الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: الامين موسى البشاري)
|
يتواجد بيننا في هذه الايام نفر كريم واخوة اعزاء من البورداب في رياض الخير وكعادة بورداب الرياض كانوا في تمام الموعد حضوراً انيقاً كما هو العهد بهم دوماً.. لقد تنادوا في زمن وجيز نظر لضيق وقت بعض الاخوة البورداب الضيوف للاحتفاء بهم والترحيب بهم في الرياض فكانت ليلة محضورة تجسدت فيها معاني الاخوة والصداقة والزمالة كان اللقاء بروعة هؤلاء
- معتز القريش - أمير طمبل - معتصم الطاهر - عثمان محي الدين - محمد البشرى (بالانجليزي)
وبرغم روعة الليلة ودفء المشاعر وصدق والاحاسيس فليعذرنا البورداب إن جانبنا التقصير في ايفائهم حقهم كما ينبغي سعدنا بهم .. وبوجودهم بيننا
| |
|
|
|
|
|
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: الامين موسى البشاري)
|
كانت ليلة بهيجة ضمت البورداب وأسرهم أمتدت حتى الساعات الأولـى من الصباح وفي غمرة نشوة سعادتنا بلقاء الاحباب لم نحس بالوقت وهو يمضي حتى داهمنا اذان الصبح فتفرقنا كما اجتمعنا على الخير والمحبة زادنا من الليلة ذكريات ستظل محفورة في جدران ذاكرتنا .. .. عدسات الكاميرات لم تتوقف عن الوميض طيلة زمن اللقاء الصور ستحكي عن روعة اللقاء الصور صحبة الفاضل معتز زيزي وآخرون والفيديوهات متناثرة بعضها بحوزتي اذن لننتظر عودة معتز بالصور وعودتي بالفيديوهات نهار هذا اليوم الجمعة
| |
|
|
|
|
|
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: ABUHUSSEIN)
|
Quote: نعم حكمة بـس بستلغلها للفتنة ... متفقة معاي و ل لأ..؟؟؟؟ |
ABUHUSSEIN طبعا ما متفقة معاك.. حكمة مطوعة عشان العشة تبقى مليانة خضرة و زهور وورود ...
--- وحمدلله على سلامتك الأخ طارق طبعا استمتعت بالبوست التاني واتفرجت على الفيديو والصور واتكيفت من قدلة ود البوش وعمته الخطيرة .. والعرضات الما خمج .. وتحياتي لنوارات بيوتكم والله شكلهم ما مقصرين معاكم أبدا.. ربنا يخليهم ليكم
| |
|
|
|
|
|
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: ابو جهينة)
|
الجمال كان موصولاً بجمال البديع الخلاق وذكره مع بدايات فلق الصباح وفرحنا مع الخليل فى فرحه و علا صوت الحق منادياً للصلاة بعد حمد وشكر بلقاء أحباب كرام تشرفنا بلقائهم.
الليلة كانت رائعة ملئية بالجمال والدفْ حد الدهشة.
لم يخزلونا الضيوف يظرفهم وجمال إنسجامهم بيننا فكانوا بحق نجوماً.
رغم ضيق الزمن إلا أن الله وفقنا بأنجاز ليلة جميلة والشكر لكل من دعم وساهم فى إخراجها بهذا الجمال.وشكراً للجنة المنظمة
شكراُ للريس أبوجهينة وسام ألأنجاز...تقديرى وإحترامى للجميع.
| |
|
|
|
|
|
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: Khalid Saeed)
|
أولاً : 1000 مراحب لي حبيبنا ود القريشي .. الزول الجميل .. 1000 مراحب لي حبيبنا أمير الزول النيل
ثانياً : والله لاكين يابورداب الرياض .. بتاعين هجيج جـــــد .. أنشاء الله كل أول شهر يجينه ضيف .. هههههه
ثالثا : كل من خانته ظروفه .. وفاته لقاء الأحبه .. نقول ليهو أتمنيناك معانا والله خصوصاً ريسنا أبوجهينة ويوسف السماني ود. محمد الحسن .. فقندامكم جد ..
رابعاً : طارق نقد .. والله أخو العريس بس .. قشره في السلك ياعمممممك .. هههه
خامساً : ود الباوقه ( الشهيد الحي ) يظهر كمل مروته في عرضات الريس .. ولا كمان بقت عرضتنه مانافعه معاهو بقه عرضاته رئاسية .. الحفلة كلها نحنس فيهو كان ياخد ليهو عرضه عرضتين .. وصاحبنا عامل تقيل ..
ذكرني عكاز ( ظريف عطبرة ) كان جايي من بورتسودان لي عيد الضحية وأدوهو خروف ضحيه .. كارب .. القطر أنكسر والقش كمل .. ماعرف يعمل شنو بقه كل يوم يفتح للخروف كيس شعرية .. والخروف يضرب لمن وصل عطبرة .. أدوهو قش .. الخروف أبه ياكل .. عكاز قال ليهو ( أنته بقيت بتاع شعرية بس ولا شنـــــو ) ههههههههه
سادساً : بمثابة توصية : نوصي بأضافة معتز القريش لي بورداب الرياض .. والله الزول ده رقاص عديل كده .. ينفع معانه .. وبعدين صوته سمح كمان .. كان عامل ثناي العاصمة مع المبدع مكاوي
كما أنتهز هذه الفرصة نقول لي بصير مبروك ..
