|
Re: بورداب سودانيز أونلاين (بلندن) يجتمعون اليوم في المدرسة السودانية (Re: ASHRAF MUSTAFA)
|
رجعت متين إنت وجيت كتبت كمان ههههههههه مش خليتك ببيت العزاء ؟ ؟ ألحق يا ناصر ، ألحق يا نبيل أشرف بيعمل خيانات من وراكم محمد هارون غايتو شيل شيلتك معاهو خاتي ليك صورة عجيبة
بالله كمان ما عندكم كيان ههههههههههه البركة فى اللمة غايتو
أشرف مصطفى التحية والسلام ونلتقي عبر هذا البوست لأحكي لكم عن نُبل وأخلاق وشهامة هذا الفتي الأسمر الجميل دا كلو علشان جاب لي كباية قهوة هههههههه
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: نبيل عبد الرحيم)
|
Quote: يااشرف الصور عندى وعند ناصر وهارون ممكن نلقى لك كام صورة لك . كان يوم رائعا وشرفنا أصدقاء البورد وراجعين لكم المودة |
وراجعين دى ما ح تعجب أشرف بعدين يا نبيل ياخ ما تهدد الزول دا ، على حسب لو نزل صور أطالب بتنزيل بقية الصور الفى موبايلك و كاميرا ناصر المحسي وموبايل هارون
لمة جميلة بوجود د.إمام محمد إمام ونصائحه بخصوص الكتابة بالمنبر العام الشكر والتقدير للأفاضل سيف الأقرع ود.صلاح وبقية المجموعة الكريمة التى كان لنا شرف الإستماع لتعليقاتهم ونقاشاتهم الثرة .
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: مها عبد الله)
|
Quote: وراجعين دى ما ح تعجب أشرف بعدين يا نبيل ياخ ما تهدد الزول دا ، على حسب لو نزل صور أطالب بتنزيل بقية الصور الفى موبايلك و كاميرا ناصر المحسي وموبايل هارون
لمة جميلة بوجود د.إمام محمد إمام ونصائحه بخصوص الكتابة بالمنبر العام الشكر والتقدير للأفاضل سيف الأقرع ود.صلاح وبقية المجموعة الكريمة التى كان لنا شرف الإستماع لتعليقاتهم ونقاشاتهم الثرة . |
العزيزة مها د صلاح ؟ هل تقصدى الضوى؟ الصور نازلة لكن أشرف قام بمسح الصور التى فى موبايل هارون
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: مها عبد الله)
|
شكرآ يا مها للحضور الباهي
Quote: لمة جميلة بوجود د.إمام محمد إمام ونصائحه بخصوص الكتابة بالمنبر العام الشكر والتقدير للأفاضل سيف الأقرع ود.صلاح وبقية المجموعة الكريمة التى كان لنا شرف الإستماع لتعليقاتهم ونقاشاتهم الثرة |
لمة جميلة فعلآ وقلت ليكم سيف الأقرع ده عضو هنا لكن الناس ما عارفة لأنه ما بكتب كتير نسيت أشكرك لتكبدك المشقة بالقرب من مكان العزاء لأنك لقيتينا رايحين واصريتي ترجعي معانا المشوار الطويل ده كله عشان تورينا المكان شكرآ ليكي وربنا ينور ليكي دربك ويخضر ضراعك
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: سيف الاقرع)
|
هلا سيف الأقرع الصحفي الكبير صاحب المقالات النافذة للقلوب
Quote: شكرا يا اشرف أنا ظاهر يا اخي لكن في المقالات فقط واحيانا عند اللزوم في المنبر العام ههههههههههه |
ما ظاهر ولا حاجة ههههههههههههههههههههه بل بالعكس غيري انا ماكان في زول عارف عضو لأنو مرة سألتك اذا كنت عضو معانا ومرة شفتك دخلت في بوست بت الاحفاد ويا ريت نشوفك طوالي بيجاي لأنو بالجد الواحد سعيد بوجودك معنا
| |
|
|
|
|
|
|
Re: بورداب سودانيز أونلاين (بلندن) يتلاقون اليوم في المدرسة السودانية (Re: نبيل عبد الرحيم)
|
نبيل عبد الرحيم أخبارك
