|
مرسوم من بورداب الإمارات
|
بهذا يعلن بورداب الإمارات عن تكوين شركة عامة ذات مسؤلية محدودة و قرر مجلس إدارة الشركة المفوض و الذي يتكون من جميع بورداب الإمارات التالي : 1- البدء في تنفيذ المشروع في منطقة حرة ( جبل علي - منطقة مطار الشارقة الحرة - منطقة الحمرية بالشارقة - منطقة راس الخيمة الحرة ... الخ ) و ذلك تجاوزاً لمسألة الكفيل 2- يتكون رأس المال من درهم إماراتي يومياً ( صعبة دي ) من كل عضو في مجلس إدارة الشركة 3- تعيين كل الراغبين في الهجرة الي دولة الإمارات في الشركة بشرط توفير ( درهم يومياً ) من كل شخص يتم تعيينه 4- صرف أرقام هواتف (مميزة) و ذات تسلسل 4- المهاتفة بين أرقام مجلس الإادارة مجانية 5- تعيين 1500 شخص من اي جنسية يراها مناسبة و لا تطلب الكثير لخدمة أعضاء مجلس الإدارة 6- تستقبل هواتف مجلس الإدارة جميع المكالمات من الراغبين للإنضمام من السودان مجانياً 7- صرف سيارة فارهة لكل عضو في مجلسس الإدارة من طراز (BMW-LUXES- و ما شابهها ... الخ) 8- خدمة توصيل الي مطار الخرطوم و من مطار دبي الي سكن يتم تأمينه مسبقاً 9- السكن يكون في أحياء المدن الكبري الفارهة ( الجميرا دبي - ابوظبي الخالدية - ... الخ ) 10- إستقبال الضيافة لمدة ثلاث أيام في فندق برج العرب مع كامل منصرفات الإقامة 11- النثريات تكون بالدولار الأمريكي بعد دعم بورداب أمريكا مساهمة منهم في المشروع 12- تكون هنالك جولة سياحية لتفقد كامل معالم الإمارات في خلال فترة اقلها شهر و الي أن يقول الضيف (كفي ) 13- كامل تكاليف و منصرفات الإقامة و بطاقة العمل و تأمين رخصة قيادة يدفعها مجلس الإدارة 14- صرف أثاث من افخم المحلات التجارية في الإمارات لكل عضو في هذا الكيان 15- يتم صرف هاتف نقال لكل عضو و يتم تجديده عنوة و إقتداراً كلما ظهر موديل جديد لمواكبة النقلات التكنولوجية 16- يتم سفر كل من لديه الرغبة من الخرطوم الي الإمارات علي أفخم الخطوط الجوية و في الدرجة الأولي 17- تصرف لكل عضو في الشركة ملابس من الماركات العالمية كل إسبوع بدلة ( او ما يشابهها) 18- يتم صرف بترول للسيارات من كيان المؤسسة تفادياً للمنصرفات التي قد تثقل كاهل الأعضاء 19- إشتراك في قناة الجزيرة الرياضية و قناة الشو تايم و كل القنوات التي يرغب فيها الأعضاء مجانياً 20- توجد سيارات فارهة للنقل الجماعي من المكتب أو السكن الي المسجد لأداء الصلوات و الدروس و المحاضرات الدينية 21- إشتراك شهري مجاني لكل عضو في أفخم صالات الرياضة و المسابح و دور الرياضة 22- يوجد مساج يومي بأيدي اسيوية متخصصة 23- توجد قهوة أثيوبية و مطاعم تحوي كل الوجبات العالمية المشهورة و المندثرة 24- يتم توفير عدد 15 خادم و خادمة لكل زائر لتلبية متطلباته داخل السكن و أثناء العمل 25- يتم صرف بدل إجازة كل شهرين مرتب سنة و تذاكر سفر و عودة الي أي بلد يختاره العضو 26- 27- 28- 29-
لمذيد من الإقتراحات و التواصل في إنشاء الكيان والله الموفق أقول قولي هذا و أسالكم العفو و العافية.
