|
|
 Re: بوست أنصرافي الأستفادة من إعلانات الموقع (Re: عبدالعزيز حسين عبدالرحيم)
|
لكن الرسول صلى الله عليه وسلم ليه رسل الصحابة للحبشة مادام انهم انجاس !!!..
| Quote: لي هسع مخلوع لمن عرفت أنه نظارة البني عامر بتولوها الجعليين |
انت عارف ياعزو انا واحد من الناس اليرى التهميش الحقيقي العانى منه السوداني هو التهميش الثقافي وده في نظري اسوأ من التهميش التنموي وغيره .. وتاريخنا السوداني تاريخ مختزل في ممالك معينة وعرقيات وشخوص بعينها عشان كده معظمنا يجهل تاريخ غيره رغم انه جزء من تاريخ السودان العظيم فأنا بعرف مهيرة وافتخر بيها جداً وكمان بفتخر بالمك نمر وتجمعنا به اواصر نحن البجه والاحباش وكذلك افتخر بالسلطان على دينار وبعتز بتاريخ الممالك النوبية ومملكة الابواب وتقلي والعنج والفور والمساليت وممالك الزغاوة وغيرها من الحضارات والممالك لكن لم اقرأ في تاريخ السودان الممنهج عن ممالك البجا الخمس الممتدة من جنوب النوبة وحتى مصوع مابين النيل والبحر والتى تعتبر ارض اهلنا الجعليين والبطانة جزء منها ..مابقول الكلام ده كاقصاء لاحد او ادعاء عدم انتماء احد منهم لهذه الارض بالعكس انا برى ان الجعليين واهل البطانة اهل الارض وهم خليط يجمع دماء عربية اختلطت بدماء البجا وهم ورثة البجا بحكم قانون التوريث البيجاوى لابن البنت وماتنسى ان اهلنا العرب الجعليين تحديداً قد دخلوا السودان عبر بوابته الشرقية (الحبشة ) وده مثبت في كتب التاريخ وليس كما كان يُعتقد في دخولهم عبر مصر..
السودان ياعزو هو امتداد للحبشة الكبرى (اثيوبيا)(كوش) ده تاريخ معروف وحتى عندما حاولا البروفيسور عبدالله الطيب والدكتور حسن قريب الله رحمهما الله ان يثبتا أن الهجرة كانت للسودان وليس للحبشة بصورة غير مباشرة اثبتا أن السودان هو جزء من الحبشة وليس العكس ..وحتى نحن البجا نمثل جنساً من الحبشة يمتد من ارتريا وحتى السودان..
اما نظارة اهلنا البني عامر (بجا) ففعلا هم من الجعليين الشعديناب وكذلك نظارة اهلنا الأمرار(بجا) هي عند اهلنا الاتمن احفاد عثمان بن الشيخ عجيب المانجلك وهم من العبدلاب ..
هناك علاقة وثيقة ياعزو تجمع كل القبايل التى تسكن ارض البجا التاريخيه فشوف انت من جنوب مصر مابين النوبة ومصوع ومابين النيل والبحر كما قبيلة تسكن ولايمكن لاى مجموعة سكنت فيها الا تكون لهم علاقة باصحاب الارض الاصليين فيها ...
تحياتي ،،
|
|
 
|
|
|
|
|
| |
فايزودالقاضي
فيس بوك
تويتر
انستقرام
يوتيوب
بنتيريست