الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
|
 إبراهيم النعمة (بوست إجتماعي)
|
- الو
- مرحب
-.......
-,,,,,,,,
- اسمع انا ماشي المدينة المنورة، وعندي برنامج مزدحم ......
- عليك بي ابراهيم النعمة، يظبط ليك برنامج زيارات ممتاز ويريحك على الاخر
- منو؟؟؟؟؟
- ابراهيم النعمة
- الـ......
- آآي، هو مجاور في المدينة من اكتر من 15 سنة، واكتر زول فاهم في الزيارات والتاريخ الاسلامي وما شابه
المكالمة كانت مع اخونا معاوية الصايم
|
|
 
|
|
|
|
|
|
|
|
Re: إبراهيم النعمة (بوست إجتماعي) (Re: الشفيع وراق عبد الرحمن)
|
ابراهيم مشهور لدى خريجي مصر بــــــــ"عنكبة" و لو قلت لي زول ابراهيم عبدالمجيد النعمة
ما اظن يعرفو، لكن تقول عنكبة طوالي حيقول ليك: كيف ياخي ده ولدنا.
التحية لابوالعناكب و لاهلنا في روينا ريفي الحوش عن بكرة ابيهم.
و التحية ليك انت ذاتك يا ود وراق مع تمنياتي لك بالقفز من المركب العلي غراق دي يا زول.
| |
|
|
|
|
|
|
|
|
Re: إبراهيم النعمة (بوست إجتماعي) (Re: الشفيع وراق عبد الرحمن)
|
مرحب بيك يالشفيع ........
كنت اول مرة اسمعه في التلفون ........والغريب عندما رايته كنت ظننت اني قابلته قبل ذلك ..........المهم اني لم اعرفه في التلفون ........ز
الو ................مرحب بيك ياخي ....
ـــــــــــوالله ما ظنك تعرفني
قلت والله صح ماعرفتك ولكن تلفوني جديد وربما الارقام لم انقلها كلها ، ولكن صوتك يبدو غريباً
فقال لي ياخي انت مالك معاي ياخي متلحني دائماً ........
كيف يازول ؟
ايو نعم متلحني هو بالله انت في المدينة المنورة ؟ والله كنت عارف انك من خلال كتاباتك انك في السعودية ولكن لم اكن اظن انك بالمدينة المنورة .........
وهنا من خلال ماكتب عن "كتاباتي " بالتاكيد ان الرجل معنا في سودانيز اون لاين .......فقلت له ياخي ممكن اكون متلحك وصاح ، ولكن ما استطيع ان اقوله " وحتي الان لا اعرفه " اني لا يمكن ان اكون قد شتمتك .........
فقال لي صحيح والله ولكن ............
وهنا عرفته بسرعة وبنبرة صوت مرتفعة ايووووووووووواه انت الشفيع بالتاكيد .............
ــــــــنعم انا الشفيع ، وللاسف رفض تماماً الزيارة بالبيت ملوحاً بانه يمكن ان يلتقيني بالحرم او اي مكان اخر ،،،،،،،،،،،لان في مثل هذه الاحوال سيفتح الطريق لزيارات واقارب كثيرون سيؤثرون علي اهداف الزيارة الدينية ......
فكان اخترنا ليلاً مدينياً بهياً اتسمت ...هذه الليلة بالحوارات النقاشات وبعيدة جدا عن المجاملات .....والزيف .
الشفيع يبدو ان تاريخه السياسي ربما مع الاتحادين هو من جعل منه شخص تقدر تختلف منه بدون اي تشنج ....... الا ان لا يخلو من تلاعب سياسي بطريقة الكيزان ......صمته من بوستات وتداخله في اخري علي اساس توازنات سياسية يجيدها الكيزان .......
ولكنه شخص حقاني يقف ضد القتل وضد التعذيب وضد الشتائم حتي ولو كان صناعها قادة في المؤتمر الوطني ........وهنا التقينا بان الشتائم لا تخرج الا من قلة الحيلة وضعف الحجة .......مع الاحتفاظ بالسخرية السياسية لكل حسب درجة اجادته اللغوية ....
