|
Re: قد تفهموها بالرياضيات (Re: وليد محمد المبارك)
|
نعم يا وليد هكذا ينطق المنطق البسيط: أن عودوا إلى الشعب، وتجاوزوا أهواءكم وطموحاتكم الخاصة، وحتماً سيكون النصر بإذن الله للشعب، إذا أراد الحياة، وإذا نجحت المعارضة في إقناعه بأنها بديل أفضل من الحكومة! وأظنك تتفق معي أن أول خطوة في ذلك، هي إعداد وثيقة للنضال المدني من أجل الديمقراطية، وبالتالي: نبذ الخيار العسكري! مع تحياتي!
| |
|
|
|
|
|
|
Re: قد تفهموها بالرياضيات (Re: صلاح عباس فقير)
|
الثورة يحتاجها أساسي والمسلمى وكمال سالم وأنا وانت والجميع .. والجميع أصلاء فيها لا يستقطبون أحدا او يستقطبون من أحد يا وليد .. لا وصاية لأحد على أحد .. وهذا هو طريق الثورة مفتوح أمام الشعب السودانى .. يمشي فيه أساسي بأسرع مما أمشي فيكون سابقا وأكثر أصالة و وأكبر تأثيرا منى .. فأرفع له القبعة احتراما وأحفظ له سبقه الذى سبق .. وهكذا ..
تحياتى ..
| |
|
|
|
|
|
|
Re: قد تفهموها بالرياضيات (Re: محمد حيدر المشرف)
|
محمد حيدر سلامات
Quote: الثورة يحتاجها أساسي والمسلمى وكمال سالم وأنا وانت والجميع .. والجميع أصلاء فيها لا يستقطبون أحدا او يستقطبون من أحد يا وليد .. لا وصاية لأحد على أحد ..
تحياتى .. |
كلامك سليم يا محمد لكنه واقع هذا البورد يقول غير ذلك تابع البوستات غير المسئولة التي تريد ركوب الثورة قبل ان تبدأ باب التوبة قفل وفلان امنجي كلامو اتغير وفلان وعلان وما ادراكما
Quote: وهذا هو طريق الثورة مفتوح أمام الشعب السودانى .. يمشي فيه أساسي بأسرع مما أمشي فيكون سابقا وأكثر أصالة و وأكبر تأثيرا منى .. فأرفع له القبعة احتراما وأحفظ له سبقه الذى سبق .. وهكذا ..
|
وهذا ما ننشده يا ابو حميد ويا ليته يكون
تحياتي
| |
|
|
|
|
|
|
Re: قد تفهموها بالرياضيات (Re: وليد محمد المبارك)
|
خليني اختلف معاك شوية يا شفت
من خلال مسح عام لمواقف المعارضة نجد ان المعارضة "بكافة" اصنافها من معارضة مدنية او معارضة مسلحة , كلها قابلة للشراء وولكل ثمنه الذي اشترته به الحكومة
ابتداء من قانون التوالي الذي استوعب المعارضين " نص مكنة " او نص كم اي المعارضين غير الجديين بعدها الاحزاب الكبيرة الحزب الاتحادي الذي انشق الي نصين في التزعينات " نص معارض بتاع مولانا " ونص موالي بتاع الراحل زين العبدين الهندي " حزب الامة تلت بقيادة مبارك الفاضل مساعدا للبشير وتلتين معارضات بقايدة الصادق الحزب الشيوعي السوداني مقاعد في برلمان الحكومة وكمية من الاحزاب الفكة استوعبتهم الحكومة بعدها الحركات المسلحة الحركة الشعبية شريك رئيسي للموتمر الوطني في حكم البلاد لعدة سنوات جبهة الشرق مساعدين لرئيس الجمهورية حركة تحرير دارفور او ايا كان اسمها مناوي مساعدا سيسي السلطة الدارفورية حركة العدل والمساواة قائدها اصلا كوز منشق وياتمر بامر علي الحاج والترابي مؤسسي حكومة الانقاذ الجبهة الثورية عقار والي النيل الازرق في حكومة الانقاذ الحلو والي جنوب كردفان في حكومة الانقاذ مناوي مساعدا لرئيس جمهورية الانقاذ ما تعرف الحكومة العريضة الحالية , الاتحادي الكان معارض الان رجل في الحكومة ورجل في المعارضة حزب الامة رجل في الحكومة ورجل في المعارضة وباقي الجسد في النص كمية من الاحزاب الما مفهومة في الحكومة
: : الخ
يعني المعارضة السودانية بكافة اطيافها شاركت الانقاذ شرت الانقاذ من اشترت , وقبض ثمن بيعه من باع نفسه للانقاذ يعني بصراحة مافي حاجة اسمها معارضة سودانية في مجموعة متكتلة قابلة للشراء والبيع وتبديل المواقف بقية احزاب " السايبر او النت " لا يوجد لها اثر الا في سودانيز اون لاين حتي بقية المواقع السودانية لم تسمع بها دعك من ان يعرف عنها احدا شيئا في الواقع وتقرأ مواقفها زي مواقف بقية عضوية سودانيز اون لاين يعني وليد الشفت مثلا شخصية اعتبارية زيه وزي الحزب اللبرالي ولا حزب الخدر ولا واحد من اجنحة حق وخلافها بل مرات وليد الشفت يكون مؤثرا اكثر من تلك الاحزاب ان كتب بوست نجيض وكارب ^_^
