الثنائي.. د. ( محمد جعفر + الصادق حسن )......... (2)

Quote: ذوالنون جعفر سلامات سلام سخن لحام ستاليين ذي سخانة شرار كلامك البطاير من جضومك الملتهبة شيوعيية ، وصلتني منك أيضاً مجموعة دراسات وكتب علي النت، أود قرأتها أولا و تمحيصها و نشوف بعد داك طريقك و طريق تاج السر عثمان ولا طريق الشفيع والناس السبقوه في السكة ناس المرحوم الخاتم هو الصاح، كمان لازم تعرف رأي عن هل الحزب الشيوعي محتاج لي فلاسفة ومنظرين بالضرورة عشان يكونوا قيادته السياسية، هل وحدة الحزب ضرورية في ظل واقع الشيوعية اليوم وواقع الطبقة العاملة، ونشوف برضك كلامك الشكرت فية الصين وقلت إنها الصينين عملوا لنفسهم قيمة وهم كانوا زينا بس بدل الزيف والتطايب بتاعنا هم بالنار ( والنضال قلعوا إستقلال حقيقي نضال مسلح متصاعد من سنة 1912 لغاية ما نجحوا في إعلاء كلمتهم الليلة شوفهم هم وين ونحن وين؟ طبعاً لأنهم أخروا موضوع الرأسمالية وفوضتها لغاية ما يبنوا البنية الأساس وينظموا اكلهم وشرابهم وكهربتهم وشغلهم وبعد داك كشحوا السليقة ونحن لغاية يوم الليلة في الفقر والجهل والمرض والتخلف بسبب الرأسمالية والتبعية والحاكمية العنصرية الجلابية العديل والمرقعة بالوطنية  أو بالإسلام..أو بالديمقراطية) ..    برضك نشوف نحنا عايزيين نكون رأسماليه مؤجلة ذي أهل الصين ولا الرأسمالية إنتصرت عليهم وغذتهم بسلاح رأس المال. كمان لازم نناقش ما هي إنجازات الرأسمالية لللإنسان أقصد با لتحديد هل بنت البنية التحتية في بلدانها ومؤسساستها وهل قضت علي الجهل والمرض و هل فيها أي أشكال للضمانات الإجتماعية لإنسانها، و كمان لازم نشوف دور الشيوعية الأوروبية هل موقفها هو الصحيح أم السيتالينية، و الإحزاب الإشتراكيية الأوروبية هل أنجزت شئ لمصالح الطبقات والفآت الإجتماعية المعبره عنها. كمان لازم نخلع النظارة السوداء ونشوف روسيا قبل وبعد( التجربة) لأنها فعلاً إسمها تجربة!!!!لمدة 70 عام!! لكن أول حاجة أرضاً سلاح يا ودجعفر عشان نبدأ النقاش دعماً لحديث ذوالنون أرسل كتابات تاج السر عن الشفيع!!!!!! محمد طه لك مني كل الود 2008-08-01