يتمع الشفيع بلياقة ذهنية عالية جداً وقدرة فائقة علي ان ينوسك بعيداً عن السياسة فهو متحدث جيد في التكنولوجيا ، ومجتمع السودانين في الغربة وامراض الغربة وتعليم الابناء .......وهي بالتاكيد قضايا سياسية ولكنه يناقشها علي اسس علمية بعيداً عن التعصب السياسي
فمرحب بيك ياصديقي وخصمي السياسي
من الطريف انه عندما رفض المجئ في البيت قلت له بانني علي استعداد ان اوفر لك كوزاً ومن اقرب مكان ههههههههههه
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: ibrahim alnimma)
|
تحياتي العطرة اخي العزيز النعمة ومثلها لاخي الشفيع.........
وفعلا حوش بكري فيه من العجايب الكثير المثير واولها ظاهرة الانطباع الخاطئ وعدم قدرة الحروف والكلمات احيانا في نقل او رسم صورة طبيعية عن بعض الاشخاص وخاصة من من تختلف معهم وعندما تجدهم في الواقع تتفاجاء بسماحتهم وانهم عكس ما كنت تتوقعهم ...او تدهشك حقيقتهم و فتعلم تماما بانك قد رسمت صورة لهم اقل بكثير مما هي عليهم ... تحياتك لكم واتمني لقائكم ان حل قيدي وزرت الحرم هذا العام باذن الله حاجا او معتمر
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: تولوس)
|
ما كنت أتمني أن أضع نفسي في مكان صاحب للبوست ......ليس لتواضع مفتعل وزائف ......ولكن وودت لو اشكر الزملاء الذين غمروني بالحبة .......اولهم بالطبع الاخ الشفيع وراق .....ز
سيف النصر محي الدين حسين نوباتيا وشاكر لك جداً هذا الاطراء .....
وللاخ تولوس كل الحب والتقدير ........واجدد لك ترحابي بلقياك متي ما وصلت المدينة وستجدني علي استعداد بل تواق لروياك ...........وشكراً لكم هذه الكلمات الطيبة بحقي
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: تولوس)
|
الشفيع يا سمح ولماح .........كنت بصدد ان استاذنك نزع صورة بروفايك السابقة واستبدالها باي واحدة تختارها .......والان اشكر لك هذه السماحة بدون ان تكلفني عناء الطلب
فشكراً ياصديقي
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: معاوية عبيد الصائم)
|
بوست إجتماعى ؟!!!
التجاهل ..
التجاهل ..
التجاهل ..
لم يأتوا لحوار إبراهيم ..
وإحتمال ذاتو لم يأتوا لعمره ولا يحزنون .. 
..
إبراهيم النعمة !!
هناك اتنين يعبران عنى تماما فى هذا الاسفير..
ابراهيم النعمة ومحمد نعيم ..
..
الشفيع ده اكتر زول فاهم انو غلط ومتعايش مع الفهم ده..
بدرالدين اسحق اكتر زول فاهم انو غلط وعايش على الفهم ده .. أو "أحسبه كذلك ان شاء الله"
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: تولوس)
|
نعم يا تولوس
دي قيمنا وتقاليدنا الاتربينا عليها
ومن قال الخلاف لا يفقد للود قضية، كان يقصدنا نحن
| Quote: واتمني لقائكم ان حل قيدي وزرت الحرم هذا العام باذن الله حاجا او معتمر |
ربنا يسهل ليك ويحل قيدك
تحياتي
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: الشفيع وراق عبد الرحمن)
|
السلام للجميع ..
هكذا نحن دائمـــــــــا ( وش ضاحك )
تحياتي للجميع ولصاحب البوست .. شهادتي في عنكبة مجروحة
صداقة وعشرة دامت لسنوات بهذه البقعة الطاهرة ..
