سلفاكير: ضغوط لنصدر عبر الشمال !!!!!!!!!!

Quote: جنى و جوك, كيفينكم, اخونا جنى, سلفا دى هايسبب لك ارتفاع فى الضغط الدم-الله يبعد الشر و يعطيك الصحة. بس بينى و بينك بتكره الزول دى جد, حتى اسمو لا تقدر كتابته بطريقة صحيحة. دعنى اوضح حاجتين فقط: اولا, شايفك سارح فى قصة الانابين دى كتييير. الحكاية ببساطة انو الخط بيمد من الجنوب الى شمال يوغندا حيث ان يوغندا بدا فى تشيد خطا خاصا به و لان كميات المكتشفة موش كتيرة فهى ستشارك الجنوب فى الخط الذى سيمد الى كينيا. طبعا فى مشكلة جيش الرب و علشان كدى فى قاعدة عسكرية فى يامبيو و فيها قوات من اثيوبيا و يوغندا و الكونغو و افريقيا الوسطى و جنوب السودان اضافة الى مئة عنصر من القوات الخاصة الاميركية, بمعنى اخر افركوم بغطاء الاتحاد الافريقى لمطاردة جيش الرب "aka تامين انابيب البترول" الكلام موش سر و لكن لو بتقرآ صحافة الجنوب لعرفته الحكاية زمان. كيير "is not the kind of a guy that you can push around" علشان كدى لا اميركين بيقدروا يقررو ما يجب ان يفعله. اوباما مذعور لان اسعار البنزين مرتفعة جدا فى سنة انتخابات و لكن كيير مسؤليتو للجنوبين هو حفظ مواردنا الوطنية. طبعا نحن الجنوبين بلدة طبعا و ما بنفهم و علشان كدى جماعتك فرحانين جدا بالاتفاق الاتعمل لان الاتفاق يقول يا جنوبين ما تخلو الخرطوم تنهار اقتصاديا. لن تكون هناك حرب لاننا نعول على العقلاء فى كلا البلدين. حياتنا.

ويا ريت جني يقتنع بعد كلامك دا
لانه مصر انكم تصدروا نفطكم عبر الشمال
وأن سلفاكير ارتكب حماقه في حق شعبه
ووو ... وووو ... وووو .... الخ
..
..

الحكاية قلتها ليك يا جني ببساطة
القرار قرار سيادي في المقام الاول على موارد الدولة
وعدم رهن مصالحها بيد الشمال وحكوماته المتقلبه
وبعدين لا يمكن الوثوق في حرامية المؤتمر الوطني
وبعدين برضو بطل تفكر نيابة عن الجنوبيين ياخ
أكيد هم عارفين مصلحتم وين ومع منو
النفط نفطهم وهم حرين فيهو ان شاء الله يدفقوا في التراب

تحاياي لسيد البوست وضيوفه