خلاصة الكلام ان الشعب لا يحتاج الي يد احد لاحداث التغير , لا حاجة به الي قيادة قابلة للشراء , الشعب هو من يصنع قادته ويقدمها ويخلق واقعه
| |
|
|
|
|
|
|
Re: قد تفهموها بالرياضيات (Re: اساسي)
|
Quote: يعني المعارضة السودانية بكافة اطيافها شاركت الانقاذ شرت الانقاذ من اشترت , وقبض ثمن بيعه من باع نفسه للانقاذ يعني بصراحة مافي حاجة اسمها معارضة سودانية في مجموعة متكتلة قابلة للشراء والبيع وتبديل المواقف بقية احزاب " السايبر او النت " لا يوجد لها اثر الا في سودانيز اون لاين حتي بقية المواقع السودانية لم تسمع بها دعك من ان يعرف عنها احدا شيئا في الواقع وتقرأ مواقفها زي مواقف بقية عضوية سودانيز اون لاين يعني وليد الشفت مثلا شخصية اعتبارية زيه وزي الحزب اللبرالي ولا حزب الخدر ولا واحد من اجنحة حق وخلافها بل مرات وليد الشفت يكون مؤثرا اكثر من تلك الاحزاب ان كتب بوست نجيض وكارب ^_^
خلاصة الكلام ان الشعب لا يحتاج الي يد احد لاحداث التغير , لا حاجة به الي قيادة قابلة للشراء , الشعب هو من يصنع قادته ويقدمها ويخلق واقعه |
والحال كذلك يا أساسي ووليد وضيوف وقراء البوست...
هل نحلم بالتفكير في نموذج لا يطرح سواء متنافسين اثنين فقط؟؟
يعني مثلاً زي بتاع الأمريكان..يا جمهوري يا ديمقراطي؟؟
حبوبتي الله يرحمها كانت تدعو في بساطة شديدة أن: "الله يولِّي من يصلح"...
آمين يا حبوبة ياخ..عليك الرحمة..
..
أما دي يا أساسي:
Quote: الشعب هو من يصنع قادته ويقدمها ويخلق واقعه |
قوية والله...قوية عديل..
إنت يا دباب قايل الشعب دا الله ولا شنو؟؟
استغفر الله العظيم غايتو..
..
| |
|
|
|
|
|
|
Re: قد تفهموها بالرياضيات (Re: Mahmoud Mustafa Mahmoud)
|
يا وليد انا بصراحة برضو بختلف معاك الحكومة اخذت فرصتها بالكامل والاحزاب المعاها كلها مؤتمر وطني او علي الاقل تطبق مشروعه والاحزاب المعارضة كلها بلا استثناء لم تتقدم خطوة واحدة لمقاومة الحالة السالبة منذ نيفاشا مرورا بالانفصال وحتي هذا اليوم ،، يا وليد الشعب موجود خارج هذه الاطر وموجود في كل مكان وستري عندما يقول الشعب كلمته لن تعود تلك القيادات الحاكمة والمعارضة وستظهر قيادات حقيقية تعبر عن هذا الشعب
| |
|
|
|
|
|
|
Re: قد تفهموها بالرياضيات (Re: العوض المسلمي)
|
أشيد بكلام الأخ محمد حيدر المشرف، وكلام أساسي فيه إضافة يمكن فهمها على أنه: وبالتالي، فلا مانع من صيغة ديمقراطية ينضوي تحت مظلتها الجميع بما فيهم الجبهجية! ولكن ليس معنى ذلك التجاوز عن الجرائم والانتهاكات التي ارتُكبت في زمن الإنقاذ! يعني باختصار: العدالة الانتقالية!
| |
|
|
|
|
|
|
Re: قد تفهموها بالرياضيات (Re: العوض المسلمي)
|
مرحب المسلمي
Quote: يا وليد الشعب موجود خارج هذه الاطر وموجود في كل مكان وستري عندما يقول الشعب كلمته لن تعود تلك القيادات الحاكمة والمعارضة وستظهر قيادات حقيقية تعبر عن هذا الشعب |
متى يالمسلمي ... متى
هو في ظورف اكتر من الظروف التي فيها الان مناسبة لثورة ؟!
| |
|
|
|
|
|
|
Re: قد تفهموها بالرياضيات (Re: اساسي)
|
غايتو يا الشفت .. الرياضيات المستعمله دي بتقول كلام تاني خالص
Quote: الناتج دايما من حاصل قسمة الحكومة / المعارضة > الشعب يكون بالسالب
بسبب ان نتيجة الحكومة / المعارضة دائما كانت بالسالب اي لصالح الحكومة |
الطريقة الوحيدة لجعل حاصل القسمة سالب هو إن يكون أحد الطرفين سالب و التاني موجب لو الإتنين سالب الحاصل حيكون موجب !!
