حوار مع الاخت تراجي مصطفي والاخ محمد سليمان

مرحبا Guest
اخر زيارك لك: 05-30-2024, 02:54 PM الصفحة الرئيسية

منتديات سودانيزاونلاين

مكتبة الفساد

ابحث

مدخل أرشيف اراء حرة و مقالات

News and Press Releases

اتصل بنا

Articles and Views

English Forum

ناس الزقازيق

مدخل أرشيف الربع الثاني للعام 2012م

نسخة قابلة للطباعة من الموضوع ارسل الموضوع لصديق اقرا المشاركات فى صورة مستقيمة

« | »
اقرا احدث مداخلة فى هذا الموضوع »

05-14-2012, 03:09 PM

nahar osman nahar

nahar osman nahar
تاريخ التسجيل: 07-31-2003
مجموع المشاركات: 900

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

حوار مع الاخت تراجي مصطفي والاخ محمد سليمان

قبل ايام فتحت بوست لرد بعض اتهامات وجهتها لي الاستاذة تراجي...لكن تم ايقاف البوست لااعرف ممن ولا لماذا لكن سوف نواصل الحوار هنا وسوف انزل مداخلاتي ومدخلات تراجي التي بدات في الفيس ثم مداخلةالاخ محمد سليمان ونواصل

مداخلتي الؤئيسية في البوست الموقوف

Quote:
نبهني احد الاخوة لموضوع فتحته الخالة تراجي في الفيس بوك كالت لي فيه كل انواع الشتائم
هذا نصه:
وحدوا الصفوف اخوتي و اخواتي الناس في الميدان متحده وبخير و الناس البره متفرقين ومتشرزمين.هزيمة المركز تتطلب الوحده ورجاء ان يحرص على الرفاق على دعم حركاتهم
ماليا الرافق بالداخل محتاجين لكل مليم و العمل العسكري لما يسحن بيحتاج لدعم
عشان نهزم نهار عثمان نهار واشكاله من الانتهازيه علينا بالوحده.
و التحيه للرفاق قيادات حركة تحرير السودان مناي و عبد الواحد وهم يعلمون مع بهضم بتنسيق تام ربنا يكفيهم شر الانقاذ وفتنتها.ويوحد كل زعماء كاودا ويجعلهم كقلب رجلا واحد
على القضيه,محبتي وتقديري اختكم ام حازم/تراجي مصطفى

الرابط
https://www.facebook.com/groups/339959462684887/

ثم عادت في في نفس الصفحة وكتبت التالي

الفاضل ابراهيم احمد عمر امثال نهار عثمان نهار من الجاتهم بارده....ويستاهل مناوي العمل
من الفسيخ شربات...هؤلاء لا يعرفون الثوره ولا اهدافها ولا مستحقتها هؤلاء للاسف اول من جنى مكسابها ,وكان ممكن نسكت وما نسالهم في مكتسباتهم الغير مشروعه لكن ان يتطالوا ويطعنوا الشرفاء,ويتسمروا ان يستمر القتل و الحرق للغبش فلا و الف لا.

فلايحدثنا نهار هذا فيما ماذا وصف باس ورده وعضويته بمنبر بكري ابوبكر؟!
حتى ايام ضرب الجرحى وضرب عمارة حنود مناوي صمت!!

اي رجلا هؤلاء او يتوهمون بانه لا ذاكره لنا؟!

اختشي يا نهار؟! وابعد من سكة الثوره و الثوار وامسك كل الانتهازيه المعك وقول لهم احسن لكم ابعدوا عن طريق القائد مناوي!!كفايه فتن ودسائس وكفايه ان تسخروا قدراتكم للجلابه ليقتلوا اهلكم. هذا النظام منهار وسنحاسبكم معهم يوم هزيمتهم ولو تفقهون هم ليسوا اقوى من حسني مبارك ولا بن علي و لا القذافي,لذا احذروا غضبة الحليم وكفى.

في نفس الصفحة السابقة

لا يهمني كثيرا سيل الشتائم التي انهالت بها علي الخالة تراجي فهذه عادتها منذ ان عرفناها هنا ....لكن المحير هذه الفقرة

فلايحدثنا نهار هذا فيما ماذا وصف باس ورده وعضويته بمنبر بكري ابوبكر؟!
حتى ايام ضرب الجرحى وضرب عمارة حنود مناوي صمت!!

