غازي صلاح الدين في أوسلو: الشعب السوداني كسول ويحب "النسنسة"

Quote: شُفنا اى شى وما شُفنا شى,مِعزاتنا كدًن للحصى,شُفًعنا كم باتوا القَوا,وجع البطون,درن العيون,الهلوسة,موية الغنم والدود وموية الناس سوا,الادبخانات الخلا,النار تكيد فى الكان سبب,ما نلقى عافية ولا دوا,ما نلقى غير النسنسة وكاويك كلام شالو الهوا,حال ماها حال,غلٌوا البضاعة العندو سلعة عرف لها,غلوا القمح,غلوا اللحم,غلوا الخدار,غلوا الملح,دسوا العدس والصلصة دسوا الاسبرين,دسوا المعايش كلها,حاكومة وين؟واللجنة وين؟فى عديلة راكبة محِلها؟ اللجنة حليتها,المصيبة الجامدة شِن بحلها؟حال ماها حال ,صُرمتنا تبقى علي العدو,وقعتنا تبقى علي الجبال,قدر الله يا بت الحلال:غلًا البضائع قِلًها,لا يا العشى: قدر الرجال اللا بتخاف الله وتتوب لا بتختشى,وانا اللجنة غرًقت البلد أرجع واجيك بي يات وشى,وغلًا البضاعة الفى ايدو مفتاح البضاعة الارزقى المايص عَرَقنا ومُنحشى,وما ضرً غير ابان دقون فيها الضلالة معشعشى,وفِقَراً تغش فى الله...وتخُش بيتو وتسرقو ورا العشى,كُر من زمم ناس هان قدُر,تجلب بلادها ووترتشى,وكُر من عوارضك يابلدنا الناس تشوف ومدعمشى,تسمع سماع ومطنشى,حاكمانا في شنو وشان شنو,حاكومة ما خابرالنا شىء.