الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: ان العيون التي في طرفها حور ( توجد صوره) والبوست للعاقلين فقط (Re: محمد عبد الماجد الصايم)
|
تحية لصاحبة البوست
ود الصايم الله يحفظك من عين الحسود
___
ثم بعد
يا أخوانا بالجد كدا إنتوا العيون ديل ليه بجنن
وليه أغلب الشعر السوداني الغنائي بالذات كله عيون
يعني مسألة العيون ديل البيخليهن أجمل من الشفاه والخدود أو أكثر تأثيراً شنو
سؤال جادي يا حبيب نورة ما تجي تخرمج عليك الله
قول لينا من كلامك الكبار البتكتبوا لمن تكون مصطبح وما بنفهم منه حاجة
بجيكم تاني لمن أفى شوية
| |
|
|
|
|
|
|
Re: ان العيون التي في طرفها حور ( توجد صوره) والبوست للعاقلين فقط (Re: حبيب نورة)
|
Quote: لعزيز عاصم صباحاتك نور وين ليك مده ما ظاهر
ياخي ما تاخذ الموضوع بي جد الزول الشين دا بقوم بصدق ويتعجرف اكتر واكتر |
يا هويدا كيفك
نحنا طبعاً برضو من الناس البتكتلم العيون
وعشان كدا جينا جاريين دخلنا
قلنا نشوف الصور
لكن ما بردتي بطنا لحد الآن
خليتنا نقعد نشوف في الصور العندنا ونتفرج على العيون ونقرأ أبيات الشعر
وما زلنا في الإنتظار
| |
|
|
|
|
|
|
Re: ان العيون التي في طرفها حور ( توجد صوره) والبوست للعاقلين فقط (Re: حبيب نورة)
|
طيب .. المخالفات كالتالي: 1. عنوان البوست للعاقلين فقط .. وتلقى حبيب نورة اول زول مسنتر فيه 2. ود الصايم الشين المضلّف دا .. يكتبو فيه بوستات، وحور وكسّير وووب علي ونحن (أنا وآخرين عشان المسئولية وكدة) بوجاهتنا (المعهودة) دي يتعفّص لينا نهاراً جهاراً 3. بعد ما نستعين بالله ونستثني شناة ود الصايم .. العيون دي هسع وينو الحور ولا الحول الفيها .. دا زول نعسان ساي أقول قولي هذا وانا متخارج من البوست دا .. اي رش بعد داك ما بياصلني
| |
|
|
|
|
|
|
Re: ان العيون التي في طرفها حور ( توجد صوره) والبوست للعاقلين فقط (Re: هويدا شرف الدين)
|
Quote: يا عاطف عمر من ما عرفتك عرفتك زول عاقل ما قايلاك بقيت ذي باقي هولاء عادوك ما بتستاهل بعدين يعني لو مرتو افترضنا بتقرا البوست دا وتتابع ابسط الايمان تطلب الطلاق ولا شنو ومصائب قوم عند قوم فوائد |
هويدا يا صاحبتي إنتي من زمان النسوان بيطلبوا الطلاق لمجرد إعجاب معجبة بزوجها أو بـ ( حوره ) ؟؟؟ أبداً وحياتك تشيل الغليد من مفراكاتا وعينك ما تشوف إلا النور خبتك ...خبتك ... خبتك تدشدش ليك المعجبة وتخليها ( مكسرة ) إسم على مسمى
وتستمر في حياتها مع ( سمير القلب ) في أمانة الله زى الما حصل أيتها حاجة
________________
وبعدين ياخ حتى لو فرضنا قصة طلب الطلاق دي ( الشر برة وبعيد ) في ذمتك في ( بعلة ) عاقلة في الدنيا دي بتطلب الطلاق من زول زي ود الصايم دا ؟؟
| |
|
|
|
|
|
|
Re: ان العيون التي في طرفها حور ( توجد صوره) والبوست للعاقلين فقط (Re: عاطف عمر)
|
ههههههههههه حور مين والناس نايمين الزول النظرو ضعيف لمن يقلع النضاره ياهو عيونو بتبشتنو كده لأنو مابكون شايف أي حاجه بمعنى آخر (مابكون عارف الطفى النور منو) قال حور قال غايتو ياود الصايم اللقيتها في البورد ده تاني مابتلقاها مدة ماحييت . . . . . . . . . . . . . . لكن للحقيقة بك (شيء) من الـ(وسامة)
مؤونة عشرة أعوام من الود
| |
|
|
|
|
|
|