يا الشفيع .. انا واقف في صف سيف النصر وفي بوستك الاجتماعي
هذا ندعوك الى النظر بعين اخرى لجلادي الشعب السوداني مع كامل احترامي
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: ادريس خليفة علم الهدي)
|
Quote: الشفيع اخوي ربك يقبل وتخلع الكاكي
|
العزيز ادريس
الشفيع من قادة اشهر اضراب فى التلفزيون .فى بداية انقلاب
هولاء الفاسدين القتلة ...وصاحب تجربة فى بيوت الاشباح
انا شاهدا عليها ...
ليوم الليلة انا مندهش لهذا التحول الغريب ...ليت الشفيع
يحدثنا عن ذلك
يازول ما دام عنكبة مطوفك عمرتك بحجة والله اعلم
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: الشفيع وراق عبد الرحمن)
|
بعد الليلة العامرة والنقاش الدسم الاستمر لاكتر من 5 ساعات
كنت متأكد اني (غيرت) شيء، لو ما ابراهيم، زوجته
وصلونا الفندق
وبعد مع السلامة
وبي صوت واحد
قالوا: يسقط البشير وعصابته الحرامية
قلت:حسبنا الله، المجهود كووله ضاع فشوش
----------------
بس يا ابراهيم انا ما ح أياس
زول نضيف زيك ما ح نخليهو يقعد بي هناك
نحن والوطن في حاجة لامثالك
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: الشفيع وراق عبد الرحمن)
|
Quote: ابراهيم النعمة الاسفيري هو نفس ابراهيم النعمة
غاية في التهذيب والتواضع
متمكن في الحوار والجدال
مستمع بدرجة ممتاز |
الشفيع وراق
سلام وتحياتي
ابراهيم النعمة كما قلت واكثر
وطالما أن الشئ بالشئ يذكر كان لا بد من رد الفضل
وذكر هذه الشهادة في عنكبه
لم اراه في حياتي ولم اقابله ابدا حتى أنني تشرفت
برؤية صورته هنا في بوستكـ
كنت قد احتجت لاحد بورداب المدينة لكي يسأل لي
عن شركة في المدينة المنورة كنت انوي التعاقد معها
استشرت بعض الزملاء فقالوا عليك بابراهيم النعمة
لم اتردد في الاتصال عليه بعد تزكية وشهادة الزملاء فيه
لم يخيب ظنهم ولا ظني بالطبع كان حاضراً
من أول اتصال منحني شعوراً بأنني اتكلم مع زول سوداني قح
زول ود بلد وكريم اصل..
كل ما كنت أود ان اعرفه عن الشركة أتى به ابراهيم النعمة
أتمنى ان تجمعني به الايام ونلتقي ونتعارف
..
..
__
ذات الشئ فعله معي معتصم ود الجمام
الذي لم اكن اعرف غيره في المدينة من البورداب
عندما اتصلت بابراهيم كان معتصم في السودان
الاثنين إن شاء الله يوم شكركم مايجي
التحية لك ولهم اخي الشفيع
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: الشفيع وراق عبد الرحمن)
|
يا الشفيع
عنكبة
من الذين يُطلق عليهم جملة (أساس وراس)
وفوق هذا سوداني من نواحي الجزيرة التي كانت خضراء وحولها نظامك (الحالي) إلي (يباب)
أسأله عن كيف كان أول لقاء لنا .. حيث أنني أكبره سناً وتخرجت تقريباً في العام الذى جاء فيه لأرض الكنانة !
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: عاطف عمر)
|
البوست موفق واثار شجوني ....
نزلت السعودية معتمرا ومعي امنية (زوجتي)
ودا كان ايفاءا لنذر قديم لي انا وامنية .
في جدة وجدت الريس ميسرةومنى يونس وعبدالدائم و د.سيف النصروعرفة(الزقازيق )
ومبارك موسى وصديق الطيب (امدرمان)
مع هؤلاءواسرهم صارت جدة غير.....
وكملنا العمرة .