ده مقروء مع إن النتيجة لصالح الحكومة إذن الحكومة موجبة و المعارضة سالبه و هي السبب الأساسي في سالبية الشعب لأن الحكومة و المعارضة أكبر من الشعب !!
Quote: الان يجب تغير المعادلة لتصبح
الشعب / اللمعارضة > الحكومة
ولان الشعب كبير واكبر من المعارضة حاصل الشعب / المعارضة سيكون ايجابي
ولان الشعب اكبر من الحكومة كذلك سيكون حاصل قسمته على المعارضة > الحكومة وايجابيا
|
بما إن المعارضة سالبة و الشعب سالب من المعادلة الفاتت و بما إنهم في الجديدة أكبر من الحكومة إذن الحكومة ممكن تكون سالبة أو موجبة
أما لو كان الشعب و المعارضة أصغر من الحكومة فالحكومة سالبة بالضرورة .. و ده هو الحاصل حاليا ..
شفت الرياضيات دي حلوة كيف
| |
|
|
|
|
|
|
Re: قد تفهموها بالرياضيات (Re: محمد قرشي عباس)
|
Quote: تصحيح يا شفت: الشعب - الحكومة = المعارضة بما ان: الحكومة = الشعب اذن: المعارضة = الشعب - الشعب يعني المعارضة = Ø وهو المطلوب اثباته |
الشــفيع بما أن الفرض دا
Quote: بما ان: الحكومة = الشعب |
لم يرد في المسـالة إذن هـو فرض خيالي و نتج عن ذلك أن حلك خطأ............. كرر المحاولة وضع الفروض الواقعيه في بالك
الخطأ الثاني
Quote: اذن: المعارضة = الشعب - الشعب يعني المعارضة = Ø |
الشـعب - الشــعب = صفـر و الصفر قيمة وليس مجموعة خالية
الشــفيع انت قريت في مدرســة المؤتمر الوطني ولا شــنو ؟ ( وجه مازح )
| |
|
|
|
|
|
|
Re: قد تفهموها بالرياضيات (Re: محمد قرشي عباس)
|
Quote: تصحيح يا شفت: الشعب - الحكومة = المعارضة بما ان: الحكومة = الشعب اذن: المعارضة = الشعب - الشعب يعني المعارضة = Ø وهو المطلوب اثباته
|
تصحيح يا الشفيع الرمز Ø خاص بالمجموعات SETS و ما بيتماشى مع إستعمال علامة الطرح في الإثبات النتيجة بتتسق لو قلت المعارضة = صفر و دي نتيجة خاطئة في الواقع لوجود عدد أكبر من الصفر كمعارضة
أما لو إلتزمت بحساب المجموعات (إتحاد/تقاطع/...إلخ) فحتكون النتيجة إن الحكومة منفصلة عن الشعب تماما و هو المطلوب إثباته* و يا لجمال الرياضيات !!
--------------------------------------------------------------------------------------- * ما أظن تغيب عليك الحسبة البتوصل للنتيجة دي إستعمل رسومات حساب المجموعات للتوضيح بس خلي بالك المعادلة الشعب = الحكومة ما ممكن إستعمالها هنا و إلا حنخرج بنتيجة الشعب = الحكومة = المعارضة و ده الحاصل حاليا برضو
| |
|
|
|
|
|
|
Re: قد تفهموها بالرياضيات (Re: محمد قرشي عباس)
|
الاحيمر وقرشينا مافي مانع نقلبها حساب، بعد اذنك يا شفت
(اظن) عملية الطرح في المجموعات (ممكنة) لو فرضنا أ جزء من ب اذن أ - ب = Ø
ولو فرضنا كمان ب جزء من أ اذن ب = أ
الفروض منطقية حيث الحكومة جزء لا يتجزأ من الشعب
| |
|
|
|
|
|
|
Re: قد تفهموها بالرياضيات (Re: محمد قرشي عباس)
|
محمد قرشي يا دكتور
Quote: غايتو يا الشفت .. الرياضيات المستعمله دي بتقول كلام تاني خالص |
اها غيرناها ليك
لناتج دايما من حاصل طرح الحكومة - المعارضة > الشعب يكون بالسالب
بسبب ان نتيجة الحكومة - المعارضة دائما كانت بالسالب اي لصالح الحكومة
_________ في بوست عن الثوار الكذبة احيك اليه كنموذج
| |
|
|
|
|
|
|
Re: قد تفهموها بالرياضيات (Re: اساسي)
|
اسس يا صديقي كيفيك
Quote: خلاصة الكلام ان الشعب لا يحتاج الي يد احد لاحداث التغير , لا حاجة به الي قيادة قابلة للشراء , الشعب هو من يصنع قادته ويقدمها ويخلق واقعه |