|
|
|
|
|
|
|
|
Re: مرسوم من بورداب الإمارات (Re: أيمن الطيب)
|
ايمن الطيب إنت بس بتعرف تقعد في (JBR) وقت أخوانكـ يجو من السودان تعمل نايم ؟ أمرق دراهمك و ريالاتك القطرية دي
_ جزاكـ الله خيراً علي كمية اليخوت التي تبرعت بها للأعضاء في المؤسسة أعلاه و قد تم البدء في مشروع سكن أعضاء الجمعية في جزر العالم وسط الخليج و وصلنا طلب الموافقة و بدء الشحن للطائرات العمودية الخاصة بالكيان الله أكبر ولا نامت أعين الحاسدين . سيرو و عين الله ترعاكم.
| |
|
|
|
|
|
|
Re: مرسوم من بورداب الإمارات (Re: فيصل نوبي)
|
Quote: طلحة عبدالله أول المتبرعين تكاليف الإقامة لأول منضم للكيان بفندق و منتجع أتلانتيس في دبي
|
وحاة خوتك المافيها فائدة يا نوبي لو عندي تلاتة ألف دولار أستضيف بيهم زول في الحاجة الفوق دي لليلة واحدة كان مشيت بقيت رئيس نادي المريخ .. ياخ دي جمال الوالي ذات سيلف ما ح يعملا .. تقول لي شنو ومنو ؟ أقول قولي هذا وآمرك أن تقوم تلف كد واللا كدا .
| |
|
|
|
|
|
|
Re: مرسوم من بورداب الإمارات (Re: فيصل نوبي)
|
بالله انا لحدت نمرة 3 قايل الزول دا جادي! دي حالة دي!
ثم أنو أي مجلس إدارة لازم يكون عندو رئيس
شوفو رئيسكم منو؟! عشان اقدر اخاطبو طوالي، وممكن أوفر ليهو طائرتي الخاصة يجي بيها مناسباتو في السودان!
ود الزين رئيس بورداب جبرات والصحافات
______________ شايف في تعديلات في المشاركات..ومن شكل الكلام المكتوب في نفس المشاركات استنتجت انو الموضوع عندو علاقة بشكل الحبوبات وناس ما جاتني في عرس ولدي الخ :)
| |
|
|
|
|
|
|
Re: مرسوم من بورداب الإمارات (Re: Hani Arabi Mohamed)
|
Quote: بس رجاء ما تنسوا انكم كنتم في يوم من الايام معانا في السودان الجميل واكيد حترجعو في يوم من الأيام تاني لو ربنا أمد في العمر
|
أيوة يا هاني واصل رشك ولا تاخذك بهن رأفة ولا أية حاجة وبالله الجماعة ديل لما يرجعوا دخلن في بالونة كبيرة وأملاها غاز واللا نشادر.. ديل عالم ما تجىء لا بالجزمة ولا بالسفنجة ولا حفيانة . هسع بالله يا فيصل نوبي دا بوست تكتبو دا ؟؟؟؟ مع كامل تضامني مع هاني ضد هولاء المجردين من الحاجات الحلوة .
| |
|
|
|
|
|
|
Re: مرسوم من بورداب الإمارات (Re: طلحة عبدالله)
|
يا هانى عربى سلامات ياخ..Quote: لا من بورداب الإمارات ولا مرشوش |
زيو وزى ناصر الأمين ديل زاتم زيارة زيك كدا فااا شنو ..
رشهم رشهم كلهم ولا تستثنى منهم أحدا..
وما تاخد الموضوع شخصى,,
إنت زعلان فهمنا لكن كلامك شيييييييييييييين لكن برضو رشهم..