Quote: الأخ أشرف ماإجتماع بالمعنى الحرفى كانت لمه وتعارف وتشرفنا بوجود خفيفة الدم مها عبد الله وشادية حامد وناصر المحسى و صاحب الدعوة هارون وسيف الأقرع ومحمد أبو قصيصة . يااشرف الصور عندى وعند ناصر وهارون ممكن نلقى لك كام صورة لك . كان يوم رائعا وشرفنا أصدقاء البورد وراجعين لكم المودة |
فعلآ يا نبيل وهو تجمع أو لمة زي ما قلته مها فعلآ مكسب كبير لبورداب لندن وحقيقي ما كنت قايلها اصلا في بريطانيا وسعدنا بيها جدا وكمان سعدت للغاية بمعرفة محمد ابوقصيصة والضيوف الكرام ههههههه حلوة الصور دي كان في صورة لي عند ود هارون لكن خليته يمسحها ياخ ده بيصورك خلسة وعامل فيها حريف والصورة زاتها ما بوريك ليها انا قبل كده نزلت لي صور هنا بالبدلة في مؤتمرات وورش صحفية فما ممكن زول يصورك بالدس ودون رضاك وعايز ينزلها من غير إذن لكن بتلقى صورة ليسن عند ناصر المحسي كان يوم جميل وبالمناسبة البورداب كتار هنا لكن نحنا برانا الكسلانين
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: مها عبد الله)
|
مها عبد الله ازيك
Quote: رجعت متين إنت وجيت كتبت كمان ههههههههه مش خليتك ببيت العزاء ؟ ؟ ألحق يا ناصر ، ألحق يا نبيل أشرف بيعمل خيانات من وراكم محمد هارون غايتو شيل شيلتك معاهو خاتي ليك صورة عجيبة
بالله كمان ما عندكم كيان ههههههههههه البركة فى اللمة غايتو
أشرف مصطفى التحية والسلام ونلتقي عبر هذا البوست لأحكي لكم عن نُبل وأخلاق وشهامة هذا الفتي الأسمر الجميل
دا كلو علشان جاب لي كباية قهوة هههههههه |
هههههههههههههههه البوست ده فتحته قبل ما تغادروا المدرسة السودانية والله كانت لمة حلوة وحقيقي سعدنا للغاية للتعرف عليكم وحقيقي ما كان عندنا كيان سابق لكن قدمك علينا قدم خير وتاني إنشاء الله نكون بورداب منسقين زينا زي باقي البورداب شكرآ للحضور وإلتمسنا فيكي الروح الطيبة الصادقة النقية وخفة الظل والإنسانة السودانية الأصيلة
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: عصمت العالم)
|
عصمت العالم سلامات ياخ
Quote: الاخ اشرف.. والاحباب بجمعكم الكريم... اخبرنى الصديق محمدهارون ولكن ظروف ارتباط اخر لم استطع ان اتخطاه حالت بينى وبين الحضور..ارجو المعذره... دائما اللمه حلوه..والتعارف اقيم وجميل ومريح والفكره نيره..جدا ارجو ان تتكرر وتكون متصله ومتواصله.. ودوريه.. كم اسعدنى كل ذلك.. وارجو لكم التوفيق.. كثافة الاعزاز |
ياخ خسارة انك ما جيت عشان نتعرف بيك كانت قعدة حلوة وكنا نريدها ان تكتمل بيك وبنات خوجلي والدقم ود. محمد بابكر ود. بابكر اسماعيل والكثير جدا من البورداب في لندن وضواحيها شايف هارون شايل ليه يافطة وحايم بيها فيها اسماء البورداب ضروري تتكرر يا عصمت وانشاء الله نشوفك في ساعة خير خالص الود والتقدير
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: humida)
|
Quote: محمد هارون .. شكرا علي المطعم اللبناني .. كل يوم بيغادي ..
|
الأخ الفاضل حميدة ، منور لندن عرفت من الشباب أمس بوجودك لكن أشرف قال إنك سافرت !! ياخي مقصرين معاك شديد ، أولا اللوم يقع علي غالبية البورداب يا ريت ننسق ونلتقي للإحتفال بك بلندن ، يعنى حتى المشغوليات هنالك واجب لازم يقوم به الأعضاء فى وجود أو زيارة أي بوردابي من بلد آخر .