صدقني يا اساسي يحتاج نعم هو ليس في حاجة الى قيادات قابلة للشراء لكنه بحاجة الى قادة ولا تنسي يا صديقي في الاول والاخر المعارضة والحكومة برضو شعب اصبحوا قادة وفشلوا
المشكلة الان المعارضة في هذا المنبر على الاقل تأكل من سنامها وسنام المعارضة لو تعلم هو الشعب
| |
|
|
|
|
|
|
Re: قد تفهموها بالرياضيات (Re: وليد محمد المبارك)
|
يا وليد
وما دخل 5 مليون دارفور في قرى النازحين + 2 مليون في جبال النوبة ومثلهم بالنيل الازرق والشرق؟؟
ما هؤلاء البشر وحسابا ت الخرطوم وفلان وعلان
اصحوا يا بشر، الثورة قائمة اساسا في كل اركان السودان، السودان ليس الخرطوم
ثم ثانيا، مافي حاجة اسمها حكومة اصلا، في حاجة اسمها المؤتمر الوطني عدد اعضائها 5 مليون
جيب الخمسة مليون كوز وختم قصاد الـ 5 مليون دارفوري نازح
بس جرد الحكومة من اسلحتها العسكرية وطائرات الانتنوف ومجرميها من الجنجويد
وختهم في حلبة واحدة
دا الحساب البنعرفوا
لكن جيب ليك 100 الف كوز بس (قطعا كلهم مجرمين بالسليقة) واديهم سلاح الجيش والشرطة والطيران والله يخضعوا ليك الـ 30 مليون سوداني ومعاهم ارتريا وتشاد ودا الحساب البعرفو الكيزان
يبقى حساب الرياضيات بتاعك دا تشيلوا تديهو للمؤتمر الوطني يتعبب بيهو في السخانة دي
| |
|
|
|
|
|
|
Re: قد تفهموها بالرياضيات (Re: وليد محمد المبارك)
|
Quote: يا قيقا
الشفيع كلامو صاح ياخ
قال
الشعب - الحكومة = المعارضة
|
انتو الرياضيات ديغيروها ول شنو!؟
كيف نقرأ:
الشعب - الحكومة = المعارضة ..... (1)
مع:
الحكومة = الشعب ... (2)
ودي الاعترضت عليها انا في معادلات شفيع يا راااقل القاطعا من سفنجاتو ديك!!
بما ان: الحكومة = الشعب
يعني:
الحكومة - الشعب = صفر
اذن: المعارضة = صفر
ودا كلام رغبوي وحديث اماني .. وزعم صاعق وزاعق ساااااي!! المعارضة= اي زول ما حكومة .. والناس البمشوا في الاسواق و ياكلون الطعام ديل ابداً ما صفر كلو كلو
شفت كيف؟
----
عرفنا التأويل المفارق للنصوص الدينية في التمكين و خلافه .. كمان جانا قلبنة قوانين الرياضيات النااااشفة دي!؟ اصلو شنو هو!؟ قايلنها دي برضو "دق ابجلفة" .. وبصوتوا عليها في برلمان السجم والرماد دا!؟
| |
|
|
|
|
|
|
Re: قد تفهموها بالرياضيات (Re: وليد محمد المبارك)
|
كيفك يا وليد وللأسف نقاشنا في البوستات الفاتت ما إكتمل علي أمل أن نكمله في المستقبل
لما: القعاد في البيت = الطلوع للشارع = الموت الناس حا تطلع
والرياضيات مجردة لكن حالة الناس والإنقاذ أشبه بالفيزياء وبالذات حلة البرستو
زيادة درجة الحرارة + زيادة الضغط -> الإنفجار وقيل التراكم الكمي يؤدي للتغير الكيفي
سلام للمتداخلين
| |
|
|
|
|
|
|
Re: قد تفهموها بالرياضيات (Re: aydaroos)
|
عارف يا وليد .. بعد السلام والشوق القصة عبروا عنها حبوباتنا زمان الما كانن بعرفن رياضيات (دعاة اسقاط النظام ) ديل عاملين ذى ما بقول مثل حبوباتنا زمان الدايرين يساعدوا على حفر قبر ابوهو دسا المحافير !! او كما يقول اهلى المصريين معارضين عندهم خيار وفقوس .. ودا مرفوض لسببين .. اولا وبالبداهة كدا بينقص من عدد التكاتف والتعاضد المحتاجين ليه جدا لازاحة تنظيم استولى على اجهزة دوله ,, ويشن حربه على البقية بها ... اتنين فيه اقصاء دون وجه حق لكل المجموعات العندها مصلحة فى التخلص من النظام الجاثم على الصدور ! لازم يفهموا انو مشكلتنا تكمن فى انو يجى زول .. يمسك قلم الحكم فيكتب البقية اشقياء ! ونبقى ساقية جحا تدور وتدور وتكب فى البحر !