إقامة سعيدة فى أمارات الخير,,
| |
|
|
|
|
|
|
Re: مرسوم من بورداب الإمارات (Re: Hani Arabi Mohamed)
|
Quote: لمساندة ممكن تكون بأقل شيء.... بمقابلة خمسة دقايق. بمكالمة تلفونية مشجعة. بمعلومة عن توفر فرصة في مكان ما ... أو بتوجيه نحو مدينة محددة أو نحو شخص معين. أو بأي شكل من أشكال المساندة. أو بدعاء للخالق عز وجل |
اللهم بلغ المقاصد و أعفو عننا و عن أخونا هاني إن أساء الظن بنا يا الله
_
Quote: بدعاء للخالق عز وجل في ظهر الغيب |
| |
|
|
|
|
|
|
Re: مرسوم من بورداب الإمارات (Re: فيصل نوبي)
|
ياخي أنا السنة الفاتت جيت الأمارات وقعدت إسبوع بين دبي وأبوظبي وكنت متوقع البورداب حيلاقوني في المطار بي لافتات وياخدوني برج العرب ولكن مافي زول عبرني لحدي ما عدت أدراجي مع العلم بأن رحلتي كانت شبه سرية وغير معلنة وما في زول من بورداب الأمارات عندو بيها خبر لكن كنت عشمان إنو الحاسة السابعة بتاعت ناس فيصل نوبي تكون شغالة ويشمو ريحة زول من سودانيز أونلاين ويجوا يلاقوه
فيصل وهانئ سلام
صحي لوم هانئ كان منفعل وشين ودا يمكن من كثر عشموا في البورداب ولكن يفترض دائما يجد الإنسان لإخوانه العذر ولا نعرف ظروف الناس
ياهانئ إنت كنت تنسق مع أحد من الشباب العلاقتك بيهم قوية قبل السفر وهو أكيد كان بيقوم بالباقي ويتصل بالشباب ويلمهم ليك وعادة دا البحصل لكن مجرد فتح بوست وأنا يا بورداب الدولة الفلانية جاييكم ما بكون شئ ملزم ويستحق اللوم
| |
|
|
|
|
|
|
Re: مرسوم من بورداب الإمارات (Re: طلحة عبدالله)
|
والله يا فيصل بوست برضه ما سمح
يازول رغم إننا أجانب لكن الامارات ياها دارانا بالنسبة للزوار وهم ضيوفنا وضيفنا لو ساط المويه بالعود حبابه وليه الحق عشان كدا حبابهم
نشكر أي زول يعشم فينا الخير ونتعذر بي الظروف وقسمة ربنا من كمال الواجب العشمان بيه
| |
|
|
|
|
|
|
Re: مرسوم من بورداب الإمارات (Re: عبدالعزيز حسين عبدالرحيم)
|
لا حرم حكيم يا عبد العزيز حسين أيوة خليك مع هاني وكل من ظلمه هولاء المجردين من الحاجات الحلوة.. لكن من ناحية ثانية يا عبد العزيز حسين فهاني لم يتعشم خيرا في هولاء المجردين من الحاجات الحلوة وقد قالها صراحة أن صديقه حذره من أن هولاء لن تجد فيهم خيرا ولذلك جابا ليهم من الفرن تولع وقال ليهم إنتوا بتاعين مصالح وناسات وما بتهتموا إلا بالزول العندو قروش وقارىء جامعة وشنو ما عارف ودا الزعل هولاء المجردين من الحاجات الحلوة بمن فيهم سيد البوست والله أعلم .
| |
|
|
|
|
|
|
Re: مرسوم من بورداب الإمارات (Re: طلحة عبدالله)
|
يا طلحة معليش مقدر حنقكم وزعلكم لكن هاني ضيف نقدم البيضا ونبيض نيتنا بدل المحامره
والله يا طلحه برضه ياهو الضيف وما أظن هاني كان صاريها في نفسه بس انفعال منه ساي ووسوسة خطأ
نقعد بالراحه نوقع ليه الحاصل أكيد حا نطلع بي أنطباع طيب منه
ياطلحة أنا متأكد من أنه هاني دا لو قابل الناس ديل حا تكون حالته صعبة ومن هسع ندم وأعتذر من كلامه ونحنا عاوزين نخفف عليه وقع الصدمة الحايلقاها من طيبة وأخلاق الناس ديل وحلاوتهم
غايتو شفت هاني دا لو لاقي ناصر الأمين ما عارف حايسوي شنو ؟
يا طلحه دا سرنا نحنا ناس الإمارات العرفوه زوارنا وقابلونا شخصياً
| |
|
|
|
|
|
|
Re: مرسوم من بورداب الإمارات (Re: عبدالعزيز حسين عبدالرحيم)
|
Quote: يا طلحة معليش مقدر حنقكم وزعلكم
|
دا شنو دا يا عبد العزيز حسين ياخ ؟؟؟؟؟ طوالي جملتني معاكم؟؟؟ أنا لا معاكم ولا بعرفكم ذاتو انتو المجردين من الحاجات الحلوة والذي رشاهم هاني في البوست بتاعو .. أنا مع هاني ضدكم وأسعدني رشو ليكم وأتمني أن لا يتراجع عن رشو دا أبدا كونكم تستحقونه عن جدارة . قال مقدر حنقكم قال .. أنا لا محنوق ولا مزنوق ولا مرشوش فشوف الحاجة دي عن ناس جرجير وفيصل نوبي وما شابه.