Re: أن العيون التي في طرفها حور (Re: محمد عبد الماجد الصايم)
|
سبحان الله يا هويدا ,,, الزول الشين ده لله في لله كده تريدوا وتشتاق ليه ,,, ياخ تحبو كده كانكم ربيتو في شارع واحد ونطيتو نفس الحيط وقبضتو نفس الطير ,,, زول بدخل القلب توشك ويتحكر وتاني مابمشي ,,, انا خليني البعيد منو ده أسالي اصحابو ناس ود البشري ديل يمين الواحد فيهم بريدو اكتر من روحو
ياخ دي نعمة من نعم ربنا بديها لي ناس معينين وبسيطين زي ود الصايم ده
ربنا يخليك لينا يا محمد ياااخ قول آمين
| |
|
|
|
|
|
|
Re: أن العيون التي في طرفها حور (Re: عاطف عمر)
|
لا والله يا عاطف ما مسالة ضعف لياقة بقدر ما طوّلنا من الطعمية فالحساسية قلّت وكدا اسبوع اسبوعين جكّة جكتين و بنرجّعها إن شاء الله حتى ذلك الحين ادونا هنت هنتين جزاكم الله خير
| |
|
|
|
|
|
|
Re: أن العيون التي في طرفها حور (Re: محمد البشرى الخضر)
|
Quote: حتى ذلك الحين ادونا هنت هنتين جزاكم الله خير |
طيب يا كابتن الهنت الأولى
الهنت التانية
Quote: بعدين قافل بابكـ كـدا ليه ياخ؟ |
الهنت التالتة
Quote: باب " إستعراض المحسنات اللفظية والمهارات اللغوية " |
الهنت الرابعة
" الفيكم إتعرفت ..... "
________________
ود البشرى ؟؟؟؟
معقولة بس ؟؟
| |
|
|
|
|
|
|
Re: أن العيون التي في طرفها حور (Re: صديق الموج)
|
ود الموج
أنا من الصباح مستغرب
بقول صديق الموج دا مالوا ما شايف البوست دا ولا شنو
عارفك الحاجات الفيها عيون وخدود وشفايف دي ما بتفوتها
لكن أخيراً جيت والحمد لله الإتمقلبت وما لقيت ليك اي حاجة تستاكل
__________________
والله كلنا جينا نفتش مافيها حاجة
| |
|
|
|
|
|
|
Re: أن العيون التي في طرفها حور (Re: Asim Fageary)
|
Quote:
عشان البوست ما يمشي الخور ...................................
قدم علي بن الجهم على المتوكل - و كان بدويًّا جافياً - فأنشده قصيدة قال فيها :
أنت كال###### في حفاظـك للـود و كالتيس في قراع الخطوب أنت كالدلو لا عدمنـاك دلـواً من كبار الدلا كثيـر الذنـوب
فعرف المتوكل قوته ، و رقّة مقصده و خشونة لفظه ، وذ لك لأنه وصف كما رأى و لعدم المخالطة و ملازمة البادية . فأمر له بدار حسنة على شاطئ دجلة فيها بستان يتخلله نسيم لطيف و الجسر قريب منه ، فأقام ستتة اشهر على ذلك ثم استدعاه الخليفة لينشد ، فقال :
عيون المها بين الرصافـة والجسـر جلبن الهوى من حيث أدري ولا أدري خليلـي مـا أحلـى الهـوى وأمـره أعرفنـي بالحلـو منـه وبالـمـرَّ ! كفى بالهوى شغلاً وبالشيـب زاجـراً لو أن الهوى ممـا ينهنـه بالزجـر بما بيننا مـن حرمـة هـل علمتمـا أرق من الشكوى وأقسى من الهجر ؟ و أفضح من عيـن المحـب لسّـره ولا سيما إن طلقـت دمعـة تجـري وإن أنست للأشياء لا أنسـى قولهـا جارتها : مـا أولـع الحـب بالحـر فقالت لها الأخـرى : فمـا لصديقنـا معنى وهل في قتله لك مـن عـذر ؟ صليه لعل الوصـل يحييـه وأعلمـي بأن أسير الحب فـي أعظـم الأسـر فقالـت أذود النـاس عنـه وقلـمـا يطيـب الهـوى إلا لمنهتـك الستـر و ايقنتـا أن قـد سمعـت فقالـتـا من الطارق المصغي إلينا وما نـدري فقلت فتـى إن شئتمـا كتـم الهـوى وإلا فـخـلاع الأعـنـة والـغـدر
فقال المتوكل : أوقفوه ، فأنا أخشى أن يذوب رقة و لطافة !
|
| |
|
|
|
|
|
|
|