|
Re: ملوحة آخر السنه ،،، الدمار حاصل طبعاً ،،، (Re: محمد عبد الماجد الصايم)
|
Quote: مستواكـ ادهور خالص يا عمكـ باللاي من رومانيا للملوحة!
|
ههههههههههههههههه
لو التدهور زي ده حباب التدهور تعرف يا ود الصايم الملوحه دي لو لقيتها فى كونستانتا كنت كنستها كنس بس تقول شنو بس ما عارفك راح تعمل شنو لمن القراريص تجيك الأيادي مدوره فى الصحن والبصل والشطوط بهناك والأهم من ده كله سفن أب يا لذيذ يا رايق
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: Hatim Salih)
|
Quote: ساني
دي ملوحة (تركين يعني) ولا فسيخ أول مرة أشوف ملوحة لونها برتقالي إحتماال العولمة وكدة |
كل سنه وإنت طيب يا زول يا سمح تعرف اللقطة دي تم إلتقاطها بنظام عالى الدقه شفت كيف بـ يتم التصوير فى سباقات السباحه والكاميرا اللى تحت الماء نحن كاميرتنا دي كانت تحت وش الملوحه تماما عشان كده الصوره طلعت عالية الجوده وبرتقالية كمان ههههههههههههههههههههههههه خليك معانا وراح تشوف العجب
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: محمد خليل ساني)
|
خلونا نبدأ قصه من البدايه دعوه جميله من الزول الجميل هارون دياب والطلب كان واضح ومعروف ملوحه حااااااره وقراريص ملهلبه والطلب تم تنفيذه وسط مجموعة من الأصدقاء والبورداب الحبيب الأستاذ عادل التجاني الزول السمح حسام ،،، صحافه 30 وأهل الدار من عشاق الملوحه وهواتف جميله ومعبره من الحبيب عبدالوهاب من الخرطوم وطبعا سمعنا الصوت الجميل للمره الأولى وإنبسطنا كتير يا جميل وكمان ما ننسى تلفون الغالى حسين عوضاي من الدمام طبعا حسين كل لمه معانا على التلفون والتلفون لازم يلف لكل زول فى مكانو حبيبنا ضحيه كان مفروض يكون معانا بس إعتذر والله فقدناك يا ضحيه ،،، وفقدنا معاك ود القريش وود الطيب ويلا يا شباب أرجعوا بسرعه عشان المخزون قرّب يخلص
كلمات خاصة جدا لـ أم أمنيه والله ما قصّرتي معانا الحله كانت برميل ماشاء الله والقراريص طوالى نازله علينا حاااااره وخالد دياب تعب من كترة المشى والجيّه وطبعا ده كلو موثق بالصوره وتسلم يا هارون على لمتكم الجميله وعلى كرمكم الفياض
مع عاطر التجلة والتقدير.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: محمد خليل ساني)
|
غايتو كنت مشغول بالتصوير وقلت ما بـ فوّت فرصة التوثيق والجماع واقعين لهط عجيب وأنا صابر وماسك نفسي لحدي ما كمّلت والحمدلله ربنا عوضني بصحن كاااارب لكن تعالوا شوفوا سوات الناس ديل وطبعا الناس اللى قامت من زمان هارون دياب وصحافه 30 وخالد دياب بعد ما قاموا تاني رجعوا وشاركوا أخوكم فى اللهط لحدي ما حيروني زاتو هههههههههههههه تسلموا مره تانيه على اللمه الحلوه دي والصور جاياكم يا شباب وخليكم قريبين
مع عاطر التجلة والتقدير.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: ناذر محمد الخليفة)
|
Quote: با أخوي ما عملت لينا حيرقان عدييل .. |
ناذر الزول الجميل
تتصور يادوب حسيت بالحرقان بس السفن أب ضيّعها الى غير رجعه
والله كنا نتمنى إنكم تكونوا معانا ولو إنت حرّيف تركين كنت راح تستمتع بجد لكن يا أخوى إنتو مع عزايم بكرى بتفكّروا فينا غايتو نحن لينا الله
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: سامى عتبانى)
|
Quote: محمد خليل سلامات ماعندك شويه تركين؟ لو عندك رسل لينا منو بسييييط |
الحبيب سامي عتباني
كل سنه وإنت طيب والسنه الجايه على أمانيك وكل أحلامك تتحقق
يازول وينك ما ظاهر مالك مخاصمنا كده طوّلنا من طلتك علينا ووين بوستاتكم الحلوه ديك ولآ ما بيحق لينا نضّهب معاكم ههههههههههههه قول أيميلك أيه عشان أرسل ليك عينه وبعد داك بالـ DHL جاياك الملوحه الما خمج على قول حبيبنا صديق اللى من القلب قريب
