنى قندهار الدوحه ندمان الما جيتك من زمان العجوز ابو ساندر كان داير يضيع علينا اليوم بى مقابطتو
|
|
|
|
|
|
|
|
Re: الملوحه الما خمج هارون دياب شكرا (توجد صور) (Re: Esam El-Khawad)
|
اخونا عصام الخواض لك التحية يارجل
انت عارف انا تداخلت في بوست الترحيب بتاع ياسر وقلت انا تايه من مكان الملوحة
المريخابي الرشاشة هارون عزمني عزومة مراكبية قبل اسبوع ووعدني بالاتصال وانا في الانتظار
اتاري اللمة فاتتني وانا متفرغ اليوم
غايتو يا هارون حسابك تقل معاي
والزعيم كمال سالم حتى انت يا ........
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: كمبورة)
|
Quote: فى منزل الرائع هارون دياب كان القاء ملوحه من النوع ابو كديس وبالغتو بى كبده الابل حاجه كده بس ذكرتنى قندهار الدوحه ندمان الما جيتك من زمان العجوز ابو ساندر كان داير يضيع علينا اليوم بى مقابطتو |
الله قالوا كل شي قسمة بالرغم اليوم عندي وعد مع هارون اقابله في البيت لكن شاءت الظروف ان لا احضر ... فهناء لكم اخوتي بهذه الملوحة الما خمج ... وانشاء الله المرة الجاية يا هارون انا على الوعد
تحياتي
الامين
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: الامين جبارة الله التوم)
|
خواض سلامات
Quote: فى منزل الرائع هارون دياب كان القاء ملوحه من النوع ابو كديس وبالغتو بى كبده الابل حاجه كده بس ذكرتنى قندهار |
وبالعكس.... كنا نردد.... ياعصام جيناك وجينا نساهر معاكـ فقد كنت صاحب الدار بحق انت والجميع وكنا ضيوفا عليكم ...... الكلام كتييييييييييييييييييييييير بس الليل ليل وانا شغال بكره..... نكمل باكر
بسم الله نبداء
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: الطاهر ساتي)
|
وازدانت معيذر وغردت الديار ترحابا بمقدم الاعزاء...... في ليلة من ذات الليالي ------ ابو ساندرا كمال سالم عزام حسن فرح محمد السني واسرته دكتور عصام حامد بهاء بكري ضحية ابراهيم واسرته عصام الخواض ياسر علوب عمر بوب هاشم الادريسي محمد الطيب حسن صحافة 30( حسام) معتصم الطاهر واسرته -------- حتي اللحظة انتم لدينا ونحن ضيوفا عندكم اخجلتم تواضعنا ورفعتم مكانتنا بحضوركم الجميل ليلة سنظل نذكرها وهل من عودة تاني.....؟
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: haroon diyab)
|
بالغت يا هارون تكتب الناس اولهم ابوساندرا انت بتكتب حسب العمر ولا شنو مفروض تكتب بالوصول انا جيت لقيت بهاء بكر ي اول الواسلين
بعدوا وسلنا انا وسوجتنا بعدين معتصم الطاهر ضيف الششرف تاه مع الجايبنو لمن الساعة جات عشرة ضيعو علينا التركين والوونسة لارتباطنا بتصوير مع البنات المكسيكيات ضيعتو علينا الونسة والتركين عـســوني فول ياجماعة الليلة انا ال جنمشكلتي شنو مع السين ملعونة المواعيد السودانية ضيعت علينا الونسة الحلوة لكن بختكم في كبار السن
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: خالد عبد الله محمود)
|
بالمناسبة دا البوست التالت من العذاب المتواصل الاول بعد مانزل مشيت جبت أنشوجة وعملت حاجة تشبه الفسيخ وجبت دقيق قمح ورميت قراصة وملحتها التاني فتحتو وإتفرجت وإتمطقت وطلعت هسة البوست دا مافي حل غير نجيكم ياناس هرون دياب في الدوحة وتسوا لينا الملوحة دي وماتعزموا اي زول بس أنا والحلة وطبق القراصة
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: Rawia)
|
Quote: بالمناسبة دا البوست التالت من العذاب المتواصل الاول بعد مانزل مشيت جبت أنشوجة وعملت حاجة تشبه الفسيخ وجبت دقيق قمح ورميت قراصة وملحتها التاني فتحتو وإتفرجت وإتمطقت وطلعت هسة البوست دا مافي حل غير نجيكم ياناس هرون دياب في الدوحة وتسوا لينا الملوحة دي وماتعزموا اي زول بس أنا والحلة وطبق القراصة |
يلا أول خطوة يا رواية تشوفي نادية عثمان وين عشان تديك كورس بتاع رطانة لمدة شهر شهرين كده .. بعدين نعمل ليك إمتحان توفل رطانة ..