ووجبت زيارة الحبيب المصطفى علبه افضل الصلاة واتم التسليم
وكنت قد تزودت من الخرطوم بتلفون ابراهيم عنكبة
من الصديق الزناتي
والتقيت ابراهيم واسرته الكريمةزوجته ام الحسن وابتاؤه
معهم صارت المدينة منورة مرتين
بالرسول الكريم مرة
وبهم اخرى
بدانا الونسة من المكان الذي توقفنا فيه-
المنصورة ومصر
حلولي ونزار
وشقتهم التي لا ينوقف صوت المذياع المظبوط على صوت القاهرة
والكمرد اجيبا والسفر الجماعي بحلفا -
هكذا بدات الونسة ولم تنتهي حتى ركبت السيارة
مع السائق الشنيقطي راجعا الي جدة ومنها الي السودان
وجاءتني الصور المرسلة منه وهي اللقطات التي اخذناها سويا
(وانا زول امي في انزال الصور هلا انزلتها اخي ابراهيم )
اخي ابراهيم
اخي وراق
شكرا
اخي وراق
شكرا لانك بهذا البوست تنصف شخص
نحبه كثيرا وله عندنا كل الاعزاز
والمودة
محبتي الدائمة
للصديق عنكبة واسرته
ملحوظة :
للاخ وراق
فاتتك حاجة مهمة جدا
في شخصية ابراهيم لم تتعرف عليها وهي المامه
بالجديد
في العلوم من كيمياء وفيزياء(تخصصه)
غير السياسة والاقتصادوالا جتماع والفلسفة
لكما كل الاماني الطيبة
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: مبارك جادين)
|
التحية لإبراهيم النعمه وأسرته
بالغت يا الشفيع بوست أجتماعي لميت فيه كمية كبيرة من بيض الشيوعيين وأحترامي لبعض الأخوان المتداخلين الغير معينين
الحمد لله انه ابراهيم النعمه طلع زول كويس وبفهم بره البورد
طيب ماله فاقع مرارتنا هنا في البورد بي سفسطائته وخرمجته وغلطاته وكل مره مطير لينا عنزه وجايب لينا عصير فسيخ
ياخ دا عذبني جنس عذاب لمن بقيت اخاف منه عديل وبفطو عديل
غايتو الشيوعيين ديل عندهم ميزة واحدة بي السجم الفيهم دا وهي أنهم تواصلهم الأجتماعي كويس جداً
عشان كدا اقترحت ليهم يخلو السياسة ويتحولو لحزب اجتماعي لخدمة الناس والوط
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: عبدالعزيز حسين عبدالرحيم)
|
شكراً كتير احبائي
انا بصراحة في غاية الاحراج
فتحت البوست وكنت قايل نفسي اكتشفت شيء (جديد)
واضح ان للكثيرين منكم تجربة مع ابراهومة
وطبعا ديل فقط اعضاء سودانيز
واكيد غيرهم كثر
عبد العزيز
في جلستنا اطرقنا لـ(اتلاح) البعض
واظن جاء ذكرك انت ود.نجاة
وفي المقابل ذكر لي (اتليحي) لي الاخت/اماني العجب
وانا على يقين تاام ان الكل لا يضمر للكل اي شيء شخصي
ولو قابلت عنكبة، ح تتأكد من كلامي
تحياتي
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: الشفيع وراق عبد الرحمن)
|
والله يا الشفيع من الحق رغم فطارة كلام النعمه لكن هو حقيقة زول مهذب وبحترم محاوريه لكن بفقع مرارتهم بي سذاجته ودي حاجة نادرة عند الشيوعين
مادام جبتو سيرتنا وتليحو لي النبي فيك قول ليه فكني ارحمني انا عندي قولون .... بموت فكني
إن شاء الله لو جيت السعودية ازور ابراهيم النعمه
وابراهيم زول طيب والله بحبه عشان كدا وداه اطيب مكان وهو المكان الاختاره ربنا لأكرم خلقة صلى الله عليه وسلم
اللهم أجعل خاتمتنا في هذه المدينة الطيبة وأرقدنا البقيع جوار نبيك الكرم صلى الله عليه وسلم وآله وصحبه الميامين
اللهم أحفظ إبراهيم النعمه وعافيه وهو وأهله وأبعده من طريقي وارحمني من فطارته ######فه
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: الشفيع وراق عبد الرحمن)
|
التحية أخى الشفيع وتقبل الله الزيارة
والتى كنا نتمنى أن ننال فيها شرف اللقاء
حيث أننا والحمد لله نسعد بالجوار بطيبة الطيبة
على ساكنه الصلاة والسلام .. الكتابة عن الأشخاص دوما تحددها أبعاد