وجزاكم الله خير ، وين صديق الموج ياخونا .. ههههه كرهنا الحلو مر ..هههه
| |
|
|
|
|
|
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: ود الباوقة)
|
Quote: بدفء المشاعر وصدق الاحاسيس بورداب الرياض يحتفون بضيوفهم |
ولسان حالهم يقول يا ضيفنا لو زرتنالوجدتنا ****** نحن الضيوف وانت رب المنزل
بصراحة الواحد ما عارف يقول شنو ما في جديد ياهو حال بورداب الرياض كل يوم يثبتون انهم اجدع واحلى واجمل ناس
وزاد جمالهم وحلاتهم وجود الاخوة الاعزاء بينهم
الاخ الغالي امير طمبل وجودك بيننا بالجد شرف كبير لينا
الاخ الظريف المفرفش اخونا الغالي معتز القريش والله نحن سعيدين شديد بمقابلتك واسرتك الكريمة
وطبعا عرفت انو في بعض الاخوان كانوا موجودين بس لسؤ حظنا ماإلتقيناهم وتعرفنا عليهم
وإن شاء الله نلتقيهم قريبا عاجلا وفي ساعة خير
الاخوات العزيزات مها ووضاحة والله الواحد يتمنى لو انكن كنتن من بورداب الرياض لانكن بتشبهننا وبتحبننا زي ما بنحبكن
| |
|
|
|
|
|
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: ساميه حامد)
|
Quote: الاخوات العزيزات مها ووضاحة والله الواحد يتمنى لو انكن كنتن من بورداب الرياض لانكن بتشبهننا وبتحبننا زي ما بنحبكن |
العزيزة سامية يا ست الذوق ، وفعلا القلوب شواهد والله يا غالية تسلمي وسعدت بشوفك وطلتك البهية الرائعة إنتي والأخوات الفضليات ود. داليا وبقية الإخوة والأخوات ، يسعدنا ويشرفناأن نكون من ضمن هذه الكواكب البهية وأكيد ح نسعد بالتعرف بكنَ عن قرب إخواتي الحبيبات وعند أول زيارة للأراضي المقدسة بإذن المولي الكريم .
| |
|
|
|
|
|
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: مها عبد الله)
|
هوى انا عينى ماحارة وبقول ماشاء الله لكن الارباب ده عشان بريدو الله برميه فى طريقى توبو المخلوف ده بذكرنى اللمبه الزمان ديك وبالسديرى زى لما تكون قزازتا ######انه .. ود الباوقة حقو تسوق معاك بورداب الرياض ديل كورس عرضة لناسك البوم الشتر ديك عبد الرحيم محمد حسين وعبد الرحمن الخضر ،كرهونا هجليج زاتا برقيصهم الشين ده لوووووووووووووووووووووووول،،،
| |
|
|
|
|
|
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: معتز القريش)
|
Quote: شيخ العرب ود المحرب.
شايفك قصرت معانا شديد. كان مفروض تدي الظلامي ود القريش ده محطتين بس بي سوط العنج ده، علشان الواحد يرتاح. طبعا هو ما بقدر يركز. أنا عارفو ما زول حارة.
تحياتي لجميع بورداب الرياض وضيوفهم الحلوين. بأستثناء الظلامي طبعا. |
صديقى العزيز دينق
والله القصار حاصل لكن الظلامى ضيف عندنا وقنا ما فى داعى نعمل حاجه ظاهره قدام الناس لكن كان شفتو حت جنس حت لمن حير الحضور يا خ دا كارثه فاجأ الجميع لكن انا زولى وبعرفو بعدين السكرى والضغط والقميص الاحمر برضو خلنى اراعى ولا اتهور تحياتى لك
| |
|
|
|
|
|
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: مها عبد الله)
|
الأخوان الأعزاء : أمير طمبل معتز خلف الله القريش بورداب الرياض
أعتذر لكم بشدة عن عدم تمكني من الحضور وذلك لظروف قاهرة حالت دون أن نلتقي بكم في هذه الليلة البهية بوجودكم وكلي امل في ان نلتقي مرات ومرات في ليالي قادمات والف مرحب بكم اخوتي امير طمبل والشفيف معتز القريش واكيد الاخوه والاخوات في بورداب الرياض قامو بالواجب ولكن كنا نمنى انفسنا بلقاءكم الكريم , فالتحية عبركم لكل بورداب الدوحة فاحملو سلامنا لهم وبلقوهم تحياتنا الحارة .. ومرحبا بكم مرة اخرى في رياض الخير متمنيا لكم اقامة طيبة بيننا ..