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: محمد خليل ساني)
|
الحبيب / ساني لك الود كل الود وانت دائما ماتجمل دارنا بوجودك انت والاعزاء الاحباب ستبقي هذه الدار عامرة بك وبالاحبه عادل التجاني وصحافه 30 وجميع بورداب الزمن الجميل سعادة الاسرة بهذه اللمه نستنا قسوة الغربة وتجعلنا دائما نحس ونشعر بوجودكم بجانبا. نتمني ان تصل بت الخالة بسرعة عشان نرد ليك الدين الكتر علينا . تسلم..... وانت من اصبحت جزء عزيز منا. لك التحايا النواضر وللاعزاء الحضور وللاخوة عثمان محي الدين وحسين عوضاي وعبد الوهاب الحاج والاخ ضحية والاستاذ عثمان دغيس . سلام يازول يارائع
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: ضحيه ابراهيم)
|
الجميل ضحيه
كل سنه وإنت طيب والعائله بألف خير وكل أيامك تتبارك
Quote: العريس النفيس/ محمد خليل يازول انت عريس تقعد تصلح لياقتك ولا تبارى لى هرون دياب ده ويهريك ملوحه يلحق لياقتك لياقة المريخ فى الاردن؟
|
غايتو لو عرفت الملوحه دي بتسوي شنو كان خليت أكلتك ديييييك وقبّلت عليها تعرف المريخ ده لحقتوا النجيهة وطولة اللسان نحن متأهلين ،،، نحن فايزين ونحن ونحن ونحن ...... لمن جات عليهم الحكايه ،،، اللهم لا شماته ،،،
Quote: كان الوعد ان اكون بينكم لالتهام ملوحة هرون دياب لكن ظروف قاهره حرمتنى من تلك اللمه والملوحه الضجه التحيه عبرك لهذا الفتى الكريم هرون دياب ولاسرته الكريمه ولست الدار التى عودتنا دائما على الكرم الفياض وحسن الضيافه .. تعرف يا محمد خليل بيت هرون دياب البيت الوحيد الفى الدوحه وفى قطر مفتوح فى رمضان والفطور فى الشارع يمكن من عشره سنين مضت وكنا نرتاده دون موعد او سابق انذار ونتوهط فى الدائمه ونلهط الساخن والبارد ومعاها عشرة ونسة حتى اذان العشاء. |
صدقت والله يا ضحيه البيت ده بيت كرم والواحد بيلقى نفسو مرتاااااح فيهو طيبة ناس البيت وكريم أخلاقهم وكمان أريحيتهم العاليه تخليك تمشي عليهم كل يوم مش يوم الملوحه بس تسلم يا جميل على كلماتك الحلوه وتسلم العائله الكريمه دي والوعد فى الجايّات إنشاء الله
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: haroon diyab)
|
Quote: نتمني ان تصل بت الخالة بسرعة عشان نرد ليك الدين الكتر علينا . تسلم..... وانت من اصبحت جزء عزيز منا. لك التحايا النواضر وللاعزاء الحضور
|
الحبيب هارون دياب
تسلم على الكلام الزين وإنتو تتساهلوا أكتر من كده بعدين بت خالتك دي لمن تجي حـ يكون عشان نمد أواصر الترابط أكتر وأكتر يعني مش رد الدين زي ما قلت اللى بينا أكبر من أى شئ
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: haroon diyab)
|
Quote: وللاخوة عثمان محي الدين وحسين عوضاي وعبد الوهاب الحاج والاخ ضحية والاستاذ عثمان دغيس . سلام يازول يارائع |
تصدق يا هارون كيف نسيت تلفون الراقي عثمان محي الدين ياخي ده كان أشهر تلفون فى الليله والحكايه موثقه بالصور عديييييل كده ولمن تنزل هنا راح تعذرونا والله يجازيك يا عادل التجاني
بعدين إنت عارف يا هاورن عثمان دغيس ده لمن إتكلم معانا كنت حاسس إنو راح يجري بعيد من ريحة الملوحه الزول ده قال ما بيحبها أبدا وقال إنو والملوحه زي عسكري المرور وسيد الرقشه تسلموا يا حلوين
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: محمد خليل ساني)
|
محمد خليل ساني انبانا تود.. آر منو بو ؟ كوريات آنجي .. ياشيخ ملوحة شنو بالله .. واحة الله عزمني سكوتي ملوحة نمرة خمسة ..لحدي هسي املاح اربعة صليب معاي .. اوعى العروس تكون من عندينا وبتعرف ملوحة كماان .. اندانا هارون دياب السبعة خلتو يشرب الملوحة مع العرديب ..