| |
|
|
|
|
|
|
Re: مرسوم من بورداب الإمارات (Re: أيمن الطيب)
|
غايتو طلحة و أيمن ديل لم يأتو هنا لحوار ههههههههههههههه
و الله يا نوبي ما قصرت تب، لكين ما عملت لينا برنامج خاص للتجار و الناس العندها قروش!! معقولة ديل نحن نعاملهم زيهم زي اي (رمتاله)؟؟
| |
|
|
|
|
|
|
Re: مرسوم من بورداب الإمارات (Re: عبدالعزيز حسين عبدالرحيم)
|
تقترح +++ شعـــار للشركة :)
يانوبى وطلحة وود البشرى و عفاف وكل بورداب الامارات ياخ والله ماشفنا منكم الا كل زين وان اكتفيتم بما تشاركون به فى هذا المنبر امنياتنا للاخ هانى بالتوفيق هناك وبصراحة هو مشروع بوردابى اماراتى جيد فقط ينقصه معرفة حجم الاندراش فى الغربة عموماً والخليج خصوصاً وحيكون اضافة لبورداب الامارات خصوصاً وانو اعتذر وانتو فيكم من السماحة ما يفيض ..
فى حال اللوقو اعلاه ماظبط كشعار للشركة يحول ليكون مرادفاً للرش والبل الذى لا يباح به
وممكن ياطلحة كان داير ترش جرجير تقطع فيو واحد من ابو 3 صلايب دا بدلا من ان يقوم يلف ويجيك راجع اكثر جرجرة
| |
|
|
|
|
|
|
Re: مرسوم من بورداب الإمارات (Re: احمد الأمين على إدريس)
|
Quote: أيوه يا أيمن مولود في كوبر وساكن هناك تعرف منو ؟؟؟ |
جميل جميل يا حبيب ..
يا هانى بعد الإعتذار الجميل دا...
عليك الله ود كوبر دا رشو رشة (أسلية) ومعاهو ود برى التانى داك,,
,,
قالوا واحد إغترب فى قطر وبعد تلاتة يوم بس الجماعة جو لقوهو مشخبط ليهم حيط البيت: (أقول شنو )واليوم البعدو كتب (ألم الفراق) والبعدو (يارمال حلتنا) والبعدو( مطارات الوداع)
والبعدو الجماعةرجعو من الشغل لقوهو كاتب ليهم (يأخوانا العفو والعافية أنا كان قريب بكون قاطع المالح وقريب من مطار الخرطوم شتاااااااااااااات يا..........)
تحياتى ,,
| |
|
|
|
|
|
|
Re: مرسوم من بورداب الإمارات (Re: Hani Arabi Mohamed)
|
نوبى فى واحدة من رحلاتو الماكوكية من المطار الى برج العرب لنقل ضيوف البورداب ... ما تسمع الايفون والفصاحة ويغالط فى سمارت انا دا تلفونو بيان بالصور !
الرجاء من الضيوف اضطحاب الاطفال ,,, ما بنديهم عوجة ولا بيغيبوا عن العالم الافتراضى !!