تحياتي : ياسر العيلفون
| |
|
|
|
|
|
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: مها عبد الله)
|
Quote: الجمال كان موصولاً بجمال البديع الخلاق وذكره مع بدايات فلق الصباح |
الأخوه و الأخوات بورداب الرياض.... تحياتي تسبقها اشواقي شكرا بحجم الكون علي حسن الإستقبال و كرم الضيافة و ما غريب عليكم أنتم مثال حسن لكل الصفات السودانية الأصيلة و صراحة تعجز كلماتي المتواضعه عن التعبير لما اكنه بدواخلي........ دائماً هي سطور الشكر تكون في غاية الصعوبة عند الصياغة.... ولكن ساكتفي بانكم قمة في الكرم و معرفتكم تاج راس.... شكرا الريس أبوجهينة علي الدعوة الكريمة شكرا الإنسان الخلوق إسماعيل عباس و قريبي الشاب الوجيه معتصم دفع الله ..الزول الكلس خالد المحرب شكرا جميلا طارق نقد..ايمن دياب..أحمد العمار..ودالصائم..علاء تمبس..خالد سعيد ليمو..طارق ميرغني..عبدالله ودالبوش..الامين البشاري ..أبوحسين..ودالباوقه.. إسماعيل وراق..معتز زيزي..ادريس وزير الري..الفنان الجميل مكاوي...البصيري الريس الفخري الاخ الجميل مصطفي.. والشاب حميدة.. عمران ...و عمنا حمزاوي و كل الأخوة الحضور الكريم الذين لم اذكرهم تحية و تقدير للعزيزات...سامية حامد الزولة الظريفة و المضيافة و الي الدكتورة داليا الكباشي التي تشرفت بمعرفتها..تحية و تقدير الي اسرة ليمو و الاخ اسماعيل عباس و الي اسرة ودالصائم و اسرة خالد سعيد..و وزير الري..تحية و تقدير الي كل الحضور و كل ما شارك في الحفل الجميل .... و ختاما أتمني لكم كل التوفيق و السداد بورداب الرياض انتم فوق السحاب ...مثال في الكرم و الضيافه و ان شاء الله أن نتجمع بكم دائما في الخير
| |
|
|
|
|
|
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: ساميه حامد)
|
Quote: الاخوات العزيزات مها ووضاحة والله الواحد يتمنى لو انكن كنتن من بورداب الرياض لانكن بتشبهننا وبتحبننا زي ما بنحبكن |
حبيتنا السمحة ست النسوان لاحدهن سامية
وحات الله بنريدكم ريدة يعلم بيها الله
كنت اتمنى اكون معاكم لانوا انتوا ناس قلوبكم نقية واخوتكم خوة فى الله ما خوة مصلحة ولا نفاق
ربنا يخليكم لينا ويخليكم لى بعض وما يحرمنا منكم
| |
|
|
|
|
|
|
Re: بدفء المشاعر وصدق الاحاسيس بورداب الرياض يحتفون بضيوفهم (صور)! (Re: امير طمبل)
|
Quote: الأخوه و الأخوات بورداب الرياض.... تحياتي تسبقها اشواقي شكرا بحجم الكون علي حسن الإستقبال و كرم الضيافة و ما غريب عليكم أنتم مثال حسن لكل الصفات السودانية الأصيلة و صراحة تعجز كلماتي المتواضعه عن التعبير لما اكنه بدواخلي........ دائماً هي سطور الشكر تكون في غاية الصعوبة عند الصياغة.... ولكن ساكتفي بانكم قمة في الكرم و معرفتكم تاج راس.... شكرا الريس أبوجهينة علي الدعوة الكريمة شكرا الإنسان الخلوق إسماعيل عباس و قريبي الشاب الوجيه معتصم دفع الله ..الزول الكلس خالد المحرب شكرا جميلا طارق نقد..ايمن دياب..أحمد العمار..ودالصائم..علاء تمبس..خالد سعيد ليمو..طارق ميرغني..عبدالله ودالبوش..الامين البشاري ..أبوحسين..ودالباوقه.. إسماعيل وراق..معتز زيزي..ادريس وزير الري..الفنان الجميل مكاوي...البصيري الريس الفخري الاخ الجميل مصطفي.. والشاب حميدة.. عمران ...و عمنا حمزاوي و كل الأخوة الحضور الكريم الذين لم اذكرهم تحية و تقدير للعزيزات...سامية حامد الزولة الظريفة و المضيافة و الي الدكتورة داليا الكباشي التي تشرفت بمعرفتها..تحية و تقدير الي اسرة ليمو و الاخ اسماعيل عباس و الي اسرة ودالصائم و اسرة خالد سعيد..و وزير الري..تحية و تقدير الي كل الحضور و كل ما شارك في الحفل الجميل .... و ختاما أتمني لكم كل التوفيق و السداد بورداب الرياض انتم فوق السحاب ...مثال في الكرم و الضيافه و ان شاء الله أن نتجمع بكم دائما في الخير |
| |
|
|
|
|
|
|
|