|
الصادق ولدو رهينة عن الكيزان لمن يلقى طريقة يخارجو
|
هو عرف قديم عن الملوك الطغاة، كانوا يحتفظون بايناء امراء المناطق التي تقع تحت سيطرتهم المباشرة او موقعة معها وثيقة تحالف وعدم اعتداء، كانوا يحتفظون بابنائهم كرهائن في قصورهم حتى يضمنوا الولاء والطاعة واي كركبة سيتم قتل الابناء بلا تردد. وانتشرت في معظم المجتمعات حتى الى وقت قريب.
وها هو عهد الديناصور البشير، يعيد اقذر ما في تاريخ البشرية (حقيقة هو لم يترك شيء قذر في تاريخ البشرية الا وجربة) آخرها ان يجبر اكبر خصمين سياسيين طائشفة الختمية وطائفة الانصار ان يبعثوا بابنائهم السيد جعفر والسيد عبدالرحمن ابناء الميرغني والمهدي ليكونوا تحت قبضة البشير ونظره ومرمى مسدسات وبنادق قناصته وحرسه
_______________
لمن الصادق والميرغني يلوا طريقة آمنة يخارجوا بيها اولادهم من تحت قبضة البشير، بعداك بشوفوا قضيتكم الثورية.
|
|
|
|
|
|
|
|
Re: الصادق ولدو رهينة عن الكيزان لمن يلقى طريقة يخارجو (Re: أحمد ابن عوف)
|
ههههههها يا بن عوف
Quote: امبارح اضطريتني اعلق على مستوى سلوكك، اليوم ما تخليني اعلق على مستوى ذكاءك
|
علق يا أحمد عليك الله علق والله ما حا ازعل يا احمد ياخ دي حاجة زي العشره مافي زول بفهمك اكتر
Quote: البوست دا فيهو رسائل كتيرة لجهات مختلفه، يلتقطها من يلتقطها ويقذف بها في المزبلة من يقذف
لو محتاج توضيح للرسائل دي، قول، مع انو انا ما بحب اعمل الحركة دي كتير |
فاهمك يا أحمد ياخ رغم غبائي الشديد تصدق اكتر زول فاهمك في البورد
حتى بالاماره مثلاً
أنت فتحت البوست دا
لن ندعم اي اتفاق للمعارضة لا يضم الجبهة الثورية
عشان تقول الكلام دا
عشان ترفع الروح المعنوية لتراجي مصطفى وتفرحها وكمان برضه كسكسه ومسح خوج ليها من صبي مدلل زيك
لقيتني كيف شفت الفهم دا غبي كيف
يا أحمد والله براعي المعرفه القديمه براك بتخليني اتلوم والفضيحة والسترة متباريات
| |
|
|
|
|
|
|
Re: الصادق ولدو رهينة عن الكيزان لمن يلقى طريقة يخارجو (Re: عبدالعزيز حسين عبدالرحيم)
|
ما قلت ليك يا عبدالعزيز، لكن اختصارا كده ممكن اقول ليك انو مستوى ذكاءك ما بفرق كتير من حيث "التدني" عن مستوى سلوكك ولغتك البتستخدمها
هسع بوستي دي علاقته شنو بالبوست بتاع مساندتي لفكرة وحدة المعارضة؟؟
البوست داك بتكلم عن المعارضة ككل، دون تفاصيل who is who
هذا البوست بتكلم تحديدا عن موقف السيد الامام الصادق المهدي رضي الله عنه من المعارضة
وفيهو اجابة عن السؤال المحير ليس فقط المعارضة في الشارع بل حتى لبعض الانصار لماذا لم يدعم الصادق تحركات الامس او الايام التي سبقتها؟؟
وزي ما قلت ليك مرات انا ما بحب اشرح الفكرة من وراء البوست، لكن عشانك ممكن اديك خيط خيطين
السيد الصادق شخص نزيه، فمن حيث المبدأ لا يمكن ان يدعم متظاهرين ويقول لهم زحفا للقصر وهو يعلم ان ابنه يتبوأ به مكانا رفيعا. فالصادق لو لم يحسم أمر عبدالرحمن ويؤمن مخرجا دبلوماسيا له من الورطة الهو فيها مع الكيزان، لن يدعم الثورة الشبابية.