ـــــــــــــــــــــــــــــــــــــــــ صعب يا وليد تفهم ناس فاهمييييين ولكنهم يتغابون عن الفهم والطريق الى الديمقراطيه صعب ح ندفع كتير من اموالنا وارواحنا عشان نتعلم ... واللهم لا نسالك رد القضاء ولكن نسالك اللطف فيه ,,,,
| |
|
|
|
|
|
|
Re: قد تفهموها بالرياضيات (Re: محمد عبد الماجد الصايم)
|
وليد المبارك : تابع البوستات غير المسئولة التي تريد ركوب الثورة قبل ان تبدأ باب التوبة قفل وفلان امنجي كلامو اتغير وفلان وعلان وما ادراكما --------------------------------------------------------
ليس فقط محاولة ركوب إستباقية ولكنها في الأساس ضعف مريع وفاضح في الوعي السياسي الذي لايتجاوز الهتافات من ناحية والعلاقات العامة من ناحية أخرى هي حالة تلازم الذين يتعلمون السياسة في الكبر
من مصلحة انجاز الثورة الإستفادة من حتى من عناصر اساسية داخل النظام طالما قبلت وقررت أن تنحاز للثورة ، حتى ولو من باب الفرار من السفينة الغارقة شرط ان يقدموا خدمات تساعد في نجاح الثورة ، مثل : كشف خطط النظام الإمتناع عن المشاركة في التصفيات المحتملة تقديم المعلومات عن الخلايا النايمة للنظام وخلافه
أما العناصر غير الأساسية من نوع المؤيدين أو المطبلين ومن شابههم يكفي فقط أن يعلنوا عن انتقالهم بوضوح وأقيم انتقال أساسي بأنه إنتقال واضح وايجابي رغم محاولته في مداخلته أعلاه أن يقول : كل الناس باعوا و إنكسروا وخاصة ما يتعلق بالحزب الشيوعي الذي لا باع ولا اشترى فقط دخل البرلمان بإعتباره تنفيذ لنيفاشا وبغرض التحول الديمقراطي وهذا موقف يمكن ان يوصف بالخاطيء و أي وصف غير ذلك من شاكلة قبضوا الثمن وباعوا القضية ، بيكون ظالم
منتظر تمبس
| |
|
|
|
|
|
|
Re: قد تفهموها بالرياضيات (Re: أبو ساندرا)
|
Quote: والناس البمشوا في الاسواق و ياكلون الطعام ديل ابداً ما صفر كلو كلو |
ومنو القال (صفر) يا قيقا؟ نحنا قنا Ø
------------ ياخي بعد الوكت ده كله، قايلك فهمتها
| |
|
|
|
|
|
|
Re: قد تفهموها بالرياضيات (Re: أبو ساندرا)
|
مرحب ابو ساندرا
اخبارك
تمبس زول مليان وحقاني وما هو موالي زيه زي اساسي
كل الحاصل انهم كانو يطمحون في معارضة ترتقي الى مستوى الطموح
ويبدو ان هذا مطلب عشير
| |
|
|
|
|
|
|
Re: قد تفهموها بالرياضيات (Re: دينا خالد)
|
دندون والله ايووووووووووووووووووووووووووي عديل كده
الليلة من وين يا عينيا
المهم
يا دينا الكلام ده قلناه كتير المشكلة بالنسبة للسودان في الشخصية السودانية السودانيين تنافسين غير تشاركيين
وكل زول عامل فيها تنقا
Quote: صعب يا وليد تفهم ناس فاهمييييين ولكنهم يتغابون عن الفهم والطريق الى الديمقراطيه صعب ح ندفع كتير من اموالنا وارواحنا عشان نتعلم ... |
الله في
____________
اخبارك
| |
|
|
|
|
|
|
Re: قد تفهموها بالرياضيات (Re: وليد محمد المبارك)
|
من ناحية رياضية بحته. بما إنو الحكومة = صفر و المعارضة = صفر
إذن قسمة الحكومة على المعارضة= 0/0= وهي قيمة غير معروفة رياضيا. عشان كده حال البلد واقف.
و بما إنو الشعب دخل في اللعبة و المعادلة. و بما إنو الشعب دائما كبير إذن الشعب = ما لانهاية
و قسمة مالا نهاية على اي شئ تساوي ما لانهاية, عشان كده الشعب حينتصر.