تتحدث السيدة تراجي هنا عن احداث المهندسين بامدرمان وتقول اني صمت وقتها ....وتناست تماما لان يستحيل ان تكون نست فقد اتصلت بي حينها تلفونيا شاكرة ومقدرة
جهدي بل شاركت في مجموعة من البوستات التي فتحتها حينها وكالت لي من المديح الكثير
فماذا جد اليوم لكي تنسي كل ذلك
وتبدا في شتمي ؟
فهي كذابة في قولها اني كنت صامت
وانتقائية في في امر عدم تذكر محادثاتها التلفونية وكتابتها المنبرية الموثقة
انشاء الله الامر ما يكون ليهو علاقة بالزهايمر السياسي

رابط البوست عن احداث المهندسين
"الشرطة في خدمة الشعب" حالة دار حركة التحرير بالمو...تسليمها....توجد صور

عينة من كتاباتها عني حينها

التحيه للبطلات دارفور
وهم يدشنن مناضلات من داخل سجون الخرطوم

Quote: فاطمة : طالبة جامعية 20 سنة عضوة لجنة تنفيذ إتفافية دارفور والأمانة الإعلامية
رشا : طالبة جامعية 19 سنة عضوة مركزية الشباب والطلاب مكتب الجندر.
فردوس : مدير مكتب أمين شئون التنمية والأعمار 24سنة

1)فاطمه
2)رشا
3)فردوس

اول مجموعه نسائيه تعتقل من الفصيل الموقع لاتفاقية السلام.

اكتب لنا يا نهار اسمائهن كامله حتى نحفظها في سجلات تاريخ اهل الهامش وثورتهم.

والتحيه لهن

وياريت يا نهار ان تقدمهن لبكري ابوبكر ليشاركنا هنا,فمن يكتب من الداخل يكتب

بشكل مختلف نحتاج لاصواتهن هنا.

هنا مداخلة الاخ محمد سليمان

تراجي.

Quote:
يا نهار عثمان نهار ...... صراحة كدة إنتو ( و ناس مصطفي تيراب و ناس حركة منو كدة للسلام و غيركم .. سنأتي لذكرها بالإسم لما نفضي ليكم ) ... صراحة كدة إنتو قاعدين في الخرطوم بتعملوا شنو؟؟!!!

بعدين ... مداخلات في بوستات أنت حافظها ليوم زي ده ... ليس دليلا علي إنو تراجي كذابة .... دي كلمة كبيرة ....

عايزين نعرف .... إنتو كيف قاعدين في الخرطوم و بأي صفة و ما هي الخدمات التي تقدمها لكم حكومة البشير ... أي بمعني آخر ... ما هو المقابل ؟؟!!!

و حقيقة طالما أنت لديك باص ويرد في هذا المنبر كل هذه المدة و الحال لا يسر في دارفور ... أين كنت غائبا عندما عصفت بأهل دارفور الأهوال .. عاما بعد عام ... منذ دخولكم الخرطوم و برضا أجهزة الأمن الإنقاذي ؟؟!!!

لأنو بصراحة كدة لو كان الامر علي ما أتيت به هنا من مداخلات أو حتي بوستات .... يمكنك ان تفعل ذلك من مكانك قديما في بلاد المهجر ... دون ان تثير أي سؤال عن: كيف يدفع الإيجار و يركب العربات المجيّهة و لا يعاني ما يعانيه ذلك الدارفوري في المهجر الممزّق بين الإلتزامات الحياتية الأساسية و بين أن يرفد المنابر السايبرية (وسيلة الإتصال الفعّالة في إيصال رأي يقلق نظام القتلة في الخرطوم) .... برأي أو خبر يساهم في تقريب يوم الخلاص من هذا النظام المجرم.

بصراحة يا نهار عثمان نهار .... أتمني من كل قلبي أن لا تكونوا (أنتم و ناس مصطفي تيراب) ... بعتوا .

ثم هنا مداخلة تراجي في الفيس

Quote: يا نهار كلمة كذابه الانت كتبتها دي كبيره....كبيره منك انك يوم ما كتبت كلمة تقدير في ام حازم دي ولما عرفت تسنب كي بوردك اول ما فكرت فيه انك تمشي تطعنها في منبر الجلابه!
الجلابه الاصلا لولا كي بورد تراجي مصطفى وامثالها الجنسيه السودانيه ذاتها نزعوها منك.