ولا احد الى اليوم يستطيع ان يبرر لك ماهية وجود ابن الصادق في القصر؟؟ خلاف الكلام الانا قلتو "ان وضعه اشبه بالرهينة" هذا من ناحية
من ناحية اخرى البوست بتحدث، عن وعي الصادق بكامل الصورة، فالصادق لن يدعم المظاهرات و الثورة واقتلاع الكلاب ما لم يعرف او يؤمن للشعب السوداني بديلا، ليس فقط لسد الفراغ الدستوري بل الامني ايضا ثم الاقتصادي والاجتماعي
الصادق يعلم بأن البلاد بها 6 حركات مسلحة + القوات النظامية + الدفاع الشعبي واخيرا ظهرت قوات المجاهدين ودا كله مسلح armed to the teeth
فاي استعجال غير محسوب، سننتهي كالصومال، حيث كل مجموعة مسلحة ستفرض سلطتها على المساحة البتقدر عليها وقطعا لا الصادق يرغب بذلك ولا انا ولا اي زول نصيح طبعا بعد استبعاد الكيزان واذنابهم قصيري البصر والبصيرة.
البوست ايضا يشير، ويقول للحكومة، اننا كمقاومة، نحسب ان حزب الامة والاتحادي وسندهم من كيان الانصار والختمية هم ما زالوا معنا في خندق المقاومة وما زالوا قابضين على جمر القضية، فقط الى حين ان يتم الطلاق بينهم وبينكم فهي مسألة وقت ليس الا وتوفر ظروف موضوعية تجعل من السادة ان يتخذوا القرار الذي سيذهب بما تبقى من عقولكم بعد عملية لحس الكوع والهتاف رسمي والذي تناقلته كل الاذاعات بأن لن يحكمنا لص كافوري في نفس الشوارع التي كان يرقص فيها طربا قبل ايام. "طبعا البشير بكون هسع بسأل في ناسو: والناس الكان بحتو معاي في الهجيج مشوا وين؟
واكون معاك اكثر صراحة، هل انا طائفي؟ لا، هل انا لا ارى الا الحزبين الكبيرين جديرا بحكم السودان للمرة الرابعة؟؟ لا
ودي الرسالة الاخيرة التي اردت ان ارسلها عبر هذا البوست، وهو نقدي للطائفية؟؟
اعتبر نفسي انتمي الى التنظيمات او الاحزاب الجديدة او القوى الحديثة، التي تعتبر ان الطائفية الحزبية كانت عقبة لتقدم السودان سياسيا وبالتالي اقتصاديا وتنمويا ... الخ، لكن هل هم اعداء؟ قطعا لا، بل خصوم سياسيين عاديين، في مسألة الادارة فقط، ولكن نعمل سويا لبناء هذا البلد، ونقدي للطائفية عبر هذا البوست هو للجابة على السؤال لماذا كون ابن السيد الصادق جالسا في القصر يكون سببا في تعطيل قوى جماهيرية كبيرة وتجميدها وتحييدها من حلبة الصراع لمصلحة النظام وليس الثوار؟؟
فهمت هسع انو بوستي دا ما عنده اي علاقة بالهباب الجبتو؟؟
هسع تراجي دخلها شنو؟؟ تراجي شايلا سلاح وحايمة في الخلا وما عندها علاقة بخرمجة ناس الخرطوم دي
| |
|
|
|
|
|
|
Re: الصادق ولدو رهينة عن الكيزان لمن يلقى طريقة يخارجو (Re: AMNA MUKHTAR)
|
سلام استاذة آمنة
قال ليك شنو: ما جبرك على المُر إلا الأمرّ منو
حقيقة انا بعيد من الاحزاب الطائفية وعضويتها، ولا نعلم بالضبط ما كان يدور داخلها خصوصا بعد الانتخابات ولطبيعتها التركيبية، من الصعب التكهن بالاسباب.
ولربما لمصلحتنا ونحن لا ندري، فوجود الابناء في القصر، حقيقة هو ما اتاح فرصة للشباب في التحرك والنظام نايم على حساب انه أمن جانب الانصار والختمية .... ربما؟؟
وما يؤكد كلامي، ان الشباب فعلا بعد دخول الحزبين "قنعوا" منهم وفتشوا درب براهم، وكانت هذه هي النتيجة لحس الكوع نهارا جهارا.
| |
|
|
|
|
|
|
|