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: Mohammed Ibrahim Othman)
|
Quote: محمد خليل ساني انبانا تود.. آر منو بو ؟ كوريات آنجي .. ياشيخ ملوحة شنو بالله .. واحة الله عزمني سكوتي ملوحة نمرة خمسة ..لحدي هسي املاح اربعة صليب معاي .. اوعى العروس تكون من عندينا وبتعرف ملوحة كماان .. اندانا هارون دياب السبعة خلتو يشرب الملوحة مع العرديب .. |
الحبيب محمد إبراهيم عثمان
إكّون كري آنـجــه نلاّ تسلم كتير يا حبيب والله ملوحتنا دي ما بتتفوّت حاجه لذيذه بشكل والضغط ضرب ألف عند بعض الناس والجماعه باقي الحله لهطوها بالهناء والشفاء على الغداء تاني يوم تصدق دي وأخوك كان مشغول لو ما كده كنت رحت شاركتهم الفرحه دي وتابع معانا باقي الصور وأحكم بعدين على روعتها بالشوف بس طبعا ههههههههههههه
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: Alyasa Nourain)
|
Quote: محمد خليل
ياخي خليت لسانا يتمطق ولعابنا يسيل متل مجاري البحور
بس كان علي الاقل تعزمونا كنا بنخلي الورانا والقدامنا وبنجي
علي العموم صحتين علي قلبك
بس المره الجايه لوما كلمتني بشخط ليك شخيط
يسع |
يا ريتني كنت عارف كنت مريت أخدتك من البيت والليله كانت ولا أحلى وجهّز نفسك من حسي فى يوم دمار تاني راح نوريك المواعيد والمكان بس الحجز من بدري بعدين إنت شفت اللقطه الأولى وقلت كده لو تابعت باقي الصور والقصه راح تقول شنو خليك معانا قريب وإتوقع التلفون
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: عبدالوهاب علي الحاج)
|
Quote: الاخ ساني انا طبعا شاركت في التركين دا بالتلفون وشهيتونا والله بالصور واللمة الظريفة دي ومطرح ما يسري يمري |
الحبيب عبدالوهاب الحاج
والله سعدت كتير بمحادثتك على يومين كمان بالجد الناس ما بتعرفها إلا لمن تتواصل معاها وماشاء الله عليك زول جميل وروحك حلوه وتتحب على طول طبعا كنت معانا بالتلفون لكنك ما شميّت الريحه غايتو جمال الملوحه فى ريحة اليد بعد الأكل والجايه معانا إنشاء الله وخليك قريب وكمّل بقيه الصور
Quote: تركين ويرا اشري خااااالسايمين اكا نفيا |
هههههههههههههههههه ده كلام شنو يازول من وين جبت الكلام ده إر هدّو تونا أوّنا ميلّو تسلم على الكلام اللذيذ ده وعلى أول تلفون راح نسمعوا وأكييييييد كلام كتابه ساااااكت ههههههههههه
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: محمد خليل ساني)
|
الحبيب العمده / ضحية مساء الخير
وماقلته في حقنا كثير ....وكثير جدا اشهد بانه من حسنات الغربة ان نتعرف بشخص في قامتك ونصبح اخوة لك.... هذا من حسن حظنا...... وكل ماذكرته من جميل ....تعلمناه منك. واشهد بانه ولولاك لما كنت في هذا المكان الان ...فقد حببتني فيه....وادخلتني ايضا لاازيد.... ولكن الله لاجاب يوم شكرك وربنا يديم المعروف ايها المسيري الاصيل.