و قسمة اي شئ على مالا نهاية تساوي صفـــــــــــــــرا. وهذا يعني اي محاولة ضدإرادة الشعب سوف تخسر.
| |
|
|
|
|
|
|
Re: قد تفهموها بالرياضيات (Re: عمار يس النور)
|
Quote: ومنو القال (صفر) يا قيقا؟ نحنا قنا Ø |
والله يالشــفيع حقــو يرجعوك الحضانة وتبدأ من جديد
إنت طلعت المعارضة عـدم و فتا نافع لي غادي لأن ( فاي ) مجموعة غير معرفة و اخير منها صفر الله والرسـول دا لأنو معرف
يا وليد ياخي مالك جايط ليناراسـتنا بكل فروع الرياضيات ( مستوية على تحليلية على وصفية على جبر ............الخ ) و كمان ود الصايم ما قصــر جاب فيها حسـاب مثلثات
يا وليـد حالة البلد ما معادلة و لكنها دالة فيها متغيرين االمعارضة ( متغير تابع ) , والشــعب ( متغير مســتقل ) أما الحكومة فهي ثابت
يلا لو جبنا نهاية الدالة دي الحكومة ( الثابت ) حتكون نهايتها صفــر عاجلا أم آجـلا
| |
|
|
|
|
|
|
Re: قد تفهموها بالرياضيات (Re: عبدالله احيمر)
|
يا وليد جرب اشرحه بالعربى (جار و مجرور و مفعول به و مر..... بالضمة) الرياضيات دى صعبة و بتقبل نظريات كتيرة (و البورد مليان منظراتية يخمدو الثورة قبل ما تقوم) ناس قريعتى راحت بعرفو 1+1= السودان (1 للمعارضة و 1 للحاكومة) السودان = الشعب اى عملية بتاعت طرح و لا جمع ولا ضرب و لا قسمه = السودان (القدح لكبير).
Quote: ياسر علوب
وين الحي بيك ياخ
تحياتي يا حبه |
فى قطر و قطر فى خطر (مليانه كيزان و مليانه معارضه)
| |
|
|
|
|
|
|
Re: قد تفهموها بالرياضيات (Re: Yasir Aloob)
|
عزيزي الشفيع
إنت الظاهر كورتك فكت مع إرهاصات الثورة دي و لا كمان يكون صعب الدفاع عن الحكومة بقراراتها الأخيرة !!
Quote: الشعب - الحكومة = المعارضة بما ان: الحكومة = الشعب اذن: المعارضة = الشعب - الشعب يعني المعارضة = Ø
|
Quote: لو فرضنا أ جزء من ب اذن أ - ب = Ø
ولو فرضنا كمان ب جزء من أ اذن ب = أ
الفروض منطقية حيث الحكومة جزء لا يتجزأ من الشعب |
طرح مجموعة جزئية من مجموعة كلية تشملها عمرو ما حيدينا مجموعة خالية Ø بل حيدينا المكمل بتاعها .. يعني في فرضك الأول النتيجة حتكون أ ∙ و في فرضك التاني النتيجة حتكون ب∙
اللهم إلا في حالة واحدة و هي إن أ و ب يكونوا نفس المجموعة ذاتها بكل عناصرها (ممكن بنظرية المجموعات) و حينها حتتحقق النتيجة القلتها ليك سابقا ..
Quote: بس خلي بالك المعادلة الشعب = الحكومة ما ممكن إستعمالها هنا و إلا حنخرج بنتيجة الشعب = الحكومة = المعارضة
|
طبعا ده كله لو إتجاهلنا النتيجة الواضحة الإستنتجها ليك الشفت الشعب كلو معارضة
| |
|
|
|
|
|
|
Re: قد تفهموها بالرياضيات (Re: محمد قرشي عباس)
|
Quote: ياخي بعد الوكت ده كله، قايلك فهمتها
|
هو انت قلت شنو عويص وما بتفهم!؟
-------
كلامك رغبوي ومليان مغالطات منطقية ... وما بتبلع داتو! ؤ وليد ما قصر وصفو ليك ب( ربش)! وقد كفى
| |
|
|
|
|
|
|
Re: قد تفهموها بالرياضيات (Re: Yasir Aloob)
|
يا علوب
قلت لي في قطر
يعني انتو في قطر ونحن في خطر
نعم ناس قريعني راحت بعرفوا انو حاصل اي حاجة بساوي السودان السودان هو المجموعة الكبيرة والباقين مجموعات جزئية من المجموعة الكبيرة
قلت لي بالعربي مالك عاوز تهيج فوقنا بشاشا
| |
|
|
|
|
|
|
Re: قد تفهموها بالرياضيات (Re: وليد محمد المبارك)
|
قرشينا بعد انتهاء الجولة دي، ح نعرف الكورته فكت منو فينا
Quote: طرح مجموعة جزئية من مجموعة كلية تشملها عمرو ما حيدينا مجموعة خالية Ø بل حيدينا المكمل بتاعها .. |
ده (خطأ) بامتياز انت عكست الحكاية يا قرشينا طرح الكلية من الجزئية هو البيدينا المكملة وليس العكس وما ذكرته انا صحيح 100%، طرح الجزئية من الكلية بيدينا Ø فامشي ذاكر وتعال، انا قاعد يذاكر لي (مصعب)، وقال ليك شوف خواص العمليات على المجموعات، وهي 6، ص61 اولى ثانوي
قيقا شكلك كت بدك حصص الست سيوري
Quote: و قسمة مالا نهاية على اي شئ تساوي ما لانهاية, عشان كده الشعب حينتصر. و قسمة اي شئ على مالا نهاية تساوي صفـــــــــــــــرا |
عمار، ما ح نخليك تتهنى بي الـ10/10 دي ما لا نهاية تقسيم ما لا نهاية لا تساوي (قطعاً) ما لا نهاية ولا صفر
Quote: الحكومة ( الثابت ) حتكون نهايتها صفــر عاجلا أم آجـلا |
نهاية الثابت ما ممكن تكون صفر يا الاحيمر
الحكومة (ثابتة) على المبدأ ومرتكزة على (الاساسيات) تحياتي
| |
|
|
|
|
|
|
Re: قد تفهموها بالرياضيات (Re: وليد محمد المبارك)
|
وليد مبارك
التحية لك و لضيوفك الكرام.