الشخصية وإهتماماتها والتى أعتقد أنك كنت موفق فيها تماما بالحديث عن هذا العزيز
إبراهيم النعمة والذى تشرفت بمعرفته وأخرون أحباء جمعت بينهم الغربة ومحبة الوطن
فيهم كثير من النقاء والإلفة .. لك ولهم مودتى
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: طه كروم)
|
الشفيع (عامل لي اسمك السمح ده) تحياتي واحترامي
جابني الليلة الشديد القوي وهو صديقي عنكبة ، للاسف لم تاتي بجديد بل عرفت لنا المعرف ، فعنكبة زميل دراسة ونضال وصديق عزيز ، لم ألتقيه منذ فترة طويلة سوي بالهاتف من حين لآخر ، ابراهيم فيه سماحة الريفي الجميل ، وصلابة المناضل الصنديد ، ورجاحة عقل المثقف الموسوعي ، وسماحة رجل الدين المستنير ، أخو أخوان وزول جميل ..... وشهادتي فيه بلا شك مجروحة ، التحية ليك لأنك اديتنا فرصة نتكلم عن زول فعلاً إستثنائي . إضافة لكل ما ذكر عن عنكبة فهو ساخر لأبعد الحدود وصاحب نكتة ، بالله ما حكي ليك قصة المصري اللقابلنا في البقالة وقال ليهو شنو ، في معرض حديثه عن هوية السودان .؟
مرة أخري شكر ليك وتحياتي لك ولضيوفك وللمحتفي به ........
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: زهير الزناتي)
|
ابراهيم النعمة
على النعمة احلى زول تتونس معاهو
كنا بنتلاقى فى الاسكايب معانا هاشم ودراوى من استراليا وبدر الدين حسن على من كندا
ونتونس حتى نبكى احيانا لفرط الحب والشوق
ربنا يحفظكم ويغتيكم الاتنين
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: عبدالعزيز حسين عبدالرحيم)
|
عبد العزيز يا حبيب
ما عرفت ارد ليك كيف!!!
قلنا البوست إجتماعي
وثانياً لا علم لي انو ابراهومة (شيوعي)!!
ثالثاً انا ما عندي ايتها (مشكلة) مع الشيوعيين
"برّه" نتونس معاهم ونضحك و "جوّه" نلبعهم ويلبعونا زي الترتيب، وياهو ده السودان وسيظل ،،،،
تحياتي يا غالي
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: الشفيع وراق عبد الرحمن)
|
ما تتحسس ياالشفيع عنكبة ما حا يزعل من المشاغلة دي وما تخجل هو عارف الحاصل شنو
| Quote: وثانياً لا علم لي انو ابراهومة (شيوعي)!! |
غايتو دا بالنسبة ليك ما عالم لكن بالنسبة لي اي زول يجي يدافع عن الحزب الشيوعي واعضاءه وهم البرقعوه ويشكروه بكون شيوعي
في معيار تاني برضه كل ما اشوف لي زول بعوس في فطير طوالي بعتبره شيوعي ومعياري دا اصلو ما جلى
بعدين نسوي ليهم شنو الشيوعين ناكرين نفسهم مره واحده
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: عبدالعزيز حسين عبدالرحيم)
|
Quote: ابراهيم النعمة الاسفيري هو نفس ابراهيم النعمة
غاية في التهذيب والتواضع
متمكن في الحوار والجدال
مستمع بدرجة ممتاز |
تحية وإحترام للرجل المحترم ابراهيم النعمة
واسرته الكريمة المضيافة بالمدينة المنورة على ساكنها السلام
تشرفت وعائلتى بزيارة ود النعمة بداره بالمدينة المنورة قبل اعوام
بهرنى الرجل بهدوئه وادبه وكرمه وحسن وفادته
التحية لزوجه وابنه وشقيقه بالمدينة
ويا إبراهيم طعم العشاء ذاك بدارك سيظل بلسانى حتى الموت
لك الشكر والإحترام ياراقى ياكريم يامهذب
وتحية لوالديك وانت ثمرة تربيتهما
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: Abdlaziz Eisa)
|
الاخ / الشفيع وراق
سلامات ،،،،،،
تعرف يالشفيع من بين اصحابك بيكون صاحب أو اثنين مدخرهم لنفسك ولحظاتك وذكرياتك وابتساماتك العفوية في الطريق وفي مواقفك الصعبة وعند الإشارة وقبل ماتنوم أها إبراهيم النعمة
بالنسبة لي أنا الحاجات دي كلها ، من الخلص الذين خرجت بهم من غربة طالت وصحبة أمتدت عشرات السنين .