في حال إذا ما أحرزت سبعة من تسعة فما فوق سنحيل طلبك للرفيقة مدام هارون دياب ..
لأنو الرفيق هارون طلع غواصة ساكت !!!
ملحوظة : رجاء ممكن نقبل ليها نسبة 2 من 9 فما فوق ...
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: Rawia)
|
استاذة / راوية سلام
Quote: هسة البوست دا مافي حل غير نجيكم ياناس هرون دياب في الدوحة وتسوا لينا الملوحة دي وماتعزموا اي زول بس أنا والحلة وطبق القراصة |
وجاهزييييييييين لحماية التركين.....!!! بس ياريت تجيبي لينا معاكي صديق الشباب والزمن الجميل متولي مالك( السلام امانه ) ومرحب بيك وبي كل اليجي معاك اصلوا قالوا البياكل براهو بخنق....!!! التحايا
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: خالد عبد الله محمود)
|
Quote: فى منزل الرائع هارون دياب كان القاء ملوحه من النوع ابو كديس |
واضح من الصورة ... كم كانت رائعة تلك الملوحة, بس دحين منجضة ول نية, باقي أخوكم جديد فى الشغلانية, قبل بضعة ساعات جيت داخل بيتنا فى الصحافة, فكانت أمي أول من سألني ... فطرت وين ,,, فأجبت فى الإمتداد مع ناس أصحابنا, وأكلتو شنو؟؟؟؟ أكلنا ملوحة ... وقد كانت هذه هي { نفففس } الإجابة ولخمسة أسابيع على التوالي, فقالت لي بعد ده الناس بشيلو حالك, فتاني كان داير تمشي تاكل ملوحة في بيوت الناس, أحسن تجيب لهم دقيق قمح ... لم يضف كلام أمي أي مسحة من الحزن على وجهي, لأن بطني كانت مليانة, وحيث لا يمكن أن تشبع إلا خصما على إحساسك... { وجه متجهم }
بالهناء يا شباب ... والألذ من التركين ... هذا المعشر اللطيف من أهل الدوحة ... المرة الجاية ... فكروا لينا فى تركين إسفيري ... عشان ما تخنقوا.
ود دياب ... إنت رائع فى كلو... فطب أيها الهميم ... من ذاك الزعيم.
شكرا عصام الخواض ... تعيشوا ... وتاكلوا غيرا
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: HAYDER GASIM)
|
اجمل حيدر مساء الخير
Quote: بالهناء يا شباب ... والألذ من التركين ... هذا المعشر اللطيف من أهل الدوحة ... المرة الجاية ... فكروا لينا فى تركين إسفيري ... عشان ما تخنقوا. |
وكانت ليلة جميلة جملها هذا الحضور الرائع من عالم بكري الاسفيري ولكن لايكتمل الجمال دائما لان امثالك نفتقدهم في هكذا لحظات.
التحية لاجمل ام منحتنا اجمل اخ مودات كتيرات
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: خالد عبد الله محمود)
|
خالد عبد الله محمود
ود السُني نُصو الحِلو مِن إندِنا ... أنا الماغِسني عِصام الخواض وياسِر علوب ياخ ديل بياكلو التركين تقول عِندهُم تار مع الصير ... والديامي أبوساندرا ده كمان حِكاية تانِية ... بِخرِت الشطه في لهمتو ويِعْطِنا ليك في بِركه التركين قُلت ليهو إذا كان لابُد مِن الأكل وقِف على الأقل جِلبيط الشطه ... سألني ليه؟ قُلت ليهو ياخ الشطه دي حتفتح نفسك وأنا شايِف إنت ما مُقصِر ... وكِده ... قال كلام ما بقدر أكْتِبو هِنا ... قُلت ليهو معليش ياخ أمسحا لي في وشي ده ... رد علي برضو بِكلام ما بقدر أكْتِبو هِنا ... والله والله شُفت لي واحِد أكان بِيبلع لُقمتو بلِع ... بعد ما إنتهينا مِن المعركة لِقيتو ليك مُنْزوي وشابِح كِرعينو وفارِد يدينو ومُغَمِض عينيهو وبِلوك ليهو في شيتاً سألتو : إنت يا زول بِتاكُل في شنو ... أحرجني بِكلام قليل أدب ... لكِن عِرفت إنو كان بِجْتر التركين البلعو ...