كل الود
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: haroon diyab)
|
الأخ العزيز محمد ساني
سلام
سنة حلوة وكل عام وانتم بخير
الحمدلله انا فتحت البوست بتاعك ده بعد ما أكلت.. وإلا كان مع صورك الخلابة جاتني قاستريك!! لكن الواحد يحس مهما كان شبعه فهو محتاج للملوحة..
من لونها الأصفر وخطوطها الحمراء.. عرفت أن الأخ هارون دياب سيكون جواها..
تحياتي عبدالعزيز
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: haroon diyab)
|
Quote: وياريتك كنتا معانا لان وجودك يجمل المكان عموما باذن الله نلتقي
|
تمنينا فعلا إنه يكون معانا وتمنينا كمان كل البورداب يكونوا معانا لكن الجايات أكتر كتير إنشاء الله وربنا يكمّل لينا جمعتنا فى كل وقت قول آميييييييييييين
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: Abdlaziz Eisa)
|
الحبيب عبدالعزيز عيسى
كل سنه وإنت طيب والسنه الجايه على أمانيك وربنا يجمعنا فى ساعات الخير والسعاده
Quote: الحمدلله انا فتحت البوست بتاعك ده بعد ما أكلت.. وإلا كان مع صورك الخلابة جاتني قاستريك!! لكن الواحد يحس مهما كان شبعه فهو محتاج للملوحة..
|
تصدق حتى لو شبعان ولقيت ملوحة الجن دى طوالى راح تقع فيها لهط لمن تعرق ،،، بس وقتها ما تشرب مويه طوالى ،،، كويس ههههههههههههههههههههههههههه
Quote: من لونها الأصفر وخطوطها الحمراء.. عرفت أن الأخ هارون دياب سيكون جواها..
|
صدفه بس طلعت كده بس المره الجايه الألوان راح تكون طبيعيه وما فيها حاجات حمراء زي دي عشان تجى تقول إنو أبوسبعه جواها هههههههههههههههه
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: haroon diyab)
|
Quote: والله ياساني جوعتنا وشهيتنا ليها تاااااااااااني رائك شنو نعمله بس تكون بدون خيانات يعني البورداب كلهم يكونوا معانا....؟ واصل ياعمكـ اتاريه دمار الملوحة ده خطيييييييييييييير |
تتصور يا هارون أنا زااااااتي ريقي سال وجعت عدييييل كده وإشتهيت الملوحه من جديد وما تخاف يا جميل المخزون لم ينضب بعد كلمت الحاجه فى السودان ولقيتها مرسلة كمية جديده مع واحد صاحبنا جاي الدوحه شفت كيف ،،، مش قلت ليك ما تخاف
يلا لازم نحدد مواعيد جديده ونكلم كل البورداب الموجودين بالدوحه ويكونوا حاضرين معانا لكن لو (مافيشين) نعمل شنو هههههههههههه حدد ونحن معاك
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: Alsa7afa_30)
|
Quote: عبد العزيز عيسي مشتاقين ياجميل
وياريتك كنتا معانا لان وجودك يجمل المكان عموما باذن الله نلتقي كل عام وانت والاسرة الكريمة بالف خير |
عزيزي هارون دياب
سلام الشوق بحر.. جمالكم وروعتكم كفت المكان.. وصوركم الجميلة هذه شهتنا أكثر للمجئ.. بس خلوا لينا شوية ملوحة.. نحن في جنوب شرق آسيا نحس أن دمنا صار كحبات الرز.. لكن حيظل لونه أحمر وهاج..
خلاص نلتقي عندما يلعب كلتشي اول مباراة ضد الدبل وصيف..