| |
|
|
|
|
|
|
Re: مرسوم من بورداب الإمارات (Re: عبدالكريم أحمد الامين)
|
Quote: القادم من السودان لا يريد منكم توصيلاً من المطار ولا سكناً ولا إقامة ولا درهماً .. لم دراهمك عليك لانو واضح انه فراقها حار :) |
** !!!!!!! **
Quote: اطمئنوا . لن نطرق بيوتكم ولن نبحث عندكم عن شيء من مادياتكم . فالحمد لله ربنا ساترنا. |
** !!!!!!! **
Quote: لكن جميل جداً أن تتحدثوا وتجعلوا كل بورداب العالم والقراء يتفرجوا عن كيفية تعاملكم من من جاء قاصدكم . |
** ولماذا صيغة الجمع ؟؟؟؟Quote: بس رجاء ما تنسوا انكم كنتم في يوم من الايام معانا في السودان الجميل واكيد حترجعو في يوم من الأيام تاني لو ربنا أمد في العمر. |
** هل هو وعيد أم تهديد ؟؟؟؟ ## أغلب الُمُقيميين بالإمارات حضروا إليها نهائياً ,, من الإمارات الى المقابر مُباشرةً ## ** عـــــــــــــجــــــــــبـــــــــى **
| |
|
|
|
|
|
|
Re: مرسوم من بورداب الإمارات (Re: haroon diyab)
|
Quote: ## أغلب الُمُقيميين بالإمارات حضروا إليها نهائياً ,, من الإمارات الى المقابر مُباشرةً ## |
الليله ووووووووووووووووووب يا مولانا ليك ولينا طول العمر .........
هاني غايتو السواها رقدت ...
فيصل نوبي .........
صراحه الاجندة دي مناسبة جدا فى الوضع الراهن ..
| |
|
|
|
|
|
|
Re: مرسوم من بورداب الإمارات (Re: دينا خالد)
|
يا أخت دينا الصور واضحه نحنا ناس قلبها شايفنها
ودالبشرى وطلحه ومعتز ديل ناس ضواحي النت بتاعهم مسروق بي طشت من سلطنة عمان
ما عارفهم كمان زعلانين ليييييييييييييييييييييه
| |
|
|
|
|
|
|
Re: مرسوم من بورداب الإمارات (Re: عبدالعزيز حسين عبدالرحيم)
|
يا عزيز بطل استهبال شايفها كيف ؟ إلاّ تكون انت دينا خالد نفسها او إيميلها سايند إن عندك Quote: [IMG]f1618.mail.yahoo.com/ya/downloadmid=2...lQ&pid=14&fid=Inbox&
|
دي منقولة من الإنبوكس زي ماهي
Quote: ما عارفهم كمان زعلانين ليييييييييييييييييييييه |
الموضوع دا ما قلنا اتقفل يا عزيز مالك عايز تفتحو تاني آكشوالي السؤال مفروض يكون ليك انت: ليه ما زعلت ؟
| |
|
|
|
|
|
|
Re: مرسوم من بورداب الإمارات (Re: محمد البشرى الخضر)
|
هههههاي
Quote: الموضوع دا ما قلنا اتقفل يا عزيز مالك عايز تفتحو تاني آكشوالي السؤال مفروض يكون ليك انت: ليه ما زعلت ؟ |
والله أقول ليك بصراحة ياودالبشرى
أنا كلام هاني ما قريته والله هسع الكلام الجابو مولانا عبدالكريم دا يادوب قريته وكنت ماخد ساتر لأنه العنوان فيه تخصيص لبوردب أبوظبي وخفت قلت الزول دا قاصدني عديل ولأني فاهم الحالة البكون فيها هاني قلت ما أهاجم اخير يفهم الموضوع برواقة
حالة هاني أنه جا هنا في أبوظبي وأبوظبي أنت عارف حالها الايام دي مافي زول فاضي يسلم علي زول والناس كأنهم مبرمجين والبلقى ليه وكت بنوم فيه والناس جاريه المدارس والسفر ومافي برامج ترفيهية غير الحر والهرشة من ناس مواقف الكرهو الناس المرقه والحوامه غير الحاجات التانية الوريناها لي هاني يومياً بنلاقي ناس جايين من السودان أو الامارات التانية وبنشرح ليهم الحاصل وأنه أنسب وكت تزور أبوظبي من شهر اتناشر لحدي شهر تلاته والزول العنده شهر زيارة يوقت من نص اتناشر لي نص واحد ويروس معانا
| |
|
|
|
|
|
|
Re: مرسوم من بورداب الإمارات (Re: دينا خالد)
|
سلامات يا عبدالعزيز ود كوبر..Quote: العنده شهر زيارة يوقت من نص اتناشر لي نص واحد ويروس معانا |
إنت مشيت نهائى شكلك كدا!!!
خلاص يازول شهر إتناشر ما بعيد ,,
حلتكم بمبان تقيل يا حبيب إن شاءالله الأهل طيبين ..
تحياتى
| |
|
|
|
|
|
|
|