|
Re: شعبة المؤتمر الوطني بسودانيز أون لاين (Re: ibrahim alnimma)
|
سلام يا أستاذ ويا أستاذ ويا شذاذ و سلام للشاعرة الشاذة. والله غلبني أمرق بي صمة خشمي. الاستاذ الاعلامي دا تعوّزه المعارف التنظيمية وغيرها! سودانيز أون لاين ليس به شعب (جمع شعبة) فكيف يطلب من بكري يرفع ليه البوست فوق قبل ما بكري يفهم حكاية شعبة دي شنو؟! الصحيح ونحن بداهة كدا واصلين ليهو هو ان تقول شعبة سودانيز أون لاين بالمؤتمر الوطني. لو ما طلع دا خلط من الاعلامي يبقى يكون مستوى أعلى من "التمكين" وصل له الامنجية (ودي عبارة بتشمل جميع عضوية المؤتمر الوطني)! التمكين بالابهار، باقناع عضوية هذا المنبر بنفوذ ما للكيزان في المنبر. بتثبيت خبيث لفهم أنهم شركاء بكري في المنبر أو هو مقايضة حرية وجود المنبر في فضاء السودان ببريق تسميات تنظيمية يكسب من ورائها الكيزان. وعليه على بكري أن لا يتخم ومن حقه يطلب تعديل العنوان! أما حكاية ما استهل به البيان من البهتان المزري، عينة تأكيد احترامهم لحرية التعبير والنشر و و و. الأخ الاعلامي دا هو أصلا كدا في كتابته. يعني ما بالع حبوب ثقالة ولا حاجة! أها اتذكرت أنا الجابني هنا شنو! أنا لي كم يوم عايز أذم البشير لأنه اتضح انه ما متربي خالص! وبذلك أصبح لطخ وما متربي. 1- لطخ لأنه ما ممكن تصف أهل بلد انت قاعد فوق نفَسها شذاذ آفاق. يعني كدا انت زعلتهم زيادة. لا دبلوماسية ولا حكمة ولا حتى الطيبة العادية بتاعت أهلنا ديك مافي. وهنا أنا أسال: ياخي البشير دا قاعد يشاور زول في الكلام الماشي يقوله؟ لا أعتقد. إذا كان نائبة بيقول "شووت تو كيل" شفت ليكم نائب رئيس بيقول "شووت تو كيل"؟ أو يقول ليك قبل يومين، عن الازمة، انو "ممكن تقدمونا لمحاكم" يعني الواد عايز الناس تقول ليه لا يا شيخ علي ياخ محاكم شنو! (تذكرك من بعيد باستقالة عبدالناصر بعد1967) 2- وهو ما متربي لأنه كان الربوهو وروهو الحِلم عند الغضب والامساك عن التجني أو العفو عند المقدرة أو حتى كان قالوا ليهو ياخي قول أي حاجة إلاّ شذاذ آفاق دي لأنه القامو ديل هم طلبة جامعات، نوارة البلد فكيف تصفهم بما يعني أنهم الغرباء الذين لا أهل لهم! البشير لطخ وما متربي. وبكرى يشوف لينا موضوع الشعبة دي شنو!
|
|
|
|
|
|
|
العنوان |
الكاتب |
Date |
شعبة المؤتمر الوطني بسودانيز أون لاين | ibrahim alnimma | 06-26-12, 00:54 AM |
Re: شعبة المؤتمر الوطني بسودانيز أون لاين | esam gabralla | 06-26-12, 00:59 AM |
Re: شعبة المؤتمر الوطني بسودانيز أون لاين | عصام دهب | 06-26-12, 00:59 AM |
Re: شعبة المؤتمر الوطني بسودانيز أون لاين | صلاح غريبة | 06-26-12, 01:04 AM |
Re: شعبة المؤتمر الوطني بسودانيز أون لاين | ibrahim alnimma | 06-26-12, 01:06 AM |
Re: شعبة المؤتمر الوطني بسودانيز أون لاين | ibrahim alnimma | 06-26-12, 01:08 AM |
Re: شعبة المؤتمر الوطني بسودانيز أون لاين | ibrahim alnimma | 06-26-12, 01:17 AM |
Re: شعبة المؤتمر الوطني بسودانيز أون لاين | اسماء الجنيد | 06-26-12, 01:19 AM |
Re: شعبة المؤتمر الوطني بسودانيز أون لاين | ibrahim alnimma | 06-26-12, 01:27 AM |
Re: شعبة المؤتمر الوطني بسودانيز أون لاين | mustafa mudathir | 06-26-12, 04:01 AM |
Re: شعبة المؤتمر الوطني بسودانيز أون لاين | ibrahim alnimma | 06-26-12, 04:35 AM |
Re: شعبة المؤتمر الوطني بسودانيز أون لاين | Abutalib Elgorashi | 06-26-12, 05:50 AM |
Re: شعبة المؤتمر الوطني بسودانيز أون لاين | ibrahim alnimma | 06-26-12, 06:10 AM |
Re: شعبة المؤتمر الوطني بسودانيز أون لاين | mustafa mudathir | 06-26-12, 01:00 PM |
|
|
|