تحياتي عبدالعزيز
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: Alsa7afa_30)
|
العزيز حسام ،،، صحافه 30
كل سنه وإنت طيب والسنه الجايه على أمانيك وكل أحلامك تتحقق
Quote: ده شنوووووو يا عريس ؟؟
|
بعد اللهط ده كلو تسأل ؟!!! دي لمه ولا أحلى لمه جمعتنا بكل الناس الحلوه ونتمنى أن نلتقى مره تانيه وكمان فى نفس الحته لكن ما بنفس العدد الجماعه اللى حضروا وغيرهم زياده كمان نتمنى ده يا جميل
Quote: قلت لي الدمار حاصل ؟؟
|
عليك الله فى تقديرك كده الدمار ما حاصل !!! والله ده حصل وحصل وحصل والمره الجايه راح تكون بمقاييس جديده كمان نقول 6 ريختر كده يا ساتر يا رب إنت عارف الدرجه دي ممكن تدمر أى حاجه
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: كمال ادريس)
|
Quote: يامحمد ساني بالله ماتعمل لينا ملاوزة ... والله ارسل ليك اولاد سلبونا القاعدين في الشارع التاني ... |
الحبيب كمال إدريس
كل سنه وإنت طيب والسنه الجايه على أمانيك وربنا يحقق كل أحلامك
تصدق يا كمال الواحد لهط فى الملوحه دي لحدي ما طلعت عينو وأصحابك التانين ديك ما خلوا ليهم قرص لافي وطبعا أنا معاهم ما ببعد نفسي من المسؤوليه طبعا مسؤولية نظافة الصحون هههههههههههههههه وياريت جيرانا ديك لو كانوا معانا بس الأيام الجايه ممكن تبقى وراح ننفذ المطلوب فى جده عشان نشم ريحة بورتسودان شفت كيف ،،، قصّرت معاك بقصد قصّرت مع روحي ههههههههههههههههههه
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: haroon diyab)
|
Quote: المهم..... والاهم..... ماتنسئ صاحب العريس الحبيب عوضاي عشان السهرة تحلي والدمار يكمل
|
الجميل هارون
جمعه مباركه طبعا حبيبنا ده أول الحاضرين إنشاء الله تصدق الزول ده كان متابع خبر العقد ده من زمان حتى الخبر نزلوا على المنبر وعرفوا من حلتنا هناك الزول بقى واااااصل وعارف كل الناس بهناك الزول ده إنشاء الله جاي جاي
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: haroon diyab)
|
Quote: اها ياعمكـ ..... طولنا وكده مافي حاجة في الضهرية.....؟ |
ههههههههههههههههههه
الضهريه مليانه يا جميل والشنطه فى البيت كمان يعني منتظرين بس تحددوا المواعيد ونحن جاهزين مويه ونور تعرف المخزون بقى يجي من جهتين الحجه الوالده والمدام عارف كده ده كله بيصب فى المصلحة العامه لكن لحدي ما نعمل الوجبه الجايه راح أنزّل بقية الصور والله شهّيتنا الملوحه مع ليل الشتاء الجميل
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: haroon diyab)
|
Quote: ساني صباح الخير ومادام الضهرية مليانة والتموين متوفر..... لعناية... الزعيم كمال سالم والحبيب دكين. جاهزين.....؟ |
يلا يا زعيم ويلا يا دكين
النداء عندكم يا شباب جاهزين للإقلاع حددوا المواعيد قبل الرصيد ما يخلص نحن فى الموعد بس كيف تكونوا معانا
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: محمد فضل الله المكى)
|