شيوعي قروي نقي جميل ،،،،، بشبه كل الحاجات السمحة في دنيانيا ،،،
أجمل من يضحك
أجمل من يتحدث
مثقف موسوعي ،،،
أجمل من يستمع ودأئما بيقول السمع ده حار خلاص ،،،،
وانا عارف حايكون في غاية الخجل من كلامي وكلام الناس الجميل ده لكن أهو الحمد لله عبد العزيز ماقصر وقد عين الشيطان ،،،،،
دم بخير ياعنكبة ياعزيز والله جابني الشديد القوي فاسمح لي ياخي ،،،،
| |
|
|
|
|
|
|
|
|
|
Re: إبراهيم النعمة (بوست إجتماعي) (Re: عمر مصطفى مضوي)
|
الاخوة الاصدقاء الاعزاء تحياتي وتقديري الزائدين علي هذه الشهادات الرائعة واهو الواحد شاف يوم شكرو بدون تسويد المنبر ...........ربما المداخلات الجميلة من الاخ عبدالعزيز هي من صحتني من غمرة الموت .......وانا سعيد جداً بكم ........
تعرف يالشفيع ام الحسن جابت مهاب "عنكبة الصغير "وقالت له تعال لترى صورتك ، وجاء وسط ضجيج وهيجان شديد بان يفسح له المجال ليرى صورته وبعد ان راءها وضحك بابتهاج شديد سالته بتعرف ده عمو منو؟ فقال لي ده عمو سيدنا حمزة .......وهنا ضحكنا جميعاً وفكرت لماذا تصور بان الشفيع هو سيدنا حمزة ........وهل هذا مرتبط بالصورة الدينية لصديقي الشفيع ؟ وهل راءاه يلبس الكاكي ويلوح بالشهادة في هجليج ؟ وهل هو يعرف ان سيدنا حمزة هذا مات شهيد او حتي مات فعلاً ؟
بمناسبة تسمية عنكبة:
استميح القراء ولاخ الشفيع لتبيان سبب التسمية ........وهي عندما كنت برلوماً جديداً بالجامعة اذكر انه طرح علي كل زميل سؤالاً وفي حالة الفشل في الاجابة عليه ، تكون العقوبة بان يذكر نكتة ، واذكر اني تعمدت الخطاء في الاجابة لاني احتفظ بنكتة "راجع كلام الصديق زهير" جديدة وحلوة جداً وهي النكتة المعرفة :
ياشباب الهفلة هقلتكم "الحفلة " العرس عرسكم ومازال الليل تفلاً .......
ياشباب كهربا قطع ، جنتير في وجنتير قطع ماعايزين اي عنكبة عضلات تبش ........
وهنا عرف بتاع الايقاع بطريقته السريعة التي تلي الرمية .......فصاح صاحبنا .........دي عشان تامنو بس .....
وكانت هذه النكتة جديدة وكنت انا اكثر جدة بمصر ......فانهمر الحضور ضحكاً وهنا ومن تلك الواقعة تلبسني الاسم من حيث لا ادري ..........نعم استمد الاسم قوته مع النشاط السياسي وربما طبيعتي في النقاش ، التي يقول عنها اصدقائي اني احفظ حديث الخصم ، وارد عليه حته حته..