الشفيع تحياتي
Quote: عمار، ما ح نخليك تتهنى بي الـ10/10 دي. (ما لا نهاية تقسيم ما لا نهاية) لا تساوى قطعاً ما لا نهاية ولا صفر |
الشفيع كلامك صاح إنو تقسيم مالانهاية على مالانهاية لا تساوي صفر او ما لانهاية بل إنها قيمة غير معروفة رياضيا. بس أنا ماقلت إنها بتساوي صفر أو ما لا نهاية و لا يمكنني ابدا ان أقع في هذا الخطأ الرياضي. أنا بدأت بمعطيات وهي ان الشعب هو ما لا نهاية و ان الحكومة و المعارضة قيم تؤول إلى صفر. لذلك عندما ذكرت أن قسمة ما لا نهاية على اي شئ كنت أعني ما قمت بتقديمه من معطيات.
| |
|
|
|
|
|
|
Re: قد تفهموها بالرياضيات (Re: عمار يس النور)
|
النفرين ديل اتعينو في الوزارة سنة 2002 يعني ليهم عشرة سنوات
شخصيا معين قدامهم بخمسة سنوات كاملات ومازلت حتى الان في الدرجة السابعة
شوفوا الفرق بين 3 و7 كم
وطيييييييييييييييييييييييييييييب
وليد في بوست الفاصوليا!
------------------------------- سلام يا وليد كلامك الفوق ده ياهو الفرق بين الحساب والكوار كده الحساب وقع ليك ؟!!
| |
|
|
|
|
|
|
Re: قد تفهموها بالرياضيات (Re: خالد العبيد)
|
مرحب خالد العبيد
انا الحساب واقع لي من بدري ولو رفعنا بقيت التفاصيل والمعاناة التي نلقاها لنصبت مناضل اول في هذا المنبر
اها موضع سخناه لدرجة انو الان في اكثر من 100 توقيع من موظفين وعمال مرفوعة للناقبة لترفعها للامين العام
سنعطيهم شهرا حسب القانون الذي اجازوه ثم سنرفع الامر للوزير نعطيه شهر
بعد داك بنمشي المحكمة والاعلام
خليهم يكاوروا ونحن بنحاسب بدون كوار
| |
|
|
|
|
|
|
Re: قد تفهموها بالرياضيات (Re: الشفيع وراق عبد الرحمن)
|
الشفيع
قيقا أصلو ما خاتي عليك
Quote: طرح الكلية من الجزئية هو البيدينا المكملة وليس العكس وما ذكرته انا صحيح 100%، طرح الجزئية من الكلية بيدينا Ø
|
كدي النشوف هو حساب/منطق و لا كوار !! دي فرضيتك الأولى :
Quote: الشعب - الحكومة = المعارضة
|
و ده كلامك اللاحق ..
Quote: لو فرضنا أ جزء من ب اذن أ - ب = Ø
|
مقروء مع :
Quote: الفروض منطقية حيث الحكومة جزء لا يتجزأ من الشعب
|
إذن : أ = الحكومة ب = الشعب لأن الحكومة جزء من الشعب زي ما قلت
و لما نعوض عن "أ" و "ب" في المعادلة بتاعتك حتبقى : الحكومة - الشعب = المعارضة و ده بيتعارض تماما مع معادلتك الأولى : الشعب - الحكومة = المعارضة . . . . نمشي خطوة لقدام مع كلامك ..
Quote: ولو فرضنا كمان ب جزء من أ اذن ب = أ
|
كده حنرجع للمعادلة الصاح البديت بيها كلامك الشعب - الحكومة = المعارضة و ده غير إنه طرح لمجموعة كلية من جزئية ما بدينا Ø الأهم إنه بينبه لنقطة لامنطقية أخرى !!
Quote: بما ان: الحكومة = الشعب
|
فما ممكن مرة فرض (بما أن) و مرة نتيجة (إذن) !!! . . . و هذا هو المطلوب إثباته اللامنطقية الباقي إسكافيات ساي* !!