شرفتنا ونورتنا وراجع المسنجر
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: نبيل عبد الرحيم)
|
Quote: الأخ الفاضل حميدة ، منور لندن عرفت من الشباب أمس بوجودك لكن أشرف قال إنك سافرت !! ياخي مقصرين معاك شديد ، أولا اللوم يقع علي غالبية البورداب يا ريت ننسق ونلتقي للإحتفال بك بلندن ، يعنى حتى المشغوليات هنالك واجب لازم يقوم به الأعضاء فى وجود أو زيارة أي بوردابي من بلد آخر .
شرفتنا ونورتنا وراجع المسنجر |
الأخ حميدة طيب سلم علينا فى الأول . لم نسمع عنك منذ مغادرتك لندن وانا قابلتك وزرتنى فى منزلى وقدمت لك دعوة لحضور تأبين ثورة عبود وحضرت وعندما ضربت لك قلت لى إنك فى الطائرة مغادرا . أعتقد إنك قابلت أشرف وهارون وإنشاء الله المره القادمة تتاح فرصة أكبر تلتقى بباقى البورداب. أرسلت لك سلامى مع قريبك فى تأبين وردى .
لك المودة
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: نبيل عبد الرحيم)
|
Quote: ياترى أين ذهب هارون صاحب الدعوة هارون أختفى ؟؟؟؟؟؟؟؟؟
|
العزيز نبيل سلام وتحايا محمد هارون موجود أعتقد عندو مشكلة بالنت ، ضرب لي تلفون يشمشر عن البوست ههههههههههه ، أمس طبعا أقام وليمة على شرفي بمنزلة العامر وبحضور حرمه المصون والأبناء الأحباب سارة وثريا والصغير حمودي ، سعدت بمقابلتهم والتعرف علي أسرة هارون عن قرب ، نفس الطيبة والطبع السوداني الجميل تجده وسط هذه الأسرة الجميلة ربنا يحفظهم يا رب .
حواء سليمان ليك وحشة وكنا بسيرتك ويا ريت بورداب الهامش ( أقصد هامش
بريطانيا ) هههههههههههههه تجتمعوا مع ناس العاصمة والله مشتاقين ليك وأمس آخر قطايع فيك مع هارون ( بوريك الأخبار بالتلفون ) .
العزيز ود البشاري علي حسب لستة هارون رقشة شنو ديل قطر ما بشيلهم والله صحي منورين يا شباب بوست بورداب لندن ، صاحب البوست طشة نعمل شنو مجبورين نرد على الضيوف
أشرف توصيلة أمس دي علشان خاطر يس حنني والله
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: مها عبد الله)
|
هلا مها عبد الله
Quote: منورين يا شباب بوست بورداب لندن ، صاحب البوست طشة نعمل شنو مجبورين نرد على الضيوف
أشرف توصيلة أمس دي علشان خاطر يس حنني والله |
هههههههههههه شكرا يا مها على العتالة وما بتقصري انشاء الله ما تقصر ايامك قولي آمين مشغوليات حتى في الاجازة الطويلة دي وتعب وارهاق غايتو ربنا يسهل شكرا ليكي على التوصيلة وعلى قلبك الطيب ومعدنك النقي
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: نبيل عبد الرحيم)
|
Quote: شادية حامد مع هارون الهارب من البوست |
يا ود يا نبيلو ودهارون ما يهربش أبداً ... بس ما كانش عندي وقت والإنترنيت عصلجت معاي ...
المهم إجتماع لمة ولا لقاء كلو واحد ... طبعاً أصعب حاجة تحاول تلم ناس لندن من غير ما تعمل ليهم حفلة غنائية ...
البورداب داخل مدينة لندن أكثر من 35 شخص ...
حا أنزل ليكم بعض الصور ... لكن صاحبك أشرف مصطفى خايف من صورته ليه مش عارف ...
