الثنائي.. د. ( محمد جعفر + الصادق حسن )......... (2)

Quote: مرحب بالمؤتمر لكن بالشي الظاهر ده حيبقى زي المؤتمر العشرين للحزب في الإتحاد السوفيياتي حضروا فيه شكل المناقشة وفتفتوا فيه القضايا الطبقية من القومية من السياسية ودايرن يعملوا فيه التنمية بحرية التجارة والرأسمالية(الوطنية المنتجة)و ودايرين يضبطوا فيه الإقتصاد ويكافحوا الفساد ونهب البنوك بدون تأميم ومصادرة ودايرين عدالة إجتماعية لكن مع السماح للرأسمالية بإنها تلعب (دورها الوطني)!!و هم مع مساواة الناس والإقاليم في الحقوق والواجبات العامة لكن مع الإحتفاظ بالنظام المركزي لتوزيع الموارد والثروة القومية)و يعني وكيل المالية هو الحيحدد(حظ) دارفور في التنمية ودايرين إنتخابات تمهد للسلام لكن الإنتخاب عايز سلام والسلام عاوز تنمية والتنمية دايرة علاقات إنتاج ديمقراطية وإشتراكية والإشتراكية عاوزة سلطة جديدة المضمون والعناصر زمان الشهيد عبد الخالق عنده موقفين متناقضين: 1- ضد الطريق البرلماني والتطور الرأسمالي 2- ضد الطريق العسكري والإشتراكية الجاية بتغيير السلطة ومع التطور حتة حتة بالطريق البرلماني والرأسمالي أما نقد فهوعديييل داير ليبرالية وتطور تدريجي يقود لظروف كويسة بعد داك يفكر في الإشتراكية طيب لو في تطور حيخلق تعيم وأكل وشراب للناس وصحة ومواصلات ومساكن وشغل ومستوى معيشة معقول الإشتراكية من أول خليك من الشيوعية لازمتها شنو؟ المشكلة إنه بيرفض سياسات الصين وبيعمل فيها زمان الصين قالت للمناشفة المسكوا الحزب السوفييتي والمؤتمر العشرين إنه كل بلد بيعرف مصلحته براه نقد قال لا الوملاء والبلدان بيعرفه مصلحتهم مع بعض في الزمن الأسه لمن تقول ليه كده يجاوبك بشوفينية ويقول ليك كل بلد بيعرف مصلحته لما الزملاء في دارفور أو الأبيض أو بورتسودان يقولوا كده يقول لا الناس مع بعض لما الصين تقول حبة سوق يكفيها شرور المواجهة مع الغمبريالية ويفكها شوية من شظف الإشتراكية العادل نقد يقول دهي ما إشتراكية وده تراجع وإنتهازية لما يحت البرنامج يشيل كلمة الثورة منو والأيديولوجية والتأميم وضبط التجارة الخارجية ويرحب بالإستثمار بدون قيود ويفك تغيير علاقات الإنتاج وضبط الإقتصاد عكس الهوا ويقول ليك دي الإشتراكية والتجديد والمؤتمر الخامس في مقالة السر عن العلاقة بين الكادر الجديد والكادر القديم المنشورة في الميدان الإنترنت بيفصل ويحدد ليك الوضع الما لائحي وما قانوني لوجود السكرتارية وكيف خمت شغل المكتب السياسي واللجنة المركزية وصعدت ليهم وغتست حجر كوادرها الأصلية وخلتها لعبة في أيد السكرتارية زمان قالوا الأسرية والشللية في الحزب هسه مع الأسرية والشللية شوففي الحزب موقع أهلنا الغرابة والجنوبيين والحلفاويين وشوف موقع الدناقلة والشايقية ة سكرتير الحزب عديل في كل المنابر يقول ليك أنا دنقلاوي الصباح يقول ليك نحن ضد العصبية!! يجتمع مع الجلابة الكبار سوارالدهب والمهدي والبشير والترابي قادين بالبلد كلها وبكره يستهبل أهلنا المساكين يقول ليك الجلابة تاني ما بيحكموا السودان هو الفضل من السودان فيه مشكلة حكم المشكلة في السودان القديم المات بعمايل زي دي واقف ميت بعصاه زي الملك النبي الوارث سليمان ونقد لاجم الحزب الشغلته يثور ويجدد رافض إنه نبقى الأرضة البتاكل زيف المسألة عشان يقعد سكرتير سياسي حاكم -------------------------------- قول ليه طيب لو السودان ممكن ينصلح بدون إشتراكية ما تستقيل؟ ---------------------------------- المؤتمر ما حيروب الموية لكن بالشي الظاهر ده الموية الشيوعية النضيفة حيوسخها النقاش حيكون قبل تفتيته في خانةجوبيم وخم وصر وبعد تفتيته حيودوه القراشات، والقرارات حتكون في خانة وصياغة القرارات في خانة والحالة الفعلية حتكون في خانة رابعة والحيمشي حيكون في خانة خامسة والحيفضل حيكون في السادسة ....حياخدوا المسألة دوبيك ولبيك وحشو وكضب عديل كده ---------------------------- سألت شهاب ليه ما مشى مجد قال لي لمن جينا نمشي قالوا لينا إنته مثقفين ونحن عاوزين عساكر حقيقين ،لما يجوهم العساكر يقول ليهم نحن عاوزين كوادر صحية وتوعية وكلام فارغ _-------------------------------دي مش ياها المؤامرة على مجد وعموم حركة التقدم الثوري في سياسة السودان التقليدية جوه الحزب --------------------- زمان قالوا اصر ما إشتغل المسألة كويس ونميري ما بينفع في موضوع مايو والإشتراكية هسه بعد جر مشوا لشافيز قالوا لاليه إنت القائد وإنت الرئيس وحق المؤتمر وكده 400ما عارفينهم الليلة مشوا كم بلد وسوا شنوا وجابوا كم وصرفوا كم ... يقول ليك فرع بريطانيا حقنا التعبان ده أحسن ممول لما تسألهم الألوف الفي السعودية والخليج يقول ليك ظروف خاصة...معانا محمد فتحي نمرة وشوية في قائمة الأغنى في العال يقول ليك بيدفع براه!! نظام خاص يعني!! ود. مصطفى خوجلي...وكتير من أرباب ملايين الدولارات والإسترليني في الحزب وحتى مئات الألوف وكلهم يقولوا ليك بيدفعوا نظام خاص بطريقتهم وما بحضروا جتماعات وما بيتكلموا علني (برضه كلامهم خاص) طيب يادوب فهمت ليه الحزب بقى زي القطاع الخاص.. تقول لي مؤتمر؟ مرحب بالمؤتمر الخامس والألف مرحب بس لكن السياسة اليمينية دي ماشة زي النار تكسر في الحزب ده حتة حتة وتاكل فيه حتكون مؤتمرات نضمي ساي لا فيها دراسة لا مواجهة لا تقويم محسوب بالعدد ولا تقويم محسوب بالوضع الحاصل في الحزب والبلد...كلام في كلامزي ديمقراطية بريطانيا في النهاية المجلس الملكي بيدبر الأمور في الحزبين وحاكم بنك إنجلترا (شركة خاصة)المامنتخب بيرفع وينزل سعر الفائدة والعملة والعرق على كيف أرباح أصحاب الأسهم الكبيرة والجيوش العسكريةوالمدنيية تجيب دهب الدول والنفط والتحويلات وتأمينات بنوك العالموأرقامونمر وشوية بوهية وعربات وترم ترم وبي بي سي ويقول ليك ديمقراطية الديمقراطي الوحيد في السودان كان جون قرنق ... Al-Mansour Jaafar