الاعتذار مش لتراجي مصطفى الاعتذار مفروض يكون لكل ضحايا القتل الممنهج في دارفور
الاعتذار لامثال ام الطالب عبد الحيكم (وحيدها) الذي قتل في الخرطوم امام اعين امثالكم من المنبطحين للنظام و المطبعين معه!

الاسئله الوجها لك القامه الدارفوريه محمد سليمان انه المقعدكم شنو انت ومصطفى تيراب وغيركم مع هؤلاء القتله السفاحين؟! ومنو قال لكم الثوره الدارفوريه بقت تعني توزيع مناصب ومخصصات لبعض وجوه دارفور؟!

يا نهار انا شخصيا لما كتبت الكثير حولكم ك(زغاوه) واعجبت بشجاعة بعضكم وفروسيتهم
صار علي مراجعة الكثير عنكم الآن لما يتبدى لي كل يوم من بؤس بعضكم و من تكالب على المكاسب و انتهازيه وطمع! ايعقل هذا؟! ومقدره على بيع بعضكم البعض باثمانا بخسه!
ايعقل بان هؤلاء هم من كتبت عنهم ما كتبت سابقا

بعد ان تابعنا كلنا كيف رقص اهل الانقاذ لمقتل الفارس د.خليل ايعقل ان تخدعوا انفسكم بانهم يحسبوكم بشرا؟!

لاحظ عند مقتل د.جون قرنق ارتبكت الانقاذ وتكتمت على الخبر واعلنت الحداد كله خوف من انتقام الجنوبين!! اما في مقتل د.خليل صارت لا تخجل من افراحها...لانها عارفه انها قسمت اهل درافور واشترت كثير من القيادات لذا كرامة الدارفوري صارت لا تعني شئيا لديهم.
ولا احزان اهل دارفور ولا دموعهم ولا انتقامهم كله تحت الجزمه!

لقد بعتم قضيه كبرى يا نهار انحاز لها اشرف شرفاء العالم وقدموا لها الكثير لكنها تنهزم الآن امام اطماع بعضكم بهذه الدنيا الزائله!

فكر يا نهار غدا ماذا تترك من سيره لابنائك وسمعه
انسى الملايين الزائله و تذكر التاريخ!

خليك من الحجج الواهيه بتاعت مناوي اخطأ وفلان لغف وفلان خدم اهله
افرض فلان اخطأ اهو سبب لكي تخطيء انت ايضا بحق الغبش؟!

هذه القضيه ليست ملكا لكم انا ملك لكل اهل دارفور وقد ارهقتمونا بصراعاتكم كزغاوه وبضيق افق غالبية المتقديمن للصفوف.

اهل مناوي وخشم بيتهم هينين فكر ماذا يقول عنك المساليت و التنجر و الفور و البرتي و ...وووو.......الخ من قبائل اهل دارفور!!

اتعلم يا نهار انه نهار مقتل د.خليل اغلق اغلب عرب الفاشر دكاكينهم حزنا عليه؟!

هؤلاء من كان يقال عنهم جنجويد حزنوا عليه لانها مات ميتة الفرسان!
ورفضوا ان يخرجوا احتفالا مع كبر وغيره من السفهاء بمقتله!

فهل فكرت ماذا سيقال عنك لو لاقدر الله غدر بك سفهاء القوم بالخرطوم؟!

عبد الله ابكر الذي تتزينون بصورته هذه الصفحه عاش رجلا فقيرا ومات فقيرا ولكنه ترك اسما
سيباهي به ابنائه الآخرين للابد! لانه عاش نظيفا ومات نظيفيا!

وانت تعلمك بانك الاقل احيتاجا فان كان جوازك الهولندي يؤمن لك الحد الادنى من الحياه بكرامه
طيف بك تبيع وكيف نلوم غيرك ان لم يبع وهم لا يجدون قوت يومهم؟!