تحياتي
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: Mohammed Haroun)
|
Quote: حواء سليمان ليك وحشة وكنا بسيرتك ويا ريت بورداب الهامش ( أقصد هامشبريطانيا ) هههههههههههههه تجتمعوا مع ناس العاصمة والله مشتاقين ليك وأمس آخر قطايع فيك مع هارون ( بوريك الأخبار بالتلفون ) |
يا أستاذة حواء سليمان ... صديقتنا الجميلة ... بالله شوفي هسع أنا قاعد قريب من مها عبد الله ... طريناك بخير لأنك إنت اللي عرفتينا ببعض .... تشكري يا ست الكل ..
تحيات أخوك ودهارون
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: Mohammed Haroun)
|
Quote: حا أنزل ليكم بعض الصور ... لكن صاحبك أشرف مصطفى خايف من صورته ليه مش عارف ... |
محمد هارون انت زول ما نصيح ولا شنو..؟ انا كمان بخاف من زول زيي؟؟؟ انا ما بحب انزل صوري في المنبر ده مش على كيفي؟ فما تتطفل ساي بالله لو انا خايف من حاجة ما بنزلهم في الصحف والمجلات..مش كده؟؟ انا من حقي انزل الصور ولا ما انزل,,لكن انت ما تلبد لي تصورني بالدس وتقول لي خايف!!!
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: Mohammed Haroun)
|
Quote: يا اشرف مصطفى سلام
الصورة ما فيهاش عيب أو أي ضرر ... أنا شخصياً ما بنزل صورة ما حلوة لأي شخص ...
وبعدين ما في حاجة إسمها بالدس ...
نحن إلتقينا في مكان عام وأتصورنا أمام الملأ يعني الدس هنا وين!!
المهم أنا إحترمت رغبتك ومسحت صورك من جوالي ... |
ياتو ملأ ديل يا محمد هارون؟؟ أنا قعدت إتصورت معاك؟ أنا كنت بصور بكاميرات الشباب إنت صورتني مرتين بالدس ونكرت لمن انا وريتهم ليك في الكاميرا بتاعتك ياخ أنسى بس كلمة خايف دي ما مقبولة منك وما صاح تجدع الكلام ساي
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: Mohammed Haroun)
|
Quote: خلاص يا أشرف ما تزعلش نفسك ... نسيناها خالص ... المهم المرة الجاية أتمنى أن يأتي غالبية البورداب ونعمل نشاط إجتماعي مشرف أسوة ببورداب المدن الأخرى ... |
يا ود هارون الليلة اللهجة المصرية دي مالها واقعة فيك ههههههه يا زول لا تثريب عليك الهدف هو تجمع البورداب وتوطير العلاقة مش بس صور انا واحد من الناس لمن امشي لمة بورداب ما بحب اكون معروف في الخرطوم الشباب كتر خيرهم عملوا لينا عاملين دائرة عريضة لمن قلتا انا اشرف مصطفى ناس كتيرة اتخلعت لأنو ما شافوني قبل كده على العموم سعدت بمعرفة العديد من البورداب وانشاء الله نتعرف على الباقيين
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: ناصر المحسى)
|
Quote: الاخوة بورداب لندن الزميل حامد محمد حامد جاى لندن يوم 22 مايو فرصة انو نتلم تانى على شرف قدوم الاخ حامد |
يا ناصر سلام
يا ألف مرحب بالأخ حامد محمد حامد ولندن حا تنور ...
زي ما ناقشنا في المدرسة السودانية عاوزين أيضاً نعمل ندوة نتحدث فيها عن دور المواقع الإسفيرية في نشر الوعي والمعرفة ونقل الخبر في التو واللحظة ... وهلم جرا
أيضاً عاوزين نعمل صندوق خيري ندعم به هذه النشاطات وندعم به الأعضاء الذين يحتاجون لدعمنا ... المهم المشارع كتيرة ... بس خلونا نتلاقى في آخر الإسبوع للتفاكر ..
