|
Re: الى الاصدقاء فى حركة قرفنا وغيرهم - ترحال / رحلات الحرية (فيديو) (Re: Khalid Kodi)
|
والله يا كودي بقيت فارق مساحة وزمن , بوستاتك بعد ما كانت بتوقف المنبر علي رجل واحدة وما بتقعدوا بقت تمر زي بوستات عوج الدرب مافي زول بيلحظها الا بعد تركيز واجتهاد , المشكلة انك بقيت تضرب في كل الاتجاهات , لا خليت عنصريين لا مناهضي العنصرية " شلة طراشا " لا معارضة لا حكومة لا متشددين وظلاميين لا مناضليين ومستنيرين , بقنا ما فارزنك شايت وين زاتو مع الجنوب ولا مع كاودا ولا مع المعارضة السودانية ولا مع ناس بيتكم ولا مع عرمان ولا مع اللبرال وعبد العاطي , يعني بالعربي تهت وتوهتنا معاك انحنا قرائك المواظبين وبصراحة ما اكضب عليك ما مواظبين الا بحكم الالفة وطول العشرة غير كدا الواحد بقي يشوفك زي سلاق البيض مافي اي نكهات محددة , حتي الرسم والفن قلعت للسياسين البنعرفهم كلهم وقعدت تتفرج , تصدق الواحد حنية ساكت بقي يجيهو احساس التضامن معاك في مرات كتيرة , يبدو انه كورتك فكت يا كودي وبقيت تجليها ثابتة وفي سبيلك لان تتحول الي " غريبة " المنبر.\عموما شكرا لابتفة لولا تعليقه لما انتبهت انه عندك بوسط في الصفحة الاولي بدون قراء ومعقبين كالعادة , دا غير انك بقيت زيك وزي دكتورنا مصطفي محمود بقيت شايل بوست واحد ولافي بيهو لاي كتابة في المنبر كفرمالة ما عندك غيرها تصدق الزيارات الكانت علي البوست الكنت حايم بيهو الايام الفاتت تقريبا معظمها كانت زياراتي انا من باب المجاملة ورفع المعنويات كنت بعمل كلك واتخارج وللان ما قدرت اقراهو لانه ما حيكون فيهو جديد كما هو واضح من العنوان التائه زيو وزي باقي سلق البيض ابو من غير نكهة كدا انسي موضوع انك تفتح بوستات سلق جديدة وركز لينا في شلة تراشا ومن لف لفهم والعنصرين وناس الحكومة في كتاباتهم المالية البورد دي ورشهم لينا علي الاقل اعد لنا الذي كان , وما تخلينا نقول انه الدكتور الفنان خالد كودي اسطورة وانتهت بانتهاء مراسم دفن المقبورة بت العم " المرضي" عموما شكرن علي الفديوهات من باب المجاملة برضو لانه الكمبيوتر بتاعي ما بيدعم مشاهدة الفيديو .
|
|
|
|
|
|