لعلمك لا فرق بينك وبين دانيال كودي وتابيتا بطرس وكل هؤلاء المنافقين

و النفاق لو مارسه مليون لن

وهنا ردي عليها

ماعارف ابدا معاكي من وين يا ام حازم لكن خلينا نتكلم في نقاط.....انا ما كتبت كلمة تقدير في حقك لانو زي ما حكيت ليك كنت موقوف من المنبر لسنوات وممكن تسالي بكري وبعض معاونيه عشان ياكد ليكي المعلومة دي.الشي التاني حتي زمن وجودي في المنبر مشاركاتي كانت مباشرة في القضايا البتطرق ليها ما قاعد اخش في صراعات كي بوردية ومعارك انترنيتية عشان كدا خطوطنا ما كانت قاعدة تتقاطع كتير......................الشي التاني ان بعتبر سودانيزاون لاين منبر سوداني لكل السودانيين وقصة منبر جلابة وخلافو دي ما بتمش معاي ....وحاجة تانية ما في زول بقدر بنزع مننا الجنسية ...انتي هنا بتتكلمي عني كزغاوي وتفتكري بتمني علينا بدفاعك... كان غيرك احرص مافي زول بقدر ينزع من زغاوي جنسيتو ولو دايرا تقولي نحنا تشاديين مرحب قولي. التشاديين اهلنا واولاد عمنا وبنتشرف بيهم تب ما عندنا مشكلة في انو زول يوصفنا بيهم...التشاديين اشجع واكرم ناس ولو ما كنت سوداني كنت اتمني اكون تشادي...وعلي فكرة يا ام حازم الزغاوة الهناك في تشاد برضو في اول لفة او خلاف بقولو ليهم يا سودانيين ارجعو بلدكم....فدحين اتفقو انحنا سودانيين ولا تشاديين.
انا المقعدني في الخرطوم شنو سوال جيد يا ام حازم....اول حاجة زعيمك الحالي الانتي عضوة في حركتو كان قاعد معانا في الخرطوم دي 5 سنوات...ما سالتي لي هسا الكان مقعدو شنو الفترة ديك كلها وليه هرب خلي جماعتو وقياداتو في الخرطوم....اولا كدي اساليهو واسمعي اجابتو وبعد داك تعالي لي اجاوبك....واذا كان الوجود في الخرطوم بعني العمالة مباشرة فمعناتا اهلنا الفي السودان ديل كلهم عملاء.40 مليون سوداني عميل ودا منطق ما اظن سبقك ليهو زول....وبعدين بنفس منطقك دا مناي ذات نفسو لهسي عميل لانو قعد في الخرطوم واشتغل مع البشير وطلع زعلان علي عدم اعادة تعيينو في منصبو......فيا ستي قصة وجود زول في منطقة ما بتديك انتي ولا غيرك الحق عشان توزعي عليهو شهادات النقاء الثوري ولا الخيانة الثورية.....نحن الخرطوم دي زي ما عارفة ما جيناها شحادين ولا متوسلين كلو الناس الجوها بعد ابوجا جو بقناعة انو يسهمو في دفع الامور للامام عبر الطريق السلمي وقاعدين ليه هسا انا قناعتي لسه ما اتغيرت رغم جبروت الموتمر الوطني وضيق هامش الحرية...انو من الاحسن والاجدي والاسهل تغيير النظام بالطرق السلمية اكتر من حمل سلاح من مجموعات فقط من الشعب بس.لان السودان دا بلد قارة, ومازال رغم انفصال الجنوب. ما ممكن يتم تغيير فيهو الا بمشاركة كل قواهو بمن فيهم من تنعتيهم بالجلابة لانهم ايضا جزء من مكونات النسيج الاجتماعي للوطن
في يلي المناصب الحكومية والمخصصات لعلمك يا سيدتي العزيزة انا فصلت من العمل بعد خروج مناوي بايام وتعرضت للتحقيق والاعتقال وتم حجز عربتي لاكتر من شهرين لدي جهاز الاستخبارات العسكرية....وطبعا كان ما مصدقين انو مناوي ممكن يمشي ويخلي واحد من اقرب معاونيه كدا ساكت فمفتكرني زول زارعو مناوي ولمعلوماتك حتي شهور قريبة الكتيرين كان مفتكرني تابع لمناوي والحقيقة غير ذلك تماما مناوي هرب وتخلي عنا في الخرطوم وكان مفتكر اننا ح نجي زي الفيران جارين نحتمي بيهو.....