تحياتي
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: Mohammed Haroun)
|
Quote: غايتو طلعتوا زي بورداب المغرب امجاد بتشيلكم كلكم والله صحي () |
يا قريبي أمين البشاري سلام
يا أخي بالغت!! ... أمجاد بتاعة ايييييييييييييه ... كدي شوف البوردابيات أولاً :
- منى خوجلي - مها عبد الله - ماجدة خوجلي - شادية حامد - آسيا ربيع - هنادي عثمان - سهير أبودية - هبة مصطفى - ثروت همت
والقائمة ستطول ... بس خلينا نبدأ أولاً وبعدين تشوف ... جاييك بأسماء البورداب ..
تحياتي
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: ناصر المحسى)
|
قائمة أسماء بعض بورداب لندن: أقول بعض لأنني متأكد أنني لا أعرف كل البورداب في لندن ...
- سيف بشير - عصمت العالم - عبدالله وداعة - دكتور بابكر اسماعيل - دكتور ابراهيم كوجان - محمد هارون فضل الله - محمد أبوقصيصة - عمار عوض - عزالدين طه - أشرف مصطفى - سيف الأقرع - أسعد البرير - نبيل عبد الرحيم - ناصر المحسي - هيثم طه - علي عسكوري - عبد الغفار سعيد - أمين السيد - ذوالنون جعفر - عادل اسحق
بالله أي زول يعرف اسم بوردابي أو بوردابية ما وارد اسمه أو إسمها في هذا البوست فليمدنا به بسرعة الضوء ...
تحيات أخوكم ودهارون
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: ناصر المحسى)
|
Quote: ممكن تضيفو المهمشين الزينا وتكبرو بيه الكوم حاكم شايفة عددكم دا يادووب امجاد وركشتين ، مش !!! |
أستاذة حواء سليمان سلام
يعني نوسع الماعون ونقول بورداب بريطانيا ولا اييييييييييييه ... يا ست الكل نحن بورداب لندن ما قدرنا عليهم نقوم نتشبر سااااااااااكت وبعدين نقبض الريح ..
حبابك إنت معانا لأنه وجودك معانا بجيب لينا النسائم الحلوة ...
المهم الدعوة بعدين حاتكون للجميع ...
تحياتي
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: Mohammed Haroun)
|
Quote: يا قريبي أمين البشاري سلام
يا أخي بالغت!! ... أمجاد بتاعة ايييييييييييييه ... كدي شوف البوردابيات أولاً :
|
محمد هارون ياخ بدل تقسم اللستة خت الناس ديل كلهم في لسته واحدة وممكن تفرق الرجال براهم والنسوان براهم عشان اللستة ما تلخمنا ونقدر نتذكر كل الأسامي بعدين ممكن تخت بورداب باقي بريطانيا في لسته براها عشان نعمل لينا عضم ورقبة تاني مافي زول يسافر زعلان, فبالله نزل لينا لستة شاملة لكل البورداب (لندن أولآ) حتين بعدين باقي الأقاليم...
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: Mohammed Haroun)
|
Quote: زي ما ناقشنا في المدرسة السودانية عاوزين أيضاً نعمل ندوة نتحدث فيها عن دور المواقع الإسفيرية في نشر الوعي والمعرفة ونقل الخبر في التو واللحظة ... وهلم جرا
أيضاً عاوزين نعمل صندوق خيري ندعم به هذه النشاطات وندعم به الأعضاء الذين يحتاجون لدعمنا ... المهم المشارع كتيرة ... بس خلونا نتلاقى في آخر الإسبوع للتفاكر .. |
ده ما ياهو الاجتماع زااااااااتو يا ود هارون هههههه متذكر انك قلت لي بالتلفون انو اجتماع؟ على العموم نحيي فيك روحك الطموحة واتنين زيك يصلحوا البلد
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: ASHRAF MUSTAFA)
|