_________________________________________________ * رأي آينشتين في تذويق الحقيقة !!
| |
|
|
|
|
|
|
Re: قد تفهموها بالرياضيات (Re: وليد محمد المبارك)
|
Quote:
Quote: لو فرضنا أ جزء من ب اذن أ - ب = Ø
|
طرح مجموعة جزئية من مجموعة كلية تشملها عمرو ما حيدينا مجموعة خالية Ø بل حيدينا المكمل بتاعها .. |
قرشينا اعترف بي انو كلامك دهـ (خطأ)،،،،،بعدين نواصل مصعب وانا
| |
|
|
|
|
|
|
Re: قد تفهموها بالرياضيات (Re: الشفيع وراق عبد الرحمن)
|
Quote: طرح مجموعة جزئية من مجموعة كلية تشملها عمرو ما حيدينا مجموعة خالية Ø بل حيدينا المكمل بتاعها .. |
يا الشفيع و مصعب ما قلت ليكم الباقي إسكافيات ساي
المقصود بطرح الجزئية من الكلية هو المعادلة الأولى : الشعب - الحكومة = المعارضة
و إنت عارف إن الإسكافيات (اللغة) ممكن تكون غامضة طرح 3 من خمسة .. هل هي : 5 - 3 = 2 أو 3 - 5 = -2 و عموما الغلط في الإستخدام اللغوي* حبابه
أها يلا جيب الغلط التاني علشان نخلص من الزوغانات دي و نجي لللامنطقية بتاعتك الطاقة دي !! You are so predictable
________________________________________________________ * لسه طالبك رأي في كلامي عن اللغة و أخطائها و الجهاز العصبي .. متذكره ؟؟
| |
|
|
|
|
|
|
Re: قد تفهموها بالرياضيات (Re: محمد قرشي عباس)
|
قرشينا مصعب مشى الكورة، لامن يرجع بنفلفلها ليك، شخصيا بقبل بي اعترافك النص نص ده موضوع اللغة لسه متذكره، وعجبتني افكارك ولو فتحت بيها بوست بنجيك بس ما اظن نقدر نضيف ليك كتير وبتفق معاك القصد من اللغة هو (الايصال) وبس
Quote: جيب خطاب الرئيس (الاصلاحي) وتعال نوريك الفهم-الاقتصادي- الزائد .. ؤ بيان بالعمل |
الخطاب "عقلاني" وشفاف 100% يا قيقا افتح بوست وبنجيك
| |
|
|
|
|
|
|
Re: قد تفهموها بالرياضيات (Re: الشفيع وراق عبد الرحمن)
|
Quote:
الخطاب "عقلاني" وشفاف 100% يا قيقا افتح بوست وبنجيك
|
شفيع يا راااااقل!!! مين يشهد للعروسة؟
----- على سفر انا وبكتب من ايفون ياريت لو لقيت لي فرقة وبالمرة نشوف لو (المنطق) و (العقل) ديل غيروهم!؟ يا شفيع الليلة جالون البنزين بي13.50 ج ... في الخرطوم ؤ في كوستي ب 15 عديييل كدا؟ كم ح يصمد الناس؟ ما عندك لينا معادلة رياضية!؟
| |
|
|
|
|
|
|
Re: قد تفهموها بالرياضيات (Re: قيقراوي)
|
Quote: ما عندك لينا معادلة رياضية!؟ |
بالحيل يا حبيب، بس زح لينا قرشينا ده بعيد شوية الزيادة (حقيقة) "تخفيض" جالون البنزين كان بـ8.5 جنيه وزاد 5 جنيه بقى 13.5 جنيه بنسبة 59% نحسبها ليك بالريال السعودي الريال زاد من 0.5 جنيه الى 1.5 جنيه بنسبة 200%* السعر "العادل" لجالون البنزين = 25.5 جنيه اذن السعر الحالي هو نصف السعر "العادل"
----------- سعر الريال ما يزال سعر "عادل" حيث الدولار يساوي 5.625 وهو يقل عن الـ12 بكتيير
| |
|
|
|
|
|
|
Re: قد تفهموها بالرياضيات (Re: الشفيع وراق عبد الرحمن)
|
عييييييييييييييك!!!!
ؤكل الشعب السوداني دا مغترب في السعودية هو!؟
------ ياخ في ناس في السودان الشقيق دا قايلين السعودية دي جمب المسيد! اها الموظف وبتاع الركشة والامجاد والناس الرزقها -بالجنيه- ؤمرتبط مباشرة بالبنزين دا ياكلوا نيم يعني!؟ والسكر ابو 300 دا كيف!؟ يا شفيع ياخي قول كلام منطقي ياخ هو السودان دا ما فيهو غيري وغيرك يعني .. بقينا الشعب الفضل انا وانت بس؟ الجاب الريال هنا شنو!؟
| |
|
|
|
|
|
|
Re: قد تفهموها بالرياضيات (Re: ناصر المحسى)
|
مرحب حبيبنا الشفيع
قلت
Quote: السعر "العادل" لجالون البنزين = 25.5 جنيه |
عادل لي منو ؟
وبعدين وكت بقت فيها عدالة زول بروفشنال بتاع كمبيوتر مصنف خبير عند البونسكو ومدير قسم في وزارة كبيرة عندكم في السعودية بصرف كم ؟
| |
|
|
|
|
|
|
|