عن حميد- المهندس عبدالمنعم العوض والطالب وقاص الصادق والحزن الخلاق
وصـلت سدرة منتـهاك ياناس نعزي مع منو؟ ونقول شنو؟ حامدنوا رب العالمين عاد صح يباكو مع منو يمكن يباكو مع فطين قول نورة يبقى مع الحسين يا زول اقولك شوفلك اكتر زول حزين ياهو الوطن ايوه الوطن العاشو جواه الخزين الدهدهك روحت وين؟ راجنك آآ عشم الغلابة المتعبين راجنك آآ دخري الضهابة المتربين الدهدهك روحت وين؟ عترلك الحجر آآآآآالبخيت؟ شوف عيني شفتك من زمان في ها المكان شوف العيان متوشح انوار اليقين عترلك الحجرآآآآآالبخيت شوف عيني شفتك قمت بي فوق السحاب ولوو... رهاب رافع معاك ظلم السنين الكان مبوق في الارض من قبل حين شايل معاك و س خ الارض نضفتها وكمترت تشق كل زيف غربلتها واشوفك اتوكل... لي وين؟ عتر لك الحجرآآآآآآالبخيت شفتك كمان في ها المكان واقف مع محمودنا راضي ومبتسم تتحدوا لي ظلم المشانق يا الحنين روحك بتفدي وطن نفيس في البرزخ انت هناك عريس لا صفقة مافيش لا رقيص لا حني لا طنبور وكشف القرمصيص مافيش تعب مافيش نصب يبراك ملاك وسراك براك ليك ما تريد كل ما تشاء وهل من مزيد وحسن الجلالة عليك يميس ميست....ميس ! آمين… آمين يا شيخي ود ختم الرجال بلدنا.....جال ! مقداد انا....وجدوالامين براقو...شال ياسيدي سيد العارفين كل الجنايز... تندفن ؟ امرا.... عجيب! مولانا .......صلي علي الحبيب دايرنهن ينداوا بي ضرب الدبيب امرق! امرق واطلب الفضلة من أثر الرسول واكشح عليهن من ثرى الحسوات وقول شاهت وجوه بئس الوجوه والشمس تشرق كل حين شفتك مع عيوشة راكبين القطر زمن القطر! يوم كنت سايقها للعلاج والظلم ينهب في الارض يقطع فجاج الدهدهك روحت وين؟ تاريك انت نزلت في نص الطريق فاقد جنيات الفريق شوف عيني شفتك يامطر عز الحريق لاعبتهن وهدهدتهن يا الماك ضنين عترلك الحجرآآآآآالبخيت وخليتنا لي ظلم البشر ولي كل شر يا خي الله في ايوه الله في وكمان قوافيك المطرزة باليقين مابرضو في وان شاء الله مايغشاك شر سي... ياوفي اسع اكيد انك عرفت منو اللي خان وطنك يا زين باعوه يوم صلب المسيح رهنوه يوم ظلم الحسين وانت المشويم بيهو لابسو عرق جبين والله شفتك شوفة مرة مع الرضيي نفسك رضيي عين اليقين وكدبنا في الكرو في رجاك عاد ماشي مننا وين رجاك خليت وليداتك براك كيف بي قفاك؟! يااخوي وليداتك كتار وحملك تقيل جيش من بطان وحروم كتار لابسات طرق وناس من زمان ناس حمتو و عيوشة ست الدار وعم عبدالرحيم والسرة بت عوض الكريم كترة رجال وكترة حريم حملك تقيل وعلينا دين وكل البلد عليها دين الشورة كيفن شن نسوي مع الولد الكت شايلو حمل بلد وتمر الهبوب بقضى الغرد؟؟! كرموش وصيص عفنون مرض يا زينا انت رجعت وين؟ عتر لك الحجرآآآآآالبخيت وانت التعتر لي حجارات الزمان الفوقنا زي حيبي العوارض وانت ماك ساكت تعارض و الخوازيق ليها رافض عرضحالك للوطن يا الماك مدغمس وماك ...مدهنس وماك مدلس وماك مملس خطو واضح ..وفكو عارض لفيت بي وين... واللا وين؟ ياالجيتنا في نفس الزمان وادركت لي وتر المكان وشفعك رهين شفتك ..هوى دايرين تشمولكن هوا ؟ يا الكتو متقاودين سوا ! نازلين علي قيف البحر اوعك من البحر البحر بحر التساب الجهجهك اخد الحذر شفتك نزلت على الغريق ووطنك غريق مالك ..غتس؟ بنقرت ما شا الله انت مرق عديل شايل وطن ما فيهو ميل زين يا عديل وكل احرفك وكل القوافي القلتها ما اتبلت آآآزول ياجميل مرقت... تسوق المتعبين مرقت تضاضي المترفين الشقو... صفنا... فلقتين واحدي سموها الشمال والتاني سموها الجنوب وقااااعدين عتاوي المجرمين لي...سفنا وانت وانا بيناتنا دين ما دينك انت علي كتير نصبح حبايب لامتين ونحن الحبايب من متين وعلمتنا الهودنا والسودنا وضوقتنا طعم الغنا وكيفن تكون الدندنه انعيك وانعي رويحتي والاجل الدنا ابكيك لي مين واللا مين ؟ ومن غير خلاف خليتنا للربا والتلاف دينك علي.. تب ماب اخاف من كل تجار السلاح الدسو كورية الملاح وخلونا. بايتين القوا ورافعين... سلاح !! دينك علي تب ماب اخاف انا منهن بمسك على جمر القضية وافنهن فنن........ فنن شدينا حيلنا.. وما انقطع عصب الوزين كربنا شناط الشعر واتحزم البلد الحزين شلناك على كتف الوطن سايرين مبتهلين وختيناك بسم الله في روضة جنان داعين وكتبنافوق لحد المكارم للزمن شاهدين بسم الحق بي سر الكلام القلتو منضوم في عقد القصيد الزنتو مسنون باوزان الحسام الشلتو مكنون في لحن الغناوي نفحتو في المعنى الرصين شاهدين! وياانت ياودالحسن انت الحسن طبعك حسن ياالفت يعرب والرطن والما رطن في العالمين ماشفت شي الناس ترصرص في الصفوف ماشفت شي الناس تنقر في الدفوف ما شفت شي يا اخي الخريف محق خلا بيوضة والزمن السخيف فات.... بي وشي واقفين علي طرف النهار المحتشي وجات البشاير تنتفض مسنودة بي سحر القوافي المنتشي الرادي ذاع عبود رحل عبود رحل؟ وتاني من نفس المكان الرادي ذاع ابعاج رحل بـــلا....وانجـــلا الحمد لله الرحل يا شعب لامتين التردد والوجل يا الماك ج ب ا ن يا انت نمرة تلاتة هوي ارحل كمان ارحل.. كما القبلك رحل اقنع .....حار بيك الدليل انجع......عارفين البديل الحق ...والدرب والعديل اسمع....وسمعك مو تقيل الموت ...يحوم اطلع ...وجنبنا الدموم غادر...بتكفينا الهموم الغم واحزان السنيــن ارحل متل ما سوى زين الدين ده ما لازمن اختو علي دين والدين ده دين دين الوطن والله دين لازم انزلو من ضهر هم السنين وبلا ضجيج ومن غير سكوت ما مت انت ولا رياح صدك تموت الزيك انت ولاب يموت الحب والحبل المتين فايتبو فوت ساريبو مسرانا الامين يا اخينا انت مرقت وين؟ اظني شفتك مرة فوق جرف القدر قالو الحجر هو الغدر الغادر الله يخونو من خان مسلمين كضب علينا بلا سبب كل ها الدنين اسع نعزي مع منو؟ عاد صح يباكو مع منو اخوك فطين حميدنا يا البكيتنا بالدمع الهتين نبكيك مع وهج الزمان الانطفا وتنوووم ........ قفا ياالكنت تابع لي خفاف المصطفي ووصلت سدرة منتهاك في الخالدين عبد المنعم محمد احمد العوض - الرياض - 21 مارس 2012م (عدل بواسطة Mohamed Abdelgaleel on 03-31-2012, 11:20 AM)

العنوان	الكاتب	Date
عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	03-31-12, 11:03 AM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	03-31-12, 11:12 AM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	03-31-12, 12:10 PM
Re: عن حميد- المهندس عبدالمنعم العوض والطالب وقاص الصادق والحزن الخلاق	خالد المحرب	03-31-12, 12:20 PM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	03-31-12, 01:02 PM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	04-01-12, 10:15 AM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	04-02-12, 12:10 PM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	04-04-12, 08:36 AM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	04-04-12, 12:47 PM
Re: عن حميد- المهندس عبدالمنعم العوض والطالب وقاص الصادق والحزن الخلاق	اسماء الجنيد	04-04-12, 01:12 PM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	04-05-12, 11:57 AM
Re: عن حميد- المهندس عبدالمنعم العوض والطالب وقاص الصادق والحزن الخلاق	خالد المحرب	04-05-12, 12:17 PM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	04-07-12, 09:44 AM
Re: عن حميد- المهندس عبدالمنعم العوض والطالب وقاص الصادق والحزن الخلاق	خالد المحرب	04-07-12, 12:44 PM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	04-08-12, 10:18 AM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	04-09-12, 11:34 AM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	04-10-12, 09:34 AM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	04-12-12, 11:36 AM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	04-14-12, 08:23 AM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	04-16-12, 10:37 AM
Re: عن حميد- المهندس عبدالمنعم العوض والطالب وقاص الصادق والحزن الخلاق	Mohamed Abdelgaleel	05-03-12, 09:30 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]