Quote: يا ود هارون الليلة اللهجة المصرية دي مالها واقعة فيك ههههههه يا زول لا تثريب عليك الهدف هو تجمع البورداب وتوطير العلاقة مش بس صور انا واحد من الناس لمن امشي لمة بورداب ما بحب اكون معروف في الخرطوم الشباب كتر خيرهم عملوا لينا عاملين دائرة عريضة لمن قلتا انا اشرف مصطفى ناس كتيرة اتخلعت لأنو ما شافوني قبل كده على العموم سعدت بمعرفة العديد من البورداب وانشاء الله نتعرف على الباقيين |
عفوآ على الخطأ في هذا المقتبس الذ كتبته سابقا قصدت الشباب كتر خيرهم عملوا لينا رحلة اعتقد في السبلوقة او احدى المناطق الاخرى المهم قعدنا كلنا في شكل دائرة عريضة وقمنا بتقديم انفسنا الواحد تلو الاخر
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: حامد محمد حامد)
|
Quote: شكرًا آخى ناصر شكرًا نبيل الارسنالي الغيور الذى لم يضمن المركز الثالث بعد
شكرًا آخى وصديقي الذى لم أراه بعد اشرف شكرًا هارون والى لقاء قريب اذا مد الله فى الآجال ولو لقينا فرقة نشوفكم انشاء الله |
أخى حامد أتفق معك الصراع على المركز الثالث لم يحسم بعد وصراع عنيف أشد وأعنف من القمة لأن أرسنال 67 نقطة وتتونهام 66 نقطة ونيو كاسل 65 أى الفرق نقطة والمباريات الأخيرة يوم الأحد 13 سوف تحسم المركز الثالث وأنت تعرف إن الفرق هنا من أهدافها المراكز الأربعه الأولى للإشتراك فى دورى الأبطال الأوربى . حيث سوف يلتقى تتونهام على أرضه مع فولهام وأرسنال خارج أرضة مع ويست برميتش ومدرب ويست برميتش هو مدرب إنجلترا الجديد هودجسون وسوف يلتقى نيوكاسل مع إيفرتون الصراع على اللقب سوف يحسم أيضا يوم الأحد مان يونايتد خارج أرضه مع سندرلاند ومان ستى على أرضه مع كوينز بارك لك المودة أغنى لاعب فى العالم؟ وبطولة الدورى الإنجليزى بين يونايتد وستى
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: نبيل عبد الرحيم)
|
شكرآ يا محسي ويا نبيل على الصور
Quote: من اليسار محمد هارون - نبيل عبد الرحيم - وصديق وقارئ سودانيز أونلاين د صلاح أبو نورة |
الزول ده هو: جعفر فضل
وليس قريبي د. صلاح أبونورة بن عم عضو المنبر المعز أبونورة
وجعفر فضل هو أكبر قارئ لسودانيز أونلاين في بريطانيا حسب ما علمت ويعرف جميع الأعضاء بأسمائهم ولكن للأسف ليس لديه باصويرد وياريت الباشمهندس بكرى يععله عضو في المنبر. صلاح أبونورة يا نبيل ده الدكتور الأصفراني (في طولنا تقريبا) , نحيف ولديه صلعة في النص
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: ASHRAF MUSTAFA)
|
Quote: الزول ده هو: جعفر فضل
وليس قريبي د. صلاح أبونورة بن عم عضو المنبر المعز أبونورة
وجعفر فضل هو أكبر قارئ لسودانيز أونلاين في بريطانيا حسب ما علمت ويعرف جميع الأعضاء بأسمائهم ولكن للأسف ليس لديه باصويرد وياريت الباشمهندس بكرى يععله عضو في المنبر. صلاح أبونورة يا نبيل ده الدكتور الأصفراني (في طولنا تقريبا) , نحيف ولديه صلعة في النص |
أشكرك أشرف على التصحيح والمعذرة للمحترم جعفر فضل
| |
|
|
|
|
|
|
Re: بورداب سودانيز أونلاين (بلندن) يجتمعون اليوم في المدرسة السودانية (Re: saif basheer)
|
Quote: دعاني الصديق محمد هارون لهذا القاء ولكن لم اتمكن من الحضور نسبة لارباط سابق لم يكن من السهل الفكاك منه.
كذلك كنت وعدته بتوفير هاتف أسعد ولم اتمكن أيضاً.
آمل أن التقيكم في "لمَّات" قادمات بس ما تكون شورت نوتيس يا محمد.
ولكم أطيب التمنيات |
شكرا يا سيف بشير وكنا نتمنى ملاقاتك والتعرف عليك من قرب والجايات اكتر من الرايحات لو ربنا مد في العمر
| |
|
|
|
|
|
|
|