وازيدك من الشعر بيت ...ابان تواجد مناوي في جوبا طبعا بدات مجموعة سميناها هنا اصطلاحا بنكسس في التمرد علي غياب مناوي وسحب الجيش للجنوب فكانو بفتكرونا نحن الواقفين لسا مع مناوي مغفلين وحصل واحد منهم صديق قال لي انتو مغفلين مناوي دا مشي وودا الجيش الجنوب وما ح يجي تاني وساق اهلو والناس الدايرم انتو ناس الاجهزة الامنية ح يقبضو عليكم ويطلعو صليبكم....طبعا اختا الامر من باب المكايدة والتخويف لكن في اول محادثة تلفونية تالية لي مع مناوي طرحتا ليهو كلام الزول بحذافيرو عشان اشوف رد الفعل بتاعو....فضحك كدا وقال لي انتا ما اوربي...في البدء اختا الموضوع علي اساس انو مناي يعني انو الموضوع ما بحصل ..لكن مع تصاعد الامور اتضح لي انو مناوي بقصد انا ما دايرك معاي هنا لكن اذا حصل حاجة تقدر تمشي لاوربا تاني....واها تم الاعتقال بعد داك ومضايقة الاجهزة الامنية ...مع دا كلو ما جرينا لحقنهاو زي الفيران زي ما كان داير ولا مشيت اوربا....داير اقول ليكي انا اخر مرتب لي استلمتو في 2010 ومن الوكت داك مفصول فصل تعسفي ورفعت قضية في محمكة العمل. جاري في اعمالي الخاصة وبوفر اكل عيالي من السوق والحمد لله عندي اخوان يسدو عين الشمس شهامة وتجردا واحد منهم استلف مرتب ستة شهور وقال هاكا مشي امورك لحدي ما ربك يفرجا....الشي التاني من تاريخ فصلي والله علي ما اقول شهيد لا استلمت قرش من حكومة ولا انعرض علي منصب ولا خلافو....ويوم مقتل خليل انا كنت في الفراش وعزيت اولادو فردا فردا وقعدت في الفراش وكتبت نعي نشرتو في النت....اخو ورفيق واعتبره شهيد وما في زول بقدر يغير لي قناعاتي دي....وقاعدين نكتب وندين الممارسات سواءمن جانب الحكومة ولا غيرها وح اجيب ليك نماذج لذلك
قصة انو زول بحسبنا بشر ولا غيرو دي بترجع ليهو هو نحن عارفين نفسنا بشر والارض دي حقتنا نقوم ونقعد علي كيفنا ما عندنا احساس بالدونية ولا مركبات نقص ولا هواجس وبارونويا تجاه اي شخص...البحسبنا خلي يحسبنا المهم نحن عارفين نحن منو ونحن شنو
انا قبل شهرين كنتا في الحبس لاسباب كيدية...امام المسجد بتاع السجن جعلي حكوا لي المعاهو انو بكي بدموعو يوم مقتل خليل....السجن كلو كان حزين يوم مقتل خليل لانو بفتكروهو رمز لكل مهمش ومظلوم يومو الجا بلقو حقهم...وانا شفت بعيني ديل بنات من تصفيهم بالجلابة في جامعة الخرطوم ببكوا خليل احر من لما واحدة يموت ليها شقيقا....صحي في قلة احتفلت وهي قلة مريضة لكن بالوعي والتلاحم القلة دي كلو يوم ممكن نقلل من عددا عشان يكون سودان يسعنا جميعا
فيا استاذة تراجي انا ما بعت وما ببيع وما شبه البيع...فاذا في حاجة تانية ولا عندك ادلة بره من وجودي في الخرطوم دي جيبيها خلينا نتناقش...وبعد داك انتي ما زولة ناشطة في حقوق الانسان ما تكلمي اخونا مني دا يا اخي يوقف قتل المدنيين في شمال دارفور والاعتقال والتعذيب ولا كل شي بيسويهو مني عندك صاح .الحق ما بتجزا يا ستي....اتمني الكلام يكون بنفس هادئة وباحترام لبعض....التخوين الساكت والانطلاق من افكار جاهزة معلبة لنقد الاخرين ما بتودي لنتيجة

(عدل بواسطة nahar osman nahar on 05-15-2012, 02:47 AM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]