الأخ البوردابي الزميل محمد خليل ...... سلام ..... والله شوقتونا للقراصة والملوحة.. والتركين حفظك الله ووهبك خير الدنيا والأخرى وحفظك وحفظ من تعول من كل مكروه ......... عجبتنا لمتكم شديد الملوحة درجة أولي.مسبوكة سبكة لامن غلط.. وأنا بعد ما كنت أعاف من الملوحة من بعيد لى بعيد.بقيت اطلبها وكان ما لقيتا أعملا بنفسي ............. القراصة درجة اولى لامن غلط... الدناقلة والحلفاوين والمحس.. السكوت..ديل أسياد القراصة.. ونحن المناصير والشايقية ماخدنها منهم بالإعارة ...... في ناس يدعو القراصة وما بيعرفوا يعوسوها.. ليه يطلعوها نية؟ ليه لما يقلبوها على الوجه التاني تبقا شخبط لخبط ما يقدروا يقلبوها كويس ليه؟ لأنه عجنة الدقيق ما كويسة وغير متجانسة ... لو ما بقت القراصة( ضهر غزال) دي معناها ما قراصة.. والقراصة هنا ضهر غزال.. ضهرا أحمر فيها شوط أحمر ودي حلاوتا هنا... في ناس ما بيعرفوا يعوسوا القراصة؟ ليه يعملوها في الطوة؟ ودا غلط؟ كدة تطلع ما كويسة خالص وهنا القراصة معيوسة ومعمولة على صاج اصلي في ناس ما بيعرفوا يعوسو القراصة؟ ليه؟ يعملوها بدقيق نمرة واحد ودا غلط؟ القراصة إذا بقت بدقيق نمرة واحدة تطلع بيضا ولايوقة وملبكة ومسمطة وتؤثر على الكلى والقراصة هنا عندكم من شكلها عرفتها معمولة بي دقيق نمرة اتنين راقي وياهو دقيقها المفضل ......... في ناس ما بيعرفوا ياكلو القراصة وما بيعرفوا يملحوها ليه؟ إذا القراصة ملاحها ملوحة أو تركين 0 يكب عليها من فوق.. وممكن تقد بقعر الكمشة القطعة الفوقانية عشان الملاح ينزل تحت.. أذا بي دمعة ولحم برضو ترص القراصة ويكب الملاح من فوق.. إذا القراصة بخضرة أو بامية مفروكة لايكب من فوق وإنما توضع قطعة أو طرقة أو حرف قراصة في قعر الصحن ويوضع الملاح الخضرة أو المفروك في النص وتوضع طرقة من فوق.. يعني يكون الملاح في النص وعليهو قطعة من فوق تشوفا ناشفة لمان تقدم في الصينية.. قلنا في ناس ما بيعرفوا ياكلوا القراصة ليه؟ ناس صعيد ياكلوها بالمعلقة أو لمان تكون القراصة بي مفروكة الملاح يكون في النص قطعة من فوق وقطعة من تحت تلقا الما بيعرف ياكل يباري القطعة البي فوق دي بس ياكل فيها ويسيب القطعة البي تحت . يعني يكشف ضهر الملاح؟ دا أعرفوا ما بيعرف ياكل قراصة؟ أكل القراصة زي قطعة الطورية في لقمتك تاخذ معاك جزو من القطعة الفوق وجزء من الملاح الفي النص وجزء من القطعة التحت هكذا تتكون لقمتك. وطرفك في الصحن يكون محترم وراقي.. موش تجري وراء القطعة الفوق حتى تلحقا ولو وصلت لأطراف غيرك؟ عيب كدة؟ هنا قراصتكم الغالية معمول الملوحة عليها من فوق.. كما خلقت.. ....... كذلك في ناس صعيد يستهينوا بالقراصة؟ يقدموها في صحن صين صغير للغاية الناس ما يقدروا ياكلو وهنا قراصتكم معمولة في صحنها الأصلي.. صحن.. ألمون.. او صحن نيكل بالأحري .. ودا يكمل زينتها في حلتها بالملوحة اي القراصة.. ........ في المناصير والشايقية نأكلها بجميع الملحات ما عدا الملوحة أو التركين لما جيت الثانوي في عطبرة عاد تعال شوف لما ضقتها بالتركين والملوحة شعرتا نص عمري ضايع ....... أولاد المحس والدناقلة والحلفايين في عطبرة الداخلة والحصايا وحي السودنة والموردة وحي السوق ومحطة رمزي محمد طه محمد طه في الداخلة أبوهو كان باش كاتب في السكة حديد.. وبابكر محمد طاهر ابوهو كان في قطاطي السكة حديد وهو مدير شئون موظفين في السكة حديد وشحاتة في السكة حديد وحسن المبارك وعثمان محجوب وأختنا علوية وأختنا فاطمة حسن وعثمان ابوبكر وابراهيم كمبال وسيد شاهين وعم حمد محمود ......... زرعوا فينا محبة القراصة بالتركين الي اليوم ........... هسه انتم أخرجتموها إخراج في منتهى الروعة ليس عليه من مزيد هنيئاً لكم جميعاً وحفظكم الله من كل شر واصبغ عليكم نعم الدين والدنيا وما قطع القراصة والتركين والملوحة منكم الي يوم الدين وجعل الله داركم عامرة ومحفوظة ومرعية خير ختام السلام