وهو مادفع عمنا عمر الخير ان يقول لي بان الواجب ان يسموك meticulous واذكر ان المرحوم الخاتم عدلان عندما قابلته لاول مرة ، قال لي هو بالله انت عنكبة ؟ ياخي الواحد يسمع عنكبة عنكبة ، كنت احسبك تفوق الباب طولا وقلت انا بسبب واحد عضلاته تعمل ليها مليون حساب وحاجة عجيبة ، ثم تجاذبنا الحديث ، فقال لي ياخي والله انت الاسم نهائي ما بشبهك ، فذكرت له سبب التسمية ، فقام صاحبنا قال ياخي لكن الاسم انتشر ، وهنا تدخل عمنا المرحوم التجاني الطيب قائلاً ياخي يبدو ان الاسم قد وجد ضالته فيك لانك تساهلت في قبوله ،فقلت له ياعم تجاني لو قاومت الاسم انت عارف السودانين كيف ؟ سيتمكن مني الاسم وسنتشر ربما باكثر مما هو حادث .........علي كل حال اهو الاسم انتشر وحتي والدي يعرفه جداً ........... ويضحك جداً عند سماعه وكانه سيدخره لساعة ملامة .........
الاخ عبدالعزيز انا سعيد بتداخلك ولك الحق ان ترد علي كل افكاري وكما ارجو ان يتسع صدرك لردي علي افكارك ، وبصراحة انا لا اعرفك ولكن اعرف ما تكتب واحتفظ بحقي في الرد علي افكارك ، واحيطك علما ً وازيدك باني عندما قابلت الشفيع وراق ، كنت اعرف اراءه السياسية وادخل معه في حوارات طويلة وكثيرة ، ولكن لم يصادر حقي في الرد سواء قبل المقابلة او بعدها .......واتمني ان اكون صادقاً ان قلت لك اني ابدا يومي في المنبر بقراءة ما يكتبه موالي النظام قبل ان اقرا للاخرين ، باستثناء كتابات هيثم طه والمشرف واحمد عثمان عمر وكمال عباس سابقاً فانا يا عبدالعزيز دائم القراءة لمن يبكيني اكثر لمن يفرحني ،فقط احمد ربي اني لا ابكي ولا ابصق علي صاحب الكلام ، فقط احاور ..........فارجو واتمني ان تجتهد في تتبعي فانا لا اتضايق من هذه المنحي ،بل ستكون محل حفاوة وتقدير .
ولكم مني جميعاً الشكر الكثير والكبير ......
| |
|
|
|
|
|
|
|
|
 Re: إبراهيم النعمة (بوست إجتماعي) (Re: ibrahim alnimma)
|
قال عنكبه قال !!
تعرف يا ابراهيم مسألة الالقاب دى فيها طرافة وتدمغ الناس بى تفاصيل إضافيه ما انزل الله بها من سلطان ..
وانا أحد الذين لم يعرفوا مطلقا باسمهم الحقيقي .. مطلقا .. اللهم الا فى مجال عملى فى الخليج
وحتى هنا بدأ اللقب فى التسلل .. وعندى هسع اتنين مصريين فى الشغل ما بنادونى الا بى لقبى ..
وانت كويس لقبك ده حزتو من واقعة طريفة أو إثر نكته ..
أخوك لاصق فيهو لقب بتاع كورة من الابتدائي ..
وواصل معاى فى المتوسط والعالى والجامعه وما بعد الجامعه ولى هسع بين الاصدقاء ..
| |
|
|
|
|
|
|
| |
الشفيع وراق عبد الرحمن
سيف النصر محي الدين
حسين نوباتيا
ibrahim alnimma
تولوس
معاوية عبيد الصائم
محمد حيدر المشرف
معتصم ود الجمام
ادريس خليفة علم الهدي
الامين موسى البشاري
هاشم ودراوي
عاطف مكاوى
سيف الدين عوض
اسامه خليفه
عاطف عمر
زهير الزناتي
سلمى الشيخ سلامة
احمد الامين احمد
Abdlaziz Eisa
عمر مصطفى مضوي
فيس بوك
تويتر
انستقرام
يوتيوب
بنتيريست