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: عزام حسن فرح)
|
Quote: خالد عبد الله محمود
ود السُني نُصو الحِلو مِن إندِنا ... أنا الماغِسني عِصام الخواض وياسِر علوب ياخ ديل بياكلو التركين تقول عِندهُم تار مع الصير ... والديامي أبوساندرا ده كمان حِكاية تانِية ... بِخرِت الشطه في لهمتو ويِعْطِنا ليك في بِركه التركين قُلت ليهو إذا كان لابُد مِن الأكل وقِف على الأقل جِلبيط الشطه ... سألني ليه؟ قُلت ليهو ياخ الشطه دي حتفتح نفسك وأنا شايِف إنت ما مُقصِر ... وكِده ... قال كلام ما بقدر أكْتِبو هِنا ... قُلت ليهو معليش ياخ أمسحا لي في وشي ده ... رد علي برضو بِكلام ما بقدر أكْتِبو هِنا ... والله والله شُفت لي واحِد أكان بِيبلع لُقمتو بلِع ... بعد ما إنتهينا مِن المعركة لِقيتو ليك مُنْزوي وشابِح كِرعينو وفارِد يدينو ومُغَمِض عينيهو وبِلوك ليهو في شيتاً سألتو : إنت يا زول بِتاكُل في شنو ... أحرجني بِكلام قليل أدب ... لكِن عِرفت إنو كان بِجْتر التركين البلعو ... |
الله يجازي محنكـ يا عزام خليتني أضحكـ زي المجنون في المكتب ..
يا زول ينفعكم كلكم إنشاء الله
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: عزام حسن فرح)
|
Quote: أنا الماغِسني عِصام الخواض وياسِر علوب ياخ ديل بياكلو التركين تقول عِندهُم تار مع الصير ... |
والله يا عزام حيرتونا ...يا زول والله انت ما اديتنا فرقه ...وابو ساندرا مع البصل والشطه ناقص بس ........... يا زول والله ملوحه ما شفنا ذيها قبل ده قايتو الما جاء الله معا
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: خالد عبد الله محمود)
|
الحبيب / خالد مشتاقين
Quote: هوووووووووووي يا هارون دياب شايفكـ اليومين ديل بتوزع في الأسرار العسكرية دي ساكت ؟؟؟ يا زول هييييييييييييييي زول ما برطن ما تديهو ملوحة و لو بقي ود السني زاتو
و إلا سحبنا منك الجنسية الدنقلاوية يا عمكـ
مريخابي قبلنا بيك كمان تطلع غواصة ؟؟؟ |
تخيل ياعمكـ..... المصيبة ولا واحد برطن .... يادوبك صحافة 30 بفهم ونص نص كمان قلنا نعمل استهداف اسفيري لمدعين العروبة لادخالهم في عالم الناطقين بغيرها. مش فكرة برضو....؟
سلام
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: haroon diyab)
|
هارون دياب ...
Quote: المصيبة ولا واحد برطن .... |
يعني إنت غنيت < ويا لايقا لايقا ليل بلديا واي إليل > وأنا ما شِلت معاك ياخ أنا إتعلمت العربي بعد ما بلغت تقوم تقول ماف زول برطُن ... الجمع الغفير الأكلو تركينك أكلوهو < مُشاركة > وبِالوِكالة أنا أكلتو < محنه > وبِالأصالة ... هُناك فرق
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: Gamal Abayazid)
|
هرون دياب طه
Quote: تخيل ياعمكـ..... المصيبة ولا واحد برطن .... يادوبك صحافة 30 بفهم ونص نص كمان قلنا نعمل استهداف اسفيري لمدعين العروبة لادخالهم في عالم الناطقين بغيرها. مش فكرة برضو....؟
سلام |
طالما جابت ليها عنصريه تانى ملوحتكم دى اكلوها براكم نحنا ناس عصيده ودخن وهلماجرا
عزام حسن فرح
انت تحديدا عصام الخواض قال عنك انت جعلى ضليت طريقك للمحس ؟
| |
|
|
|
|
|
|
Re: الملوحه الما خمج هارون دياب شكرا (توجد صور) (Re: haroon diyab)
|
اول مرة اشوف الملوحة (التركين) يعملو ليها مهرجان وقصايد... دة نحن الملوحة عندنا "فى الفطور والغدى والعشى" ومرات بنحلى بيها كمان يا هارون بس اللمة حلوة والملوحة بيطفوها بالشاى الصاموتى...
المصرى بلع لقمة ملوحة وقال: "أعوز بالله انتو بتاكلو دة ازاى امال بتبولو ايه" مع الإعتزار للملوحة..
اكيد حتقولو: (ومن شر حاسد ادا حسد)... لكين معليش...
نورالدين منان
| |
|
|
|
|
|
|
|