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: منصوري)
|
الحبيب / صديق وسلامات يازول يارائع عارف يااخوي الليلي كت ناوي اتغدا سمك علي بعد كلامك الليل القراصي ده شهيتني فوقه عدييييييييييييييييل كدي ...... اها كان كدي الليلي يااكلتها يابت القوا يااخي انت زول جميييييييييييييييييييييييل يديك الفي مرادك قول يآميييييييييييييييييييييييين
Quote: اكلات مفضلة: قراصة بي ملاح السلج.. فاصوليا مهرودة بلحم ضاني |
ابقي واصل ياحنين لينا واصل ما العيون الفي انتظارك شوقه زي مطر الفواصل وتاني واصل
مودتي
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: haroon diyab)
|
أخونا هارون دياب تسلم يا غالي والله بلمتهم عندك.. وبدعوتك لهم.. وبملوحتك إياها حصلت البركة في بيتك.. ربنا يجعلك رجل ضيفان... وعامر بيتك دائماَ ........ شكراً للكلمات الظريفة في حقنا.. وفي شخصنا الضعيف.. أرجو من الله أن يكتب لنا مشاهدة لكم وملوحة عندكم
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: haroon diyab)
|
Quote: ابقي واصل ياحنين لينا واصل ما العيون الفي انتظارك شوقه زي مطر الفواصل وتاني واصل |
إنت جادي يازول يواصل فى شنو بالضبط يعني عايز ماسورة القراصه دي تتفتح وما تتقفل تاني ولآ شنو لو جيت للجد أنا كمان عايزها ما تتقفل الزول ده لقيتوا حاجه خطيره بجد والله تمنيت وقتها إنى كنت مكمّل زواجي من زمان عشان أقول للمدام يلا قومي سوى لينا قراصي هههههههههههههههههههههههه يلا يا جميل حدد مواعيد جديده
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: منصوري)
|
Quote: الأخ البوردابي الزميل محمد خليل ...... سلام ..... والله شوقتونا للقراصة والملوحة.. والتركين حفظك الله ووهبك خير الدنيا والأخرى وحفظك وحفظ من تعول من كل مكروه ......... عجبتنا لمتكم شديد الملوحة درجة أولي.مسبوكة سبكة لامن غلط.. وأنا بعد ما كنت أعاف من الملوحة من بعيد لى بعيد.بقيت اطلبها وكان ما لقيتا أعملا بنفسي |
منصوري اللذيذ الراجل الطيب الزين
والله العظيم لقيتك صعب عديييل وزول خبره ما بيتعوض ما عارف أقول ليك شنو دعواتك طيبه بجد وتدل على طيب أصلك
ياخ الملوحة دي حاجه مافى بعدها محتاجه لـ لمه كبيره كده وبعدين تقع لهط سااااااكت و ده اللى نحن عملناه
وياريت لو لقينا زول ذويق زيك معانا كنا إستمتعنا بجد وما فضّلنا حاجه لهارون إنت عارفو يا منصوري صاحبك ده ضرب باقى الملوحة فى الغداء تاني يوم طوالي خليك متابع معانا فى واحده قريب وأكيد راح تكون أحلى خاصة وإن الضهرية ملياااااانه
مع عظيم التقدير والإمتنان.
| |
|
|
|
|
|
|
Re: ملوحة آخر السنه ،،، الدمار حاصل طبعاً ،،، (Re: منصوري)
|
Quote: هسه انتم أخرجتموها إخراج في منتهى الروعة ليس عليه من مزيد هنيئاً لكم جميعاً وحفظكم الله من كل شر واصبغ عليكم نعم الدين والدنيا وما قطع القراصة والتركين والملوحة منكم الي يوم الدين وجعل الله داركم عامرة ومحفوظة ومرعية
|
المنصوري الجميل مساك سعيد
ياريت تكون معانا في اللمة القريبه دي مطلوب حضورك فيها حتى ولو حضور شرفي وعبر الهاتف المرئي كمان ههههههههههههههههههه
مع عظيم التقدير والإمتنان.
| |
|
|
|
|
|
|
|